شركة الأبراج القابضة ش.م.ك.مقفله ((أبراج))

[ابوهيا]

اهم شي لايكسر ال 30

 

[بوفيونة]

الله ستر وحافظ السهم على اقفال أمس.

 

[adelsaqer]

انت كله متشائم اخوي مره وحده ييبلنه خبر فرحنه فيه ...............​

اسمحلي انفعلت اشوي​

​

بوجاسم اللي يشوف تصرفات الشركة وين يشوف الفرح احنا كلنا قاصين في هالسهم شارينه بالعالي واللي يبط الجبد ان اوامر البيع من سنه الي الحين مانقصت

 

[Logiciel]

انت كله متشائم اخوي مره وحده ييبلنه خبر فرحنه فيه ...............​

اسمحلي انفعلت اشوي​

​

ههههههههههههههههههههههههههههههه

 

[Logiciel]

اقفال 32 عند المقاومه بالضبط يعني مو دخول​

الي صار اليوم انا سهم كان عند مقاومه نزل بس اقفل عليها​

 

[$بوجاسم$]

ابراج تحرك قوي وضع اوامر بالملايين من الطلب والعرض ....

الظاهر فيه خبر عن ابراج بس مايندره ايجابي سلبي الله اعلم، الي عنده اي معلومه افيدنه يا جماعه​

 

[Executive]

تخيلو لو كنتو في بلد عربي ثاني وقلتو هالكلام "مقاومة" و "دعم" كنتو رحتو وطي في غرفة التعذيب الفني (غشمرة)

 

[راعي البويضة]

ماوراها الي الدجه ملايين مليارات مصيرك ياسمير والكندري مصير خاجه

 

[dr.mohd]

صار تحذف بال 400 وال 800 الف !! على اسعار نازله الله يستر بستره عسى الله يثبتنا ويرفع سعره فوق
اموت وعرف منو يبيع بهالسعر؟ هل هو صانع السوق لتخويف المضاربين ام انه في شي بالخفاء
عسى الله يستر على راس مالنا

 

[بوفيونة]

خل يعلنون بالأول عن إستقالة رئيس مجلس الإدارة عشان يعلنون عن شي ثاني !

 

[Executive]

إنشاءالله تكون توقعاتنا المرجحة في محلها بخصوص إعادة الجدولة وترأس مجلس الإدارة من قبل البنك وإعادة ترتيب الشركة. أي حل ثاني راح تكون سلبياته أكثر من إيجابياته. وبآخر النهار هم البنك يربح أو على الأقل يطلع بأقل خسائر.

 

[بوفيونة]

معقولة ! أكثر من 8 ملايين سهم شراء مو قادرين يرفعون السهم نص فلس !!!

 

[$بوجاسم$]

معقولة ! أكثر من 8 ملايين سهم شراء مو قادرين يرفعون السهم نص فلس !!!

لو يبون يرفعونه جان من زمان رفعوه لكن هناك شيء خلف الكواليس شنو اهو الله العالم ,,,,,,,,,,,,​

 

[بوفيونة]

عدد الأسهم المتداولة لحد الأن تجاوز ال 5% من إجمالي أسهم الشركة والسهم مكانك راوح !

 

[Bond 007]

ماوراها الي الدجه ملايين مليارات مصيرك ياسمير والكندري مصير خاجه

والله سمير والكندري عداهم العيب بس الشرهه على بنك بوبيان اللي موراضي ولا ناس يقولون لك نعطيك 9 ملايين كاش ونجدول على 5 سنوات وما ترضي هذا اللي ما ينفهم وهم يعرفون وضع الشركة قبل وبعد ويعرفون انهم عطوا تمويل وعارفين شنو صار بالسوق

 

[Logiciel]

32 مقاااااااااااومه

 

[Executive]

ماوراها الي الدجه ملايين مليارات مصيرك ياسمير والكندري مصير خاجه

نحمد الله ونشكره إنه سمير والكندري مو سبب الأزمة العالمية ولا سبب الأزمة الإقتصادية في الكويت. الواحد يقدر يتفهم قهر المستثمر من الخسارة لأن الفلوس في الغالب تعب الناس.

بس إذا كان الكلام لواحد مدفوع، والحمدلله بعضهم مبين بشكل واضح من خلال مشاراكاتهم، تصير العملية عملية قدح وذم وتشهير بأشخاص ذنبهم الوحيد أن الشركة مثل باقي الشركات تأثرت بالأزمة (خلي واحد يقولي إنهم الوحيدين اللي يواجهون مشاكل نتيجة الأزمة). واضح إن هالأشخاص مدفوعين من ناس يبونا نقط الأسهم بالرخيص علشان يلموها بالكميات اللي قاعدين نشوفها كل يوم. سبحان الله هذي نسخة طبق الأصل عن اللي كان يصير مع جلوبل والتشنيع بمها الغنيم.

وقبل ما نكون ببغاوات نكرر اللي يقولوه بعض الناس أحسن نتأكد عن سمير الناصر وشنو بالضبط صار مع الكندري مثل ما كان المطلوب نتأكد شنو صار مع مها الغنيم وغيرها.

واللي يضحك أكثر إنه بعضهم ينم ويسب ويلعن ويتهم ويجيب الناس والشركات أسفل سافلين وتحت إسمه يوقع بآيات قرآنية علشان تصدق إنه إنسان يخاف الله.

 

[adelsaqer]

نحمد الله ونشكره إنه سمير والكندري مو سبب الأزمة العالمية ولا سبب الأزمة الإقتصادية في الكويت. الواحد يقدر يتفهم قهر المستثمر من الخسارة لأن الفلوس في الغالب تعب الناس.

بس إذا كان الكلام لواحد مدفوع، والحمدلله بعضهم مبين بشكل واضح من خلال مشاراكاتهم، تصير العملية عملية قدح وذم وتشهير بأشخاص ذنبهم الوحيد أن الشركة مثل باقي الشركات تأثرت بالأزمة (خلي واحد يقولي إنهم الوحيدين اللي يواجهون مشاكل نتيجة الأزمة). واضح إن هالأشخاص مدفوعين من ناس يبونا نقط الأسهم بالرخيص علشان يلموها بالكميات اللي قاعدين نشوفها كل يوم. سبحان الله هذي نسخة طبق الأصل عن اللي كان يصير مع جلوبل والتشنيع بمها الغنيم.

وقبل ما نكون ببغاوات نكرر اللي يقولوه بعض الناس أحسن نتأكد عن سمير الناصر وشنو بالضبط صار مع الكندري مثل ما كان المطلوب نتأكد شنو صار مع مها الغنيم وغيرها.

واللي يضحك أكثر إنه بعضهم ينم ويسب ويلعن ويتهم ويجيب الناس والشركات أسفل سافلين وتحت إسمه يوقع بآيات قرآنية علشان تصدق إنه إنسان يخاف الله.

اخوي انا مادري شنو علاقتك في هالاثنين لكن انا اللي سمعته واعرفه انا اكو قضايا علي هالاثنين وحده منهم شيك بدون رصيد والثانية تلاعب في التداول الشيك مومشكلة متي ماسدد صاحبه يطلع من القضية لكن الثانية ان ثبتت مشكلة المشاكل وصاحبها لازم يطلع من مجلس الادارة وقتها وهالقضيتين مالهم شغل بالازمة المالية العالمية هذا يسمونه لعب بحلال الناس لاتقارن باقي الشركات باللي صار مع هالقروب

 

[Executive]

وبما أني واحد مستقل بتفكيري رحت وتقصيت عن موضوع عمال النظافة. وعن الفزعة بإيقاف الأبراج والمسيلة عن المشاركة بالمناقصات لمدة 3 أشهر. لقيت إنه جهة حكومية عطلت الدفعات المستحقة للأبراج فوق الست أشهر. وتخيل إن عندك شركة تعتمد بشكل شبه كامل على العمالة وتقوم وزارة وتوقفلك الدفعات. شلون بتدفعون أكلهم وشربهم وسكنهم ونقلهم ورواتبهم، ولمتى تقدر أي شركة ترقع المصاريف وتتدين وتستزف أموالها في وضع إقتصادي وسيولة شحيحة وفي ظل وجود أزمة مالية معروفة للشركة. ولا مثل مايقول المثل (إن طاح الجمل تكثر سكاكينه)

اليوم إذا أردت أن تدعي على شركة بس إدعي (الله يورطها بمناقصة مع وزارة) وخذ على بيروقراطية حتى تمشي وتكلم نفسك.

 

[الشاهين1]

تداول غريب وعجيب ويحير اكثر من 10مليون؟؟؟!!!هل هو تجميع او تصررررررريف والمرجح في ظل اوضاع الشركة يكون تصرررريف