ابو فطيرة (( الجزء الثاني ))

[المنظور الشامل]

أعــــــــــــــلان هــــــــــام​

الصابونة بدأت تنشر رغوتها ديروا بالكم من الزلق :d


بعض الناس يقولون شرق القرين صحراء وما فيها بيوت تنبني الظاهر ساكن القطب الجنوبي .

أو تدرون أخاف المطر سيح الرغوه من راسه وخلته ما يشوف

 

[بودانة]

مثل ما قال اقحطة واللة ودنى زوال اللى يتكلمون عن ابو فطيرة يااااااااااااااااااااااااااااااااوو

 

[بو فراس]

افا يامساعد جنه النية تغيرت ؟؟؟
ياخوي ترى احنا نشتريك ...
---------------------------------------
ثم منو قالك ان هالمكتب جاد بالشراء ؟؟؟
هذه كلها لعبة تجار وصفقات وهمية وكلام قمبازية
اصلا مافي اقبال على هالمنطقة لعدة امور
لان ما فيها مدارس ولا مستوصف ولا فيها جمعيات ولا مواقف .... والادهى والامر يا مساعد والشي المحرج اللي ما ينقال ... مافيها مركز خدمة مواطن ..!!!
يعني كل شغله تبيها تعال دور لك باص ولا تاكسي جوال..
قولي بالله عليك منو بيشتري فيها ويهد ارض الله الواسعه... ؟؟؟؟
خذ عندك المسيله منو بنى فيها ..؟؟
وانت جاي تقول بــ120... !!!!
والصيف جاي والمطر يسج والشوارع زحمه والنخيل احملت والكوادر زادت والمدارس بيزيدون ساعاتها ...
كل هالعوامل تبشر بنزول العقار ... اقول لحق وبيعني على 70 قبل الصيف.
(مذكرات صابونه)
---------------------------------------
الاوليين قالوا لو لا الحسد ما مات أحد..

وهم لاتنسى ان اسمها مو حلو!! وهذا سبب كبير يثبت ان انهيار العقار على وصول ..

مشكوين على جهودكم .. والأسبوع اللي طاف وصلت حدي ورحت بوفطيره وطقيتها مشي على المخطط لين وصلت قسيمتي .. شباب نبي واسطه .. ابي 15 شبه جدام بيتي

 

[MUSAED77]

افا يامساعد جنه النية تغيرت ؟؟؟
ياخوي ترى احنا نشتريك ...
---------------------------------------
ثم منو قالك ان هالمكتب جاد بالشراء ؟؟؟
هذه كلها لعبة تجار وصفقات وهمية وكلام قمبازية
اصلا مافي اقبال على هالمنطقة لعدة امور
لان ما فيها مدارس ولا مستوصف ولا فيها جمعيات ولا مواقف .... والادهى والامر يا مساعد والشي المحرج اللي ما ينقال ... مافيها مركز خدمة مواطن ..!!!
يعني كل شغله تبيها تعال دور لك باص ولا تاكسي جوال..
قولي بالله عليك منو بيشتري فيها ويهد ارض الله الواسعه... ؟؟؟؟
خذ عندك المسيله منو بنى فيها ..؟؟
وانت جاي تقول بــ120... !!!!
والصيف جاي والمطر يسج والشوارع زحمه والنخيل احملت والكوادر زادت والمدارس بيزيدون ساعاتها ...
كل هالعوامل تبشر بنزول العقار ... اقول لحق وبيعني على 70 قبل الصيف.
(مذكرات صابونه)
---------------------------------------
الاوليين قالوا لو لا الحسد ما مات أحد..

والله يا عذبي الغالي الله يرحم والديك عالكلام الطيب بس والله اغراني توني ما خذها وطمرت طمره حلوه بس انا متاكد انه التراخيص راح تنعطي شهر 10 حسب كلام شخص لي بالبلديه والاسعار راح تبدي من 125 وانت صاعد

بس عندي سؤال في واحد نكه خسران جدا
يسال عن الاسعار لمه يقولون له مثلا 100 او 115 الف تلقاه يقول

(( يا الحبيب ما عند ارض بسعر 60 او 70 الف ما ادري اهو شنو يبي يعتي كلام وين والسوق وين ))

لا بعد يذم المنطقه ذم ويقول منطقه اشباح واسمها خايس وما فيها مدارس ووصبخه واحتمال اهلها يموتون من العطش لانه بالربع الخالي

 

[عذبي 71]

المنظور الشامل
اضم صوتي لك المطر يسبب حساسية ويهيج الارتغاء..
***
بودانه
اعتقد الصابونه لو تسوي مثل مرعوب وتشتري سبال املح احسن لها ..
وخلوا العقار لاهله يا يبا ..
***
بوفراس
وهم من اسباب انهيار اسعار ابوفطيرة انك متواري عن الانظار .. اشتقنالك يا الحبيب
***
مساعد 77
هذا راعي الموزه ...انت ذكرتني بسالفته..
مثل ما تفضلت يقول:
البياع عطاه وحده للتجربه...
يوم حط الموزه بحلجه وذاقها طلع طعمها حامض..؟!!
قال الموز هم غالي وهم حامض...
اقول خل يغسلون ايدهم بماي وصابون.

 

[N900q8.com]

موفقين

 

[بو صالح }~]

للبيع ارض فى اشبيليا ثلاث شوارع 400 متر مربع

للبيع ارض 400م موقع ثلاث شوارع
قطعه 1 قسيمه 344
تطل على ساحه مفتوحهالرئيه مع انها شرقيه اضلال العصر مميزاتها
مراجعه ت- 55022238

 

[buhamood]

ينشط الطلب حالياً على العقار السكني في
المناطق الجديدة التي بدأت أسعارها تشهد ارتفاعاً يتراوح بين 10 و%15
وتحديداً في مناطق أبوفطيرة!!!

http://www.facebook.com/topic.php?uid=110550978976287&topic=26&post=270#post270

 

[عذبي 71]

سلامي للفنيطيس واهلها

رسالة حب سمعوها يالاجواد
سلامي للفنيطـــــيس واهلها
عدد قطرات غيم السما وهلها
وادعي بالعجل يارب تساهلـها
على جيران ابوفطيرة الاجواد

اللوحه الصفراء

 

[عذبي 71]

شارع بأسم...............

 

[بودانة]

مشكور وما قصرت يا راعى الاخبار الحلوة

 

[MUSAED77]

بس ما في رد علي ليش مسكرين جميع المداخل للمنطقه

وخوش صور

يا عذبي

 

[ودي اربح]

هلا بالشباب اشلوكم جميعا ان شاء الله بخير

تسلم الايادي يا عذبي

الف مبرووووك يا اهل الفنيطيس على بداية الشغل والف الف مبروووك على اللوحة الصفرة عنوان المنطقة الجديد اللوحة بمثابة الضوء الاحمر اللى فوق غرف العمليات والحين نعتبر العملية التجميلية ابتدت وان شاء الله تخلص بسلام يارب ونبارك لكم عن قريب

الاخ عذبي والله ادري انك مشغووول جدا وفوق هذا اخبارك الطيبة اللى عودتنه ما تنقطع عساك ذخر لاخوانك يا عذبي

 

[عذبي 71]

ياهلا بالجيران الكرام
عفوا بودانه وبالخدمة
***
مساعد انا اليوم دخلت للمنطقة الساعة 3:30 بعد عودتي من العمل
لفيت لفه سريعه لمدة 10دقائق...
لما طلعت كان الحارس واقف عند المدخل مسكر نصف المدخل ومنتظرني اطلع حتى يسكر النصف الاخر...
طبعا ماسالته لانه كان متضايق مني لاني عطلته..
فسلمت عليه ومشيت بكل بطئ حتى لا يشتبه فيني عالرغم انهم احفظوني..
وحصلت معاي قبل كم شهر سكروا علي ولما سالت الحارس قالي انخاف يدخل واحد غشيم بالليل ويطيح بحفره...
والظاهر ان اللي طلب منهم هالشي الاشغال...
لا تنسى يا مساعد الخوف من سرقات المعدات والمكائن والكيابل والمواد لها قيمه وفي ناس انفسها صابونيه ضعيفه ...
***
ودي اربح تامر على الروح يا بوعلي ومداخلتك امس جات بوقتها فشكرا لك يالحبيب وفعلا اللمبه الحمرة اشتغلت وفي وسط الفنيطيس اليوم لاحظت مشروع بناء كبير من الواضح انه مركز عمليات للشركة وكانت العملية تدار بواسطة رافعات وحدادين واعمدة كبيرة وقواعد شي متعوب عليه والايام الجاية ايم الفنيطيس بلا منازع.

 

[q8-speed]

اخوي عذبي شركة بودي الي ماسكة المرحلة الاول من منطقة الفنيطيس بدء الشغل اولا اتمني تجاوبني باسرع وقت

 

[bu sale7]

شركة بودي مستلمه المرحله الثانيه على ما اظن اخر مره

سالتهم قبل اسبوع اذكرو انهم يبيلهم اسبوعين على كلامهم

ان البلديه ماخره تراخيصهم

وان شاء الله اسبوع ويشتغلون

 

[MUSAED77]

كلام سليم يا عذبي

ومشكور ع الرد

 

[عذبي 71]

عفوا مساعد
حياك الله سبيد وكلام بوصالح فيه الافادة

صور جديدة وحصريه على جروب ابوفطيرة بالفيس بوك

إضغط هنا لمشاهدة الصور

 

[ودي اربح]

تسلم الايادي يا عذبي

متميز بكل المقايس

 

[بودانة]

انا ما ادرى من غيرك الرابط شلون يصير له طعم يا عذبى