ابو فطيرة (( الجزء الثاني ))

[بوعبدالله2007]

مشكور يابوعلي وماقصرت وعلي ها البشارات الطيبه في شهر الخير واتمني المزيد من الصور ومشكورررر وماقصرت

 

[عذبي 71]

صبحكم الله بالخير يالجيران..
الظاهر ان الجو الحار والصيام اثر على كاميرة بوعلي..
لكن الصورتين اللي رفعهم يشكر عليهم وما قصر..
اخواني ..
الاسفلت امتد الي اغلب شوارع القطعتين 2 و1 ..
وتوقفت الخطوط السوداء عند الشارع الواقع امام مبني شركة المجموعه المشتركه...

وسوف يتم استئناف العمل لاحقا لاكماله وصولا الي نهاية المنطقه جهة الفنيطيس..
وتم اخذ لقطات وصور لكن ما في نصيب..

كما حلقت مقاتلات القار الى بداية قطعة 4..
لتبدئ بتمهيد شوارع القطعه 4 قريبا..

اما الشبات وهي شموع الفرح والسعاده ..
والتي جاءت بتوقيت مناسب مع الليالي البيض في هذا الشهر الفضيل..
ومع ليالي القرقيعان وما يصاحبه من مناسبه عظيمه وجليله في قلوب المسلمين ..
والتي تعلق بها الكثير من الفوانيس الملونه والشموع المتلئلئه ويتهادى بها الاحباء اصناف الحلويات والهدايا...
فقد ابت هذه المنطقه الطيبه الا ان تشارك بهذه المناسبه.. وتبتسم بهذا الاحتفال ..
وترفع شموعها وتنصب اعمدة النور فيها ..
وقد تم تركيب 12 عامود وركزوا على رقم اثني عشر .. واللبيب يفهم بالاشاره..
يعني درزن اعمده..
تم تركيبها بقطعه2 عند مدخل المنطقه من جهة مبارك الكبير ..
يعني بين ق6 وقطعه 2 ..

اخواني وجيراني الاعزاء..
رحلتنا الاخيره انا وودي اربح في منطقتكم السعيده..
تميزت هذه المره باننا تنقلنا بين القطع من خلال سكيك وفرجان مقيره ..
وغمرتنا السعاده ونحن نكتشف شوارع جديده وندخل فيها ..
لنجد شوارع جديده اخري ..
لعلنا اول من ارتاد هذه الشوارع من اهالي ابوفطيره..
الا اننا ننتظر ان تكتمل سعادتنا بالقريب ونحن جميعا نقف علي هالشوارع ..
وامام منازلنا ان ٌشاء الله..
وان الله مع الصابرين .. والله كريم..

 

[yasalam]

Thanks Brothers

 

[فنان999]

صبحكم الله بالخير يالجيران..
الظاهر ان الجو الحار والصيام اثر على كاميرة بوعلي..
لكن الصورتين اللي رفعهم يشكر عليهم وما قصر..
اخواني ..
الاسفلت امتد الي اغلب شوارع القطعتين 2 و1 ..
وتوقفت الخطوط السوداء عند الشارع الواقع امام مبني شركة المجموعه المشتركه...

وسوف يتم استئناف العمل لاحقا لاكماله وصولا الي نهاية المنطقه جهة الفنيطيس..
وتم اخذ لقطات وصور لكن ما في نصيب..

كما حلقت مقاتلات القار الى بداية قطعة 4..
لتبدئ بتمهيد شوارع القطعه 4 قريبا..

اما الشبات وهي شموع الفرح والسعاده ..
والتي جاءت بتوقيت مناسب مع الليالي البيض في هذا الشهر الفضيل..
ومع ليالي القرقيعان وما يصاحبه من مناسبه عظيمه وجليله في قلوب المسلمين ..
والتي تعلق بها الكثير من الفوانيس الملونه والشموع المتلئلئه ويتهادى بها الاحباء اصناف الحلويات والهدايا...
فقد ابت هذه المنطقه الطيبه الا ان تشارك بهذه المناسبه.. وتبتسم بهذا الاحتفال ..
وترفع شموعها وتنصب اعمدة النور فيها ..
وقد تم تركيب 12 عامود وركزوا على رقم اثني عشر .. واللبيب يفهم بالاشاره..
يعني درزن اعمده..
تم تركيبها بقطعه2 عند مدخل المنطقه من جهة مبارك الكبير ..
يعني بين ق6 وقطعه 2 ..

اخواني وجيراني الاعزاء..
رحلتنا الاخيره انا وودي اربح في منطقتكم السعيده..
تميزت هذه المره باننا تنقلنا بين القطع من خلال سكيك وفرجان مقيره ..
وغمرتنا السعاده ونحن نكتشف شوارع جديده وندخل فيها ..
لنجد شوارع جديده اخري ..
لعلنا اول من ارتاد هذه الشوارع من اهالي ابوفطيره..
الا اننا ننتظر ان تكتمل سعادتنا بالقريب ونحن جميعا نقف علي هالشوارع ..
وامام منازلنا ان ٌشاء الله..
وان الله مع الصابرين .. والله كريم..

السلام عليكم
اخوي عذبي
طلبت منك من زمان طلب بس الظاهر نسيت
المهندس تبع الأشغال الي كلمته بخصوص الشبات على اساس مكان الشبة يكون بين القسايم ممكن تكلمه او تعطينا تلفونه حتي ينفذه بالفنيطيس مثل ما فعل بو فطيرة
تحياتي

 

[عذبي 71]

ياهلا بالحبيب الاخ فنان الغالي ..
ما اتذكر انك طلبت مني او يمكن ما قريت هالمشاركه..
المهندس اللي ساعدنا كان مكلف بالاشراف على اعمال شركة المجموعة المشتركة في المرحلة الاولى بمشروع ابوفطيره وهو يتبع ادارة انارة الشوارع محافظة مبارك الكبير
وبكل اسف انتقل من المشروع والان هو يشرف على مشروع في صباح السالم
وحسب الظاهر ان كل مشروع يخصص له مهندس لاني سالته في تلك الفترة عن المرحله الثانيه في بوفطيره وهي القطع 5الي 8.. فقال لي انا مو مسئول عنها وفي مهندس ثاني متابعها..
لكن اذا تبي تدق عليه برسلك رقمه عالخاص..

ومن الافضل انك تروح لمكتب الشركه في الفنيطيس
وتشوف قسيمتك عالمخطط
وتسال المهندس عن موقع عامود الاناره ومحله من واجهة قسيمتك
وبعدها اسال عن مهندس وزارة الكهرباء بالمشروع وتحدث وياه..
والله يعينك*

 

[بو فراس]

ياهلا بالحبيب الاخ فنان الغالي ..
ما اتذكر انك طلبت مني او يمكن ما قريت هالمشاركه..
المهندس اللي ساعدنا كان مكلف بالاشراف على اعمال شركة المجموعة المشتركة في المرحلة الاولى بمشروع ابوفطيره وهو يتبع ادارة انارة الشوارع محافظة مبارك الكبير
وبكل اسف انتقل من المشروع والان هو يشرف على مشروع في صباح السالم
وحسب الظاهر ان كل مشروع يخصص له مهندس لاني سالته في تلك الفترة عن المرحله الثانيه في بوفطيره وهي القطع 5الي 8.. فقال لي انا مو مسئول عنها وفي مهندس ثاني متابعها..
لكن اذا تبي تدق عليه برسلك رقمه عالخاص..

ومن الافضل انك تروح لمكتب الشركه في الفنيطيس
وتشوف قسيمتك عالمخطط
وتسال المهندس عن موقع عامود الاناره ومحله من واجهة قسيمتك
وبعدها اسال عن مهندس وزارة الكهرباء بالمشروع وتحدث وياه..
والله يعينك*

نفس المشكله عندي .. عامود الإناره مو بين القسيمتين .. لكن طايح جدام قسيمتي

 

[فنان999]

ياهلا بالحبيب الاخ فنان الغالي ..
ما اتذكر انك طلبت مني او يمكن ما قريت هالمشاركه..
المهندس اللي ساعدنا كان مكلف بالاشراف على اعمال شركة المجموعة المشتركة في المرحلة الاولى بمشروع ابوفطيره وهو يتبع ادارة انارة الشوارع محافظة مبارك الكبير
وبكل اسف انتقل من المشروع والان هو يشرف على مشروع في صباح السالم
وحسب الظاهر ان كل مشروع يخصص له مهندس لاني سالته في تلك الفترة عن المرحله الثانيه في بوفطيره وهي القطع 5الي 8.. فقال لي انا مو مسئول عنها وفي مهندس ثاني متابعها..
لكن اذا تبي تدق عليه برسلك رقمه عالخاص..ومن الافضل انك تروح لمكتب الشركه في الفنيطيس
وتشوف قسيمتك عالمخطط
وتسال المهندس عن موقع عامود الاناره ومحله من واجهة قسيمتك
وبعدها اسال عن مهندس وزارة الكهرباء بالمشروع وتحدث وياه..
والله يعينك*

حياك الله يا عذبي وتقبل الله طاعتكم
والله ما عليك امر ودي تعطيني اسمه وتلفونه عشان اتصل فيه اكيد عنده فكره عن الي ماسك مشروع الفنيطيس بصراحه الأخوه في شركة بودي شكلهم نفسهم طويل ويمكن ما يعطونا وجه
ومشكور وما قصرت

 

[بوعبدالله2007]

للرفع

 

[yasalam]

السلام عليكم يالجيران ..

اليوم ابجريدة القبس في اعلان عن مزاد لعدة أراضي ,
منها في بالفنيطس و أبوفطيرة ,
بس يبتدي المزاد 130 للشارع الواحد للي حاب ادش
جنه تو الناس على هالاسعار المرتفعة .
السوآل منو حدد السعر الابتدائي للمزاد؟
وحدة منهم بوفطيرة ق2 قسيمة 150 سد 130 الف !

ودي أربح للحين ناطرين باجي الصور .. كل يوم أقول بروح ابنفسي ولف بالمنطقة تمشاية وهم رياضة بس اتراجع بسبب الجو الرطب والحار جدا.
يبيلنا نلبس هدوم رجال المطافي المضادة للحريق للخروج من البيت :d

 

[خرطوش]

الحيين يعني مو مصرح للي يملكون اراضي بالبناء حتى الان ؟

 

[بو فراس]

أين تجد عقاراً سكنياً يناسب ميزانيتك؟

وفي مناطق ابوفطيرة والرحاب والفنيطيس والقرين والعدان والقصور ومبارك الكبير وصباح السالم يستطيع الشاب شراء ارض سكنية مساحتها 500 متر مربع بقيمة بين 159 و170 ألف دينار، حيث يتراوح سعر المتر المربع في تلك المناطق بين 319 و338 دينارا، اما في مناطق العقيلة والخيطان والصليبخات وجابر العلي واشبيلية فإن اسعار الاراضي تتراوح بين 175 و196 ألف دينار، حيث يتراوح سعر المتر بين 350 و382 دينارا.


http://alqabas.com.kw/Article.aspx?id=633045&date=30082010

 

[عذبي 71]

كلامك عدل يا بوفيصل.. تو الناس علي هالاسعار...

خرطوش حياك الله الي اليوم ما في تراخيص..

بوفراس عساك عالقوة عالنقل..

ودي اربح صلح الكمبيوتر حط الصور تراك علقتنه..

فنان٩٩٩ اخوي راجع الخاص..

 

[خرطوش]

ابو الخراطيش خرطوش خر خر خر خرطووش

ابو الخراطيش خرطوش خر خر خر خرطووش

السلام عليككم

اليوووم رحت اشوووف منطقة العمر بو فطيره ان شاء الله

اول شي رحنا المسيله كان في جم بيت قعد يبنووون

وكان في واحد حاط اعلاان

سالته عن 400 متر شارع وااحد

قالي السعر 155 الف للارض

..

الفنيطيس 400متر شارع واحد 125 الف

ورحنا لابو فطيره الي طبعا نلاقي شارع واحد 118 و115 اسعار حلوه


وكانت محوطه بالسياج وتتكون من مرحلتيين

وهذي صورتين لكم والله

وشباب تتوقعوون اذا اصدرو امر البناء ترتفع ؟؟؟

هذي صورة لاعلان المشرورع المرحله الاولى

----


صورة للسيااج

 

[عذبي 71]

تسلم وبارك الله فيك اخ خرطوش.. علي الصور ونقل الاخبار ونسال الله ان يوفقك بشراء منزل مبارك ..
المنطقه مسيجه ومسوره ومسكره .. كما قلت..

لكن اليوم الساعه الواحده فجرا ومع اعتدال درجة الحرارة قررت ان اخذ لفه حول المنطقه من الخارج..
فكان السور اللي صورته مفتوح.. وعلي مصراعيه..
وكانت المنطقه مزدحمه باضواء الاليات الثقيله والتي تعمل بشكل خلايا متجمعه في مراكز معينه بالمنطقه...
واكبر تجمع لاحظته كان بقطعه ٤ ...
وبقرب طريق الفحيحيل ق٣ الاضواء كانت منصوبه على اعمده مرتفعه..
ق٥ تجمعت بها ايضا مجموعه كبيره ورافعات ونسافات وكانت الرؤية اوضح ..
ق٧ وق٨ يفصلهما مدخل مقابل محطة الماء كان علي غير العاده مفتوح ونسافات داخله ونسافات خارجه..
ق٦ وق٢ كانت هادئه وق١ كذلك..
مدخل المنطقه المقابل للفنيطيس ..تم صب شناجات الرصيف.. وتم توزيع حجر الكاربستون تمهيدا لتركيبه..

كنت اتمنى ان ارفع لكم بعض الصور لكن الليل والظلمه لايخدم بالتصوير وخصوصا ان المسافه بعيده..

اتذكر في العام الماضي مثل هالايام في ليالي القدر ..
انا واخوي ودي اربح دخلنا المسيله قبيل الفجر..
وتابعنا عمل احد المقاولين وهو يشون ارصفة القسائم بمساعدة نسافات قتش وتراكتر ..
وكان المقاول افغاني عنده سياره برادو وكانت النسافات تاتي بتوقيت وتتابع مدهش..
وكانت صفعات ابواب صناديق النسافات بعد افراغ التراب قويه جدا وتنقز..
اليوم المسيله مثل ما قال خرطوش تعالت فيها العماره...

وهذه البيوت هي اول بيوت تقام على هذه البقعه في تاريخ الكره الارضيه..
وهذه اسبيقه لكم يا اهل المسيله الله يهنيكم..

ونسالكم الدعاء بتسهيل الامور في هذه الليالي الطيبه..

 

[yasalam]

شكرا لك يأخ عذبي على التقرير ..
والله اوفق الجميع

 

[المهندس77]

السلام عليكم
شباب انا مفكر انسوي اضراب عند منطقتنا ابوفطيرة
ونقول عوزين نبيني عوزين نبني عوزين نبني اعطونا حقوقنا نبي ترخيص البناء ملينا
شرايكم

 

[بو فراس]

السلام عليكم
شباب انا مفكر انسوي اضراب عند منطقتنا ابوفطيرة
ونقول عوزين نبيني عوزين نبني عوزين نبني اعطونا حقوقنا نبي ترخيص البناء ملينا
شرايكم

اذا فيها حرق تواير وتحذف صخر .. فأنا معاكم .. غير جذي مابي اشارك

 

[ابوفيصل2008]

مرحبا اخواني الكرام
ابي نصيحتكم
انا لاقي ارض بابوفطيرة 400م بطن وظهر ارتداد22 متر على شارع رئيسى داخلي واجهة16 متر بسعر142 الف وان شاء الله بكره بوقع العقد مع المكتب بس ابي نصيحتكم قبل مااوقع العقد
هل سعرها مناسب
ومتى يسمحون بتراخيص البناء

 

[عذبي 71]

يا هلا بالاخ ابوفيصل..
السعر بالنسبه للموقع اللي ذكرته ... والاسعار اللي بالسوق ... فهو ممتاز ..
والدليل قارن هالسعر مع نفس الموقع بالمسيله راح تلقاه 180 الف ..
والفنيطيس مو اقل من 150 ..
وهالمنطقتين بالتحديد اخذهم بالاعتبار كونهم متاجورين وتحت مظلة شرق القرين ..

وعموما البطن والظهر في ابو الفطيره ((حول 140 الف..))
وانت ماخذ ارتداد ماشاء الله.. وشارع رئيسي..
فلو كنت ناوي ومعزم.. توكل على الله ..
وبتشوف من وراها خير .. وتذكر كلامي اخر هالسنه..

تراخيص البناء.. على فترتين:
1- بداية السنة القادمة..........للقطع: 8 و7 و6 و5 وجزء من 4..
2- شهر يونيو السنه القادمه.. للقطع: 1 و2 و3 و جزء من 4...

هذا الكلام الرسمي... ونتأمل ان تتسهل الامور وتصدر التراخيص قبل هالموعد...

 

[المهندس77]

يا هلا بالاخ ابوفيصل..
السعر بالنسبه للموقع اللي ذكرته ... والاسعار اللي بالسوق ... فهو ممتاز ..
والدليل قارن هالسعر مع نفس الموقع بالمسيله راح تلقاه 180 الف ..
والفنيطيس مو اقل من 150 ..
وهالمنطقتين بالتحديد اخذهم بالاعتبار كونهم متاجورين وتحت مظلة شرق القرين ..

وعموما البطن والظهر في ابو الفطيره ((حول 140 الف..))
وانت ماخذ ارتداد ماشاء الله.. وشارع رئيسي..
فلو كنت ناوي ومعزم.. توكل على الله ..
وبتشوف من وراها خير .. وتذكر كلامي اخر هالسنه..

تراخيص البناء.. على فترتين:
1- بداية السنة القادمة..........للقطع: 8 و7 و6 و5 وجزء من 4..
2- شهر يونيو السنه القادمه.. للقطع: 1 و2 و3 و جزء من 4...

هذا الكلام الرسمي... ونتأمل ان تتسهل الامور وتصدر التراخيص قبل هالموعد...

من وين هذا المصدر أخوي عذبي
بشرنا