((@ استشارات واستفسارات فنيّة @)) ...... 1

[يوسف محمد]

مشكور بو مبارك ‏
بس شنو تقصد بتقاطع الموت

 

[طبعنا]

بارك الله فيك يابومبارك
على خدمة اخوانك
رحم الله والديك

 

[3lgm]

بومبارك .. السلام عليكم
اليوم عارف وصكوك تم شراء كميات كبيرة
كبيرة من المعروض وفي آخر ثواني تم التسكير
على نفس السعر وخاصة صكوك .... شنو تنصحنا
يا الغالي​

ما أقدر أنصحك تبيع وترد تاخذه تحت , لأنهم صعدو والسوق تعبان , فإن عدل السوق بيعطيهم انطلاقة وبيخترقون المتوسطات وانت برا السهمين , فالصبر زين والله كريم .

 

[3lgm]

مرحبا أخوى علقم ماعليك أمر بيتك شرايك بتداوله هالأسبوع ناطره يوصل 1260 وببيع لانى شاريه 1200

والله السهم قاعد يضعف ومؤشراته قاعدة تنزل وشكله بيرد للـ1200 مرة ثانية , لكن تبي الصج دامك شاريه بالدعم ومتكي وحاط ريل على ريل لا تبيع إلا بالـ1260 وريح راسك .

 

[3lgm]

ابومبارك هل بدأت رحلة ص متحده

أنا أشهد إنها بلشت يا بوعلي , باجر عينك على الـ132 إن اخترقها لا تبيع إلا بالـ154 بإذن الله .

 

[طافى]

سؤال

اخى العزيز

ازعجناك بكثرة الاسئلة لكن سامحنا حلالنا وخايفين علية
ابى اللة يسلمك بنك بوبيان وبنك الدولى

 

[brankos]

بومبارك الله يعطيك العافية
شرايك ببنك الخليج والصفوة ؟

 

[3lgm]

مشكور بو مبارك ‏
بس شنو تقصد بتقاطع الموت

dead cross أو تقاطع الموت وهو عندما يقطع متوسط 14 يوم متوسط 50 يوم ويصبح متوسط 50 يوم فوق الـ14 , وهي إشارة لجولة هبوط حتى يتقاطعان مرة ثانية , لاحظ الشارت .

لكن كثير من الأحيان يتقاطعون سلباً ويردون يتقاطعون إيجاباً , فلا تاخذ الشي وكأنه مسلم فيه 100% , هذه أسهم وممكن تعكس اتجاهها بأي لحظة وتعدل أمورها , بخبر أو بشي آخر , وتستن بالصعود مرة ثانية .

 

[3lgm]

بارك الله فيك يابومبارك
على خدمة اخوانك
رحم الله والديك

الله يجزاك كل يا الغالي وما قصرت

اخى العزيز

ازعجناك بكثرة الاسئلة لكن سامحنا حلالنا وخايفين علية
ابى اللة يسلمك بنك بوبيان وبنك الدولى

أفا ثم أفا , ما كو إزعاج ولا شي , بوبيان والله العالم في طبخة قاعدة تستوي وبتوصلة لي 710 لكن يبيلها شوية وقت , فالصبر زين .

أما الدولي فياريت تبيعه بالـ380 , وتنطره بالـ360 - 350 , مؤشراته ضعيفة وما فه نسم يصعد والله العالم .

 

[دربك أخضر 2]

أبو مبارك مساك الله بكل خير والله يزيدك من علمه ويبارك فيك مشكور حبيت أسلم عليك وأدعيلك

 

[3lgm]

بومبارك الله يعطيك العافية
شرايك ببنك الخليج والصفوة ؟

بنك الخليج قاعد يضعف ومؤشراته بنزول , دعمه 560 مقاومة 600 .

الصفوة على المحك , هل يقدر يطوف الـ26 , إن طافها دخول على طول لأنه ما جدامه لي الـ35 شي , دعمه 24 .

 

[3lgm]

أبو مبارك مساك الله بكل خير والله يزيدك من علمه ويبارك فيك مشكور حبيت أسلم عليك وأدعيلك

مساك الله بالنور والكرامة , مشكور حجي ورحم الله والديك ويبارك لك بمالك وأهلك ويزيدك من فضله .

 

[مبارك بوعلى]

اخوي بومبارك ارجو ملاحظة الترند الصاعد عربي قابضة وترند المثلث مبرد

وعطنا رايك

 

[بورصة نت]

اخوي علقم

يا هلا وغلا ومرحبا فيك يا الغالي .

الصفاة للطاقه الحين شلون وضعها بعد الاقفال علي 57

 

[gloriyano]

أخوى أبومبارك :
ماعليك أمر تشوف لى سهم انجازات
ماخذه بسعر 122 والسهم نزول شتنصح ابيع ولا انتظر
وجزاك الله خير

 

[الهدف البعيد]

هذا السهم أتحاشى تحليله والسبب إني أملك فيه , وأخاف تدخل أماني النفس بالتحليل , لكن اللي صار اليوم دايما يصير لزوم خظ البطون ما قبل الصعود , لأنه التداول مو طبيعي , ما لحقنا نفكر ولا نشوف محفظتنا فيها فلوس ما فيها , مليون ينشال ومليون ينحط وهذا السهم صارلي 3 أشهر وأنا ماني قادر أزيد كميتي والسبب التجميع , من أطلب يطلبون فوقي , واليوم مليون معروض بالـ48 محد يبيه تقريبا لمدة 10 دقايق , بعدين جان تصير العاصفة , المهم بخصوص الشمعة هذه دوجي بفتايل قصيرة لأنه السهم مجال حركته قصير , لكن أتمنى إنه يصير نموذج نجمة الصباح مع اختلاف طول الشمعة , المهم إنه الأمور طيبة , الدعم 49 لي الحين ومؤشرات السهم ما اعترفت باللي صار اليوم , والـ51 مقاومة , لكن لا للبيع لا للبيع لا للبيع .

السهم من الناحية المالية ممتاز
ربحان تقريبا 5 فلوس
ويعيبة ان القروض مرتفعة نسبيا
لكن لايوجد تعثر
وضيف علي ذلك ان البنك التجاري يملك فية 10%
وشركة المثني التابعة لبيت التمويل يملك فية كذلك 8%
يعني البنوك بالجيب.
وفوق هذا قيمتة الدفترية 109 فلوس.
والسهم ممسوك بنسبة 60% تقريبا.
لكن يعيب السهم قلة التداول.

 

[طبعنا]

شلونك بومبارك
السلام اليوم لامس 55
واقفل 56
جنة فيه نزلة
ولا شرايك

 

[jozef2005]

السلام عليكم اخوي بو مبارك
من غير رسمة اتوقع ان باجر يبيلنة من 30 الى 40 نقطة فوق علشان انقول ان المؤشر عالاسبوعي يعني زوين, ولا ننسى ان السبت 15-يناير موعد الجماعة الاماراتيين. فاتوقع ان باجر راح يجي انشاء الله خبر حلو على مجموعة الخير ممكن ناخذ منه صعود زين يعدل المؤشر الاسبوعي.

ابي رايك طال عمرك.

 

[3lgm]

اخوي بومبارك ارجو ملاحظة الترند الصاعد عربي قابضة وترند المثلث مبرد

وعطنا رايك

يا هلا وغلا فيك يا بوعلي , وناطر ردك خيي .

 

[(المتمكن)]

ابو مبارك لاهنت شوف لنا الراي وايفا فنادق