بو سعد صبحك الله بالخير ------------------------ اقولك يا بوسعد الله يعطيك على قد نيتك لكن سؤال يدور في ذهني انت تقول الي يبي حلاله وماله يروح يسوي توكيل للمحامي ------------------------------- تقدر تقول شنهي الخطوات الي راح يقوم فيها المحامي ؟! واشلون راح يرجع المحامي فلوس المساهمين؟! ------------------------ مع كل تقديري واحترامي لشخصكم الكريم لكن ايضا المساهمين مو قطيع يتم قيادته بهذا الشكل ---------------------------- درب المحاكم طويل جدا خذها من المحكمة الابتدائية الي ممكن تستغرق جلساته 12 - 30 جلسه ما بين اطلاع على مستندات ومرافعات هذا على اقل تقدير ------ واذا تم ندب خبير حسابي مد الاجل قد ما تقدر وقدر المده في ذهنك ----------------- واذا انتهينا وصدر حكم ابتدائي تتحول الى محكمة الاستئناف وفي الاستئناف ممكن تعاد القضية الى المحكمة الابتدائية مرة ثانية لعدم كفاية المستندات وخلافه من الاسباب الي ممكن تعود بالقضية الى المربع الاول وتعاد الجلسات مرة ثانية وتأخذ طريقها في المرافعات الى درجات التقاضي وهلم جرا --------------------------- يعني اذا كانت الامور ممكن تاخذ اشهر عبر الاجراءات المتبعة من قبل مجلس الادارة ------------------ ممكن انها تاخذ سنوات فيما لو احيلت للقضاء -------------------
------- يعني يا خوي بوسعد الحماس مطلوب لكن ايضا لابد من التفكير مرة وثنتين وعشر قبل الاقدام على اي خطوة ممكن تكون نتيجة اندفاع او ردود افعال --------------------------
لكن هل التوكيلات اهي فعلا للتوجه الى ساحة القضاء او انها لضمان اكبر نسبة من المساهمين تمهيدا لتشكيل مجلس ادارة جديد واقالة المجلس الحالي ؟! بانتظار الاجابه
عندي
اسئله ياليت اتجاوب عليها انت اوالمجلس الجديد
اوالقديم او اي موظف بابراج اذا عندهم موظفين
كم عامل على اقامة ابراج اللحين ؟
كم عامل حول اقامته من سنه وليش حولتو اقامته وكم خذيتو؟
لاتقولي المجلس القديم الى الان العمال ينحاشون
كم عامل عليه غرامة انتهاء اقمامه وكم المبلغ وشنو سويتو؟
كم عدد الاليات وفيه اليات مفقوده من زمان شنو سويتو بلغتو؟
كم عامل ماخذى معاش من سنه وكم المبلغ المتراكم وشنو حلكم؟
كم عقد عند الشركه ومتى ينتهي؟
شنو قاعدي تسون ابي اعرف ؟
المجلس القديم حراميه كلنا انعرف بس المجلس الجديد شنو سوى