شركة أبيار للتطوير العقاري ( أبيار )

[العقيله]

خوي اتقي الله انت كل يوم قاعد تدعي عليهم ترا مو زين تبي السهم خلك معاه ما تبيه فك نفس وروح دور سهم تاني

الشركه تعبانه وخاف تكون من ضمن شركات العفن بعد لان واضح ان الشركات القويه قاعده تطلع والعفن ينزل اذا تبي تمسكها للنهايه اوك ماتبي فك عنها


اليوم كان تصريف قوي عالسهم واكثر شي كان واضح التصريف بالدقائق الاخير الحذر من السهم

اخوى شكلك من كلامك لا تملك بالسهم ليش تحاول تذم السهم وتحرق اعصاب الناس انت محاسب عل نيتك اعتقد انك طلعت من السهم والسهم ما اعتقد سيئ مثل ما تحاول تبين اتقى الله تعالى

 

[ali kh]

الله كريم وان شاء الله يعوضنا الله خير..

 

[البورصه دمرتني]

اذا حذرت الناس وقلت ان اليوم كان تصريف بكون ما خاف الله ؟؟
السهم اليوم ارتفع مع بداية السوق وصار تصريف قوي تابعي الصفقات على موقع البورصه واللي قط مليون سهم وباعها دفعه وحده على 27 فلس ورد قط مليون على 26.5 اكيد ماهو مستثمر صغير وله هدف مو قاعد يبيع بخساره ويبي يقط فلوسه
انا لما الاحظ شي اقول واحذر المستثمرين احسن يدبسونهم اكثر بالسهم وانا ما اقول وضعه سيء و لكن وضعه الحين ما يطمن واذا باجر استمر بالتراجع اكيد في شي ليش السوق كله طالع الا السهم ؟؟؟؟

 

[الراجى]

اول شى السلام على الجميع ثانيا الشركة حسب ميزانيتها وبياناتها المالية وضعها ممتاز ثالثا الشركة عندها بيعه لعقار طيبة صحيح ارباحها مو وايد لكن سعر العقار حلو وكبير ويخليها تسدد كثير من ديونها وتعدل وتصحح وضعها رابعا الشركة ماعندها استثمارات باوراق مالية كله عقارات خامسا والله اعلم ان الشركة لايوجد لها صانع سوق جيد او ان صانع سوقها يعانى من السيولة فما يقدر ان يصعدها على راحته او ان هناك ناس او مجاميع قاعده تجمع على راحتها واما بالنسبة للى يبيع بربح نص فلس فلا تلومونه حنا كلنا مثله شنسوى السوق مايساعد والنص فلس بهالوقت نعمه سادسا كلامى هذا لايعتبر تطبيل للسهم ولكن راى شخصى قابل للنقض خصوصا انى اليوم زدت كميتى بالشركة من اجل التبريد والله يوفق الجميع​

 

[البورصه دمرتني]

خوي الحين السوق وايد يساعد وهذه فرصه للارتداد لو كان وضعها زين ترا انا كنت اول شي مخدوع بالشركه واقول زين وقويه لكن تفاجأت بنزولها الى 20 فلس وقلت لو كان فيها خير ما وصلت عشرين فلس ... اما بخصوص الصفقات مالتهم وسوالفهم طلعت كلها خرطي اخوي ومن اهم صفات الشركات الورقيه الصفقات الكاذبه ترا ميادين من 6 شهور تقول عندها صفقه وبيان من اسبوعين تقول عندها صفقات هذول يبون شي ليصرفون اللي عنمدهم وياكلون اموال صغار المستثمرين

انا لما قريت على موقع البورصه انه في صفقه شريتها على 33 فلس والحين شوف وين صارت ما قول الا حسبي الله ونعم الوكيل يعني اذا المستثمر ما صدق موقع البورصه والتوضيحات المنشوره عليه منو يصدق ؟!!!!

 

[عبدالله 2]

خوي اتقي الله انت كل يوم قاعد تدعي عليهم ترا مو زين تبي السهم خلك معاه ما تبيه فك نفس وروح دور سهم تاني

الشركه تعبانه وخاف تكون من ضمن شركات العفن بعد لان واضح ان الشركات القويه قاعده تطلع والعفن ينزل اذا تبي تمسكها للنهايه اوك ماتبي فك عنها


اليوم كان تصريف قوي عالسهم واكثر شي كان واضح التصريف بالدقائق الاخير الحذر من السهم

هلا بالغالي

تقولي اطلع من السهم ياخوي الخسارة جايده

عندي 220 الف سهم بهالشركه التعبانه

40 الف سهم شاريهم على 112 فلس
60 الف سهم شاريهم على 96 فلس
40 الف سهم شاريهم على 52 فلس
80 الف سهم شاريهم على 32.5 فلس

مجموع الشراء 14920 دينار
وقيمتهم الحين 5830 دينار
يعني الخسارة 9090 دينار بنسبة 39 % في خلال سنه واحدة فقط
طبعا هذه الخسارة بشركة واحده

شلون الشركات الباقيه اللي شاريهم ب300 فلس والحين قيمتهم 20 فلس

خلها على ربك بس

 

[البورصه دمرتني]

انا خسرت نص راس المال بالسهم ما يخالف اخوي الله كريم وبعوضنا ان شاء الله شنسوي بعد السوق ما ادري شفيه لكن اللي يفتك افضل هذا رايي وعاد انت كيفك

لان اخوي الشركه ما منها امل ناس باعت اليوم 27.5 باجر ما تحصل هالسعر واللي يبيع باجر على 26.5 ممكن اللي بعده ما يحصل يبيع على 26 . انا كنت متفائل اليوم وتوقعت تغلق مطلوبه حد اعلى لكن مو قاعده تتفاعل مع السوق وناس تضغط عليها والشركه وضعها مو وايد مستقر الفتره الحاليه الله يستر

 

[عبد الزهراء]

ارده سهم شفته في حياتي تذكرون لمه كانو اشترو ابيار ابيار تره كان تصريف علينا اطلعو الحبايب وخلونه يعني السوق الكويتي نصب في نصب والحين اقول لو السوق يروح 10000 نقطه يغرونكم ويخلونكم تشترون بعدين يرجع العصار يعني بيعو معاهم واشترو معاهم امه الاستثمار في السوق حررررررررررررررررررررررررررررررررررام والله

 

[nader100]

8:41:5] ِ.(أبيار) توقع عقد نهائي لبيع 50% من احدى عقارات الشركة في دبي

يعلن سوق الكويت للاوراق الماليه عطفا على اعلانه السابق بتاريخ 09-06-2010 ‏

والخاص بشركة ابيار للتطوير العقاري ،وقيامها بتوقيع مذكرة تفاهم مع احد ‏
المستثمرين الامارتيين لشراء 50% من احدى عقارات الشركة المميزه و الذي يقع ‏
فى دبي بدولة الامارات حيث تفاصيل الصفقة هي كما يلي :‏
ِ1- الربح المتوقع في حالة اتمام الصفقة المشار اليها اعلاه في حال اتمامها
يقدر بحدود مبلغ 1.570.000 د.ك و سوف تنعكس في البيانات الماليه للشركة .‏
ِ2- في حال اتمام الصفقة وفق الشروط المشار اليها اعلاه سيتم قيد الربحيه في
الربع الثاني او الثالث من هذه السنه و ذلك يعتمد على تاريخ التوقيع الفعلي ‏
على العقد النهائي .‏
ِ3- تقدر القيمة العادلة المبدئية للعقار وفقا لمذكرة التفاهم مبلغ 350 مليون
درهم اماراتي .‏
تفيد الشركة بانه تم توقيع العقد النهائي وفقا للشروط الواردة فى مذكرة ‏
التفاهم بتاريخ 08-07-2010 .‏

 

[البورصه دمرتني]

مبروك الصفقه خوي عبد الله عسى تعوض خسارتك ومبروك عالمستثمرين ( مع تحفظي لانه ممكن السهم اليوم يختم احمر )

 

[مبارك85]

اخوي البورصة دمرتني انت تملك بالسهم ؟
يا اخوي اذا ما تملك او حتى اذا تملك
يا اخي اما تقول خير او اسكت لان ناس واجد تشائم من وجودك بالصفحة ومن كلامك السلبي

 

[mishmish]

بالفعل انا معاك

 

[شركان شركون]

عاشوا ربع المثنى للاستثمار

المثنى شركه مملوكه 100 بالميه لبيت التمويل الكويتي

واهي الي وراه الشغل الي صار على ابيار

 

[mishmish]

كان صيده حلوه بال21

 

[البورصه دمرتني]

اخوي البورصة دمرتني انت تملك بالسهم ؟
يا اخوي اذا ما تملك او حتى اذا تملك
يا اخي اما تقول خير او اسكت لان ناس واجد تشائم من وجودك بالصفحة ومن كلامك السلبي

تامر اخوي ما عاد اعلق بالشركه انا عندي بالمستثمرون لكن احب علق بكل الشركات

 

[قـلـب الأسـد]

مبروووك الارتفاع للجميع والله يوفقكم ان شاء الله واتمنى السهم يكمل صعود باجر بأذن الله

 

[rahaly]

8:41:5] ِ.(أبيار) توقع عقد نهائي لبيع 50% من احدى عقارات الشركة في دبي

يعلن سوق الكويت للاوراق الماليه عطفا على اعلانه السابق بتاريخ 09-06-2010 ‏

والخاص بشركة ابيار للتطوير العقاري ،وقيامها بتوقيع مذكرة تفاهم مع احد ‏
المستثمرين الامارتيين لشراء 50% من احدى عقارات الشركة المميزه و الذي يقع ‏
فى دبي بدولة الامارات حيث تفاصيل الصفقة هي كما يلي :‏
ِ1- الربح المتوقع في حالة اتمام الصفقة المشار اليها اعلاه في حال اتمامها
يقدر بحدود مبلغ 1.570.000 د.ك و سوف تنعكس في البيانات الماليه للشركة .‏
ِ2- في حال اتمام الصفقة وفق الشروط المشار اليها اعلاه سيتم قيد الربحيه في
الربع الثاني او الثالث من هذه السنه و ذلك يعتمد على تاريخ التوقيع الفعلي ‏
على العقد النهائي .‏
ِ3- تقدر القيمة العادلة المبدئية للعقار وفقا لمذكرة التفاهم مبلغ 350 مليون
درهم اماراتي .‏
تفيد الشركة بانه تم توقيع العقد النهائي وفقا للشروط الواردة فى مذكرة ‏
التفاهم بتاريخ 08-07-2010 .‏

هذا العقار ممتاز ومميز - يقع بالقرب من راديسون ساس المملوك للشركة في منطقة الجميرا
واذا انتهى بناءة خلال يمكن سنة سيكون ذو جدوى كبيرة على الشركة

بحسب ما بلغني

رأيي الشخصي ان الشركة فعلا قاعده تقوم بتخارجات ومشاركات واتفاقات جيدة - ولا تنسون انها شركة عقارية واصولها ملموسة وجيدة
عدا نزول في تقييم الاصول
يعني اذا تعدلت الاسواق وانتعشت وخاصة في دبي
فعلا ستظهر نتائج ايجابية للشركة - لكنها تحتاج الى وقت قد يطول

رأي شخصي من متداول متكسر بالسهم

والله اعلم

 

[longinvestor]

انا ابي اعرف شيء واحد بسسسسسسسسسس
منذ متى بيع الاصول ولو جزء منها شيء ايجابي؟!؟!

 

[اخوكمم]

الي المشرفين الافاضل / انا شاركت في هذه الصفحه اليوم , ولم اجد مشاركتي , فهل تم الغاءها , ام هو خطا فني من جانبي , ارجو افادتي , تحياتي .

 

[Zero]

انا ابي اعرف شيء واحد بسسسسسسسسسس
منذ متى بيع الاصول ولو جزء منها شيء ايجابي؟!؟!

اعتقد الايجابي ان الشركه لديها اصول بهذا الشكل وسعر سهمها بخانة العشرين فلس

ابيار فرصه لن تتكرر بتاريخ السوق الكويتي