بيت التمويل الكويتي ش.م.ك (بيتك)

[المشعان2]

ماتم خلال الاسبوع هو التصريف على 1060السؤال السهم وين رايح !!!

صج وين المطبليين للسهم وينهم غايبين عسى المانع خير

 

[ابواسامة]

ما اتوقع انه اللي صار تصريف !!!
والدليل انه
١- يعرض ٩مليون سهم ١،٨٠فلس وهذه مو طريقة اللي يبي يبيع
هذه طريقة اللي يبي يضغط على السهم
لم تشوف الكمية المعروضة تقول ابيع احسن
٢-بيع ٢٥٠٠سهم ب١،٤٠ يدل على انه متعمد في آخر ثانية يبي يسكره نازل ٤٠فلس
والله اعلم !!
٣- الأخ المحلل علقم قال إنه السهم مؤشراته ممتازة وبصراحة أنا أثق في تحليلاته
والضغط مستمر على اسهم معينة .

والسلام ختام

 

[سيف العدل]

انا اعتقد انه لولا ان البنك حكومي وتصرف فيه الرواتب الحكومية الخ الخ الخ

لكان البنك اعلن افلاسه لانني اعتقد ان المصيبة التي وقع فيها البنك وانكشف على مجموعة عارف وما خفي اعظم ؟؟؟؟؟

ويبقة بنك حكومي ويجب على الحكومة ان تدعمه والا سيكون هناك كلام اخر

هذه وجهة نظري وليست دعوة للبيع او الشراء والله يعوض الجميع

 

[ابو تاصر]

والله غريب اخذالمخصصات آخاف انه في شي صايرولم يعلنو عنه لأنهم لايعلنون الالما يطيح الفاس بالراس ارجوالانتباه

 

[SA7AB]

ليش يضغط على السهم
واهوه يبي يبيع اسهم الخزينه
9 مليون عارضها ليش
يبي يطفش الناس
مو اسلوب حضاري
وين هيئة المال تضع حد للمارسات هذي
انا اعتقد بيت التمويل راح يكون من الذكريات
دام اللي يدير المحفظه مو عارف الله وين قاطه

 

[المشعان2]

بيت التمويل مقبل على غربلة بسبب اخفاقاته في القروض المتعثرة وقد تسقط رؤوس كبرى فيه ولكن المصيبه ان البعض ممن يديرون البنك ومن هيئة الاستثمار حولوا البنك الا ادارة حكومية فيها من الفساد الكثير والمحسوبية والفساد المالي لذلك نحتاج تدخل من مجلس الامه لسؤال البنك عن مصير 250 مليون دينار لقرض عارف من المسؤول عنه ووين راحت الفلوس !!
للعلم ان البنك امام تحدي في قيمه سهمه خلال المرحلة القادمة اما الصمود فوق الدينار أو كسر الدينار ليستقر عند سعر جديد دون الدينار لتهئية النفسية لخسارة البنك لوضع سهمه الديناري !!
لازلت عند سؤالي وين المطبلين للسهم وين الموظفيين !!

 

[المشعان2]

ولازال السؤال قائم وين الاعضاء المطبليين للسهم ليش غايبين عن موعوايدهم العادة كل صغيرة وكبيرة ينقلونها والشي الاسود يخلونه أبيض والابيض يزيدونه بياض حتى يعمون العين من التطبيل !!

 

[FuXur]

السلام عليكم
ممكن تحليل للسهم وشكرا

 

[المستكشف]

السلام عليكم

بالنسبة لبيت التمويل الارباح للربع الاول قبل المخصصات تقريبا 73 مليون يعني المشكلة من المخصصات المصيبة يقولون ان بيتك عليه مخصصات 600 مليون يعني يبيله 3 سنوات حتى يتعدل وضعه وهذا رابط جدول لمخصصات البنوك للربع الاول 2011 ونلاحظ ان بيتك هو الاكثر

http://www.alqabas.com.kw/Photo.aspx?id=568576

 

[Cigar_70]

النسبة المرهونه / طريقة المساهمة كبـــار الـمســـاهــميــن / النـســـبـة

‏-- / مباشــرة الــهيئــة الـعــامــة للاســتثمــار / 24.08 %‏

‏-- / مباشــرة الــهيئــة الـعــامــة لشــئـون القصــر / 10.48 %‏

‏-- / مباشــرة الأمــانــة الـعامــة للأوقـــاف / 8.29 %‏

‏-- / غير مباشــرة المؤسسة العامة للتأمينات الاجتماعية / 5.59%


لمعرفة ما مدى تغير الملكيات مستقبلا ....


المؤسسة العامة للتأمينات الاجتماعية / 5.62%..............+زادت اليوم حصة التامينات

وايضا زادت نسبة التامينات بشكل طفيف


النسبة المرهونه / طريقة المساهمة كبـــار الـمســـاهــميــن / النـســـبـة

‏-- / مباشــرة الــهيئــة الـعــامــة للاســتثمــار / 24.08 %‏

‏-- / مباشــرة الــهيئــة الـعــامــة لشــئـون القصــر / 10.48 %‏

‏-- / مباشــرة الأمــانــة الـعامــة للأوقـــاف / 8.29 %‏
‏-- / غير مباشــرة المؤسسة العامة للتأمينات الاجتماعية / 5.63%

 

[Shadow123]

لإنشاء وإنجاز وصيانة نادي البولينغ بالسالمية

«المدير الكويتي» التابعة لـ«بيتك» توقع عقداً مع «الشباب والرياضة» بـ 12.1 مليون دينار

وقعت شركة «المدير الكويتي» لإدارة المشاريع العقارية التابعة لبيت التمويل الكويتي مع الهيئة العامة للشباب والرياضة عقد مشروع إنشاء وإنجاز وصيانة نادي البولينغ بالسالمية بقيمة 12.149.000 مليون دينار ويعد المركز الرياضي الأكبر من نوعه على مستوى المنطقة في هذه اللعبة.
وقال ابراهيم الصقعبي المدير العام لشركة «المدير الكويتي» القابضة في تصريح صحافي إن المشروع يمثل خطوة مهمة في توجه الشركة نحو تنفيذ مشاريع كبرى برؤية عصرية ومواصفات عالمية، فتم اعتماد تصميم معماري مميز وفريد من نوعه، يبدو فيه النادي على شكل هرمي يكتسي بالزجاج والألمنيوم من الخارج، وحرص النادي الكويتي للبولينغ على ان يمثل هذا الصرح اضافة معمارية وهندسية وحضارية تعكس الوجه المميز للكويت وتجعل منه علامة مهمة لمنطقة السالمية، ومرفقاً مهماً من المرافق الرياضية للدولة.

 

[FL00S]

السلام عليكم ورحمة الله وبركاته,,,
ياجماعة الخير نحتاج توضيح وتحليل من الإخوه حق هالسهم, نبي نعرف شنو االي قاعد يصير ؟؟؟
سهم معقد و ممل , والله كرهت هالسهم شريته علي 1.080 وتحسفت.
نرجوا من الاخوة الكرام ان يفيدونا بأخبار وتحليل للسهم. ولكم منا جزيل الشكر والتقدير.

 

[المشعان2]

لاحضوا ان المطبليين للسهم يوم كنا نحذر من القادم اختفوا فجأة من اعلان الارباح المخيب للآمال ومن نزول السهم ماعاد شفناهم عسى المانع خير !!!

 

[ابواسامة]

الناس تتهمنا بالتطبيل !!!
لكن نقول لهم إذا السهم صعد كلمونا !!!
صانع السوق يبي يكرهكم بالسهم !!

وهذا ما نجح فيه !

 

[المشعان2]

واذا طب السهم على وجهه نكلم منو !!
واذا تبع بعض الناس المطبليين وضاع حلالهم نكلم منو !!
واذا كان البنك من اكثر البنوك اخذ للمخصصات ونصح الكثير بالتريث ووجد من يطبل للسهم نكلم منو !!
واذا كان في شخص مطبل شهير بالمنتدى قال بالحرف الواحد أنا خذيت بالسهم 1060 يعني بوفيت داش بالسهم يعني والسهم طب على وجهه نكلم منو !!
واذا وجد ناس ماتستحي 24 ساعه موجودة بالمنتدى وظيفتها كل صغيرة وكبيرة عن البنك تحليها في جريدة أو قناة حتى لوخبر بجريدة الوسيط تحطه ولما قوع السهم اختفت فجأة نكلم منو !!
سهم بيتك دخل غرفة الانعاش بانتظار المنقذ التامينات أو صناديق الحكومة لحفظ وجهه أو الاتجاه لما دون الدينار فقط في حال كسر 1020 !!!

 

[ابواسامة]

واذا طب السهم على وجهه نكلم منو !!
واذا تبع بعض الناس المطبليين وضاع حلالهم نكلم منو !!
واذا كان البنك من اكثر البنوك اخذ للمخصصات ونصح الكثير بالتريث ووجد من يطبل للسهم نكلم منو !!
واذا كان في شخص مطبل شهير بالمنتدى قال بالحرف الواحد أنا خذيت بالسهم 1060 يعني بوفيت داش بالسهم يعني والسهم طب على وجهه نكلم منو !!
واذا وجد ناس ماتستحي 24 ساعه موجودة بالمنتدى وظيفتها كل صغيرة وكبيرة عن البنك تحليها في جريدة أو قناة حتى لوخبر بجريدة الوسيط تحطه ولما قوع السهم اختفت فجأة نكلم منو !!
سهم بيتك دخل غرفة الانعاش بانتظار المنقذ التامينات أو صناديق الحكومة لحفظ وجهه أو الاتجاه لما دون الدينار فقط في حال كسر 1020 !!!

والله يا اخوان كلٍ له نظرته في السهم !!!

لكن اللي أقوله إن ما يحصل في تداول السهم !! مجرد ضغط لاأكثر ولا أقل
لو كان صانع السوق ما يبي السهم ما كان عرض ملايين ب1،80
وبعدين نزل وعرض ملايين ب1،60 وهو في كل مرة يبيع
على نفسه !!
لو كان يبي يبيع ، باع بدون عرض بمجرد ما يطلبون يعطيهم
لكن هو يعرض ب1،80 على شان مااحد يعرض وياه!!
يعني صانع السوق عنده محفظتين محفظة أ ومحفظة ب !!
يطلب أول واحد بمحفظة أ وبعدين يبيع كميته في محفظة ب
على محفظة ألف وهلم جرا ...

انا بروكر سابق واعرف الحركات هذه !!!

وهذه ليست دعوة للشراء ولكن ما نحب كل من نصح إخوانه
في شي يشوفه زين يتهم اتهامات باطلة !!


وبعدين مثل ما فيه ناس مطبلين للسهم !!
فيه ناس "منفّرين" عن السهم
يبينون للناس إن السهم غرقان عشان يبيّعون الناس
وهم اللي يشترون بأرخص الأثمان
وبعدين يرفعون السهم ويصرفون على خلق الله !!

هذه اللعبة !!
واللي ما يبي السهم الحين ومتوقع ينزل ليش ما يبيع الحين ويفك نفسه!!

ودمتم سالمين
واسأل الله التوفيق للجميع .

 

[الهدف البعيد]

واذا طب السهم على وجهه نكلم منو !!
واذا تبع بعض الناس المطبليين وضاع حلالهم نكلم منو !!
واذا كان البنك من اكثر البنوك اخذ للمخصصات ونصح الكثير بالتريث ووجد من يطبل للسهم نكلم منو !!
واذا كان في شخص مطبل شهير بالمنتدى قال بالحرف الواحد أنا خذيت بالسهم 1060 يعني بوفيت داش بالسهم يعني والسهم طب على وجهه نكلم منو !!
واذا وجد ناس ماتستحي 24 ساعه موجودة بالمنتدى وظيفتها كل صغيرة وكبيرة عن البنك تحليها في جريدة أو قناة حتى لوخبر بجريدة الوسيط تحطه ولما قوع السهم اختفت فجأة نكلم منو !!
سهم بيتك دخل غرفة الانعاش بانتظار المنقذ التامينات أو صناديق الحكومة لحفظ وجهه أو الاتجاه لما دون الدينار فقط في حال كسر 1020 !!!

هلا باخوي واستاذي المشعان...
الله يجزاك خير ويعطينا علي قد نيتنا...
السهم ليمي الحين مانهار عشان تكتب مثل هالكلام..
ليمي الحين الخروج من السهم وارد..
وممكن ضغط علي السهم لنزول لسعر معين وتجميع كمية ومن ثم انطلاقة بسبب خبر ما...
والتمويل من الاسهم القيادية وسعر ال1.06 او 1.08 فلس سعر غير مبالغ فية...
انا مااملك بالسهم ...
لكن يبقي التمويل من الاسهم القيادية والقوية وفية من كثيييير من المتانة....
موفقين خير واتمني كلامي مازعل احد...

 

[ابواسامة]

هلا باخوي واستاذي المشعان...
الله يجزاك خير ويعطينا علي قد نيتنا...
السهم ليمي الحين مانهار عشان تكتب مثل هالكلام..
ليمي الحين الخروج من السهم وارد..
وممكن ضغط علي السهم لنزول لسعر معين وتجميع كمية ومن ثم انطلاقة بسبب خبر ما...
والتمويل من الاسهم القيادية وسعر ال1.06 او 1.08 فلس سعر غير مبالغ فية...
انا مااملك بالسهم ...
لكن يبقي التمويل من الاسهم القيادية والقوية وفية من كثيييير من المتانة....
موفقين خير واتمني كلامي مازعل احد...

الله لايهينك !!!
بصراحة كفّيت ووفيت ....

 

[al7boob_77]

سهم بيتك ما يصلح للمضاربه السريعه لانه سهم ثقيل حيل ويملل الواحد .... السهم بشكل عام جيد وله مستقبل ولكن برآي الشخصي السهم عنده مخصصات كبيره واهي اللى ذابحه السهم حيل وقاعده تاكل من الارباح ... وهذا السبب الرئيسي اللى خلي في اعلانهم للربع الاول فيه انخفاض للارباح بعد ما كسر فيهم البنك المركزي واخذ مخصصات من ارباحه

بالنهايه اللى ابي اقوله سهم بيتك هذي الايام على المحك والناس عينها على الربع الثاني الحين خصوصا للبنوك .... اتوقع نزول سهم بيتك ولكن مو واجد يعني اتوقع بحدود 960 فلس وبعدها ممكن يبتدي انطلاقته

الاسعار الحاليه والنزول الحالي للسهم ما يخوف ولا اهو نزول كبير انا ما ادري شفيهم الاخوان زعلانيين

اخوي المشعان واخوي (..........) يعني ماكو اختلاف كبير بينكم واحد يقول دينار والثاني يقول دينار وميه يعني فرق ميه فلس بسهم ديناري مو كبيره حيل يعني بحدود 10% وان شاء الله خير

 

[nokhitha]

،سنتين وانت للحين ترفع بالسهم!!!!!! فعلا في ناس ينطبق عليها المثل ان لم تستحي فأفعل ما شئت،،،