بيت التمويل الخليجي ..........3 ( تمويل خليج )

[سرور]

نجم الاسبوعين القادمين تمويل خليج

 

[مجد 91]

نصيحه أرد و اكررها صار لى أكثر من شهر

لا للشراء

لكن اللى مشترى بسعر عالى عسى الله يصبره

إنسوا التحليل الفني

طالعوا التحليل الأساسى (النتائج الماليه و الأخبار)

الشركه كانت تبى تسوى أسهم تفضيليه و لكن يبدوا ما فى أحد يبى يكتتب علشان جذى يبون الحين يسوون أسهم عاديه لعل و عسى يكتتب الناس العاديين

طبعا هذا خبر سي لأن الأسهم العاديه تدخل بالتداول و تسبب ضغط على السهم و تخفض الأرباح خصوصا أن الزياده 125%

كلامك صح وواقعي ولكن اشدراك ان يمكن يرفعونه علشان الناس تسرع لتكتتب فيه0 موهذي نظرية ثانية

 

[مجد 91]

والنظرية الثالثة يمكن يؤجلون الاكتتاب ويرد يرتفع السهم بقوة0

 

[bu noora]

نجم آآآآآآآآآفل

نجم الاسبوعين القادمين تمويل خليج

على أي أساس هذا الكلام ..
ممكن توضح الأسباب إذا أمكن ..

 

[Q8 Stock]

نصيحه أرد و اكررها صار لى أكثر من شهر

لا للشراء

لكن اللى مشترى بسعر عالى عسى الله يصبره

إنسوا التحليل الفني

طالعوا التحليل الأساسى (النتائج الماليه و الأخبار)

الشركه كانت تبى تسوى أسهم تفضيليه و لكن يبدوا ما فى أحد يبى يكتتب علشان جذى يبون الحين يسوون أسهم عاديه لعل و عسى يكتتب الناس العاديين

طبعا هذا خبر سي لأن الأسهم العاديه تدخل بالتداول و تسبب ضغط على السهم و تخفض الأرباح خصوصا أن الزياده 125%

لا اتفق معاك باللي تفضلة فيه (اللون الاحمر)

عندنا قناة هابطه ولم يتم اختراقها
يعني ماكو شراء بالتحليل الفني

 

[bu noora]

يمكن

كلامك صح وواقعي ولكن اشدراك ان يمكن يرفعونه علشان الناس تسرع لتكتتب فيه0 موهذي نظرية ثانية

والنظرية الثالثة يمكن يؤجلون الاكتتاب ويرد يرتفع السهم بقوة0

اصبر على المقسوم لو كان فيه حرمان ..
يمكن يصير بتالي الوقت خيــره ..

 

[الحبيب123]

السلام عليكم جميعا

ماشاء الله هذي الصفحة دائما عامرة بأهلها و في نفس الوقت في مناجر ههههه ( أتغشمر وياكم )

رغم الكثير من الاخوان طلبوا مني تحليل سهم ( تمويل خليج )

1- الي ناوي يشتري السهم لايستعجل على الدخول ( التصعيد الأخير كان وهمي )
2 - والي يملك السهم لايخاف منه مصيرة راح يصعد إن شاءالله مع مراعاة الدعم النهائي للسهم 156 فلس دون خروج نهائي
3 - السيولة الي على السهم حاليا سيولة مضاربين
4- السيولة الحقيقية لم تدخل لغاية الأن ( إن شاءالله أبلغكم عن السيولة النقدية الحقيقة للملاك السهم في حينها )

والقرار البيع والشراء مسؤوليتكم الشخصية
وبالتوفيق للجميع يااااارب ,,,

السلام عليكم

الي ناوي يشتري ينطر الإشارة الحقيقيه مني
موفقين خير يااااارب ,,,

 

[المتوسم]

السلام عليكم

الي ناوي يشتري ينطر الإشارة الحقيقيه مني
موفقين خير يااااارب ,,,

وأنا عن نفسي ناطر هذه الإشارة ...
ما زلت أتذكر يوم قلت لي اشتره ب (156) فلس وما سمعت كلامك

 

[shark_1]

بارك الله فيك ابو عيسى

 

[تاجر ولاكن]

نجم الاسبوعين القادمين تمويل خليج

اى نجم اى شمس . والله مادام ملهى الرعيان يحوف السهم راح يخليه نجم بس نجوم حقت الجبريت ابو عشره فلووس

 

[نصوح]

السلام عليكم

الي ناوي يشتري ينطر الإشارة الحقيقيه مني
موفقين خير يااااارب ,,,

كلام طيب وعقلاني من بوعيسى
والله يعطيك على قد نيتك​

 

[Trillion]

السلام عليكم

الي ناوي يشتري ينطر الإشارة الحقيقيه مني
موفقين خير يااااارب ,,,

ناطر الأشاره منك الانه بصراحه سعر سهم عاجبني ودي اخذ في كميه

فوق 200 ألف ..وحتى فلسين او اربعه فوق تحت ترا ما تفرق وياي الاني

مو مضارب مستمثر وطويل الأمــــــــد

ويعطيك العافيه على مجهودك الرائع ​

 

[مجد 91]

اصبر على المقسوم لو كان فيه حرمان ..
يمكن يصير بتالي الوقت خيــره ..

بونورة اشرايك بنظرياتي مو أحسن من اينشتاين

 

[bu noora]

بونورة اشرايك بنظرياتي مو أحسن من اينشتاين

أصلا اينشتاين كان اسمه فندوشتاين بس غير اسمه بعدين

 

[مجد 91]

أصلا اينشتاين كان اسمه فندوشتاين بس غير اسمه بعدين

ههههه والله لك خلق احنا محترقين وانت قاعد تنكت0

 

[bu noora]

ههههه والله لك خلق احنا محترقين وانت قاعد تنكت0

عندما تضحك ... يضحك لك العالم
وعندما تبكى ... تبكى وحدك

 

[الحبيب123]

وأنا عن نفسي ناطر هذه الإشارة ...
ما زلت أتذكر يوم قلت لي اشتره ب (156) فلس وما سمعت كلامك

حيا الله دكتورنا الغالي
وأشلونك عساك بخير ومبارك عليك الشهر
تتذكر في الدورة قلت لكم دشوا على السهم على 156 والبيع 320 فلس
الله كريم إن شاءالله

بارك الله فيك ابو عيسى

وياك طال عمرك
كل الشكر لك ,,,

كلام طيب وعقلاني من بوعيسى
والله يعطيك على قد نيتك​

جزاك الله خير أخوي العزيز نصوح
كل الشكر لك ,,,

ناطر الأشاره منك الانه بصراحه سعر سهم عاجبني ودي اخذ في كميه

فوق 200 ألف ..وحتى فلسين او اربعه فوق تحت ترا ما تفرق وياي الاني

مو مضارب مستمثر وطويل الأمــــــــد

ويعطيك العافيه على مجهودك الرائع ​

حياك الله أخوي
أبشر طال عمرك غالي والطلب رخيص
موفق خير يااااارب ,,,

 

[معذب الونات]

ههههه والله لك خلق احنا محترقين وانت قاعد تنكت0

قل اعوذ برب الفلق ::verymad::

وخر عن بو نوره تراه اهو اللي مخفف علينا ومهون علينا حركات الاهبل

 

[معذب الونات]

الحبيب123


منور صفحتنا

 

[ابو سعد 11]

تبي الصج .. اهو فعلا طير بس مو أي طير .. هذا طير الرقيّعي وهذا النوع من الطيور خطّاف ما ينحد
ويكسر فيك كسرات مو طبيعية و عادي يدش بالطوفه
وعشان احسم الخلاف اللي صار اليوم راح اغير اسم صانع سوق تمويل الخليج من الأهبل إلى الرقيعي
واعتقد أن هذا الحل يرضي جميع الأطراف
ملاحظة :
الرقيعي باللغة العربية الفصحى هو طائر السنونو ..

هلا بو نورا تسعدني طلاتك البهيه
ممكن طيرنا الرقيعي يظبط يصير طير حر بعد اسبوعين ؟؟؟
ما أ ستغنا عن وجهة نظرك
وسلامي الى دينار وص والله مشتاقيله