السلام عليكم ورحمة الله وبركاته :
آنا راح أنظر للموضوع من زاوية أخرى والصراحة كنت متردد أن أقول وجهة
نظري .
المسألة لو ننظر لها من ناحية توفر الأراضي السكنية ولا لأ جان الأمر سهل
مثل ما قلت في وفرة أراضي وفي فلوس ,,,,, اذا شنو المشكلة ؟؟؟؟؟
آنا أعتقد وأكرر آنا أعتقد ان المسألة مو جذيه :
لو فرضنا ان الواحد فينا يقدم على الزواج في سن قريب للثلاثين يعني من
27 الي 32 في البعض أقل من هالعمر وفي كذلك أكثر من هالعمر ,
بعد ما يتزوج الواحد يفكر بأمور تخص زواجه واستقراره فقط يعني لو تدخل
داخل تفكيره ما تلقه غير صورة بيت أحلامه ( اللي بقولي مو كلهم بقوله
الأغلبية ) .
ينتظر الواحد فينا عايش علشان يشوف بيت الأحلام تقريبا 20 سنة,,, الحين
جم صار عمره ؟ الجواب سهل , تقريبا 50 سنة صح .
بس لحظة شوي الريال استلم بيته والحين هو مو بروحه مع زوجته وأولاد
بسن المراهقة ,
يعني طلع من دوامة البيت ودش بدوامة أكبر وهي تربية الأولاد خاصة بهالعمر
يبيلهم مجابل .
بعد ما يشدون اليهال ويكبرون تقريبا جم صار عمره؟ دش بال60 أو ال65 .
بذمتكم بهالعمر الواحد شنو يفكر غير بأمور اسرته .
شفتوا اللعبة شلون : يعني الواحد فينا من دوامه الي دوامه وكلها أمور تخص
بيته وعياله .
( لو نفرض الواحد اليوم تزوج وبعد شهر حصل عالبيت شنو راح يسوي؟ )
راح يفكر بأمور تخص عياله الاصغار مثل مستوى تعليمهم وصحتهم وفرص
المستقبل لهم من عمل وعيشة شريفة وأمور وايد يقدر يتكلم فيها بالدواوين
طبعا الريال فاضي أهم شي وهو الاستقرار حصله الحين يفكر ويناشب الدولة
ويطالب بأمور كثيرة ... هو الحين بسن النضوج الكامل وطبعه حار مو هامه شي الا المطالبات بتعديل أوضاع كثيرة .
الحل بهالريال شنو ..... نشغل تفكيره في بيت وبعد البيت بسنين راح يشغل
تفكيره في مشاكل اليهال الي ما يموت ويفكنا .
سامحوني قرقت عليكم وطولت وطبعا هذي مجرد وجهة نظر ,