ابو فطيرة (( الجزء الثاني ))

[yasalam]

رجل يا عذبي ..

دائما موجود بإعطاء آخر المستجدات لاخوانك ..

 

[ودي اربح]

السلام عليكم

هلا بالشباب اشلونكم عذبي خرطوش بو فراس يا سلام

عذبي ما شاء الله عليك ذاكرتك ممتازه

 

[ابوفيصل2008]

يا هلا بالاخ ابوفيصل..
السعر بالنسبه للموقع اللي ذكرته ... والاسعار اللي بالسوق ... فهو ممتاز ..
والدليل قارن هالسعر مع نفس الموقع بالمسيله راح تلقاه 180 الف ..
والفنيطيس مو اقل من 150 ..
وهالمنطقتين بالتحديد اخذهم بالاعتبار كونهم متاجورين وتحت مظلة شرق القرين ..

وعموما البطن والظهر في ابو الفطيره ((حول 140 الف..))
وانت ماخذ ارتداد ماشاء الله.. وشارع رئيسي..
فلو كنت ناوي ومعزم.. توكل على الله ..
وبتشوف من وراها خير .. وتذكر كلامي اخر هالسنه..

تراخيص البناء.. على فترتين:
1- بداية السنة القادمة..........للقطع: 8 و7 و6 و5 وجزء من 4..
2- شهر يونيو السنه القادمه.. للقطع: 1 و2 و3 و جزء من 4...

هذا الكلام الرسمي... ونتأمل ان تتسهل الامور وتصدر التراخيص قبل هالموعد...

مشكور اخوي عذبي على حسن الرد والوافي الارض إلي باخذها قطعه2 وانا اذا شريت الارض ابي ابنيها مابي اتاجر فيها
بس اكثر الربع ماينصحني بالبنيان وعوار الراس انه متعب جدااااااا ومشاكلة كثيره وينصحوني اخذ قسيمة بالقرين واريح راسي من عوار البنيان ويقولون حرام تجمد فلوسك اقل شئ 2 سنتين حتى تبدأ تبني
وظروف عملي ماتسمحلي لمجابل العمال لاني ضابط وصعب اهمل الدوام لمجابل العمال.
وابي نصيحة تجمد على الشارب من اخ لأخوه

 

[ودي اربح]

بسم الله

ما شاء الله

تبارك الرحمن ​

 

[ودي اربح]

ما شاء الله ​

 

[ودي اربح]

قل اعوذ برب الفلق​

 

[bu sale7]

ما شاء الله تبارك الله

من صبر قدر الله يهنيكم

اشلونك ودي اربح

 

[عذبي 71]

ماقصرت يابوعلي علي هالصور الطيبه اللي تفرح القلب...
والاعمده ((الشبات)) زاد عددها عن الاسبوع الماضي..
اللافت للنظر الصوره الملتقطه من وسط الشارع وعلي اليمين اعمدة النور مطروحه..
هالصوره تحديدا بقطعه 1.. والاسفلت بحمد الله وصل القطعتين 1 و2..
وبلغ الي قرب مدخل الفنيطيس..
ماراح اكثر من التعليق عالصور واترككم تعلقون عليها بنفسكم.. وبما يجود به خيالكم..
والشكر بالبدايه والنهايه للحبيب ودي اربح اللي اجهد نفسه كثيرا وراح اليوم الظهر بالحر والصيام ..وكمل التصوير لوحده..
وحصل له موقف مضحك ومرعب .. لكنه قدها وقدود..
ومبروك تصليح الكمبيوتر..

ياسلام... انت على راسي من فوق...
بومهدي مهندسنا الغالي.. هذه المعلومة يابعد حيي ماتبي مصدر ..
لانها تاريخ انتهاء العقد ..وتسليم المشروع رسميا للاشغال ..
وراجع اللوحتان الصفراوتان بمدخلي المنطقه وكحل اعيونك ..
ونتمني ان توفي البلديه بوعدها وترخص قبل الموعد الرسمي..

بوفيصل انت رجل عارف بالامور .. البيت الجاهز مثل الدشداشه الجاهزه ..
والبنيان تفصال.. على مزاجك وقياساتك..
اذا انت مشغول بالعمل ترى كلنا حالنا من حالك ..
هذا ياسلام الله يعينه دوامه بوسط البحر ..
يتابع صب السقف ولا يجابل شغله..
وعندك ودي اربح بالداخليه وشغله حوسه..
وبوراشد كذلك عمله صعب الله يعينه..
والمهندس 77 هم شغله صعب ومسؤليته كبيره
ومساعد وبوعبدالله وباجي الاخوان.. كلهم يعلم الله بانشغالهم..

لكن ربك يفرجها تاخذ اجازه عند اللزوم.. وتترخص للضروره..
ويكون عندك حارس شقردي ..
ومقاول محترم .. وبعد الدوام تجابل بنفسك.. وتمشي الامور..
وانجان بتفكر بالفلوس بتتجمد سنتين فالنتيجه تسوى ..
والثمن بحصولك علي فيلا من تصميمك ..
تزقرتها وتحط التكييف اللي يعجبك والعوازل على رايك..
والديكورات والرخام الممتاز.. والاعمده الحلوه والدرج والمصعد كل شي بمحله ..
وغرفتك علي رايك وخدمات الغرفه .. جكوزي وماجكوزي ..
وتسكن ابيت محد سكنه قبلك ريحته الجديده فيه..
بمنطقه انت اخترتها.. وموقع تبارك الرحمن من وصفك لا يعلا عليه..
وقطعة 2 معروفه.. قطعة الشيوخ واسال ودي اربح ..
فانت الكسبان بالنهايه.. واذا تبي تشتري بيت جاهز كيفك بعد.. الناس اذواق..

 

[ابوفيصل2008]

مشكور اخوي عذبي وبارك الله فيك
وماقصرت

 

[ودي اربح]

ما شاء الله تبارك الله

من صبر قدر الله يهنيكم

اشلونك ودي اربح

هلا بالغالي بو صالح


ان شاء الله الفال لكم

 

[بو فراس]

اليوم اخذت لي فره قبل الفطور على الساعه 4:30 العصر تقريبا في "شوارع" (اي نعم!! .. شواااااااااااااارع!!) ابوفطوره الحبيبه .. وماشاء الله عيني عليها بارده .. الشغل زي الفل .. الله يعطيهم الصحه والعافيه

ومثل ماذكروا أخواني عذبي71 وودي اربح .. المنطقه ماشين فيها حد الدوسه ولله الحمد .. والمنطقه من حلوه الى الأحلى كل يوم عن يوم

شباب .. نصيحة اخو يبي مصلحة اخوانه ويتمنالهم الخير .. اللي قادر ان يشتري .. فلا يتردد وخل يتوكل على الله وياخذ .. لأن اليوم وصلني خبر احتمال يرفع الاسعار فووووووووووووووووووووووق .. فسامحوني لأني ماراح اذكر الخبر علني .. لأن اذا ذكرت هالخبر .. ممكن يضر اكثر مايفيد .. بس كل اللي اقدر اقوله .. ان اللي قادر ان ياخذ لاينطر

والصور هذي لكم .. وعلى فكره بديت اخاف من المنطقه .. صايره مثل مثلث برمودا .. المره اللي فاتت اختربت كامرتي واحترقت من التصوير فيها .. وهالمره وانا اصور بالتيلفون .. علق تيلفوني ومارضا يشتغل معاي الا بشلعت قلب

ودمتم سالمين

 

[yasalam]

مشكوووووووووووووووور
صور تشرح الصدر وتفرحه
أحلى شي الشبه النايمة هييهييي
الاسفلت أماريكن ماترس

 

[ودي اربح]

تسلم الايادي بوفراس​

 

[yasalam]

بوعلي شنو الموقف المرعب والمضحك؟
ومشكور مرة ثانية على التصوير

مس اذا ممكن طلب ياجماعة .. كتبو تاريخ التصوير على الصور للذكرى وتتبع تقدم العمران بالمنطقة

 

[عذبي 71]

تسلم بوفراس واشهد انك صكيت علي اللي بالدعايه بوفراس لكل الناس..

ياخوي ابدعت بالصور واخلصت بالنصيحه وماقصرت علي تعبك ومجهودك وتعليقك الرائع
ومثل هالموضوع والمجهود الدائم يرفع من شان الموضوع ..

 

[عذبي 71]

ياسلام .. تشبيه طيب اميركن مترس..
واضم صوتي لك بخصوص تاريخ الصور..

 

[بو فراس]

تسلم الايادي بوفراس​

الله يسلمك
والعين ماتعلى عن الحاجب

 

[بو فراس]

تسلم بوفراس واشهد انك صكيت علي اللي بالدعايه بوفراس لكل الناس..

ياخوي ابدعت بالصور واخلصت بالنصيحه وماقصرت علي تعبك ومجهودك وتعليقك الرائع
ومثل هالموضوع والمجهود الدائم يرفع من شان الموضوع ..

تسلم لي والله .. ياخي سوق العقار يذبح المواطن العادي وفايده للتاجر .. واحنا نتمنى الخير للأثنين لكن "بالمعقول" .. يعني مايصير التاجر ينام بنعيم من فوايد الاراضي الخياليه .. والمواطن ينام ومايدري متى بتحوشه جلطه من اللي قاطه على بيته او ارضه او اثنينهم من هالغلاء المصطنع

والله يكتب اللي فيه الخير للأثنين

وهذا اهداء مني لك يا عذبي71 .. ولا تنسى ال"الأث ام أث" لوول

http://www.youtube.com/watch?v=VEvpIvcu_Ig​

 

[خرطوش]

السلام عليكم و الله الاخواان بو فراس وعذبي ما قعد يترددون بالرد على اي سسؤال مني والله خجلان وحاب اوجهلهم شكرر ..

بس ممكن طلب ؟؟

ممكن ارقام وعنواين مكاتب موثوق منهاا حق اراضي بو فطيره ؟؟

ان شاء الله وباذن الله عزمناا

ودعواتكم

..
ومشكورين مقدماً

 

[بو فراس]

السلام عليكم و الله الاخواان بو فراس وعذبي ما قعد يترددون بالرد على اي سسؤال مني والله خجلان وحاب اوجهلهم شكرر ..

بس ممكن طلب ؟؟

ممكن ارقام وعنواين مكاتب موثوق منهاا حق اراضي بو فطيره ؟؟

ان شاء الله وباذن الله عزمناا

ودعواتكم

..
ومشكورين مقدماً

حبيب وتستاهل .. والله يوفقك ان شاء الله

راح ادزلك رقم مكتب على الخاص وان شاء الله يفيدك .. وهذا الوحيد اللي اعرفه لأن ارضي كانت منه