لجميع استفساراتكم عن الرخص التجاريه

[فيصل ابوعبدالله]

اخاف تبي رخصة حراسه بوعقيل

 

[general]

ياعزيزي انا اول واحد أثنى على مشاركتك وشكرتك عليها لكنك تنزل اعلانات مكرره في موضوع باليوم يزوره فوق ال 100 شخص يعني ماله داعي انك ترفع الموضوع كل شوي , وصدقني الي يدخل هل موضوع يقرا من الصفحة الاولى الى الصفحة الاخيرة لذلك رقمك موجود وبيتصلون عليك ان بغوا شي , واذا متخيل ان قصدي احارب المناديب من الشغل فأقولك اقرا صفحات الموضوع كلها وشوف كل ردودي ياجماعه (في امور مايسويها الا المندوب ومكاتب تعقيب المعاملات) . وبعدين لاتقولي يا فهيم , , ترا الواحد يقدر يكتب وبأساليب بغير محلها لكنها مو شطاره ( ومابي اغلط عليك يابوعقيل) .

 

[فيصل ابوعبدالله]

تخليص معاملات للشركات بالكويت فقط

ابوعقيل انت ماتبي احد يدش وكأن لك الموقع موصحيح ترا ماخليت احد يدش بالمنتدى يالحبيب

وعلى الشغل ترا الناس تجيني مو انا اجيها يابوعقيل . وشــــــــــــــكرا

 

[Kuwait]

فيصل اخر انذار لك

بوعقيل فاتح هالموضوع ليفيد الناس لاتخرب موضوعه

تبي افتح موضوع جديد


سبق وحذفت ردودك السابقه

 

[abo mohammed]

السلام عليكم سيدي الفاضل حبيت ان اعمل مكتب استيراد وتصدير لاني اهوا العطورات والكسسوارت والساعات والجنط الغير تقليدية فانا اسافر واتي بجنطة او 2 وهذا لايكفي هل تنصحني بفتح مكتب استيراد وتصدير والرخصة زاهبة لاني اهوا البضائع والسفر مع جزيل الشكر

 

[general]

أخي العزيز فعلا تحتاج الى رخصه استيراد حتى لو من غير تصدير , حتى تستطيع تأتي بأكبر كميه من البضائع لكن المشكله الان الي تواجهها اني رخصه استيرادك هل هي عامه اما في مجال محدد بمعنى اخر
انا عندي رخصه تجاره عامه ومقاولات ورخصه استيراد , راح يكون مكتوب برخصه الاستيراد يسمح له باستيراد عام (كل شي) باستثناء الالات والمعدات الصناعيه التي تخضع لهيئه العامه للصناعه . ومره لا انا نفسك عندي رخصه بيع عطورات ورخصتي كتوب فيها يسمح له باستيراد عطورات . بهل حاله ماتقدر تيب جنط وساعات .

فالافضل تروح لوزاره التجاره وتسأل هل استطيع الحصول على ترخيص استيراد وتصدير عام . ولاتنسة كلمه عام وبلغنا شيصير معاك

 

[abo mohammed]

نعم سيدي الفاضل التجارة تقول هناك رخصة استيراد وتصدير بالعمولة وهناك اعتماد توقيع بمبلغ 55 دينار
وهو عام للاستيراد ماعدا الالات والمعدات الثقيلة حيث لدي رخصة هدايا وكماليات واتصلت باحدى المندوبين وقال لي تغيير الرخصة بمبلغ 170 دينار شامل كل شي معدا اعتماد التوقيع وياخذ اكثر من 9 ايام وقال لايحتاج الى مكتب لانه المكاتب صغيرة لاتنفع لهذه الرخصة فيفضل بدون مكتب مارايك

 

[general]

نعم سيدي الفاضل التجارة تقول هناك رخصة استيراد وتصدير بالعمولة وهناك اعتماد توقيع بمبلغ 55 دينار
وهو عام للاستيراد ماعدا الالات والمعدات الثقيلة حيث لدي رخصة هدايا وكماليات واتصلت باحدى المندوبين وقال لي تغيير الرخصة بمبلغ 170 دينار شامل كل شي معدا اعتماد التوقيع وياخذ اكثر من 9 ايام وقال لايحتاج الى مكتب لانه المكاتب صغيرة لاتنفع لهذه الرخصة فيفضل بدون مكتب مارايك

اخي العزيز يعني افهم من كلامك ان لديك رخصه هدايا وكماليات والمندوب قال اغير لك نشاط الرخصه واقلبها من هدايا وكماليات الى استيراد وتصدير ووكيل بالعموله ؟ ويبي منك 170 دينار ؟ ان كانت الاجابه بنعم فأقولك امش على كلامه وخل ينزل لك بالسعر ويسلم لك الموضوع من الالف الى الياء واهم شي اعتماد التوقيع يغيره ولا تخليه يسلمك شي ناقص اما سالفه مكتب وبدون مكتب هذا راجع لك كيفك , لكن يكون في علمك رخصه استيراد وتصدير ماتقدر تفتح فيها محل وتبيع لان مسموح لك فقط باستيراد وتصدير يعني بالعربي تحتاج الى رخصه ثانيه (هدايا وكماليات وغيرها)

 

[الاماكن]

ماعليك أمر وجزاك الله خير على سعة صدرك ومأجور ان شاء الله بغيت استفسر انا عندي مؤسسة فردية تجارة عامة ومقاولات يعني ماتبي ميزانيه ولا شي تاريخها من 2002 قديمه وأخر تجديد لها أول العام يعني تنتهي سنة 2012 بقى سنتين اشتغلت فيها بناء وعقود مع مستشفيات بس ووقفت وبعت المكتب وعندي بالبيت ، رأس رصيدها 50الف هل يحق لي ادش بالمناقصات او ادرجها والله مو عارف والله ياريت تفيدني جزاك الله خير

 

[الاماكن]

وعندي مركز أجهزة كمبيوتر اللي رصيده 30 الف توني بايع المحل ومو عارف شسوي بالرخصه او وين اضمنها ومو عارف

 

[general]

هلا بأخونا العزيز طال عمرك سؤالك بالنسبه للمناقصات المركزيه يجب عليك تصنيف مؤسستك في المناقصات وتعتمدها (لجنه المناقصات المركزيه شرق دوار المخفر بجانب مطعم شهريار مقابل البراحة) روح لهم وخذ اوراقك وبلغنا شيصير معاك . اما بخصوص اجهزه الكمبيوتر ماقدر افيدك تضمنها على منو .

 

[الاماكن]

لجنة المناقصات مو لازم يكون فيه رصيد او يحجزون على مبلغ انا ماعندي بصراحه كلش

 

[general]

لجنة المناقصات مو لازم يكون فيه رصيد او يحجزون على مبلغ انا ماعندي بصراحه كلش

سلم امرك لله روحتك لهم مامنها خساره .

 

[خفاق]

الله يعطيك العافيه انا موظف بشركه واستلم دعم عماله

ابى اشترى شركه تجاره عامه ومقاولات يصير بأسمى دام انى بالقطاع الخاص

وشكرا لك مقدما

 

[general]

الله يعطيك العافيه انا موظف بشركه واستلم دعم عماله

ابى اشترى شركه تجاره عامه ومقاولات يصير بأسمى دام انى بالقطاع الخاص

وشكرا لك مقدما

نعم لكن تحتاج الى شريك لان اقل عدد في الشركه 2

 

[خفاق]

نعم لكن تحتاج الى شريك لان اقل عدد في الشركه 2

مشكور بو عقيل انزين يصير ادخل شريك موظف حكومى
وشنو الفرق بين شركه او مؤسسه تجاره عامه ومقاولات ذات مسؤليه محدوده

 

[general]

مشكور بو عقيل انزين يصير ادخل شريك موظف حكومى
وشنو الفرق بين شركه او مؤسسه تجاره عامه ومقاولات ذات مسؤليه محدوده

يصير تكونو شركاء وموظفين حكوميين لكن تحتاجون شخص غير موظف حكومي يتولى الاداره بعقد التأسيس , بالسنبه للفرق ذكرناه وايد بس اقلب الصفحات وبتلقى الفرق شوف اول 4 صفحات

 

[ابو الزبير]

اخي جنرال اشكرك على سعه صدرك مع الناس كلها وانا ابي استفسر منك انا شريت قبل 3 سنوات شركه تجاره عامه ومقاولات وفيها فرعين فرع ابوظبي للاستيراد والتصدير وفرح مارينا لنقل البضائع علما ان اسم الشركه مارينا العالميه ماشغلت الشركه وللعلم الشركه ماعليها حاليا ولا اقامه ولا سياره وللعلم للحين ماشغلتها الشركه وابي اعرف كم يسوى سعرها تقريبا حسب تقديرك في الوقت الحالي ؟ علما انها تضامنيه والاستيراد والتصدير عام ونقل البضائع داخل وخارج البلاد ومشكور مقدما والله يرحم والديك في الدنيا والاخره اللهم امين

 

[دبس الرمان]

مساك الله بالخير بوعقيل

عمي انا رحت اشيك علي الرخصة موسسة تجارة عامة ومقاولات طلعت ملغية سنة 2006 في مجال اردها والا اسوليها حفلة وداع ؟

 

[general]

اخي جنرال اشكرك على سعه صدرك مع الناس كلها وانا ابي استفسر منك انا شريت قبل 3 سنوات شركه تجاره عامه ومقاولات وفيها فرعين فرع ابوظبي للاستيراد والتصدير وفرح مارينا لنقل البضائع علما ان اسم الشركه مارينا العالميه ماشغلت الشركه وللعلم الشركه ماعليها حاليا ولا اقامه ولا سياره وللعلم للحين ماشغلتها الشركه وابي اعرف كم يسوى سعرها تقريبا حسب تقديرك في الوقت الحالي ؟ علما انها تضامنيه والاستيراد والتصدير عام ونقل البضائع داخل وخارج البلاد ومشكور مقدما والله يرحم والديك في الدنيا والاخره اللهم امين

أخوي على حسب كلامك انك شاري الشركه نظيفه وقاطه بالدرج والحين بتبيعها وتبي تعرف سعرها والله شوف حرام تبيع اقل من 1800 دينار