═︻▄█▒ ............... أبوفطيرة ...... الجزء 3 .............. ▒█▄︻═

[q8-speed]

يا اخوان نصيحتي بخصوص مكتب الهندسي عندكم مكتب الهدية الي بمجمع الاوقاف كل الناس يمدحونه

 

[ديناركو لمتد]

يا اخوان نصيحتي بخصوص مكتب الهندسي عندكم مكتب الهدية الي بمجمع الاوقاف كل الناس يمدحونه

اخوي مع احترمي لك ولي شخصك الكريم

تجربتي مع مكتب الهديه فاشله وبشكل كبير جدا
وبصراحه عفسني بالبنيان ولاوله انه مقاولي شاطر جان خربطلي البيت

وعموما كل المكاتب الهندسيه بالكويت نفس المستوي كلهم كوبي من بعض انصحكم بعدم الأستعجال

اول شي تسأل المكتب اشكثر اطول الرخصه لأنه البلديه تعطي المكاتب الهندسيه مساحه معينه للتراخيص ومايرخصون له لا لمن يخلص القسايم الي عنده

ثاني شي سأله القسيمه 3ادوار جم طن حديد راح اتكلف اذا من 45 لين 50طن شغله زين اذا قالك هذا بيت العمر وصلك لين 60 وال 65 طن هذا يبي السيفتي حق مكتبه وراح يكلفك وايد
ومن المعلوم انه السقف 350 متر مربع من 9 لين 13 طن يكلفك بالكثير 13 طن اذا هوردي وما انصح احد يسوي هوردي لأنه الهوردي حق المساحات الكبيره والمفتوحه

وصدقوني ياشباب المكتب الهندسي اذا سلمته البنيان بالمواد يختصر بالمود وبلمحت العين يغير خريطة الحديد

واخذ تعهد على المكتب انه ينفذ واجهت بيتك طبق الأصل نفس الصوره مو يقولك هذا شغل المقاول ولا يقولك لازم خريطه ثانيه حق الديكور

 

[ديناركو لمتد]

اخواني المقبلين على البنيان

بخصوص التكيف

الي خايف من الموضوع هذا
ما له الالالالالالالالالالا يورك

امن بنسبه حق تجربتي مع تكيف ريم قصتي معاهم طويله


اكلمكم عن خبره بالتكيف

افضل تكيف في امريكا من حيث الجوده والتبريد واقل صرف كهرباء واقل اعطال يشباب من غير مبالغه حسب احصائيات 2009 و2010

بالمرتبه الأولى ريم
بالمرتبه الثانيه كارير
بالمرتبه الثالثه يورك

وللعلم سعر الطن حق المكاين البقج 9 طن ريم 165 دك وكارير 195 دك ويورك 175دك
وبشرط المكاين هذي الي ذكرتها كلها صناعه امريكيه 100% لسبب لأنه في منها تجميع بسعر اقل عذا تكيف ريم

الزبده من حيث السعر والجوده اخترة ريم وياريت ماخترة ريم الوكيل بالكويت حقهم شركة الخليج الهندسية احدى شركات بودي اسوء شركه على الأطلاق بالتعامل اثنناء التركيب من غير مبالغه ماعندهم التزام بالمواعيد نهائيا وعادي يطنشونك بالأسابيع
و تأخيرهم معاي انه 4 اشهر وشغلهم كله تأخير الحل الوحيد حقهم تقدر تتفق مع شركه ثانيه يركبون لك الدكتات وياخذون المكاين من شركة ريم

ويا اخوان احنه عيبنه نسمع الكلام و ما ندرس الموضوع مجرد كلمه نتناقلها بدون خبر اقصد بكلامي كل واحد يقولك لاتركب تكيف سبليت ركب بقج

وبصراحه بعد التجربه والبهذله الي صارت معاي جراء اختياري حق تكيف بنظام البقج ندمت

والي يبي تكيف سعره ارخيص وممتاز وامريكي 100% بس على أعرفه انه صيانتهم سيئه من قبل الشركه بس التكيف ممتاز اسمه فرانك لين واسم الشركه الي تركبه الخليج (بهمن) خلف الأفنيوز



وتحياتي للجميع

 

[بوفطيري]

السلام عليكم يا اخوان
صبحكم الله بالخييير
مبروووك عليكم تصاريح البناء اما بالنسبة لتكييف الغانم (هيتاشي ) والله ما عليه كلام ممتاز وهم سعره ممتاز .. وصيانتة بسيطة وغير مكلفة ... ويمكن الاخ داق عليهم برمضان .. ومثل ما اللكل عارف يكون ضغط بالشغل .. ودوامهم نص دوام .. اما بالاوقات العادية فيبيضون الوجه ... وفي تكييف اخوي امركبه جداً ممتاز اسمه كوول لاين تتعامل معاه شركة غسان الخالد ( مساكن ) وصارله 7 سنوات وما اشتكى منه وبرودته عجيييبه للأمانة

اما بخصوص المكاتب الهندسية انصحكم بمكتب دار الموسوي للاستشارات الهندسية .. تعامله راقي جداً .. ويصمملك على طلبك .. ويراعي كمية الحديد واماكن الأعمدة .. ويعطيك عدة خيارات ويتقبل التعديلات برحابة صدر .. مكانه بشرق مقابل البلوكات عمارة الاندلس الدور السادس .. جدا ً ممتاز وسهل التعامل
بس المشكلة انه سعره يفرق عن اسعار مكاتب الاوقاف وانشالله يكون عند حسن الظن

 

[المهندس77]

مبروووووووك ياشباب
تعمم القرار البناء وتقدرون الحين مراجعة المحافظة وتخلصون الاوراق اللازمه

 

[yasalam]

مبروووكييييين

بومهدي امس مريت أوباسل وكلمته عن المخطط.
شقني وهو يقول نقص الغرف عشان اتفنن بالشكل ..
ذبحني.. كلها 400م

 

[zidantheking]

اعذروني يا جماعة يقولونلي في رسايل ما وصلتني بلخاص فما اقدر ارد عليكم


و بخصوص تكيف الغانم هو رافع علي قضية صارله 3 سنين ناطر التعويض (ما استدعوني ولا مره لحضور الجلسة خلال هلفترة و ليلحين مصر )لاني شقيت العقد بنص السنة و ما عطيته الا نص المبلغ ( اكتشفت انه ما يسوي صيانة و سعره غالي و يبي تعويض مع راسه ) ما انصح فيه حرامي درجة اولى

 

[المهندس77]

ياهلا بالجار يسلام
شوف هذا الشي يعتمد عليك تبي شكل للمبنى
ودزاين حلو لازم تضحي وان ما تبي تضحي بالغرف
فعليك بالشكل المربع مافي غيرة 

 

[yasalam]

يا اخوان نصيحتي بخصوص مكتب الهندسي عندكم مكتب الهدية الي بمجمع الاوقاف كل الناس يمدحونه

اليوم رحتلهم
كلام المهندس زين والشغل حلو بس السعر كان غير الباجي
اذا ممكن تقولي بجم سوالك اكون شاكرلك علي الخاص

 

[ودي اربح]

شنو الاخبار عندكم يا الربع بعد التصاريح

 

[ابوفيصل2008]

هلا اخوي ودي اربح
بالنسبالي قاعد ادور مكتب هندسي ع الراحة ماابي اطيح بمكتب تعبان وبالاخر اتندم واذا عندك مكتب سنع يالغالي لا تبخل على

 

[انت عمري]

السلام عليكم ومبارك عليكم الشهر
ابي احد يفيدني جزاكم الله خير

ابي اعرف جم المسافه بين القسيمه والمحول الكهرباء

 

[المهندس77]

السلام عليكم
شباب بقيت اعرف في احد شي عن مكيف هيتاشي هل هو زين ولا لأ
وصيانة الغانم شلونها

 

[بو فراس]

السلام عليكم

اليوم كان لي زيارة لبلدية محافظة مبارك الكبير وبالتحديد عند مدير قسم التراخيص .. واللي قاله بالحرف الواحد:

وصلتنا الاخبار وإبتدينا .. إحنا جاهزين ومستعدين .. كل اللي عليكم انكم تسوونه انكم تتفقون مع مكتب هندسي واهوا يقوم بكل الاجراءات وبتخليص رخصة البناء.

وكل عام وانتوا بخير

ومبروكين!

 

[بوعبدالله2007]

جزاك الله خير يابوفراس وماقصرت

 

[عذبي 71]

السلام عليكم جيراني الاحباء
شكرا بوفراس عالخبر الطيب وتاكيدا لكلامك فقد ابلغني احد الجيران بالخبر التالي:

ابشركم يا جماعه اليوم بلدية مبارك الكبير وصلهم الكتاب من قسم التنظيمات من بلديه العاصمه شدوا حيلكم بالمخطط وانتبهوا ولا تستعيلون والف مبروك وانشالله انشوف حفاراتكم من بعد العيد والله يحفظكم ويحفظ عيالكم
منقول
والف مبرووووك

 

[ابو نجم]

السلام عليكم اخواني الأعزاء وآسف جدا لعدم تواصلي معاكم لظروف متعدده
الحمدلله الذي بحمده وشكره تتم الصالحات\ وابارك للجميع صدور تصاريح البناء\ وجعلها الله منازل مبروكه\ وتكون علي العز والمعزه
اسعدني الخبر كثيرا\ وتتم الفرحه بالالتقاء بكم\ فانتم من شجعني بقوه للشراء في هذه المنطقه\ فنعم الناصحين وبارك الله لكم
وانا حاليا كحالكم ابحث عن مكتب هندسي\ واشكر الأخ عذبي علي سؤاله عني\ والله يوفق الجميع

 

[عذبي 71]

ياهلا بالحبيب والجار الغالي بونجم
وانت محلك كبير وماتحلى الجمعه الا بوجودك
ونتمنى ان نجتمع معاك وجميع الجيران على ارض ابوفطيره
وهالله هالله بالمكتب والمخطط الطيب
نبي نشوف فيلتك احلا فله والمنافسة انطلقت بين البوفطيراويين
وهدية الفوز بيتك اللي بيلم عيالك

 

[Bu Hamad]

السلام عليكم

تكييف هيتاشي ممتاز .. بس للأسف صيانة الغانم جداً جداً جداً جداً سئ .. وصل الفني عقب يومين من اتصالي .. اضطريت ان اسكن عند عمي علشان الغانم التعابه يقولولي ماعندنا فنيين كافي وتدري الحين فترة صيف (هاهاهاها صيف ؟ الكويت كلها صيف وهذا ليش اتفقت وياكم !! واذا ماعندك فنيين، لا توقع عقود اضافية)

ولما حضرتهم اوصلوا .. نظّف الفلتر و مادري اشسوى و مشه .. بعد يوم ويرد يخترب التكييف .. دقيت على مديرهم وزفيته ..بعد 4 ساعات اوصلوا .. الفني فحص التكييف وقالي منو اللي مصلح التكيف عندك ؟ رد قال هذا خربان والغايش يبيله تبديل و و و .. لما خلص شغلة قلتله ترى الفني اللي قبلك ترى من شركتكم .. انصدم ياجماعة ..

الموقف هذا موقف من 3 مواقف في سنة 2010 (للعلم انا صارلي 3 سنوات اتعامل مع الغانم) .. الحمدلله غيرت عقدي مع شركة ثانية

 

[ديناركو لمتد]

السلام عليكم
شباب بقيت اعرف في احد شي عن مكيف هيتاشي هل هو زين ولا لأ
وصيانة الغانم شلونها

للعلم اخوي تكيف هيتاشي الغانم من بداية تصنيعه ولي بداية 2009 تصنيع ياباني 100% وبجوده عاليه وقليل الأعطال
بعد ها تم تغير المصنع بالكامل وصار صيني 100% بس التصنيع الصيني مادري عن جودته ومشاكله

واخوي هذي معلومه حق الأخوان

تكيف يورك امريكي 100% المكاين المستخدمه حق الفلل 8و9و10 طن

تكيف ريم امريكي 100% جميع المكاين امريكي عدا السبليت مكسيكي وافضل المكاين عندهم 8 و9 و10 جوده عاليه غليل الأعطال

كارير يوجد امريكي 100% وعالي الجوده وسعره غالي
ويوجد كارير امريكي تجميع سعودي يدخل في تصنيعه بعض القطع الصينيه وليس بجودة الأمركي

وكولكس امريكي تجميع كويتي يدخل في تصنيعه بعض القطع الصينيه

والاس كي ام اوربي تجميع الشارقه عالي الجوده من عيوبه يدخل في تصنيعه بعض القطع الصينيه وهو افضل انواع تكيف بالنسبه حق التجميع

الفرانك لين امريكي 100% ممتاز وسعره بالكويت ارخص انواع التكيف
من عيوبه اكبر مكينه عندهم 5 طن وافضل انواعه السبليت 5طن

ومعلومه افضل انواع التكيف

1- بشرط ان يكون الكمبريسر امريكى نوع كوبلند
2- شبك تبريد نحاس او المنيوم امريمكي ( الراديتر )
3- ان يكون لي كل كمبريسر وحدة تحكم منفصل
4- القطع المستخدمه بلور امريكي او ياباني ريش المنيوم او خديد
5- الحرص التام على ان تكون الأسلاك المستخدمه عالية الجوده وان لاتكون صيني