بيت التمويل الخليجي ..........6( تمويل خليج )

[فوزى بو احمد]

الله يستر من هالشارت اخوي فوزي

ماراح اكتتب

اذا صعد السهم فانا ربحان لكن ربح بطيء

واذا نزل السهم بناء على ها التحليل واشتريته عند الموجة 5 فحتما انا الربحان

و إن الغد لناظره لقريب

ممكن يرتد السهم ل 152 لتكوين موجة صاعدة بس هالشى مو اكيد

الدخول على السهم خطر لان لان السهم يستهدف خانة 50 فلس اعلى شوى

 

[dr.teeth]

يا جماعة حجيكم لا يودي ولا يجيب للاسف ....

ببساطه اقولها للمره الالف الي مقتنع في استثمارات الشركه او مشاريعها يكتتب او لا يطالع السعر بالسووق لا اذا وصل اقل من سعر الاكتتاب يشتريه من السووق احسن لا قدر الله ... انا عن نفسي اقووولها مقتنع اقتناع تام حتى لوو يسجل خساير في الربع الثالث هم راح اكتتب او الكميه طالعه علي بالعالي من ايام 760 او فووق ....
بكتتب في 26 الشهر او الله يوفق الجميع او بعدها اشووووفكم على ال 400 فلس ان شاء الله بعد سنه او سنتين اذا مو اكثر .....

 

[dr.teeth]

او يا جماعه الي عنده التداول الالكتروني اخر يووم هو 26-10 او لازم يوقه على الاستماره قبل هذا التاريخ ......
لانه اخر يووم 26-10
اخر يووم لا يروووح عليكم او الي فاتح عن طريق الوساطه او هالسوالف يا جماعة يسألهم عشان لا يروووح عليكم الاكتتاب لانه في ملابسات الشركات او هل سوالف اخر يووم 26-10 او الي عن طريق المقاصه اخر يووم 29 سألوو لا تتأخروون يا شباب ... لحق او جهز شغلق قبل كل شي

 

[فوزى بو احمد]

بطلع لانى مشغول موفاضى مثل
مشاركات من الصبح كل نص ساعة مشاركة

اخذوا راحتكم بالتطبيل يا مطبلين

 

[ابوعلي(الاوحد)]

السهم بالفترة القريبة لن يتجاوز الـــ 138 أعلى - 104 أدنى
الهدف للاستثمار المتوسط مابين 4شهور الى6 الـــــ162

 

[معذب الونات]

السلام عليكم

ياشباب شلون اكتتب

انا شاري من مكتب وساطه بالجهراء
اروح لهم والا بالبنك والا البورصه ؟

 

[bosalman]

ياجماعه اللى انا فاهمه --

ان الأكتتاب لابد منه للى ماباع قبل التفسيخ

فهو مخير يبيع الحين ويكتتب او يكتتب ويزيد الكميه



ولا شرايكم !!

 

[فنان999]

السهم بالفترة القريبة لن يتجاوز الـــ 138 أعلى - 104 أدنى
الهدف للاستثمار المتوسط مابين 4شهور الى6 الـــــ162

ليش خطك صغير يا بوعلي كتبه بخط كبير وبشر الناس وفرحهم

يجماعة الحين اذا راح يوصل السهم 50 فلس او 70 فلس منو الي قاعد يشتري الملايين من بعد 11-10 والسعر 122 فلس الي 130 فلس ليش الي شره ما يفهم ليش ما ينطر يشتري علي 50 فلس أو 70 فلس سؤال يطرح نفسه

ملاحظه انا مساهم لكن مو مطبل

في معلومه افرح فيها اخواني

اول ما نزل السهم فوق 400 فلس ونزل الي 300 فلس وظل مده طويله علي هذا السعر لكن في النهايه تعافي السهم ووصل اكثر من 700 فلس
بصراحه تاريخ السهم الي يصبر عليه يربحه والي يستعجل يخسر
ودمتم

 

[albostan]

السلام عليكم

ياشباب شلون اكتتب

انا شاري من مكتب وساطه بالجهراء
اروح لهم والا بالبنك والا البورصه ؟

طريقة الإكتتاب في زيادة رأس مال بيت التمويل الخليجي كالآتي:-
تروح مكتب الوسطاء تاخذ منهم كشف عن أسهم بيت التمويل الخليجي يبين فيه عدد الأسهم لديك وتاريخ شراء الأسهم ورقم عقد الشراء وبعدين تروح لبنك التجاري معاك بطاقتك المدنيه والجواز علشان ياخذون منها المعلومات ويملون لك نموذج الإكتتاب ويعطونك صوره ويقولون لك روح بنكك وحول المبلغ على حساب هم يعطونك إياه هذا ودمتم سالمين

 

[some one]

سؤال ليش بيت التمويل الخليجي ما طلب شراء 10% من الاسهم !!!!!!!!!
فعلا هذا السؤال يحتاج الى اجابه ، اذا كان البنك فعلا عارف ان سعر السهم نفس سعر الاكتتاب ؟

وجهة نظري ان البنك عنده مشكله في السيوله
وعليه التزامات حاليه وقريبه تجاه ممولين ، يعني سداد ديون قصيرة أجل ، فلو كان عنده سيوله فائضة ولو بسيطه يفكر بالسداد مو يشتري اسهم خزينة
اسهم الخزينه تحتاج الى سيولة فائضة وليس مثل حال البنك حاليا . اتمنى اني وضحت لك وجهة نظري

 

[fea014]

بصراحه إنكم تضحكون على أنفسكم يالربع وخلين صانع
السوق ياخذ راحته فيكم
لو ملاحظينه يصعده لين 134 وينزله 122
والله قلت لواحد من الربع العب معاه وسو مثل مايسوي
لكن هاذي مغامره واللي قلبه قوي يقدر يستفيد
لأن صانع السوق ممكن في أي لحظه ينزله تحت 122
وممكن يطلعه فوق 134
وإن نزل بتقول ليتني بعت وإن صعد بتقول زين اللي مابعت
عالعموم هذا سوق واللي يدور الربح من وراه ماعنده سالفه
والله إني خسرت فيه مبلغ كبير ورديت فلوس وربح مبلغ كبير
لأني من أول ماأحط فلوسي أتوكل على الله وإن راحت على الله العوض
وإن زادت حمدت ربي على رزقه
الزبده إبعد العاطفه والتوتر منك وإعتبر إن اللي بالسوق مو حلالك وغامر
على كيفك وترى من إستخار الله ماخاب

 

[اليوفي الثاني]

والله ابتلشنا بالسهم هذا

 

[مضبوط]

جزاك الله خير يا اخوي مضبوط على هذي النصيحه ,, وان شاءالله نحن مو من اهل المهاترات ولا من اهل الالغاز ولكن نرى اناس ليس هم من الحقيقه في شيئ ويعز علينا ما اصاب اخواننا من خسائر بسبب هؤلاء ,, واليك بعض الحقائق لتستبين امامك الامور وللذكرى للذي نسى الماضي ,,

هناك من يتذكر مشاركتي عندما دك السهم بالحد الادنى بسعر 178 بحاولي 40 مليون وماذا قلت وقال يونكس عن هذه الحادثه بوقتها !! ارجعو الى الصفحه وتذكرو من هو الناصح

انا اسف للاطاله ولكن اقولها واقولها ولا اخشى احد ان السهم فنيا لازال يسير بقناة هابطه بقناة هابطه بقناة هابطه ولا يصلح للاستثمااااااااار حتى يكسر هذه القناة ويصلح للمضاربه فقط وليخسأ المطبلون واصحاب البيانات العسكريه الفاشله ,,,,

تحياتي وانا اسف اذا ضايقت احدكم

شكرا يا أخ تاهو واتمنى من كل قلبي ان يجازيك الله على قد نيتك

وكما قلت السهم يصلح بالوقت الحاضر للمضاربة ولكن غير امنه بتوقعي

بس لا تبخل علنا بالنصيحة والتحاليل الطيبة مثلك نبي تفائل منك يساعد الشباب على هدوء نفسياتهم باعتقادي وبقراءتي لمشاركات بعض الاخوان حط اللي اكو واللي ماكوا على السهم الاغبر واحد حط فلوس مدارس اعياله الله يعينه والاخر قرض وغيره باع ما باع حاول يكون التحليل يكون دقيق جدا
ولا تتوقع ان كل التحاليل يحترمها السهم هذا سهم مخادع ومكار مثل الثعلب لان صانع السوق ذيب امعط والله اعلم

تحباتي لك ولكل ضمير حي يخاف على ربعه واخوانه بالمنتدى

والشكر موصول لمشرفنا العزيز

 

[مضارب شجاع]

خواني بارك الله فيكم شنو طلبات الاكتتاب في البنك التجاري من اورااق وفلوس علما اني بنكي بيتك وهل يسوي الاكتتاب عند 30000سهم اشكركم

شعارك يا العتبيى عجبنى
شلون تكتتب السهم كل يوم نازل
شئ يحير فعلا

 

[Dr.Abo----omar]

أتصدق طرى على بالي شيء يمكن الفرق والسعر صحيح ( فرق العملة )

يمكن عملتنا نزلت وحنا ما ندري ؟؟؟؟؟

ترى مو صج أتغشمر معاك .

دكتور سامحني

لاعليك أخي الكريم .


قصدك فرق صرف العملة ,إذا يكون الدينار طالع.

ولكن

وين المليون ؟​

 

[Dr.Abo----omar]

من نعم الله علينـــا في هذا الزمن أنه اصبح بمقدورنـــا الأن الحصول على المعلومات التي كانت حكرا على المستشارين الماليين المتخصصين قبل عدة سنوات.

إلا أنه يوجد لذلك جانب سلبي يكمن في التسبب باتخاذ القرارات غير المناسبة من حيث التوقيت.

قد يضطرب المستثمرون بسرعة فيبيعون الاسهم نتيجة سماعهم لانباء غير مشجعة وربما يشترون بدون الاستناد الى أسباب مقنعة أو القيام بالتحليلات اللازمة.


في الماضي كان المستثمرون يدركون أنهم مالكين لهذه الشركة التي يساهمون فيها ولكن تلاشت تلك المفاهيم الأن وسهل البيع والشراء من خلال الانترنت وعظمت الخسائر.


ولذا يتوجب علينا القيام ببعض الجهد والبحث عن معلومات أسهمنا لنحسن إتخاذ القرار وتوقيت البيع والشراء والذي لن يكون موفقا وبشكل دائم ولكن ستقل الاخطاء ويحسن الأداء.


كلمة أخيرة:

مرحبـــا بالتطبيل عن القيعــــان

وحربـــــا على التطبيل عند القمم

مرحبــــا بالارجـــاف عند القمم

وحربــــا على الارجاف عند القيعــان.​

 

[المجمعات]

اتهقون تمويل الخليج يوصل 100/فلس

 

[وين المليون]

لاعليك أخي الكريم .


قصدك فرق صرف العملة ,إذا يكون الدينار طالع.

ولكن

وين المليون ؟​

كلامك صحيح يا دكتور

بس بالنسبة لسؤالك عن وين المليون أنا أقولك

الملايين موجودة بس مو فلوس أسهم ورق قول إن شاء الله يصير السهم بربع دينار وأكون كملت المليون بس هذا حلمي وإن شاء الله يتحقق ويتحقق حلمك وياي .

ترى الحسبة عليك .

 

[مجد 91]

ليش خطك صغير يا بوعلي كتبه بخط كبير وبشر الناس وفرحهم

يجماعة الحين اذا راح يوصل السهم 50 فلس او 70 فلس منو الي قاعد يشتري الملايين من بعد 11-10 والسعر 122 فلس الي 130 فلس ليش الي شره ما يفهم ليش ما ينطر يشتري علي 50 فلس أو 70 فلس سؤال يطرح نفسه

ملاحظه انا مساهم لكن مو مطبل

في معلومه افرح فيها اخواني

اول ما نزل السهم فوق 400 فلس ونزل الي 300 فلس وظل مده طويله علي هذا السعر لكن في النهايه تعافي السهم ووصل اكثر من 700 فلس
بصراحه تاريخ السهم الي يصبر عليه يربحه والي يستعجل يخسر
ودمتم

كلامك صحيح 100% بس ماحد انتبه له

 

[Dr.Abo----omar]

كلامك صحيح يا دكتور

بس بالنسبة لسؤالك عن وين المليون أنا أقولك

الملايين موجودة بس مو فلوس أسهم ورق قول إن شاء الله يصير السهم بربع دينار وأكون كملت المليون بس هذا حلمي وإن شاء الله يتحقق ويتحقق حلمك وياي .

ترى الحسبة عليك .

هااانت هااانت

ومبروك تميّز عدد مشاركاتك 555 , توقف عن المشاركة وأستمتع بالتميّز .


وبحول الله وقوته أن يصبح لديك رقم اكبر من طموحك

ومن صبر ظفـــر.​