دورة المؤشرنت للتحليل الفني
50 دينار كويتي
تسلم يا اخوي ديناركو لميتد ماقصرت كفيت ووفيت
وتسلم على العلومات الحلوة
حياك الله اخوي
الناس للناس والكل بالله
واذا لزمتك اي مشوره بخصوص الأصنصيل او الصحي او الكهربه ترى حاضر لك وللجميع
يا شباب اهم نصيحه لكم عدم الاستعجال
لاتستعجلون من المكتب الهندسي لين التشطيب
وهذي معلومه حق الي يبي يركب اصنصيل
انصح بجورة الأصنصيل انها تكون كلها خرسانه او طابوق المسيله وات لاتكون طابوق لاهيبل ولا بخاري
وللعلم ياشباب
خلو شغلكم حق الأصنصيل حق وحده من الشركتين امن الزاحم او المتحده
لسبب بسيط الشركه الأولى الفنش عندهم 100%
والشركه الثانيه اهي الوكيل المورد الوحيد حق جميع مستلزمات الأصنصيل
واهم شي في الأضنضيل
1- ان يكون المحرك ايطالي نوع ( البرتو ساسي 7 حصان الحجم الكبير )
مع تكيف حق المحرك
2- ان تكون جميع القطع اصليه وليست تجميع الكويت اهم القطع جهاز التحكم بفتح الباب و اغلاقه ان يكون ايطالي الصنع والتجميع
3- المسارات حديد صلب 12 ملي واكثر
4- اسلاك فولاذيه صلبه صناعه ايطاليه
واسعارهم
4 ابواب 3000 ال3100 عند المتحده 3400 عند الزاحم
3 ابواب 2800 دك
باقي الشركات هي بالأساس تستخدم المواد من المتحده
وانصح بعدم توقيع عقد الأصنصيل وانكم تأجلون لين بعد التشطيب
والصحي ياشباب
افضل شركه علي الأطلاق اليوسفي
حق التغذيه والمجاري بالدرجه الاولى
ومن بعده اترين ( عفى عليه الزمن ) بسبب اذا تعرض للشمس يتغير لونه وينكسر
الكهربه امن لوحات سمنس بالدرجه الأولى بس شوي غالي والدجه الثانيه لوحات ديبي الجسار البديل الناجح (نوع فلاش فيوز اوربي )
الوايرات (الأسلاك ) خليجي كويتي وانصح بالشراء المبكر للاسلاك لأنه النحاس قاعد يرتفع بشكل مو طبيعي
والأبواب تطور يا شباب ابواب الخشب عفى عليها الزمن وافضل الأبواب
امن الغانم والفحام او تب دور الباجي شغل صيني كرتون مضغوط
وتركو المناجر شغلها اذيه والفنش تعيس
وبالتوفيق للجميع
اخوي العزيز ديناركو لمتد
عني سؤال عن بنك التسليف لو تفيدنا
في المستندات المطلوبه يبون الآتي
* العاملين في القطاع الحكومي إحضار شهادة راتب تفصيليه من جهة العمل وبشرط ألا يزيد القسط عن 25%من راتبه الاجمالي أو معاشة من التأمينات
أنزين يالعزيز تدري احنا شارين الأرض بأقساط ويمكن هذي الاقساط توصل بنسبة 33% من المعاش
فشنو المقصود بهل النقطه وانا سامع انه اهمه يقصون 10% من الراتب للقسط الأسكاني
او بحد ادنى 100 دينار واخوي العزيز انت تدري قانون الاقساط والمديونيات للدولة بأنها ما تتعدى 40% من الراتب وهل كروت الإتمان تعتبر من الألتزمات
انزين الحين سمعنا من بعض الناس يقولون الي في بعض الناس تأخذ اقساط بحيث يخلي الي باقي من المسوح للقسط 100 دينار عشان بنك التسليف لايخصم مه أكثر من 100 لأن وانا اخوك تدري في بعض الناس رواتبها عليه فممكن تفيدنا معليك أمر ونكون لك ممنونين
أخوك بومهدي
ومشكور على المعلومات القيمه
السلام عليكم ومبارك عليكم الشهر
ابي احد يفيدني جزاكم الله خير
ابي اعرف جم المسافه بين القسيمه والمحول الكهرباء
مشكور يالغالي
سامحنا ثقلنا عليك
بس حبيت اعرف منو الشركة الزينه للتكيف المركزي لتركيب نوع كارير امريكي الاصلي وشكراً
اخوي انا كنت ناوي اركب كارير بس رحت حق الشركه (موقها بالري على شارع الغزالي يم محطة غسيل السيارات قبال سنتربوينت لاند مارك سابقا كانك رايح حق البغلي والجريوي للأسفنج راح تقره اعلانهم واضح كارير بهبهاني ) وقالولي انه الموجود عندهم امريكي تجميع سعودي بصراحه خفت اركب تجميع فأعتقد اذا طليت منهم يمكن يوفرون لك امريكي وسعرهم غالي
احد يفيدنا جزاكم الله خير
احد يفيدنا جزاكم الله خير
يالغالي يعتمد على الخريطة المعتمده من قبل البلدية و وزارة الاشغال
ممكن وقولنا قسيمتك في اي قطعه وجم رقمها يمكن نقدر نفيدك
يا الغالي قطعه 1 قسيمه 479
عزيزي
خذ هالموقع لك ولى جميع الشباب جيكو على اراضيكم والموقع والمساحه والأبعاد
http://gis1.baladia.gov.kw/frames.a...x=506259.894497901&cy=235330.811158769&ct=فرع بلدية محافظة مبارك الكبير
مشكور يا الغالي
دورة المؤشرنت للتحليل الفني
50 دينار كويتي