لجميع مشاريعكم التجاريه

[general]

والله خوش موضوع

طيب زوجتي عندها مشغل باسواق القرين خياط نسائي

شلون تبدي

يعني بخياط واحد ماستر

واحد خياط و عامله عاديه لاخذ القياسات والخ,,, خل البدايه بسيطه وكثر ماتقدر وفر لتوقف على ريولك

او اثنين كبدايه

وافضل طريقة لجلبهم المكتب ام اصحابهم الخياطين

اذ حصلت من المكاتب شي زين خذ من المكتب ارخص لكن ان ماحصلت شي زين فأنت مجبور تيبهم من اصحاب الخبره الي بالخياطين

وبالنسبه لطريقة احتساب المردود المادي من غير لايبوقنها الخياطين فواتير ام ماذا

الى الان لم ثبت العقل ان هناك طريقه لمنع السرقه حتى في البنوك لكن كل الامال و السعي لتقليل السرقات , وانت افضل طريقه عندك تتبع نظام فواتير وتخويف العمال بالتنفيشش على اي خطأ

وشغل المشغل من مكائن وخلافه من وين اجيبه وهل اشتريه مستعمل اوفرلي

اذا كان جيده اشترها مستعمل ومثل ماقلت لك بالبدايه وفر

واجيبهم بنفسي ولا اخلي الخياطين يشترونها

مرات الخياط يعرف شنو تحتاج وشنو تشتري وانت روح معاه

وافضل معاش للخياط الماستر لاني مااعرف اسعارهم

هذا المفروض زوجتك الكريمه تعرف هل شي بحكم خبرتها (ولو ماكان عندها خبره جان مافتحت مشغل) وانا ماقدر اجاوبك لان الاسعار تتفاوت بشكل كبير

وممكن تملي دراسه جدوى للمشروع

مشكله دراسه جدوى لهل مشروع راح تكون غير مجديه وذلك لضيق المساحه و محدوديه المشروع ونقص كبير في المعطيات , يعني مافي شي مادي نقدر ندرس من خلاله المشروع لبساطته

والربح المتوقع علما ان ايجار المحل 160 دينار

كان ودي تبلش بمشغل بالبيت لكن دام اخذتوا محل فتوكلوا على الله

وادري اكلتك بالاسئله بس لولا شفت كرمك بالردود جان مسألت كل هالاسئله

عزيزي وغالي

ومشكوررررررر حتى لو ماجاوبت استفدنا من مواضيعك واجد

نجاوبك مره ومرتين وعشرين واي شي تبي اسأل بالعام او بالخاص ترا غيرك يدز لي مليون سؤال باليوم بالخاص

 

[ostath]

حجي جنرال....شوفلنا مشروع محل زهور ..شنو احتياجاته و مصاريفه و شنو المردود المتوقع..

 

[general]

حجي جنرال....شوفلنا مشروع محل زهور ..شنو احتياجاته و مصاريفه و شنو المردود المتوقع..

اها يا استاذ غرقك المحل الي للبيع (الزهور) في قسم العقارات .

إفهم الاجابه

 

[om dodi]

اخوي انا اذا بفتح رخصة بينزلي راتب دعم عمالة ب410 حسب شهادتي وحسب افادتك لي سابقا
الحين سؤالي جم اقدر آخذ قض على هالراتب عشان افتحلي مشروع وشنو افضل مشروع مايكون في لوية مابي بقالة ولامطعم شرايك بمكتبة لبيع القرطاسية او مصبغة؟؟؟
جم راح يكلفوني وهل لازم هالشي يجبرني عل ىالتواجد في المحل عشان التفتيش؟؟ ولا شسوي عشان اكون سيده مابي احس نفسي آخذ فلوس مو حلال لحد يفهمني غلط بس موسوسة شسوي

مشكور وايد وايد على سعة صدرك ومساعدتك لي ولغيري

 

[general]

اهلا يا ام دودي اخشى انج ماتقدرين تاخذين قرض على راتب دعم االعماله

 

[om dodi]

مشكور جذي انا مضطرة ادش شريك مع احد عشان افتحلي مشروع صح؟؟؟ياليت تجاوبني على النص الثاني من استفساري شنو الانسب برايك

 

[general]

اختي العزيزه ام دودي والله انتي بالذات مادري شقول لج انا يصعب علي توجيه وارشاد حرمه , لكن على كل حال تدخلين شراكه أو غيرها هذي تستند الى ضوابط و رسم الحدود ووضع الخطط لتفادي خلاف في المستقبل .
ثانيا بخصوص تفتيش وماتفتيش (ماقدر احط بذمتي واقول ماراح ييون لج ) لكن مامر علي تفتيش واتمنى من الاخوان يجاوبون على هل سؤال ويذكرون هل صار معاهم هل شي ولالا

انا ما انصح حرمه تشتغل شغل له كيان تجاري رسمي (مصبغه صالون بقاله) انا اشجع الاستثمار البدائي الي يقتصر على بيع والشراء (ملافع عبي ادوات نسائيه والخ,,,) ومن بعد ماتتعلمين اصول التجاره وتكونين قاعده عملاء حزتها لابد من انج تسلكين الطريق الرسمي .

وتقبلي مروري

 

[om dodi]

مشكور جنرال بس انا بشارك ريلي مو احد غريب
وابي استفيد منك على اساس لي ييت اناقشه الا عندي خلفية عن الموضوع

مشكور

 

[general]

بالتوفيق

 

[منافس]

بوعقيل أرسلتك إميل من أيام أرجو قراءته والرد عليه
جزاك الله خير

 

[general]

حاضر

 

[general]

يرفع للفائده

 

[ostath]

جنرال الله بالخير ...ممكن تساعدني بخصوص رخصة الصيدليه..شلون القى مستثمر او مؤجر للرخصه...دورت و حاولت بكل الطرق ماقدرت القى مستثمر للرخصه اللي عندي..و لك كل الشكر

 

[general]

جنرال الله بالخير ...ممكن تساعدني بخصوص رخصة الصيدليه..شلون القى مستثمر او مؤجر للرخصه...دورت و حاولت بكل الطرق ماقدرت القى مستثمر للرخصه اللي عندي..و لك كل الشكر

رخصه الصيدليه تسوى الاف الدنانير حط اعلان بالوسيط

 

[bo ahmed]

السلام عليكم
الله يجزاك خير ومشكور على الجهد اللي تقدمه وجعله في ميزان حسناتك

وياليت تفيدنا انا معروض علي بعماره جديده موقع مميز جدا محل مساحته تقريبا 4في7 يصلح لبقاله , صاحب العماره صديق لي احرجني قال لك المحل وأسال جم اجاره بره وجم يعطون وابشر باقل منه , اللحين انا بسألك شرايك جم يكون اجاره والخلو ,العماره ما انسكنت ولا فيها كهربا قال لما توصل الكهربا نسوي العقد , واذا ابي اضمنها من اللحين بجم اضمنها , ورخصه البقاله اطول ومشكووور

 

[general]

اهو طالب منك خلو ؟؟ ليش طالب منك خلو اهو صاحب الحلال والهدف اهو التأجير وبالنسبه للايجار ان كان المكان حلو وموقعه مميز قوله 250 الى 300 (طبعا يسوى اكثر ب 100 لكن خلك شاطر)
ومساحه المحل جيده
انا نصيحتي ان خذيت المحل تضمنه ب 500 دينار يعني بجيبك 200 دينار وتسوي عقد ضمان مدته 3 سنوات ومن خلال هل فتره تشوف انت البقاله قاعده تطلع ذهب عقبها ماتجدد العقد وانت تشتغل فيه ,
ورخصه البقاله يسوونها على ما اعتقد ب 500 الى 600 دك
وشكرا

 

[ezee]

السلام عليكم

اخوى جنؤال كيف الحال

سؤال بسيط لو سمحت وتكرمت

يصير افتح مكتب عقارى باسم الزوجة او الام او البنت واعمل لها دعم للعمالة وشكرا طال عمرك

 

[general]

اذا كانت رخصه فرديه تقدر بس في شروط
1- مكتب العقار يحتاج لواحد عنده شهاده ثانويه .
2- اذا بتسجل صاحب الرخصه لدعم العماله يجب عليه يكون دبلوم او جامعه أو ثانويه مع دوره عشان لايطلعون عليه تفتيش اول مره لان الي شهادته ثانوية واقل لازم يطلعون تفتيش للموقع.
3- لازم تسجل صاحب الرخصه مع موظف واحد على الاقل عشان تقدم للتأمينات ودعم العماله .
4- من ناحيتي ودي تسوي شركه عشان هل امور كلها تنحل

 

[general]

للرفع

 

[q8 box]

اخوي جنرال ابي من وقتك شويه بكلمك بالمسنجر اذا مافيها احراج لو سمحت