شركة أبيار للتطوير العقاري ( أبيار )

[مبارك85]

حسبي الله ونعم الوكيل شريت السهم على 29 فلس واليوم بعت 23.5 ودشيت شركه تانيه ابي افتك من شركة الكذب والنفاق واكبر دليل على كذبهم ونفاقهم اخر فلم عملوه وعلى الموقع الرسمي للبورصة لما اعلنو توقيع مذكرة التفاهم مع المستثمر الاماراتي وقالو ان المذكره تنص على توقيع العقد بعد 30 يوم من تاريخ مذكرة التفاهم والحين صار شهر وما شفنا شي المذكره قالو وقعوها في 6/6/2010 والحين صار لهم 30 يوم شنو صار ؟؟؟ وليش ادارة البورصه ما تسألهم عن توضيح وتوقفهم عن التداول ؟؟؟؟!!!!!!!



http://kse.com.kw/portal/a/history/shownews.aspx?mode=display&tm=8q0&dt=2010.05.31



ليش السكوت على اكل اموال الناس يا ادارة البورصه وليش السكوت عن حقوقكم يا مساهمين ؟؟!!!!

افا يا اخوي خونت بقروب ابيار
اصبر يمكن بعد ما يبيعون نص العقار بدبي يتعدل الوضع

 

[البورصه دمرتني]

اي قروب اخوي ؟ هذا تسميه جروب ؟ وين الشفافيه وين المصداقيه ؟ كل تصريحاتهم كلام وبس وتاني يوم ينسو التصريح لو تشوف كلامهم 2008 و 2009 كانو يقولون عندهم اصول ومشاريع بقيمة 2 مليار دينار الحين وين راحت ؟

وصلو السهم الى 800 فلس ومساكين يلي دبسوهم فيه من شهر كان كلام عن جدولة ديون 14 مليون نسوه الحين

كان تصاريح عن استثمارات بالسعوديه وارباح بالربع الاول والتاني اختفت ما درينا عنها وهم صرفو على 60 فلس

كان عندهم ارباح بالربع الثالث السنه اللي طافت فجأه عملوها مخصصات وصارت الشركه خاسره قالو ليش نقول ربحانين ونوزع للمساهمين ما يجوز

من شهر يقولون عندهم صفقه بالامارات ووقعوها الحين نسوها ولا احد يصرح عنها بكلمه والمشكله البورصه صايره تروج لهم الاشاعات والا مفروض كان البورصه امس وقفتهم عن التداول لحين ايضاح لكن نايمه عنهم

 

[ADEL ALAZMI]

عاش البورصه دمرتني

شرايك عاد بوجهه نظرى .. سعــرها 22 اللى اشوفه من يدخل بالسعر جيد دام مافيها افلاس

للعلم املك بالسهم وصابر يـــ اعوض خسايري واكل فستق ولوز

يـــ اطلع واهيه فرصه فكه من البورصه

 

[Economic HitMan]

صباح الخير ياشباب, انا كنت شاري السهم على 102 فلس ويوم نزل لي 49.5 تقريبا بردت عالسهم بعد استشارة الأخ بركاوي جزاه الله الف خير وبعت عالستين تقريبا وبربح جدا قليل. حاليا ما املك السهم وودي اشتريه مره ثانيه بس خايف خصوصا ان سهم سنام اللي يملكونه الرشدان وربعه سعره عالي مقارنه بأبيار واخاف ينزلون ابيار اكثر ويدمجون سنام مع ابيار ويعطون كل واحد عنده سهم سنام 6 او 7 اسهم ابيار. المستفيد طبعا الرشدان وربعه يفتكون من سهم سنام اللي مثبتين سعره وياخذون بداله 6 او 7 اسهم ابيار وللعلم سنام مملوكه بشكل كبير من الرشدان وربعه حسب موقع البورصة. للعلم هذا مجرد تحليلي الخاص واللي اهو سبب نزول ابيار بالشكل هذا. الله يوفق الجميع وينصرنا على النصابين.

 

[ADEL ALAZMI]

اعلن سوق الكويت للأوراق الماليه انه قد ورد اليه الان و عطفا على اعلانه السابق بتاريخ 9-7-2009 حول رغبة شركة أبيار للتطوير العقاري الاستحواذ على شركة سنام العقاريه تفيد الشركة بأنها قد قامت بمخاطبه شركة سنام العقاريه عن عدم رغبتها بالإستحواذ على الشركة المذكورة.‏

اللى خايف منه هذا الرد من ابيار

 

[Economic HitMan]

شتشور علي يالعازمي ادش عالسهم مع اني اتوقع باي لحضة يقدرون يغيرون كلامهم

 

[ADEL ALAZMI]

شتشور علي يالعازمي ادش عالسهم مع اني اتوقع باي لحضة يقدرون يغيرون كلامهم

ولله يالغالي طلب المشورة بالوقت المناسب للسوق صعب احد يقولك اشتر

فـما بالك بالوقت السيء للسوق ... انا اتكلم عن نفسي السهم اشوفه

من ارخص الاسهم واصوله زينه يمكن 250 مليون !

شريت بالسهم بناء علي سعرة المغري واصول الشركه .. مع

العلم السوق وضعه مو شى ... بالنسبه لى انا

بالنسبه لك انت اتخذ القرار اللى تشوفه مناسب اللى اقدر اقوله لك

لاتدش بالمبلغ كله وزع محفظتك يعني تشترى ع 22

وافرض نزل الى 16 تشترى وتكون مسكت العصاة من النص

وانشاءلله تاكل فستق ولوز

 

[المهمه]

أبيار نحو صفقة بيع في دبي



عيسى عبد السلام
ينتظر أن توقع شركة أبيار للتطوير العقاري العقد النهائي لبيع %50 من أحد عقاراتها في إمارة دبي لأحد المستثمرين الإماراتيين الأسبوع الجاري، محققة ربحا يقارب 1.57 مليون دينار.
وقالت مصادر ان الاجراءات القانونية للعقد في مراحلها النهائية، مشيرة إلى أنه سيتم احتساب الربحية الناتجة عن صفقة البيع ضمن أرباح الربع الثالث من العام الجاري.
الجدير ذكره ان مذكرة التفاهم الخاصة بصفقة البيع حددت ان الطرفين البائع والمشتري سيقومان بتوقيع العقد النهائي في غضون شهر من تاريخ توقيع الاتفاقية الموقعة بتاريخ 6 يونيو الماضي.​

 

[البورصه دمرتني]

عاش البورصه دمرتني

شرايك عاد بوجهه نظرى .. سعــرها 22 اللى اشوفه من يدخل بالسعر جيد دام مافيها افلاس

للعلم املك بالسهم وصابر يـــ اعوض خسايري واكل فستق ولوز

يـــ اطلع واهيه فرصه فكه من البورصه

اذا تملك بالسهم ومدبس فيه لا تدبس نفسك اكثر نصيحه دش شركه تانيه هذي شركه ما فيها خير الا على مجلس ادارتها

 

[البورصه دمرتني]

فكني منهم يا معود هم وصفقاتهم ما ابيهم كلو كذب ونفاق ومصدر قال ومصدر ما قال انا مو زعلان على خسارتي ولا على الشركه الزفت لكن اللي قاهرني ليش موقع البورصه ساكت عن الاشاعات و عن انتهاء المهله الخاصة بالصفقه ليش ما يوقفهم عن التداول ولا مستانسه ادارة البورصه بأكل اموال المساهمين ؟؟

السوق وين وهم وين السوق حد اعلى وهم نايمين ممكن تختم احمر 90 بالميه لو ماخد باضعف شركه كان عوضت خسارتك ليش تدش بشركات زباله مثل ابيار
شوف ادنك وقرين القابضه والمستثمرين على ابواب افلاس شوف اسعارهم وتفاعلهم مع السوق نصيحه اخواني لا احد يساهم معاهم من شهر وانا بخسر كل يوم والحين الحمد لله امس شريت بالمستثمرون كميه اكبر من مالة ابيار والحين ابيعها ان شاء الله واعوض خسارتي

 

[ابوحمزه]

فكني منهم يا معود هم وصفقاتهم ما ابيهم كلو كذب ونفاق ومصدر قال ومصدر ما قال انا مو زعلان على خسارتي ولا على الشركه الزفت لكن اللي قاهرني ليش موقع البورصه ساكت عن الاشاعات و عن انتهاء المهله الخاصة بالصفقه ليش ما يوقفهم عن التداول ولا مستانسه ادارة البورصه بأكل اموال المساهمين ؟؟

السوق وين وهم وين السوق حد اعلى وهم نايمين ممكن تختم احمر 90 بالميه لو ماخد باضعف شركه كان عوضت خسارتك ليش تدش بشركات زباله مثل ابيار
شوف ادنك وقرين القابضه والمستثمرين على ابواب افلاس شوف اسعارهم وتفاعلهم مع السوق نصيحه اخواني لا احد يساهم معاهم من شهر وانا بخسر كل يوم والحين الحمد لله امس شريت بالمستثمرون كميه اكبر من مالة ابيار والحين ابيعها ان شاء الله واعوض خسارتي

بالفعل يجب الا نساهم فى الشركات الورقيه أو الشركات المعرضة للأفلاس وهناك العديد من الشركات القيادية والتشغيليه.

 

[قديم بن عتيج]

اي قروب اخوي ؟ هذا تسميه جروب ؟ وين الشفافيه وين المصداقيه ؟ كل تصريحاتهم كلام وبس وتاني يوم ينسو التصريح لو تشوف كلامهم 2008 و 2009 كانو يقولون عندهم اصول ومشاريع بقيمة 2 مليار دينار الحين وين راحت ؟

وصلو السهم الى 800 فلس ومساكين يلي دبسوهم فيه من شهر كان كلام عن جدولة ديون 14 مليون نسوه الحين

كان تصاريح عن استثمارات بالسعوديه وارباح بالربع الاول والتاني اختفت ما درينا عنها وهم صرفو على 60 فلس

كان عندهم ارباح بالربع الثالث السنه اللي طافت فجأه عملوها مخصصات وصارت الشركه خاسره قالو ليش نقول ربحانين ونوزع للمساهمين ما يجوز

من شهر يقولون عندهم صفقه بالامارات ووقعوها الحين نسوها ولا احد يصرح عنها بكلمه والمشكله البورصه صايره تروج لهم الاشاعات والا مفروض كان البورصه امس وقفتهم عن التداول لحين ايضاح لكن نايمه عنهم

السلام عليكم

البورصة دمرتني كيف حالك خيــــــــــــو

الله يرحملي بيـــــك وممتــك واولادك ،،/// انت بعت سهم ابيار خلاص

ليــــش تــمر علينا خلاص روح يااخي لمدة اسبوع خلينا في حالنا

احنا راضين في الخسارة والربح حتي لو ينصبون علينا احنا راضين يااخي

بس خلينا في حالنا الله يرحم والديك

الشركة لها مستقبل نعم لها مستقبل لكن تريد صبر وحنا عندنا الصبر

ارجوا انك ماتزعل مني ////// لك يسلملي هاالتم مااحلاك

 

[قديم بن عتيج]

ماهي التوقعات لسهم ابيار ليوم غد.......؟؟؟؟

معقولة حــــــــد اعلى بعد ،، الله العالم

 

[AL_RAGI]

ماهي التوقعات لسهم ابيار ليوم غد.......؟؟؟؟

معقولة حــــــــد اعلى بعد ،، الله العالم

ليش مو معقوله اجل بس معقوله السهم ينزل من 800 فلس الى 22 فلس​

 

[com]

على مااعتقد ان الرشدان بعد زيادة رأس مال الشركة صرح بأنه ماراح يدعم السهم بفلوس زيادة رأس المال وان خطتهم التوسع بمشاريع الشركة على العموم ننتطر ونشوف وعلى قولت المثل راح الكثير ولابقى غير القليل

 

[BOoMBaSTiC]

حلوين 4 فلوس بيومين

 

[com]

الميزه الاولى صعد 4 فلوس

والميزه الثانيه كسر الترند النازل

 

[قديم بن عتيج]

اخ لو بس اتأكد كم راح يصير السهم بعد اشهر

 

[عبدالله 2]

الى اعضاء مجلس الادارة

اعلموا ان دعوة المظلوم مستجابه وخصوصا في صلاة الفجر

اعلموا ان الكثير من المساهمين المتضررين منكم يدعون عليكم

خافوا ربكم وخافوا من دعوتهم عليكم

حرام عليكم اللي قاعدين تسوونه فيهم

السوق مرتفع 65 نقطه وسهمكم مكانك راوح

منو يرضى بهالشئ الا انتم

اعلموا انكم تاكلون حقوق المساهمين بدون حق

وهذا الشئ عقابه كبير عند الله سبحانه

الدنيا ماتدوم لكم وسووا خير لاخرتكم

 

[البورصه دمرتني]

خوي اتقي الله انت كل يوم قاعد تدعي عليهم ترا مو زين تبي السهم خلك معاه ما تبيه فك نفس وروح دور سهم تاني

الشركه تعبانه وخاف تكون من ضمن شركات العفن بعد لان واضح ان الشركات القويه قاعده تطلع والعفن ينزل اذا تبي تمسكها للنهايه اوك ماتبي فك عنها


اليوم كان تصريف قوي عالسهم واكثر شي كان واضح التصريف بالدقائق الاخير الحذر من السهم