انا لاعرفك ولا تعرفنى وانشاء الله اخوان
انت متأكد من هالخبر ولا لأ
إخوان إن شاء الله يا الغالي ..
إي متأكد .. و التقديم حق النيابة تعسر واضح في السداد و يبدو بأن التفاوض ماجاب نتيجة .. على فكرة أيضا رئيس المجلس السابق كان صادر بحقة ضبط و إحظار ، و إنحط الخبر بالقبس من فترة بسيطة و لو إتلاحظ تم إجراء تعديل في الأعضاء بعد إختيار مجلس جديد و تم تسمية رئيس مجلس إدارة جديد غير كويتي و غير مقيم بالكويت ، حتى لا يستمر أمر الضبط و الإحظار اللي صادر على الرئيس السابق لأن الحكم نهائي و بالتالي الأن رئيس المجلس غير كويتي و من الصعب العثور عليه ، الحكم كان صادر لأحد العملاء مع المجموعة حسين الخرافي .
و هذا راح يعطي مؤشر أيضا بخصوص الصكوك اللي ماخذينها إذا كانوا غير قادرين على مواجهة ماهو حال عليهم الحين فكيف راح يتعاملون مع الصكوك 200 مليون دولار .
و لاحظ أيضا التعتيم على النتائج اللي توصلوا لها مع المستشار المالي اللي قالوا عنه شركة كي بي ام جي ..مافي شفافيه مع المساهمين أبدا
و خل القرعة ترعى .. أنا قلت هالمعلومة و العالم شبت علي بدال ما يشبون عليهم و يشوفون لهم حل مع هالإدارة !!!
المشكلة مساهمين المجموعة مو متوحدين و لا منسقين ... شوف التنسيق اللي صار بين مجموعة من مساهمين إستحواذ القابضة .. حاطين محامي و عدد كبير من مساهمين ثقال كانوا معاهم و حطوا إعلان بالجريدة و أرقام تلفونات عشان يجمعون أكبر عدد من المساهمين و يشكلون ضغط
بالجمعية العمومية
بالمقابل عموية المجموعة الدولية كان الوضع مخربط و، بالرغم ان كان في فرصة كبيرة للتأثير و دخول أعضاء جدد
اللي ماسكين الإدارة الأن ما عندهم أغلبية ..بس مع الأسف الجهود كانت مشتته و ما فيها تركيز ..
يقولون بس ماني متأكد إن إهم إعلنوا أسماء المجلس الجديد لثلاث سنوات القادمة بالبورصة و أصلا إلى حد الآن لم يتم إعتماد الجمعية العمومية الأخيرة من وزارة التجارة !! شي غريب و إذا كان صحيح ليش كل هالتأخير من التجارة و ليش إذا في شي على الجمعية الأخيرة ليش التجارة ما تعلن إجراءاتها !