( توصيه )

[الصـــــالح]

ياليت اتفيدنه يادودي ابسهم بيان انا متوهق فيه وماني عارف شسوي؟؟ متى الصعود

 

[doody311]

هلا

هلا اخوي صالح , اخوني الاعزاء , انا ما أحب اتوقع السهم وين راح يوصل , دايما اقارن مستويات البيع والشراء , والشارت , ونقاط الدعم والمقاومه وان قدرت احصل على معلومة كوست السهم عند المحافظ والصناديق وأتخذ قرار البيع مو مو اتركها للتنبؤات والتوقعات , قرار البيع يعود للمستثمر ويجب ان يتخذ القرار ,
بالنسبه لبيان ما اقدر افيدك وخاصه ان أغلب كوست المحافظ على سعر 850 وانزل
المال زينه , والسفن سهم مضارب حقيقي مو مستقر ولكن الحاجز عند 380 اشوفه سعر مناسب , والخروج منه عند زيادة 15 % من قيمته في حاله العاديه .
دووودي

 

[doody311]

ملاحظه مهمه

أخواني اصحاب المنتدى والضيوف , التوصيه انا كاتبها من 5 ايام , لحد يشتري السهم متاخر ويعاتب بعدين , انا اضع التوصيه تقريبا بشكل يومي اذا جد شيء جديد , بعض من الشركات تجميع قصير , ومن ثما صعود انشاء الله , والأخر صعود مباشر في نفس اليوم والايام التي تليه . ممكن اقول ان الصوره واضحه ,
دووودي

 

[حكيم الراي]

doody311

اليوم الاربعاء شنو السهم برايك اشترية وابيعة بنفس اليوم ؟
ادري توقعك فقط يهمني . والقرار يرجع لي بالربح او الخسارة .
وانت جزاك الله خير على الاجتهاد .

 

[هامور فقير]

الاخ حكيم الراي انا رايي تبيع وتشتري اذا كان مزاج عماد الصقر عال العال وانت او واسطتك وبالتوفيق انشالله

 

[doody311]

هلا

هلا اخواني الاعزاء , توصيه هااااااااااا المعدات لا طوفكم .

 

[amona]

توصيه في محلها بس ياليتك بجرت شويه

 

[See]

يعطيك العافيه اخوي دودي

علي اي اساس توصي علي المعدات؟

تشكرات

 

[doody311]

هلا

صح ممكن لازم ابجر شويه بس والله الشغل متعب شويه , مو قادر اوفر وقت فيه بس انشاء الله اي توصيه تكون مبجره شويه , بس هااااااا انا ما كتبتها الا انشاء الله فيها خير
دووودي

 

[amona]

الله يرزقفك من اوسع ابوابه يااخوي دودى في مجال صعود اكثر برايك

 

[doody311]

هلا

هلا بكل الاخوان الموجودين . واصحاب المنتدى .

توصيه على بعض الشركات .
الانماء العقاريه
تنظيف
المال العقاريه
معدات ثاني مره انصح فيها

 

[الزعيم1]

هلا بكل الاخوان الموجودين . واصحاب المنتدى .

توصيه على بعض الشركات .
الانماء العقاريه
تنظيف
المال العقاريه
معدات ثاني مره انصح فيها

أخوى دودى جم توقعاتك توصل التنظيف خصوصا في حاجز نفسي مو قادره تتعداه وهو1100........................

المعدات جم توقعاتك لها وهل تنصح شرائها أجل.........................

وشكرا على جهودك المميزه.........................

 

[amona]

اضم صوتي لراعي التوصيه واشوف الشركات المذكوره فيها انطلاقه قادمه

 

[doody311]

هلا

هلا اخوي المتميز التنظيف اخذ وحاسبني ,
المعدات اخذ اجل , ترها تسوى .
توصيه توصيه توصيه توصيه توصيه توصيه
اصـــــــــــــــــــــــــــــــول
ادنــــــــــــــــــــــــــــــــك
الانمــــــــــــــــــــــــــــاء

 

[doody311]

هلا

اخواني الاعزاء , راح اكتب تحت هذا العنوان ماراح اغيره , واللي يحب يتابعني يلقاني على هذي الصفحه و أي استفسار راح ارد على حسب معلوماتي ومصادري الخاصه , بس تحاليل فنيه وغيرها مثل ما قلت من قبل تحصلونها عند الاخوان المتخصصين وبعض الشركات المتخصصه
راح اكتب التوصيات ان شاء الله بشكل يومي .
دوووووووووووووووودي

 

[doody311]

تنويه على المخازن

هلا اخواني , ممكن عندي ملاحظه صغيره على المخازن وهذي من وجهة نظري , المخازن اللي استفاد منها استفاد , ولكن الشركه اهي الرابح الاكثر , من رفعتها 6500 واقدروا يحققون ارباح دون اللجوء الى زيادة راس مال الشركه في توزيع الارباح , من وجهة نظري لحد الحين ما نعرف سعر المقاومه لها , انصح ان لا يستثمر فيها احد لحين اتضاح الرؤيه فيها , والدليل على ذلك ان بعض الشركات التي كانت تمول مخازن في الاجل تم ايقاف الاجل ,’ وعدم تجديد العقود , وهذا ان الشركه لا تريد ان تقامر في تمويل اي صفقه حتى لا ترجع عليها بخساره , هذا يدل على ان السهم لم يستقر بعد , بالاضافه من الاسهم التي خسرت اكثر من 30% من قيمتها بعد التفسخ اي ثقه بعد تبون فيها
صحيح بعض الاخوان راح ينتقدوني وانا مسؤول عن راي فقط مجرد راي
تنويه صغير المخازن راح تشهد تداول حقيقي قبل اعلان الربع الرابع بسبب حسابات لدى الشركه اصحابها ,
دوووووودي

 

[مستثمر صغيروني]

بعد عمري اخوي دودي00 انا والله اثق في كلامك00 ابي كم تتوقع يوصل سهم ادنك_دندوكه_ انا شاري كميه حلوه منه علي 355 بس يا خي مدري ليش متفائل فيه معنا طول الاسبوع نازل وما تنفس الا امس واليوم000 وسهم اصول كم تتوقع راح يوصل وكم تقترح سعر الدخول عليه000 وجزاك الله عنا كل خير يا اخوي دووووودي

 

[MONEY ON FIRE]

المعدات

بسم اللة الرحمن الرحيم​

السيد دودي

المحترم​

تحية طيبة وبعد..

الموضوع(المعدات)​

اخوي دودي الله يعطيك العافية على مجهودك الطيب واللي تحب تفيد فيه اخوانك...احب استفسر عن سعر الدخول بالنسبه للمعدات وكم متوقعلها انها توصل وكم المدة
وتفضل بقبول فائق الإحترام

 

[doody311]

بسم اللة الرحمن الرحيم​

السيد دودي

المحترم​

تحية طيبة وبعد..

الموضوع(المعدات)​

اخوي دودي الله يعطيك العافية على مجهودك الطيب واللي تحب تفيد فيه اخوانك...احب استفسر عن سعر الدخول بالنسبه للمعدات وكم متوقعلها انها توصل وكم المدة
وتفضل بقبول فائق الإحترام

اخي الفاضل اتكلم على استثمار قصير يعني انشاء الله شهر , او بالحد الاعلى تصريحات الربع الثالث يعني اقل من شهر ان شاء الله اخذ وتوكل على الله,
دودي

 

[doody311]

بعد عمري اخوي دودي00 انا والله اثق في كلامك00 ابي كم تتوقع يوصل سهم ادنك_دندوكه_ انا شاري كميه حلوه منه علي 355 بس يا خي مدري ليش متفائل فيه معنا طول الاسبوع نازل وما تنفس الا امس واليوم000 وسهم اصول كم تتوقع راح يوصل وكم تقترح سعر الدخول عليه000 وجزاك الله عنا كل خير يا اخوي دووووودي

ان شاء الله بتعوض خير منه , ثق بكلامي ولا تبيع الا يام اشوف ........... باعوا راح اقولك
خليك معاي وذكرني وانشاء الله باخذ منك دعوه صالحه
دوووووودي