ابو فطيرة (( الجزء الثاني ))

[بو فراس]

ام وانا آخذ صور العقود وبالتحديد صورة عقد الشركه الاولى .. مريت على المدخل الجديد مرور الكرام .. وبسرعه بلحق على الدوام .. وبصراحه حدي تحسفت ما اخذت له صور

واليوم ادخل المنتدى .. وأخوي عذبي 71 .. يابلي سيرة هالمدخل وقال ياليتني كنت مصور المدخل مره وحد .. وبصراحه شغلها فيني .. فوق اللي انا متحسف عليه من امس اني ماصورت

لبست ملابسي .. ودقيت السياره سلف .. والى أبوفطيره السعيده

الصور مأخوذه للمدخل الرئيسي لمنطقة أبو فطيرة بين القطعتين 1 و 3 .. وبالتحديد الشارع الرئيسي الفاصل بين المنطقتين (الفنيطيس) و (أبوفطيره)

التاريخ: 7-09-2010
الساعه: 7:00 صباحا
المكان: أرض المستقبل السعيده​

وهذا هلال العيد لمنطقة أبوفطيره .. كل شي عندنا غير وماكو شي مستحيل (تكفه لحد يفطر على ذمتي حدي مو ناقص)​

وهذي كانت عيديتي لكم مقدما .. وعيدكم مبارك قبل الزحمه .. وإن شاء الله قبل رمضان 2011 نكون حفرنا قسايمنا​

 

[بو فراس]

السلام عليكم ورحمه الله وبركاته

اشكر بوفيصل علي سعيه لدي وزاره الكهرباء وجزاك الله خير في شهر الخير والشكر موصول للحبيب بوخليفه مختار بوفطيره الي دايما لو تكلمت مراح اوفي بحقه بس ما اقول الي انشاءالله اجره يلقاه عند رب العالمين ودام تكلمتو عن الكهرباء اتكلم عن الماء
عندي مصدر من وزاره الاشغال يقول ان احتمال يكون تأخير في استلام العقود نظرا
لعدم انهاء تمديد شبكه الماء في المده التعاقديه ولمده سته شهور بعد انتهاء العقد والله اعلم السؤال اذا كان هذا المصدر صحيح فممكن (مجرد راي شخصي مني )ان يتم استلام المشروع جزئ وبملاحظات بالاستلام الابتدائ وشكرااا وكل الرجاء من الشباب من يؤكد اويفند الخبر*

اخي بوعبدالله2007

هذا الشي موجود من زمان لكل مناطق الكويت الخاصه .. شوف جنوب السره كم سنه قعدت بدون خدمات .. لا ماي .. لا كهربا .. لاتيلفونات .. لا شوارع .. لاتصريف صحي (اعزكم الله) .. وهم في مناطق كثير مشت على نفس المنوال .. عندك العقيله والمنقف وحاليا الصديق والمسيله .. وستتبعهم الفنيطيس وأبوفطيره .. لكن بالآخر شوف المناطق اللي وصلتها الخدمات .. منو يقدر يشتري فيها كشخص عادي على الله وعلى معاشه؟ .. ولو صار فيه تأخير فلاتنسى ان الأيام تركض .. وآخرتها كل شي بيوصل .. وتحياتي لك على نقل المعلومه

السلام عليكم
تحية طيبة لرواد هذه الصفحة الجميلة ، واخص بالذكر المخلصين :
- ابوفراس
- بوعذبي
- نسيت اسمه جنه ودي اروح ...!!!
ياشباب ابي شوركم ...
1- انا انسان ((سلف)) اي احد يقول لي شي اتشيش على طول ، فرجاءا هونوا علي !!!
2- بصراحة انا من السنة اللي فاتت -ايام الطيحة- كنت بشتري ولكن قدر الله وماشاء فعل ولكنني الحين قفلت على بيت او ارض ، انا طلبي 2006 يعني تو الناس -ومايندرى يمكن يسويها بوفهد ويمشي الدور- .
3- شرايكم اشتري وله انطر ؟؟؟ واذا باخذ متى برايكم الحين وله انطر الضريبة تتطبق
4- وقلبي وصدري مفتوح لآرائكم وشوركم حتى لوخارج اسئلتي ، وشكرا ​

عزيزي بوعلي الكويتي

المثل الشهير يقول "مد ريولك على قد لحافك" .. اذا كنت قادر انك تشتري .. فتوكل على الله .. واذا مو قادر فلا تضغط على روحك .. وبالأول والأخير انت ادري بحالتك الماديه

اذا لك خلق "ومقاقة" بنيان وكل الظروف مساعدتك وهم في سيوله ماليه حلوه .. توكل على الله واخذ ارض

لكن اذا مافي فلوس للبنيان ولعوار الراس .. فتوجه لشراء بيت وريح بالك ..
والفرق بينهم شي واحد .. الارض انت تفصل بيتك فيها .. والبيت الجاهز "مخيط" وجاهز للبس

وبالأخير .. اذا عندك الحين توكل واشتر ولا تتحسف اذا بتطيح الاسعار وماراح تطيح .. عقار الكويت يركد لكن مايطيح .. وطيحة المره اللي فاتت كانت مو طيحه وكا فيه خدعه من مكاتب العقار .. والكل حسباله طيحخ جايده .. الارض كانت ذاك الوقت واصله على 200 الف بدون امر بناء للزاويه .. وهذا السعر كان ومضخم ووااااااااااااااااااايد مبالغ فيه .. ويوم طاحت الاسعار وصلت لسعرها الفعلي اللي اهوا 120 او 130 الف .. واللي يعتبر هم غالي بس الناس ماشافت السعر لكن شافت طيحة ال 70 او ال80 الف وقالت العقار طار .. وماشافوا ان اللي طاح اهوا السعر المصطنع

اخوي نصيحه اعيدها للمره الثانيه وللجميع .. وصدقوني مو دعاية لمنطقة ابو فطيره .. ان شاء الله تشتري بأي منطقه ترتاح فيها والله يوقفكم .. صدقوني راح يصير شي بنهاية شهر 10 .. واذا هذا الحدث صاب .. فراح تشوف العقار بيضرب فوووووووووووق .. لكن اذا خاب راح تشوف الاسعار مكانك راوح او نزول خفيف عن السعر الحالي

اللهم قد بلغت اللهم فأشهد

والله يوفق الجميع

​

​

 

[بو فراس]

الاخ الحبيب بوفراس الغالي..
دائما متصدر بلقطاتك التي تدعم حديثنا بادق التفاصيل المصوره..
بس ياليتك مصور المدخل الجديد بالمره..

اخواني الصور تغني عن الكلام بما يخص ((تاريخ التسليم الرسمي..))

الف شكر بوفراس الغالي ودايما بخدمة الناس..

صور اليوم لعيونك

Enjoy!

مو احنا اللي نبيع "بنك" و"ترمس"
لوووول

​

 

[المنظور الشامل]

شلونك بو فراس

ممكن نعرف شنو راح يصير بشهر عشره لو توضح اكون ممنون

 

[خرطوش]

السلام عليكم

ان شاء اللع خلاص الحين انا قعد ابحث عن كل الاطرااف بفضل ربي

رحت المكاتب وسالت عن الاسعار

واليوم رحت شركت المساكن الي اعلاناتهم ابني بيتك بــ47 الف

طبعا هذا ابتداء السعر عندهم وعطاني 3 مخططات

مخطط ب،،54 الف

و 64 الف

و59 الف

والله صج صج اسعارهم طيبة واهم يبنولك في غضوون 6-7 اشهر بعد تصريح البناء بشهر ونص

ويخلصلك جميع المعاملات ويريح راسك صج صج المهندس احمد ما قصصر واسعارهم طيبه الحمد لله

فانصحكم تروحون تشوفوون للي عنده اراضي طبعاً . .


وادعوولي اني اخذ القيسمة باذن الله

 

[عذبي 71]

بوفراس انت 10/10 وتستاهل بوسه على شواربك ياوحش

سؤال محيرني : اللقطه الاولى من وين صورتها؟؟؟؟

كما اشكر الاخ الكريم الغالي ابوفراس لالتقاطه هذه الصور الجميله وقد شاهدتها اليوم وانا اتغدى غداء العيد بعد البشرى التي بشرنا بها ابو فراس وتصويره للهلال..
وعيدكم مبارك..

بوعبدالله الغالي مساك الله بالخير .. وانا بتأكد خلال هاليومين من الموضوع اللي تفضلت فيه.. وندعي الله ان تسير الامور بافضل وجه..

بوعلي الكويتي .. حياك الله بينا ونرحب فيك وبمشاركاتك واتمنى ما تكون دايما سلف
لان في امور تحتاج لتفكير مطول..وتركيز.. واستشاره .. ثم اتخاذ القرار.. حتى لاتندم بعد ذلك..
وكلام استاذنا الكبير بوفراس فيه الكفايه ..
لكن احب اداخلكم بهالكلمات..
التفكير= دراسة مقدرتك المادية+وزن الامور بالعقل+بحث الخيارات الاخرى ...
((خلال زمن كافي))

*التركيز= اختيار افضل الخيارات+الابتعاد عن الباقي وعدم التفكير بها مجددا
((حتى لا تضطرب بتعدد الافكار وتصبح مشتت))

الاستشاره=اخذ رأي اصحاب الخبره+ اصحاب التجربه المتقاربين معك ماديا ونفسيا
((حتى تتاكد من قرارك صحيح ام خاطئ))

القرار= اختيار الحل وتطبيقه وعدم الندم مستقبلا لاي خسارة تلحق بك
((لو نزلت الاسعار بعد كم سنه ما راح تندم لانك قررت بناء على قناعتك))

بهالطريقه وهالتسلسل عمرك ما راح تندم على اي قرار اخذته..*

اخوي خرطوش .. تأكد من مساحة ومسطح البناء وقارن بين الاسعار ..
يعني لايكون في مساحات كثيره متروكه ومهدوره.. والامر بالنهايه يعود لحاجتك..
كذلك جودة مواد التشطيب .. وندعيلك بالتوفيق...

بوصالح .. كيف حالك واشتقنالك يالغالي.. وهقوتي انكم بتسكنون ومعانا..

 

[بو فراس]

شلونك بو فراس

ممكن نعرف شنو راح يصير بشهر عشره لو توضح اكون ممنون

كل شي ممكن طال عمرك

في قضية كانت مرفوعه بشهر 4
http://www.alwatan.com.kw/ArticleDetails.aspx?Id=19906

وهذي القضية تم تأجيلها لغاية آخر شهر 10 وتحديدا اذا ماخاب الظن 27-10-2010

اذا القضية اكسبتها الشركه .. فمايحتاي اقول شنو بصير بالأسعار !!!

واذا الشركة اخسرت القضية .. فراح تشوف وفرة اراضي بشكل خيالي لكن مو بنزول اسعار العقار القويه مثل ما الكل يتوقعها .. وهم ماكو سيوله

واذا ماكو سيوله فالمتوقع ان البنوك راح ترد شوي تخف على الناس وتسمح بإعادة الجدوله او اخذ قروض ثاني مره .. وهم مايحتاي نقول شنو راح يصير بأسعار الاراضي ثاني مره .. لأن التاجر طول مايشوف سيوله راح يرفع تلقائيا

يعني بكلا الحالتين راح يكون في زياده بالأسعار

برأيي الشخصي انا شايف الحكم لصالح الشركه لأن القانون ضد بعض نصوص الدستور .. والله يستر

وان شاء الله الله يكتب اللي فيه الخير للجميع

بوفراس انت 10/10 وتستاهل بوسه على شواربك ياوحش

سؤال محيرني : اللقطه الاولى من وين صورتها؟؟؟؟

كما اشكر الاخ الكريم الغالي ابوفراس لالتقاطه هذه الصور الجميله وقد شاهدتها اليوم وانا اتغدى غداء العيد بعد البشرى التي بشرنا بها ابو فراس وتصويره للهلال..
وعيدكم مبارك..
و

حاظرين للطيبين

الصورة الاولى طال عمرك ماخذها من على الرصيف الفاصل بين منطقة ابوفطيره والفنيطيس .. جدام المدخل مباشره .. تدري بعد .. الشارع فاضي من صباح الله خير وماخذ راحتي .. ومافي احد مجنون يطلع برمضان الساعه 7 الصبح ويروح يصور غيري

وعيدك مبارك مقدما .. وبالعافيه عليك الغدا .. واليوم هم القذافي داق علي ويقولي انهم فاطرين على هلال بوفطيرة

 

[خرطوش]

الله يعافيكم ابي خدمه ضروري

ممكن احصل مخطط المنطقة كااااااااااااااااااااااملة ؟؟؟؟؟؟


المخطط الواضح وكامل القطع لو سمحتووو

 

[خرطوش]

الله يسلمكم ممكن المخطط والقطع بوضوح تاام لل8قطع لو سمحتوو

 

[ودي اربح]

ما شاء الله عليك يا بو فراس

تصوير روعة ونقل احداث جديده تعبر قفزة لضاحية ابو فطيرة السعيدة

والشكر موصول لاخي الكبير عذبي على مشاركاته الجميلة

 

[TCR3]

جاني أتصال من صديق مبروك حفر أول قسيمة في أبو فطيرة

 

[خرطوش]

من صجك انت هههههه

 

[ودي اربح]

جاني أتصال من صديق مبروك حفر أول قسيمة في أبو فطيرة

هلا بالغالي تري بروح ادور على مسؤليتك هههههه

بس عندي سؤال هل انته كويت سبيد ما شاء الله نفس الاسلوب شي غريب

 

[عذبي 71]

منور يا ودي اربح ولك وحشه يالغالي .. واليوم شرب ماي ليه الصبح بعد الهلال وبين
***
تي سي ار .. ياريت توضح لنا هالخبر .. بليز
***
خرطوش تم الرد عالخاص..
***
بوفراس .. دير بالك ياخوك ترى هالشارع خط سريع ..
ارجوك لا تكرر هالمغامره .. مهما اغرتك المنطقه بجمالها..
تراك غالي لينا..
والقذافي عقب خيمته بروما وعيده بابوفطيره من يقدر عليه..
***

 

[yasalam]

أول شيء .. أول شيء اقول للأخ العزيز أبوفراس قواك الله وتستاهل بوسة على الراس للصور الطيبة الي عرضتها لنا .
أنا شفت المشاركة وانا بالدوام بس الكمبيوتر مايعرض الصور ..امسوين بلوك على هالخاصية (لا تعليق على العقلية !!) .. فتوني أشوفهم وانا بالبيت.

خلصو مدخلين للمنطقة الحمد لله وباقي المدخل الثالث من طريق فحيحيل (مدخلنا السري :d) الى قطعة 5

عذبي
توني قاري الجريدة ومكتوب اكتشاف جثة مواطن في ابوفطيرة ..
لاتصورون وتحوسون وايد بالظلمة وبالفجر انخاف عليكم والحافظ الله سبحانه.
وأتمنى ان ماتروحون الا ومعاكم صاحب.

عيدكم مبارك جميعا وانشاء الله اتعودون شهر ارمضان المبارك

 

[bu sale7]

السلام عليكم

ما شاء الله خوش صور بوفراس الله يعطيك العافيه

اشرايكم لو يكون فيه دوار يوصل بوفطيره بالفنيطيس مو احسن واذا موافقين ما ودكم نكتب

عريضه للمطالبه بدوار ونذكر فيه الاسباب

كل واحد يذكر سبب

انطر آرائكم

 

[عذبي 71]

خرعتنا يا سلام الله يقطع ابليسك ...
هذا لاقينه في بر صبحان مقابل الاسواق ...
بس تبي الحق نصيحتك في محلها يجب علينا الحذر وتجنب الاماكن المقطوعه..
وعساك من عواده يالحبيب..
***
بوصالح اضم صوتي لك ..
لكن للاسف هالشارع اللي يفصل القصور عن القرين..ممتلئ بالاخطاء
ابتدائا من جسر صبحان عنق الزجاجه..
ثم الاشاره الاولى والرصيف الملتوي اللي يفاجئ السيارات ويخليك تسوي حركة حرف اس
ثم الاشاره الثانيه والثالثه والتييجب ان تحل محل هذه الاشارات الثلاث دواوير..

انا عن نفسي راح اكتب عريضه وراح اكتب السبب (( لزيارة منزل اخي الغالي ابوصالح))

 

[bu sale7]

هلا بوخليفه أحرجتني يا الغالي

يا هني من شاف ذاك اليوم اللي تزورني في بيتي وأزورك في بيتك

المهندسه أشواق المضف رئيسة لجنة مبارك الكبير في المجلس البلدي لها نشاط واضح

ودائما تقوم بجولات في مبارك الكبير لو أحد يوصلها ويوضح الأمور مثل خطورة المنحنى اللي

ذكرته غير ان المنطقه مقبله على عمران وزحمه والمتنفس الوحيد هو أسواق القرين

فيقترح تبديل الاشارات الى دواوير وعمل لفات على جسر صبحان والاستغناء عن الاشاره

لتسهيل الحركه مثل ما صار في بعض الجسور

وسلامتك وتعيش

 

[buhamood]

السلام عليكم

ان شاء اللع خلاص الحين انا قعد ابحث عن كل الاطرااف بفضل ربي

رحت المكاتب وسالت عن الاسعار

واليوم رحت شركت المساكن الي اعلاناتهم ابني بيتك بــ47 الف

طبعا هذا ابتداء السعر عندهم وعطاني 3 مخططات

مخطط ب،،54 الف

و 64 الف

و59 الف

والله صج صج اسعارهم طيبة واهم يبنولك في غضوون 6-7 اشهر بعد تصريح البناء بشهر ونص

ويخلصلك جميع المعاملات ويريح راسك صج صج المهندس احمد ما قصصر واسعارهم طيبه الحمد لله

فانصحكم تروحون تشوفوون للي عنده اراضي طبعاً . .


وادعوولي اني اخذ القيسمة باذن الله

السلام عليكم شباب !!
اولا عييييييييييدكم مبااااااااااااااااااااااارك وتقبل الله طاعتكم وعساكم من عواده ان شاء الله يا اطيب اهالي بوفطيرة
تقبل الله منا و منكم صالح الاعمال و اعاده عليكم و على المسلمين بالصحة و الايمان انشاء الله

ثانيا عساكم على القوة انشاء الله الصور احلى عيدية ماشاء الله تبارك الرحمن

ثالثا انا ناوي انشاء الله ابني مع مساكن فجان زين اللي يقدر ينصحنا او يشاركنا او يمشي معانا خطوة خطوة له جزاه خير عند ربه

و السلام عليكم

-----
زكاة الفطر لاتجوز نقدا
http://alwatan.kuwait.tt/ArticleDetails.aspx?Id=53118

 

[ودي اربح]

موفق خير ان شاء الله