ابو فطيرة (( الجزء الثاني ))

[ودي اربح]

انا ما ادرى من غيرك الرابط شلون يصير له طعم يا عذبى

الظاهر انه شاف ان الكل يعزك ويتحراااه قال اتغلي اشوي

 

[عذبي 71]

عزيز وغالي يا بودانة يا الحبيب
صدقني كلما اكتب كلمه في هالصفحه اتخيلكم وانتو تقرونها
اقوم امسحها عشان اكتب كلمة اعذب واصدق... عشان تليق بمقامكم
ومقامك ومقام الاخوان كبير عندي وكلكم تاج على راسي
***
ودي اربح اشسالفة مجبوس (مرمر) زين ولا.. لك عليه ؟؟؟
ترى حاكني اليوع ودي اسمع السالفه ...

واذا تختم لنا هالسالفه بقصة الكنافة نابلسية ذات السقف الاحمر المقرمش
والجبنة السائحة المتمغطه كالعلك..
مكرومة بوابل من الشيره..
وقد وضعت عليها يد السخاء فستقا حلبياً
فتكوي اللسان بحرارتها وتؤنس الجوف بحلاوتها..

واسال الله ان ناكلها في بيتك بابوفطيره..

 

[ودي اربح]

اللهم امين يا عذبي ان شاء الله كنافة وعشا بعد للجميع باذن الله

انته مو جوعان الا الجووووع قاصك هههههههه الى تبي مجبوس هالحزه بس تدري عاااد شغله زين بس مو احسن من كباب الحجة بس قووولي المرقة اللى مشتهيها شنو تدلل

 

[عذبي 71]

هلا بالغالي بو اربح كلام صحيح يا بوعلي كباب الحجة نمبر ون وانتهز الفرصة واطالب الحكومة بفتح مقر وفرع جديد لكباب الحجة في محافظة مبارك الكبير لخدمة مواطني المحافظة ... خصواصا وان المحافظة على الهدوء والنظام مطلوب ..

بالنسبة للمرق فاني احب المرقه ام الخضروات المشكلة اللي يسمونها سبزي او شبزي وهي بعد هالكلام الطيب ...
ستكون فريستي غدا على الغداء.. ولن تهرب مني.. ولن ارحمها بتاتا ..
واسقضي عليها.. وساضربها بقفشة من حديد.. لتكون عبرة لغيرها ...

واما اذا احصلت لي الحين فالمسامح كريم ..

 

[ودي اربح]

هههه عليييييك الف عافية بس تدري عاااد جوعتنى معااااك وشنو ينطرني ليه باجر

 

[MUSAED77]

السلام عليكم

المنطقه كل يوم تحلى وتصير احلا واحلا

بس

عندي سؤال مهم

ليش بس الاخ ( عذبي وودي اربح بس اهم اللي يجيون الصور والاخبار بس ويمكن واحد او اثنين غيرهم هم حطو اخبار وصور )

اناشد من الجميع وضع بصمه له بهذه الصفحه حتي لو صوره او خبر اكيد ....
(( الحب مو بالكلام بالفعل واحنا نستاهل ))


ابي رايكم كلكم بكلامي ونحط تقييم علي هذه الصور او الاخبار .

الرجاء الرد من الجميع​

​

​

 

[عذبي 71]

هلا بالحبيب مساعد الخير
اضم صوتي لك وفكرتك حلوة واتمنى من الجميع المساهمه
واللي مايقدر والامر صعب عليه معذور بس اللي يقدر نبي نشوف ابداعه وتصويره وبارك الله بالجميع..

 

[MUSAED77]

للرفع وين التفاعل

 

[بودانة]

صدقونى كل واحد فينا يبى ان تكون صفحة بوفطيرة اهى الافضل وكل واحد فينا يساهم بالطريقة اللى اتناسبة لا تحرجونا عاد لانى انا حاس ان كلكم قراب منى واللة

 

[القصاص 2]

السلام عليكم ورحمة الله وبركاتة

مطلوب ارض بشرق القرين بحدود 90 / 95 الف
اخوكم بومزيد

 

[عذبي 71]

اتمنى لك التوفيق يا بومزيد وان شاء الله ينزل سعر العقار لتتمكن من الشراء

 

[ودي اربح]

اللهم امين ويقدر يشترى هو وكل من وده انه ينتشل نفسه من المناطق البعيدة

ومدة الارستقراطي بالموضوع المثبت ما بقه عليها شي يعنى اسبوعين ويحصل الارض تحت 100 الف

 

[q8-speed]

الحمدالله هانت يا اهل بوفطيرة راح الكثير ومابقي الا القلليل

 

[BuNaJeM]

يعطيكم العافية للجميع على المجهود الطيب. بس حبيت أعرف الطريقة عشان أطلع ترخيص بناء و لكم جزيل الشكر .

 

[عذبي 71]

مافي تراخيص يا بو نجم.

 

[ودي اربح]

السلام عليكم يا اهل بو فطيره

 

[عذبي 71]

وعليكم السلام
ودي اربح مخطط الغارة الجوية جاهز متى ناوي نبدأ الانزال الجوي على ابوفطيرة؟؟؟

 

[ودي اربح]

هلا بالغالي عذبي

اشلونك تصدق ولهاان عليك ليش مادري ههههه
انت اشر بس وانا اقول تم

 

[عذبي 71]

والله وانا كذلك يا بعد راسي يا بوعلي
ولكن هالدوام اللي مخلي الواحد مافيه خير
من ارد البيت جني مصاب او جريح بحرب...
انا شكلي بسلمك قسيمتي واخليك تبنيها
بس ها ... اسلمك 400م تسلمني 400م
مو تسلمنيها 380 ...
ودي اربح المشاركة القادمة راح تكون رقم 1000 بهالصفحه...لمن ياترى؟؟؟؟؟؟

 

[MUSAED77]

هههههههههههههههههههههههههههه

انا لي

1000​