سياسة الداونلود من شركة فيفا هل تغيرت ؟

[RichMan]

السلام عليكم

اليوم تعديت 2 جيجا ومازالت السرعه عالية !! الوقت حوالي الساعه 2 الظهر

 

[IPHONE_6G]

بمناسبة الشركات الحرامية
انا اشتركت في زين ب 13.5 يقول السرعة 1 ميجا تقسيم علي 8 يعني المفروض الداون لود يكون 124 كيلو الواقع ان الدون لود لا يتعدي ال 5 الي 20 و كمان بيقطع كل شوية و طبعا البراوز متوقف تماما لدرجة اننا شغلت الدايل اب عشان اخلص و لما رحت اقلهم انا عايز الغي الخط تاني يوم علطول قالي رسوم الغاء

شغل حرامية

انا عايز رايكم في وطنية ؟؟؟

 

[daryq8]

 

[man.vip]

طيب ياجماعه ليش السرعه تنزل لهذي الدرجه ليش ماتكون النص

لان بهذي السرعه مااقدر اتصفح اي موقع

يعني انطر اليوم الثاني

طبعا الكلام هذا كان لي سابقا اما الان فهو للاخوان لاني ودعت فيفا وان شاء بلا عوده لاني اكاد اجزم انها لن تتراجع عن سياستها الجديده بما ان فيها ربح مادي ممتاز والدينار يغريهم

 

[man.vip]

نسيت اقولكم امس جربت اشتراك اخوي ٢٤ دينار بالشهر وبدون عقد سنوي وحصل نفس الامر حتى ما كمل وياي ١ جيجا ونزل ١٠ كيلو

سياسة العداله

 

[man.vip]

السلام عليكم

اليوم تعديت 2 جيجا ومازالت السرعه عالية !! الوقت حوالي الساعه 2 الظهر

الظاهر عندك واسطه بفيفا

 

[المهند العربي]

السلام عليكم

اليوم تعديت 2 جيجا ومازالت السرعه عالية !! الوقت حوالي الساعه 2 الظهر

اخوي انا عندي شريحتين وحده 24 دينار بالشهر والثانية 18 دينار والاثنين ما تجاوزا 2 جيجا منذ بداية هل سياسة الغبية ....

 

[G E E K]

يجماعه وبعدين وياهم والله مصخره النت بالطريقه هذي ودام الاشتراك بوعقد ومن غير عقد نفس الشي اتوقع مشكله عندهم والا ضغط ؟؟ السؤال لمتى هذا حالنا ؟؟ مالي خلق ادق اقدم شكوى كل يوم داق وشارح للموظف من اول يديد ونفس النتيجه ؟؟

 

[man.vip]

يجماعه وبعدين وياهم والله مصخره النت بالطريقه هذي ودام الاشتراك بوعقد ومن غير عقد نفس الشي اتوقع مشكله عندهم والا ضغط ؟؟ السؤال لمتى هذا حالنا ؟؟ مالي خلق ادق اقدم شكوى كل يوم داق وشارح للموظف من اول يديد ونفس النتيجه ؟؟

هذي سياسة الشركه الجديده

التطفيش !!!

مثل ماتفضلت اخوي الاغلب يقول مالي خلق اقدم شكوى وكل يوم اعيد المسلسل المكسيكي لموظف جديد!!!

الحل هو المقاطعه وخلوا الانترنت لادارة الشركة وموظفينها واعتقد البديل متوفر وبعروض مغريه بعد ومعامله طيبه واحترام لعقل العميل وعدم استغلاله واستغفاله

 

[fss911]

لازم مانوقف ويمر الموضوع مرور الكرام لازم انتصرف

 

[عصام مينيا]

وداعا لفيفا

 

[AL-AMIR]

تبؤن الصج

لا فيفا ولا وطنيه ولا زين

ما ادري وين اروح كل ما اروح شركه تطلع حراميه

لو يصيرون نفس السعوديه حتي زين بالسعوديه الانترنت مالهم سنع لان وراهم ناس تحااسب

مو حنااا بس ندفع فلووس

 

[آلأناقة]

موفقين خير

 

[171]

ياخوان اليوم ما سويت داو لود شوي بس
أقل من نص قيقا
اليوم الصبح بس سحبت حلقة جون ستيوارت the daily show

الحين السرعه عندي طول الوقت أقل من 10 كيلو

 

[171]

زادت شوي
مره تصعد السرعه الى 60 و مره ترجع الى 7 كيلو

 

[daryq8]

وصلتني للتو

معترفين بالمشكلة ولكن التضليل سياستهم مايقولك في مشكلة لا
يقول تطوير وعملينا العزيز

وقبلها تعال صدرت فاتورتك على شنو ماستفدت من النت !!!!!!!!!! بدل مايقولون الشهر هذا فري لين تنحل

 

[عابر المحيطات]

وانا اقووووووول ليش النت صاير مرات طيارة ومرات بطيييئ ايا ملاعين وانا اتابع مسلسل على النت حلقه حلقتين ويصير بطييييييييييييييئ حيل حيل لدرجة اني كرهت النت بكبره

العن خيرهم دبسونا بعقد سنتين من بكره رااايح افصل الخط . شركة نصابه تستغفل الناس علني

 

[علي العجمي]

يا طول سالفتي مع فيفا وتطنيش موظفينهم والدعم الفني وقسم الشكاوي وبلاويهم بكتبها لكم هني إذا فضيت بالتفصيل الممل .

يا اخوان سياسة ال 2 قيقا على كل الاشتراكات ولا بس على 7.2 ؟
اشتراك 21.6 نفس الشي ولا الداون لود فيه مبطل ؟؟

 

[man.vip]

يا طول سالفتي مع فيفا وتطنيش موظفينهم والدعم الفني وقسم الشكاوي وبلاويهم بكتبها لكم هني إذا فضيت بالتفصيل الممل .

يا اخوان سياسة ال 2 قيقا على كل الاشتراكات ولا بس على 7.2 ؟
اشتراك 21.6 نفس الشي ولا الداون لود فيه مبطل ؟؟

حياك الله يالعجمي

ننتظر سالفتك مع الشركه ويفضل تكون بموضوع مفصول حتى يطلع عليها اكبر عدد من الاعضاء وفي هذا الموضوع ضع لنا الرابط،،

وبخصوص سؤالك الصراحه انا ما جربت هذي السرعه ولكن اعتقد بان السياسه وحده على جميع خدمات الشركه وان شاء الله الاخوان الي جربوا يفيدونك

 

[foxmind]

ياخوان اليوم ما سويت داو لود شوي بس
أقل من نص قيقا
اليوم الصبح بس سحبت حلقة جون ستيوارت the daily show

الحين السرعه عندي طول الوقت أقل من 10 كيلو

هلا فيك

عزيزي الشركه ماعاد نثق فيها ولا نقدر نتعذر لها باي عذر وتجربتنا معاها اثبتت هالشي