((@ استشارات واستفسارات فنيّة @)) ...... 1

[3lgm]

السلام عليكم اخوي بو مبارك
من غير رسمة اتوقع ان باجر يبيلنة من 30 الى 40 نقطة فوق علشان انقول ان المؤشر عالاسبوعي يعني زوين, ولا ننسى ان السبت 15-يناير موعد الجماعة الاماراتيين. فاتوقع ان باجر راح يجي انشاء الله خبر حلو على مجموعة الخير ممكن ناخذ منه صعود زين يعدل المؤشر الاسبوعي.

ابي رايك طال عمرك.

ولو إني اتحاشى تحليل السوق دام في مثل بومحمد حقائق مو مقصر بتحليل السوق وأنا أؤمن بإعطاء الخباز خبزة وإنه أهل مكة أدرى بشعابها , لكن هذه نظرتي المتواضعة واللي متأمل إنها تصير بدعم من متوسط 200 يوم .

 

[adelsaqer]

بومبارك ايفا ودتنا ورا الشمس

 

[الميغ1]

ابو مبارك شرايك في حياة كوم ... استثمار شهر السعر 148

 

[3lgm]

الصفاة للطاقه الحين شلون وضعها بعد الاقفال علي 57

تأخرت بالرد عليك حقك علي يا الغالي , طبعا الـ59 مقاومة متوسط 100 يوم وما راح يقدر يخترقها من أول مرة , خنشوف باجر شيسوي بالـ56 إذا صمل وما كسرها فله عودة للـ59 , ومن يخترقها بحول الله راح يتوجه للـ68 , لكن إن سر 56 فمرده للـ54-53 .

 

[صبا]

رد

بومبارك الله يرحم والديك اشرايك باعيان اليوم الظاهر للحين ماشبع من التجميع والمدينه اليوم ياريت تشوفلنا تحليلها ولك جزيل الشكر

 

[MAB]

ماعليك امر بومبارك الأولى و الافكو اخوي وين رايحين انشاءلله

 

[3lgm]

أخوى أبومبارك :
ماعليك أمر تشوف لى سهم انجازات
ماخذه بسعر 122 والسهم نزول شتنصح ابيع ولا انتظر
وجزاك الله خير

سهم التخوينة هذا ممتاز دامه فوق الـ110 , لكن دام صكر فوق الـ120 عيل عنده جولة ثانية مع الـ142 , واهي نقطة البيع بإذن الله .

 

[3lgm]

السهم من الناحية المالية ممتاز
ربحان تقريبا 5 فلوس
ويعيبة ان القروض مرتفعة نسبيا
لكن لايوجد تعثر
وضيف علي ذلك ان البنك التجاري يملك فية 10%
وشركة المثني التابعة لبيت التمويل يملك فية كذلك 8%
يعني البنوك بالجيب.
وفوق هذا قيمتة الدفترية 109 فلوس.
والسهم ممسوك بنسبة 60% تقريبا.
لكن يعيب السهم قلة التداول.

للأسف ما صار نموذج نجمة الصباح مثل ما توقعت , لكن الدعم صار 48 والمقاومة 51 , والسهم طيب ما عليك .

 

[3lgm]

ابو مبارك لاهنت شوف لنا الراي وايفا فنادق

تامر أمر يا الغالي

 

[3lgm]

بومبارك ايفا ودتنا ورا الشمس

أدري والله يا خوي يا عادل , ودشيت أمس وطلعت بسرعة من شفته كسر الـ71 وقاعد أتابعه , وباجر بدش بالـ62 , هذه المجموعة خبرة 20 سنة بخظ البطون ويعرفون فنون القتال , لكن السهم زين ما عليك وبيخترق لكن عقب ما يمرمر المضاربين ويطردهم من السهم .

 

[3lgm]

ابو مبارك شرايك في حياة كوم ... استثمار شهر السعر 148

والله رايي 146 ولا تعد الأشهر لكن خل عينك على 154 من يطوفها اعرف إنه البيع 162 .

 

[3lgm]

بومبارك الله يرحم والديك اشرايك باعيان اليوم الظاهر للحين ماشبع من التجميع والمدينه اليوم ياريت تشوفلنا تحليلها ولك جزيل الشكر

أي تجميع يا أم غزل , بالـ7 أيام اللي طافو تم تداول 25 مليون سهم بين 79 والـ82 , شنو هالـ3 فلوس اللي قاعدين يجمعون فيها ويصرفون عليها , السهم مبطل طريجه ولا جدامه ولا متوسط ولا مقاومة جايدة لي الـ89 هدف المثلث , لكن أنا ماني فاهم حركات مبرد هذه شنو هدفها .

مدينة دعمه 45 يعتمد عليه بإذن الله , 47 مقاومة وراها 49 .

وموفقة يا اختي .

 

[3lgm]

ماعليك امر بومبارك الأولى و الافكو اخوي وين رايحين انشاءلله

ألافكو 385 ودعمه 365 .

الأولى 126 مقاومة 102 الدعم , السهم مخطور , ووايد صعد من 67 لي 124 بنسم واحد صعبة لو طالع نفط تحت مقر شركتهم , فما بالك بإعادة هيكلة ديون تبلغ 100 مليون دينار وتخارج من استثمارات بربح 6 ملايين دينار ما يعد نقطة في بحر الـ100 مليون ديون مؤجلة .

 

[طبعنا]

شلونك بومبارك
السلام اليوم لامس 55
واقفل 56
جنة فيه نزلة
ولا شرايك

للرفع يابومبارك

 

[3lgm]

للرفع يابومبارك

آسف والله ما أدري شلون ما شفت مشاركتك , لا تخاف من السهم , الـ55 ما راح تنكسر بحول الله , 58 مقاومة ومن يطوفها بيروح للـ64 بإذن الله .

 

[Bomesk]

اذا ممكن ميادين الله يبارك فيك يابومبارك

 

[fayoona74]

علقم نبي تحليل الهيييييييس (هيتس)

 

[3lgm]

اذا ممكن ميادين الله يبارك فيك يابومبارك

18 الدعم 20 مقاومة من يخترقها بيتوجه للـ24 بحول الله .

 

[ورد و هيل]

مسا السكر
يا سكررررر

ياريت تشوف لي هدف القرين اللي بالصناعة

شكرااااااااااااااااااااااااااااا

 

[3lgm]

علقم نبي تحليل الهيييييييس (هيتس)

الدعم 75 المقاومة 82 وراها 86 , لكن في اعتقادي والله أعلم إنه السهم على المدى البعيد متوجه للـ70 فبأقرب صعود للـ86 إن كنتي ربحانة اختي أنصحج بالبيع وإنج تنطرينه بالـ70 .