منتدى الشبكة مايقبل اعضاء جدد, اخوي الدولة قاعده اتساعد دول منكوبه وانتوا أسر منكوبه باعت يوم الرخص والوضع خارج عن ارادتكم الاسعار زادت والايجارات كلت حلالكم ابعرف ليش ساكتين وين نوابكم انتم احوج شريحه لسكن اسر منكوبه فعلا منكوبه مستقبلكم مظلم.
أخي مقام العزيز السلام عليكم ورحمة الله
سنه من سنين اخوانه في الامارات حاشهم مطر وسيل وهدم ماهدم من بيوت وتأذت الأسر نتيجة هذا السيل الي اصابهم من ثاني يوم زارهم الشيخ محمد بن راشد المكتوب ولما شاف وسمع إن الاسر الاماراتيه بلا سكن ومأوي أمر ببناء السكن المناسب لهم وتعويضهم بمبالغ كبيرة مما جعلت تلك الاسر أن تشتري لهم السكن المناسب .
إحنا إهني المسئولين الي بالإسكان والتسليف يحاولون منع أي قرار يكون لصالح المواطن الي تضرر من بيع البيت بأيام الرخص وبعد سنة 2003 طار العقار دبل الدبل مايحاولون مسئولين الاسكان او التسليف مساعدة تلك الاسر المنكوبة نتيجة إرتفاع الاسعار ومضاعفتها
آمنه بالله تعالو يا الاسكان والتسليف شوفو الشخص رد فلوس التسليف بالكامل صفر المبلغ عطوه بدل ايجار يقولولك لأ آمنه بالله طيب ردوله السبعين الف كامله يقولولك لأ إخصم 15000 الف من المبلغ الي تم تسديده زين آمنه بالله تعالو يا الإسكان ردو لنا دورنا ودخلونه مع التخصيص وحسبو قيمة الارض 20000 الف بدال ال 4000 آلاف الي ياخذونها من اي شخص تتخصص له ارض يقولون لك لأ آمنه بالله شنسوي بالحاله هذي مافي اي حل يخدم المواطن المتضرر ياأخي الله سبحانه وتعالي رؤوف رحيم وحنا ربعنا كل شيء علي المواطن البسيط كله لأ يعني لو بالهند إحنا جان قلنا لايبه عددنا مليار والاراضي كلها مزروعه مايصير لو بالربع الخالي جان قلنا الارض كثبانيه ورمليه ماينفع السكن فيها لو إبنغلاديش جان قلنا الموارد الماليه ضعيفه ومانقدر لو إحنا بالسودان جان قلنا وقلنا لاكن إحنا الحمدالله إبديرة الخير والعز ومواطنين والله مشكله كبيرة ومحد حاس فيها
ياأخي ماحنا عارفين قوانين صارلها سنين وبنين ماتغير فيها شيء
والحمدالله علي كل حال
