بيت التمويل الخليجي ..........7( تمويل خليج )

[s3ooud]

يااخوان في اخبار بالنسبه لبيانات الربع الثالث هل في ارباح ام خسائر

صج انك طربان حدك على اسمك

ضحكتني

الله يسعدك

ليس من التحليل ولكن بالعقل تقاس بعض الامور
حط نفسك بمكان بيت التمويل الخليجي وعندك مشروع صغير وانت في امس الحاجه للمال وتسلفت وزدت قيمة المشروع هل هل ستأخذ من القرض وتترفه به وتقول ايراد من المشروع ام انك ستعلن حاله من التقشف الى ان ينمو ويتم اغلاق كافة الخروقات والقروض

اذا تم الاعلان عن ارباح او اسهم زيادة راس مال منحه فهي أغبى فكره على الاطلاق

 

[TAHOE]

بناءا على طلب احد الاخوه الاعضاء

تمويل الخليج فنيا

والله اعلم

 

[albostan]

بناءا على طلب احد الاخوه الاعضاء

تمويل الخليج فنيا

والله اعلم

جزاك الله خير على هذا الجهد و التحليل فعلا هذا اللي محتاجين له ويا ريت ما تبخل علينا كل ما تغير سعر السهم والله يجعل أعمالك في ميزانك

 

[Wicked]

مشكووووووووور رجاءا ويكيد اعلامنا متى
الله يبارك لك ويعطيك على قد نيتك واكثر

خذها نصيحه من اخوك لا تحرق اعصابك take it easy وخل كل طاقتك بالتفكير و التحليل و الله كريم لان هالامور تشتت التفكير و يمكن تضيع امور مهمه

السلام عليكم ..

الاخ wicked محلل ما شاء الله عليه ومحذركم من السهم من سنه 2008 واعتقد كان سعره 380 ويمكن اكثر بعد .؟؟

وانت تقول خلونا حلوين وبحالنا ؟؟؟؟ يعني تبيه يسكت ويونسك ويقولك السهم طاير ومعطياته وتحاليله بالنازل ما يصير ؟؟؟ عيل شفايدته وهو محلل .؟؟؟

ومن غير تحليل ولا شي يعني انت الحين يا خبير.. هذا اهو السهم ما وزع زياده راس المال على المساهمين اللي ب108 فلس وسعره 116 الحين .؟؟

عيل لو يوزع هالزياده راح يغرق السوق بالاسهم ومعقوله صانع السوق راح يرفع السهم عشان تصرف عليه انت واللي اكتتبوا بالعالي معقوله يعني ؟؟ وهو الحين حاط خساير على راس المال القديم عيل بالربع الرابع على راس المال الجديد شيبي يسوي يعني وخصوصا ان الشركه بعدها غارقه بمشاريعها اللي محتاجه سيوله كبيره عشان توقف شويه.؟؟؟

روح يا wicked الله يوفقج ويرزقج اللي نبهت اخوانك عن هالسهم هذا وحذرتهم من النزول ولكن ..؟؟

ولكن عناد بعض الاخوه واللي ماخذهم عشق السهم والتدبس فيه هم السبب في عدم توقيف الخساره وهو كل يوم يكسر دعم ورا دعم وينزل للاسف .؟؟؟ قصوا على الناس بالاكاذيب ومشاريع وبنك وتوزيعات وووو .؟؟؟

استمر يا wicked بالتحاليل واذا شفت اي سهم ثاني مثل حاله التمويل الخليجي نبه اخوانج وجزاك الله خير وبارك الله خير .؟؟

واللي عاشق السهم نقوله بسك عشق وتمسك بامل زايل .؟؟

والله الموفق .؟؟

معاك قلبا وقالبا

كلام مضبوط 100%

ما احب المجاملات

لكن كلمة الحق تقال

بو خالد الله يجزاه خير نبه على اكثر من سهم

الصالحية العقارية وكانت فوق 530

اعيان وكانت فوق 240

التمويل الخليجي وكان فوق 800

الله يجزاه عنا كل خير

اللسان عاجر عن الشكر،، و لكن اليد تستقبل هدايا مالية منكم!

بارك الله فيكم

 

[خبير النفط]

اللسان عاجر عن الشكر،، و لكن اليد تستقبل هدايا مالية منكم!

بارك الله فيكم

تستاهل كل خير و الله يوفقك ويرزقك من حيث لا تحتسب

 

[متداول صغيـر]

بناءا على طلب احد الاخوه الاعضاء

تمويل الخليج فنيا

والله اعلم

جزاك الله خير أخوي وفعلا تحليل ممتاز

توقعي للسهم والله أعلم بأنه سيكسر القناة الهابطة وربما نشاهد مستويات قريبة من 200 فلس مجددا
الصعود سيكون بهدف التصريف نظرا لأن اكبر مكتتب في زيادة رأس المال هم الشركاء وكبار الملاك
ولا ننسى بأن تمويل خليج قد باع حصة من استثماره في ( كيو انفست ) بخسارة وذلك من أجل تغطية الاكتتاب

والله أعلم ،،،
جميع ما ذكرته مجرد نظرة شخصية ولا هي توصية بيع ولا شراء ولا هي تحليل ولكن مجرد التفكير بصوت عالي

وتقبلوا مودتي جميعا ،،،​

 

[dr.teeth]

خير ان شاء الله بس انا ما اتوقع يوصل 200 قويه وايد ...............
وايد خصووصا السنه هذي ........ قوول بعد سنه اقوولك يمكن و الله العالم

 

[dr.teeth]

ليش مافيه ارباح؟؟

لانه خسران ثلاث ارباع متتالية الله يهديك الظاهر انته مو متابع السهم على ا لعموم ما اضن انه في ارباح لا بعد انتهاء 2010 اذا الله وفقنا ان شاء الله ..............

 

[متداول صغيـر]

خير ان شاء الله بس انا ما اتوقع يوصل 200 قويه وايد ...............
وايد خصووصا السنه هذي ........ قوول بعد سنه اقوولك يمكن و الله العالم

أخوي ذكرت في كلامي بأنه سيكون صعود للتصريف والله أعلم

ولا تنسى بأن السهم صعد بنسبة 120 % قبل فترة وجيزة وكان الهدف هو التصريف أيضا !!!​

 

[bo-maha]

السلام عليكم

عسى خير .....ما في أحد بالديره

او الشباب مفهين على السهم "المحترم" ..لحد يزعل ويقول لا تغلط على السهم

برجاء محلليين نبهونا متى نبرد على السهم .,,جنه مافي سفره السنه الجايه ...مساكين ها اليهال منين يلقونها من المدرسه اللي شاقتهم شق او من فلوونزا الخنازير والا من ابوهم اللي فلوسه كلها بالاسهم ...الله رحيم واكرم الاكرمين

هذه ليست دعوه للشراء او البيع مثل ما يقولون

 

[ضايع بالبورصة]

اللسان عاجر عن الشكر،، و لكن اليد تستقبل هدايا مالية منكم!

بارك الله فيكم

ماكو غير الصمونه واستكانة جاي .






وحط فوقهم دعوة لك من القلب الي إيحبها قلبك

 

[بوعبدالوهاب]

السلام

شباب متى ينزلون الاسهم في حساباتنا

 

[خبير النفط]

السلام

شباب متى ينزلون الاسهم في حساباتنا

حسب الاعلان 5\11

 

[albostan]

بيت التمويل الخليجي في محادثات لإصدار أداة إسلامية قابلة للتحويل
رويترز 03/11/2009
قال أحمد فاعور الرئيس التنفيذي لبيت التمويل الخليجي يوم الثلاثاء ان البنك الذي يتخذ من البحرين مقرا في مرحلة متقدمة من محادثات مع بنوك لإصدار أداة إسلامية قابلة للتحويل لاسهم بقيمة 100 مليون دولار ويخطط لتأسيس بنك جديد في المنطقة. وأضاف لرويترز "بلغنا مرحلة متقدمة في محادثات مع أكثر من جهة. جميعها مؤسسات مالية كبيرة .. أكبر من ماكويري."
ويصدر بيت التمويل الخليجي الاداة في صورة تسهيلات مرابحة قابل للتحويل لاسهم مع مجموعة ماكويري الاسترالية ويجري محادثات مع المجموعة لانشاء مشروع مشترك في قطاع الاستثمار المصرفي.
ويسعى بيت التمويل للتحول الى بنك تجاري كامل من بيت استثمار يركز على العقارات بعدما سجل خسائر على مدى ثلاثة فصول متتالية.
ويخطط بيت التمويل وهو أكبر بنوك الاستثمار الاسلامية المدرجة في البحرين لخفض تعرضه لقطاع العقارات الذي يشكل نحو نصف أصوله وبناء مصادر دخل في ادارة الاستثمار والاستثمار والاعمال المصرفية التجارية.
وقال فاعور ان بيت التمويل الخليجي يستعد أيضا لتدشين بنك جديد.
وأضاف "نأمل في اطلاقه في الربع الاخير في احدى دول الشرق الاوسط .. وهذا يتوقف على الحصول على موافقة." ورفض الادلاء بمزيد من التفاصيل.
وامتنع عن قول ما اذا كان بيت التمويل الخليجي يعتزم زيادة حصته البالغة 37 في المئة في بنك الخليج التجاري الذي قال انه سيحتل مكانا مركزيا في أعماله المصرفية التجارية. ويملك عصام جناحي رئيس مجلس ادارة بيت التمويل عشرة في المئة أخرى في البنك.
وقال فاعور ان بيت التمويل الخليجي سيسعى لمد أجل قرض مرابحة بقيمة 300 مليون دولار يستحق في فبراير شباط 2010.
وأضاف "سنرغب في تمديد أجل جزء من هذا التسهيل التجاري ان لم يكن كله" مشيرا الى أن البنك يعد مقترحا حاليا لعرضه على البنوك بنهاية العام.
وكان بيت التمويل فاتح البنوك في يوليو تموز لاعادة تمويل القرض لكنه أجل الامر الى ما بعد زيادة رأس المال التي جمع من خلالها 300 مليون دولار الشهر الماضي لاصلاح ميزانيته العمومية.

هذا منقول من الأخ موسوعة الأسهم في منتدى النوادي

 

[Mr. Eng.]

القاع التاريخي للسهم سابقا كان 108.731 و قبل كم يوم وصل 108 يعني الحذر السهم كسر قاع تاريخي
يبقى الحين السهم ممكن يصعد و يوصل 154 و هني اعتقد الخروج افضل
و الله أعلم

 

[Legal]

ياجماعه فهمونا شنو نهاية تخصيص باجر ممكن توضحون اكثر .

 

[أحمـــــــد]

صعود تمويل خليج قادم مع رفعة السوق .

أكثر من رفعة اليوم

السوق صاعد وسهمنا نازل

يعني اذا ما صعد الحين متى بيصعد

 

[dr.teeth]

يقووول الخساير الفعليه المحققه بس 11 مليوون و الباجي مخصصات هذا في الربع الثاني بس الي موو فاهمه هل تتحول الى ارباح ................
انا اتوقع انه السنه هذي بيحط كل خسايره او من السنه الجايه يبدأ الصعوود بس الظاهر ما يبي يصعد بسرعه او شكله بيكوون حبه حبه ما يندره و الله ......
الله كريم الحين الكاش الي عنده 450 مليوون او في 100 مليوون جايه خلال ايام بذالك راح يكوون الكاش الي عنده 550 مليووون شنوو بسوي غير انشاء بنك جديد ....... !!
ترا المبلغ موو شويه او 200 مليوون عباره عن تمويل بعائد ثابت تقريبا 20% لمدة ثلاث سنوات او اذا ما يبوون هل عائد تقلب اسهم في اي وقت ........ يعني زياده على 300 مليوون دولار اسهم قووول 500 مليووون دولار اسهم او عليكم حسبة عدد الاسهم !!
السيناريووو واضح السنه هذي يصكر خسايره او زياده ارباح بسيطه او يلم الي يبيه من الاسهم او من السنه الجايه سيناريوو الصعوود ....... انا مستبشر خير ان شاء الله بس مو الحين ......... ان شاء الله السنه الجايه يعني صج صج انسووو السهم في التجوووري او سكرووولنا هل صفحه اهوون لنا انا انسان تعبت وايد او النفسيه داون من سهمنى المصرقع هذا ....................................السعر باجر ما يطمأن بس اكيد حمر او شاب بعد انا اقووول لكم حطوو قواريكم او دلالكم عليه او شربووو لما تشبعووون بالعافيه او مبروووك حق الناس الي ما اكتتبت اتمنا ان الله يوفقكم او يوفقنا معاكم ...............
اسف على الاطالة .

 

[مضبوط]

توقعاتي اليوم للسهم صعود 2 او 4 اقلوس

اللي كان محتاج فلوس باع من زمان

واللي يبي يبيع بخسارة ايبيع اليوم على الحيتان

واللي مو محتاج الفلوس لا يبع ولا يحزنون ايخليهم بعد اعلان الارباح في الربع الرابع

 

[*الأستاذ*]

بسم الله الرحمن


والسلام عليكم ورحمة الله وبركاته



صبحكم الله بالخير



نريد تحليل فني يا اخوان ؟

اما التحليل الشخصي بالنسبة لي متشائم بهذا السهم بحد اعلى
خسرنا الله يكون بالعون