الرعاية السكنية لمن يعيد قرض بنك التسليف

[msh3l]

رجاء خاص للاخ الفهلوى نحن الموقعون ادناه اصحاب مشكله من باعوا واعادو القرض لبنك التسليف لنا رجاء خاص بالغاء اي مشاركه فيها تحدى وتطنز على مانعانيه من ظروف ختى يفرجها الله ويتم التوقيع على القرار او الغاءه

 

[شمس العصر]

استقال احمد الفهد 0 لاحولا ولا قوة الا بالله

لانا وقفة مع الاسكان شدوا حيلكم يشباب

نطالب بطلبنا القديم
بدل الاجار

 

[BO-MUBARAK]

اربحو التجار وخسر الفهد اخ بس محد يقدر عليهم الا الله سبحانه وتعالا

 

[zidantheking]

يالغالي يازيدان مو كل الناس مثلك تلعب بفلوسها بالبورصه في ناص الظروف حدتها للبيع وللعلم القانون كان موجود قبل سنه1997 لكن الله يهداه الوزير الصبيح بعده تم الغائه ولعلمك انا شارى بيت حكومه وبعته برخص التراب لظروف مافى داعي ذكرها والفلوس ردينا 70الف البنك وباقي موجوده من خمس سنوات حتى الودائع يالله الزكاة
والمبلغ كله مع القرض 85 الف في بيت عندك بالقيمه واللي يرحم والديك بلا هالمسخره اللي نتحملها من كلام وتطنز ومشكوووووووووووووور

انا العب بفلوسي بلبورصة ؟؟؟ انا لما بشتري بيت انجازي احسن من انجازاتكم
تدري ليش ؟؟؟ صارلي 18 سنة عايش جني وافد ايمع فلس فوق فلس عشان اشتري بيت و اعوض على ال 70 و فلوس بدل الايجار الي ما حصلتها ولا بحصلها معني كويتي لكن قدر الله اني ما اخذها فعدلت حالي علشان يتماشئ مع الظرف مو ناطر الحكومة تعدل نفسها عشاني

مشكلة الناس هلايام تقرا الي تبيه

اذا يبون يردون بس حق ناس باعت لسبب يسوى جم مرة اعيد و اقول لانه اغلب الناس الي نفسكم بايعين البيت بسبب خسارة بلبورصه او عليه قروض حق اشياء ما تسوئ. بس حق الي عنده ظرف جايد

الي ماخذ قرض و سافر سياحة فيه و شرى سيارة تسوى اكثر من بيته و ما قدر يدفع خلي يخييس بلسجن و خل البنك ياكلها و ينسى فلوسه ترد او يبيع بيته و يعيش بايجار طول عمره

 

[zidantheking]

و هذا راح يرفع السعر شنو ذنبي انا ؟؟؟ بلاخير انا اكلها و انتوا مستفيدين لا تقولي حسد عسى يعطونك بدل ال ٧٠ مليون بس ما يرتفع السعر علي انا الي على قد حالي

 

[BO-MUBARAK]

الشباب مو فاهمين انه مافي عدالة بالاساس انا خذت 70 الف بس ورديتها

وانتوااااا !!!! بتاخذوووووون ارض وسبعين الف انا ابي العداله وانا حر ابي مثلكم مو كويتي رديت السبعين وابي ارض وقرض حالي حالكم او بس يعطونكم السبعين وتاخذون قرض نفسنا من غير ارض اهنيه العدالة

اكثر اهل الارض حسد بهالديره ايهيب والله لو حسدكم يتوزع على المجره لأنفجرت

 

[عديل الروح]

تم إلغاء قرار ألــ 6000 دينار قرض الزواج

كل شي راح من بعد الشيخ أحمد الفهد الله يحفظه

 

[بو عبد الر حمن]

السلام عليكم ورحمة الله وبركاته

السلام عليكم ورحمة الله وبركاته افا يا شباب شفيكم ايستو وتعبتو نفسيتكم وتتحلطمون انا ادرى ان كل واحد فينا عند ظروف صعبه من اجارات وعيال كبرو ومستقبل وهموم ومشاكل ومانعرف وين مستقبلنا .... بس فى شى شباب لاتقنطو من رحمة الله وظنو بالله خير الظن واهم شى صلاتكم وايمانكم وستغفراكم الحين انا اظمن لكم والضامن الله سبحانه وتعاله بيت وكل واحد يتحلم بهالبيت قولو قل هو الله احد الله الصمد لم يلد ولم يولد ولم يكن له كفوا احد عشر مرات ضمنت بيت فى الجنه ... لا يا شباب الدنيا بخير والحمدالله اهم شى الصحه والعافيه ولى فات مات اقسم لكم انه اى شى مكتوب لكم راح يصير مهما يكون لا تزهقون ولا تعبون نفسيتكم وانتم رجال ما شالله عليكم انتو الى تصرفون بحكمه وبهدوء وعندنا اخونا الفهلوى جزاه الله خير والله انه مو مقصر نشوف الوزير الجديد وشنو القرارت الجديده على موضوعنا انلغى لاحول ولاقوه الا بالله ما انلغى الرجل موجود الفهلوى يتصرف واحنا معاه لاتتسرعون ولا تزهقون انفسيتكم ماشى اهم شى كثرو الاستغفار وصلاتكم مو عشان بيت وبس عشان دنيتكم اهم شى اشترو الاخره لاتشترون الدنيا والله المستعان ابى كل واحد فيكم يتفائل جان بيت ولا غيره فهمتو اخوانى وصدقونى انى احبكم با الله فى امان الله السلام عليكم ورحمة الله وبركاته ... اخوكم ابو عبدالرحمن

 

[مستقل]

الناس قاعد تتكلم عن مشكله خطيرة والمشكله تمس كيان أسر كويتيـة !!

بدون بدل ايجار وبدون اي بيت وبدون استقرار ولايوجد اي حل لمشكلتهم ..

وزيدان يقولي باع بيته ودقله فراري وبورش انت وين قاعد تخربط اي فراري اي بورش اي شفر ltz !!!

ياخي اتق الله في نفسك وحب لنفسك ما تحب لاخيك ياخي هذولا اخوانا الكويتين اهلنا وربعنا اللي توهقو والان هم بدون اي حل لمشكلتهم وانت قاعد تقول كلام سخيف بدون ادنى احساس بالمشكله

من كان يؤمن بالله واليوم الاخر فليقل خيرا او ليصمت .

 

[zidantheking]

ما عندي مشكلة خلي يعطونكم ارض و قرض حق الي باع مضطذ و ان شاءالله مليون دينار يعطونكم عشان تبنون بس مو ٧٠ تشتري فيها على كيفك لانه راح يرفع السعر علي * بدون ما استفيد من ال ٧٠ الي راح تاخذونها

 

[كويتي وافتخر 2]

انا معاك اخوي مستقل بكل كلمه
بس احنا لازم نتحرك طبعا مانستغنى عن اخونا الفهلوي ومثل ماقال احد الاخوان اهنيه الحقوق تبي حلوووووق كل من بقى شئ سوى تجمع اقل شئ يعطونا بدل اجااااار

 

[بوهاشم2311]

كلام جميل صح كلامك لازم الموضوع يكتب في الصحف اليومية أول شي مو معقول مافي أحد من الشباب ماله معارف بأحد الصحف وبعدها ننقل الموضوع الى نواب مجلس الامة وبعدها ليش مايصير تجمع بسلحة الارداه مع وجود لافتات لآحياء الموضوع على هذا مطلب شعبي مافيه مضره لآحد ولا تجريح لآحد ...

 

[شمس العصر]

نعم كلامك صحيح حددوا اليوم لان الشباب كلهم فيهم خير وحضورهم ملفت يوم التجمع فى الاسكان قبل اسبوعين

كلام جميل صح كلامك لازم الموضوع يكتب في الصحف اليومية أول شي مو معقول مافي أحد من الشباب ماله معارف بأحد الصحف وبعدها ننقل الموضوع الى نواب مجلس الامة وبعدها ليش مايصير تجمع بسلحة الارداه مع وجود لافتات لآحياء الموضوع على هذا مطلب شعبي مافيه مضره لآحد ولا تجريح لآحد ...

 

[TH7777777]

عين ما صلت على النبى (صلى الله عليه وسلم )

لما قرب يخلص القرار اطلعوا الحساد وبالأخير إستقال الوزير والله عيب والحسد منتشر بهالديرة ولا حول ولاقوة الا بالله العلى العظيم

 

[msh3l]

لنا الله مالنا غيره

الاخ بومشعل عسي ماشر تركتنا بدون رد

 

[BO-MUBARAK]

شيبي يسوي بو مشعل حاله حالنا الامر بيد الله سبحانه الوزير بكبره راح وراح وياه القرار

والله كريم


والله لا يشمت فينا الحساد

 

[شمس العصر]

شنوا يلعبون فينا الاسكان القرار موجود
اما شيخ احمد الفهد كفا وفا

شدوا حيلكم خلونا نحدد يوم نجتمع بقيادة اخونة بومشعل

 

[msh3l]

صباح الخير
انا معاك شمس العصر القرار موجود بالقانونيه وجزاه الله خير الشيخ احمد لانه صاحب الفكره بس نبي تفعيل والقرار بالوزاره مايبي مجلس امه ولا مجلس وزراء لاقراره
والشيخ محمد الصباح انسان طيب وبابه مفتوح بس بشرط ابعدوا عن واسطه النواب ترى بيحوسونها علينا

 

[msh3l]

سهل علينا يارب

السلام عليكم لاتقنطوا من رحمه الله ونسال الله ان ييسر امور الاخوه ويجعل اسعار البيوت فى متناول الجميع

 

[msh3l]

الله المستعان

الله المستعان اشوف الباب نياااااااااااااااااااااااااااااااااااااام اذا مافي شي عن القرار حتى صاحبنا الفهلوى كشت فينا