دورة المؤشرنت للتحليل الفني
50 دينار كويتي
عزيزي المهندس
اولا رخص التجاره العامه والمقاولات تم ايقافها نهائيا (ردوها لكم يوم فقط) وعليك الان اختيار نشاط محدد كل على حده .
ثانيا الحل الوحيد هو شراء رخصه تجاره عامه ومقاولات قديمه وهذا انا ما انصح فيه.
ثالثا الحل الامثل هو انك تؤسس رخصه (شركه) وتختار نشاط مقاولات عامه للمباني ومن خلالها تقدر تستلم مشروع و تبني وتسوي تمديدات الكهربائيه والصحيه والتكييف والاصباغ والنجاره . وتسلم المشروع , وراس مال هل رخصه 50 الف دينار .
رابعا ان حبيت بالمستقبل لما شغلك يتوسع تفتح افرع من شركه الام مثلا مطعم مصبغه محل نجاره محل اداوت كهربائيه مصنع المنيوم والخ,,, دون اي مشاكل .
خامسا اشرت اكثر من مره المندوب الي كنت اتعامل معاه اختفى من الوجود وماعرفه عدل فقط كنت اشهد له بالخير .
اخوي بوعقيل ... الله يعطيك ألف عافيه صراحه تعطي من قلبك ... الله يوفقك دنيا واخره ..
اخوي:
يعني في حالة طلعت شركة نشاط مقاولات عامه للمباني هل سيتم السماح لي بفتح أفرع لها بالمستقبل .؟
بكل يسر وسهوله دون أي مشاكل
واذا ماراح يتم السماح لي بفتح افرع بالمستقبل ؟ اشرايك مو مؤسسه اسهل بالاجراءت والتكلفه ؟؟
الاجابه اعلاه
وهل تم منع ترخيص التجاره العامه والمقاولات كمؤسسه مو شركه ؟؟ وشن الفرق بينها ترخيص مؤسسة تجارة عامه ومقاولات ومؤسسة مقاولات المباني ؟؟
المنع بالنسبه للشركات والمؤسسات (الاثنين) وبالنسبه للفرق لايوجد فرق بين مقاولات عامه و مقاولات مباني , لكن الاختلاف يكون بينها وبين تجاره عامه يعني جميع الانشطه التجاريه يعني مثال
مقاولات مباني وقسايم ومجمعات وصيانه ( مقاولات مباني أو مقاولات عامه)
بقاله منجره حداد ملابس ادوات كهربائيه مواد انشائيه (تجاره عامه)
وشكرا جزيلا اخوي
الموقع الي عندك شنو مجاله اختر رخصه مطابق نشاطه لرخصتك
يعني موقع بين كمبيوترات ولاب توب تفتح رخصه كمبيوترات
أو
تبيع قطع غيار سيارات على الموقع , تفتح رخصه نشاط بيع قطع غيار السيارات
يعني السالفه مو سالفه مزاج عشان تقول شنو المناسب
قولي شنو مجال موقعك وانا اختار لك نشاط تحطه برخصه الشركه
)هلا بك اخي العزيز بو عقيل ( تذكر المنجره
كلمت اكثر من مندوب واكثرهم قالو ما يصير انطلعلك ملف بشئون ولازم تسويها بنفسك ويقولون اللي يقول يصير يطلعلك جذاب !
قوله رخصه شركه بكبره تطلعين لي ياها وتعطيني كيان تجاري اما ملف شئون ماتقدر تسويه ؟؟
وارخص مندوب حصلته لعمل شركه ورخصه بس 250 دينار
اذا شهاده الرصيد عليه فسعره اروع منه ماكو اما ان كان شهاده الرصيد عليك فسعره غالي وحده 180 دينار
ومندوبين قالولي نقدر نسويلك ملف بشئون ورخصة مرور وقالو يسونها كامله 450
مثل اجابه الفوق خل يطق لك منهم 80
شرايك اخوي العزيز
دورة المؤشرنت للتحليل الفني
50 دينار كويتي