( توصيه )

[ازيرق]

اخوي مكتبي كل يوم رسومات بيانيه بالجمله , وهي من الناحيه بسوق الكويت مالها اي اهميه , وبعدين تبي رسم بياني تكشخ فيه الموضوع , لا يا اخي الكريم , احنا علينا بالناحيه المهمه ومحد ياخذ بالكلام وبالرسومات هذي , صدقني , محد ياخذ بالرسومات البيانيه وشرحها المهم اللي يالس ييصير على السهم الزبده المفيده , انت لو واحد يشرح لك بتقوله عطني الزبده
صانع سووووووووووووق

صح كلامك بورصة الكويت ما تمشي علي الرسومات


انا اتحداك ان اي واحد يقولي ان هلسهم راح يوصل هذا السعر ومنه راح يرتد
يمكن تضبط معاه مرة او مرتين بالصدفة
يبة سوق الكويت سوق تجار والي يقولك تحليل وهلسوالف قولة استريح
هلسوالف تمشي بالبورصة الامريكية مو بورصة الكويت

 

[TechnoFund]

الأخ الصديق : starbucks

طابت أوقاتك بكل حب وود ، ، ،

يقول المثل : ياجبل مايهزك ريح .

يا أخ starbucks مكانك هنا وهناك ، ونحن لا نستغني عنك في حلك وترحالك .

اللـه لا يحرمنا من تحليلاتك الفنية التي حقا افقـتدنها ، ومرة أخرى وجودك هنا ضرورة كما هو هناك .

سلامي للأهل والأحبة ، أخوك مؤشراتي .

أخي الصديق جداً: مؤشراتــــي

بالفعل أنا مقصر في المشاركه في منتدى المؤشر نت - العزيز علينا جميعا -

لظروف خاصه فالمنتديات تأخذ من اوقاتنا الكثير .. والله يعينا معاك يا

مؤشراتي. وان شاء الله نقدم اللي نقدر عليه .. وسامحنا على القصور يا عزيزي

وسلامي للأهل والأحبه، اخوك ستاربكس

 

[TechnoFund]

صح كلامك بورصة الكويت ما تمشي علي الرسومات


انا اتحداك ان اي واحد يقولي ان هلسهم راح يوصل هذا السعر ومنه راح يرتد
يمكن تضبط معاه مرة او مرتين بالصدفة
يبة سوق الكويت سوق تجار والي يقولك تحليل وهلسوالف قولة استريح
هلسوالف تمشي بالبورصة الامريكية مو بورصة الكويت

وجهة نظــــر .. تحتمل الصواب والخطأ ..

من وجهة نظري .. فهي للخطأ أقرب ..

والكل حر فيما يتبع من تحليل أو كلام او مصادر أو اشاعات أو توصيات ...

 

[الخلوري]

ما الذي يحدث بالمنتدى

هل فعلا مايكتب هنا حاليا يكتب بواسطة الاخ دودي والاخ مؤشراتي

هل هناك شئ خافي علينا ، نرجو التوضيح

الخلوري

 

[مؤشراتي]

ما الذي يحدث بالمنتدى

هل فعلا مايكتب هنا حاليا يكتب بواسطة الاخ دودي والاخ مؤشراتي

هل هناك شئ خافي علينا ، نرجو التوضيح

الخلوري

الأخ الصديق : الخلوري

طابت أوقاتك بكل حب وود ، ، ،

نـعـم ، هذا هو مؤشراتي الذي يـقف متـصيدا للهـجمة التي تحدث في المنتدى من عـبث وتـخريب لسمعة المنتدى مما يثيره ما يسمى بصانع وهم .

لو قرأت كل السطور السابقة التي تشيب الرأس ، وقد شاب ، لعرفت أن الهدف من وراء تلك السطور هو شيء واحد لا سواه : إثارة الاشاعة بغرض تحقيق مصالح شخصية ... ومع الأسف كم هو أسلوب رخيص جدا .

 

[ازيرق]

هل تعتقدون بان دودي هو نفسة
123456
و
وراك يابحر - جمانة - السروينة - المختفي - تحرير
؟؟؟؟

 

[doody311]

والله مو فاهم مثلك

اخوي الخلوري , والله كا اعرف شنو اللي مهيج الشباب تابع انت واحكم
انا صرت اسرب الاشاعات , وطنازه علي وشوف كم واحد مجتمع علي ارجوك تابع الموضوع من الاول وحكم انا ما راح ارجع للمنتدي بس ابي اشوف شنو اللى راح يصير
صانع سوق

 

[doody311]

والله العظيم

والله العظيم , ببوي اللي مرقد في المستشفى اني ما كتب تحت اي اسم ولا دخلت اي منتدي لا شات دردشه , ولا شات بورصه غير هذا المنتدي اصلا والله ماعندي وقت للامور هذي , اصلا لو تعرفوني وخاصه اللي يجون البورصه , جان ما قالوا هالكلام , الحمد لله سمعتي الله حافظها لاني اخاف الله صانع سوووووووق

 

[مؤشراتي]

والله العظيم , ببوي اللي مرقد في المستشفى اني ما كتب تحت اي اسم ولا دخلت اي منتدي لا شات دردشه , ولا شات بورصه غير هذا المنتدي اصلا والله ماعندي وقت للامور هذي , اصلا لو تعرفوني وخاصه اللي يجون البورصه , جان ما قالوا هالكلام , الحمد لله سمعتي الله حافظها لاني اخاف الله صانع ×××××××××××

مع تحيات : صانع سـوق

 

[doody311]

مرحبا لكل الاخوه الموجودين في المنتدى , توصيه على الماشي , وانشاء الله يرزق الكل .
الشركات المنتظر لها تداول جيد واللي عليها تجميع
1. الاستثمارات الوطنيه
2.المجموعه الدوليه وايد زينه وسبق نوهت عليها في في الرد على الاخ اللي موظف في البورصه
3.مشاريع الكويت
4.دار للاستثمار
5.صناعات وطنيه
6.عارف
7.المباني
8.المال
9. اتصالات
10.عربي قابضه

التحليل الفني على الاخوان في المنتدى , او من شركة الاوسط للاستشارات

او من جلوبل
والدعوه الصالحه منكم ,.
دووووودي

 

[MH For Ever]

الف شكر اخي دودي

 

[Fayez]

مشكور اخ دوودي ، تقصد التوصية على المواشي؟ وين تتوقع توصل؟

 

[doody311]

هلا

هلا اخوي والله المواشي مالها حس عندنا , ما اعرف
دووودي

 

[BayanoS]

هلا اخ doody

شخبارك انشاءالله تكون باحسن حال

ومبروك الموضوع الجديد وانشاءالله يبقا مفتوح علشان نستفيد من كل توصياتك

 

[مقروده]

شنو تتوقع حق استثمارات الوطنيه وين توصل ومتى واشرايك بتداولها اليوم مو جنه كان يصرف

 

[bo fahad]

مشكور doody311

undefinedلله يجزاك خير يا خوى doody311 على هذه التوصيات وانشاالله تكون متواصل مع اخوانك فى هذا المنتدى المتميز

 

[Ben-Gets]

مافي شارت نشوف الوضع

 

[doody311]

هلا

هلا اخواني هذي التوصيات بالشراء بس مو استثمار طويل شغل يومي شراء وبيع في اقل من اسبوع ممكن فاهمين شنو يالس اقوووووووووول , اذا حصل بيع او خروج من الاسهم راح ابلغكم بوقتها ,
وشكرا
دوودي

 

[حكيم الراي]

الى doody311

ابي رايك بسهم السفن !!!!!!!!!!!!!!!!!!
وهل علية تجميع او تصريف ؟
كثرة العقود والسهم مايهزك ريح !!!!!!!!!!!!!!
والبيع وين ومتى ؟
والله يوفق الجميع

 

[مستثمر صغيروني]

اخوي دودي اشرايك بسهم (المال) انا خذيته اليوم كم تتوقع بيوصل وهل عندك معلومه اكيده عن السهم ؟ والله يجزاك خير