═︻▄█▒ ............... أبوفطيرة ...... الجزء 3 .............. ▒█▄︻═

[zidantheking]

يا جماعة تبون مكتب هندسي سنع اعرف واحد الي يبي يدزلي خاص

 

[عذبي 71]

الحمد لله رب العالمين

اخواني وجيراني واهلي واحبائي اهالي ابوفطيرة
تعقيبا لما بشرتمونا به بالامس وتصريح معالي وزير البلدية والاشغال...

تم الاتصال بمدير مكتب الوزير
واكد لنا انه تم اصدار كتاب السماح بالتراخيص من الوزير
موجها الى المدير العام للبلديه
وسوف يتم خلال هذا الاسبوع
اصدار قرار من المدير العام للبلدية الى مدير بلدية مبارك الكبير
وبمجرد وصول نسخة من القرار لمبارك الكبير
بامكانكم البدء باستخراج التراخيص
وتم ابلاغه شكركم
والف مبروك يالاحباب

 

[zidantheking]

العفو و تستاهلون كل الخير يا عيال ابو فطيرة

 

[بوعبدالله2007]

مبارك عليكم الشهر وكل عام وانتم بخير
وكل الشكر الي من نقل المعلومه بخصوص
الترخيص وبالتوفيق ان شاء الله في البناء

 

[ودي اربح]

العفو و تستاهلون كل الخير يا عيال ابو فطيرة

نتشرف فيك يا الغالي تكون وبينه يا رباعي الاخبار الطيبة

وبشر شنو صار معاك حوشت ارض او للحين

 

[ودي اربح]

الحمد لله رب العالمين

اخواني وجيراني واهلي واحبائي اهالي ابوفطيرة
تعقيبا لما بشرتمونا به بالامس وتصريح معالي وزير البلدية والاشغال...

تم الاتصال بمدير مكتب الوزير
واكد لنا انه تم اصدار كتاب السماح بالتراخيص من الوزير
موجها الى المدير العام للبلديه
وسوف يتم خلال هذا الاسبوع
اصدار قرار من المدير العام للبلدية الى مدير بلدية مبارك الكبير
وبمجرد وصول نسخة من القرار لمبارك الكبير
بامكانكم البدء باستخراج التراخيص
وتم ابلاغه شكركم
والف مبروك يالاحباب

تسلم الايادي يا بو عذبي

 

[المهندس77]

أزيدكم من الشعر بيت
انا قريت الكتاب ومكتوب فيه
لا مانع من اصدار التراخيص لجميع القطع في ضاحية
ابوفطيرة السكنيه


 

[zidantheking]

نتشرف فيك يا الغالي تكون وبينه يا رباعي الاخبار الطيبة

وبشر شنو صار معاك حوشت ارض او للحين

حبيب يلغالي تسلم

لحد الحين ما كملت المبلغ لكن ان شاء الله اذا وصلت راح اشتري ارض بلقرض و بعد ما اخلص بنيان ابيع البيت و اطير القرض و اشتري بلمسلية او بابو فطيرة

 

[ابوفيصل2008]

مبارك عليكم الشهر ياخواني وتقبل الله طاعتكم
ومبروك لي ولأخواني ملاك اراضي ابوفطيرة الحبيبة على السماح بإستخراج تصاريح البناء واخيرا سوف نبني بيوت لنا ولعيالنا.
وااتمنى من اخوني الكرام إلي يعرف مكتب سنع وعنده افكار وتصاميم جديدة ويكون تسليح البنيان معقول غير مبالغ فيه يخبرني فيه.
لاني ناوي هالايام اسوي المخطط

 

[بلسم الروح]

بعد الانتهاء من التصميم والتخطيط واعتماد المخطط يحتاج الي وقت للترخيص من البلدية بحدود شهرين يعني المكتب اللي يرخص لكم الخريطه يحتاج الي شهرين

يعني من باجر روحو المكاتب الهندسيه علشان تبدون بالحفر مع بداية موسم الشتاء وبالتوفيق انشاء الله

 

[عذبي 71]

حياك الله زيدان بس ما وصيك اذا الله قسملك وشريت في بوفطيره مو تسكر الشارع بموترك العود وعشاك محفوظ ونتشرف بجيرتك يالغالي

حياك الله بوعلي ودي اربح ومبارك عليك الشهر ومبارك عليك الخبر

المهندس الحبيب بومهدي تسلم على التوضيح والحمد لله تمت الفرحة بتوضيحك

بوفيصل الحبيب نعم واخيرا انتهت ايام الانتظار وابتدات ايام الجد والعمل
والله يوفقنا بمكتب طيب وزيدان مايقصر تراهو عنده خوش نصيحه

بلسم الروح الغالي اذا تقدر تفيدنا المكتب شنو يطلب من اوراق
وشنو الخطوات اللي نبدي فيها

 

[بلسم الروح]

بلسم الروح الغالي اذا تقدر تفيدنا المكتب شنو يطلب من اوراق
وشنو الخطوات اللي نبدي فيها

اخوي عذبي المطلوب الوثيقه والبطاقه المدنيه بس وتعطي المهندس افكارك وطلباتك من غرف وصالات واذا عندك ملاحضات معينه مثل احجام الغرف وبعدها وبعد ماتعتمد الكروكي الداخلي تبدي مرحلة التصميم الخارجي وبس

الموضوع بسيط جدا

 

[المنظور الشامل]

مبارك عليكم الشهر. وعساكم من عواده . وكل عام وانتم بخير

 

[zidantheking]

حياك الله زيدان بس ما وصيك اذا الله قسملك وشريت في بوفطيره مو تسكر الشارع بموترك العود وعشاك محفوظ ونتشرف بجيرتك يالغالي

حياك الله بوعلي ودي اربح ومبارك عليك الشهر ومبارك عليك الخبر

المهندس الحبيب بومهدي تسلم على التوضيح والحمد لله تمت الفرحة بتوضيحك

بوفيصل الحبيب نعم واخيرا انتهت ايام الانتظار وابتدات ايام الجد والعمل
والله يوفقنا بمكتب طيب وزيدان مايقصر تراهو عنده خوش نصيحه

بلسم الروح الغالي اذا تقدر تفيدنا المكتب شنو يطلب من اوراق
وشنو الخطوات اللي نبدي فيها

ولله انا الي اتشرف فيكم عيال ابو فطيرة كلكم على راسي

و لا لاتخافون بصفطه بلارتداد ما احب الي يوقفون بنص الشارع بروحي مبتلش فيهم

ان شاء الله ناوي على قسيمتين 400 او 500 اذا ما حصلت ما يسوى اروح بعيد عن جماعتي و قسيمتي صغيرة لاني ابي ارض كبيرة عشان تعوض البعد - قفص بلديرة او قصر باخر الدنية (بنسبة لي )

 

[ودي اربح]

مبارك عليكم الشهر. وعساكم من عواده . وكل عام وانتم بخير

علينه وعليك يتبارك يا بوراشد

وهذي الساعة المباركة

اشلووووووونك طال عمرك

 

[عذبي 71]

هلا والله بوراشد
مبارك عليك الشهر ومبارك عليك الخبر

بلسم الروح يالجار الحبيب ماقصرت وبارك الله فيك ولك والله يجعل دارك مباركه وعامره

زيدان زادك الله من خيره ونعيمه واذا ما جاورتنا بالطيب نبيك تجاورنا بالغصب تراك ذهبه
والذهب غالي ومايتعوض

نداء الى الاخوة الكرام جيرانا الاعزاء اللي عرفناهم عبر الصفحه وما التقينا فيهم
اتمنى ان تشاركونه الفرحه في هالايام المباركه
وتعيشون معانا لحظات تذكرني بسعادة ايام التحرير من براثن الغزو الغادر
مع ان هالفرحة اليوم مرت علينا مع تاريخ تلك الذكرى الاليمه..

اخواني:
القصاص
بودانة
مساعد77
ramblas
عايش على قدي
مهندس وافتخر
بو فراس
ابوهاجر الشمري
عقاري1
ابوفلجة
ابو نجم
aljoker
buhamood
samak
Google_Q8
تاجر بالفطرة
FLOOD
q8_king1
Never_one
الشرقاوي
نبي نقرء مشاركاتكم وردودكم ونبيكم تساعدونا بافكاركم للايام القادمه
وكذلك الجيران الجدد اتمنى انت تشاركون حتى نتعرف عليكم ونتبادل معاكم الحديث
والحوار
ولوكان الجو يسمح لاجتمعنا قبل الفطور في المنطقة حتى نتعرف عليكم
واتمنى ان تسمح ظروفكم بان نحدد يوم نجتمع فيه على ارض السعاده ابوفطيره
وان شاء الله يكون قريبا

 

[yasalam]

صباح الخير ..
صباح الاسميت والرمل المغسول
صباح الشدة السورية والمصرية .. هيهيهي

أمس سألت الشباب الي أعرفهم ان كانوا يعرفون واحد يشتغل بمكتب معروف ويسوي خريطة ..حصلتلي ثلاث شباب 2 منهم تفنشوا بعد الازمة الاقتصادية وباقي واحد صامد
المهم عطوني رقمه ودقيت عليه فورا جان يقولي حياك الله المكتب اواريك التصاميم وهم اعطيك اسامي مكاتب من نفس مستوانا عشان تروح لهم وتشوف شغلهم وتقارن. سألته بجم الشغل جان يقول بين ال1500 الى 2500 !! لا وقالي ان ابلش معاي بعد ارمضان لانهم مشغولين واااايد (شدعوة). قتله وايد قال شغلنا مميز

عموما الوعد بكرة الخميس وقولكم شصار معاي بعدها.
و ياجماعة علمونا عن المكاتب الثقة الزينة .. ولكم الاجر ..
خبري بومهدي من زمان مخلص المخطط
جان زين تشاركنه التجربة شصار معاك

 

[FLOOD]

ياشباب نصيحه للى بسوى خريطه لا تعتمدها الا لما تخلص نهائيا بمعنى اصح لا تعتمد خريطه وانت مو راسى عليها او تغير فيها بالطبيعه ترى التعديل جدا متعب و يستغرق وقت وروتين ممل انا جربته فلا تاخذ تصريح بابناء وانت مو مقتنع بالخريطه علشان لاتغيرها

من بعد اعتماد الخريطه النهائيه راح يستغرق شهرين الى ثلاثه لاخذ الموافقات و تصريح البناء و تسليم الحدود و انشالله يكون الروتين اسرع وياكم طبعا يعتمد على قوة المكتب وعلاقاته بالبلديه يمشى اموره

 

[مهندس وافتخر]

هلا بالشباب الحلوين ماشالله بلشتوا تستعدون من الحين الله يوفقكم ... بس شباب للحين محد رد على سؤالي ترخيص البناء يشمل القطع 5و6و7و8 ولا لا !!

 

[المهندس77]

بالنسبة للتراخيص فهي لجميع القطع في منطقة ابوفطير
وأما بالنسبة للمكتب الهندسي فأنا تعرفت وعلى مهندس
واشتغلت معاه على الخريطه وان تبون رقمه انا حاضر


الوزير كاتب لامانع من اصدار التراخيص لجميع
قطع ابوفطيره السكنيه ( شرق القرين )
وشكراً