دورة المؤشرنت للتحليل الفني
50 دينار كويتي
السلام عليكم
شلونك اخي الغالي بو عقيل وعيدك امبارك
انشاء الله في الايام القليل القادمه سوف افتح منجره
فعندي بعض الاستفسارات ..
1- انا اول مره افتح مشروع ولكن انا اعمل في جه حكوميه واريد ان اعمل الرخصه بأسم اختي..ما هو الافضل ان اعمل شركه او مؤسسه ؟
سولك شركه تضامنيه انت حصتك فيها 99% واختك 1% واهي تتولى الاداره في عقد التأسيس (لانها موظفه غير حكوميه) وانت تكون المفوض في اعتماد التوقيع ويكون لك توكيل خاص وليس عام (في اطار الشركه فقط) .
2- كم احتاج مبلغ من المال في رصيدي ؟ وكم مدة العمليه ؟
تحتاج راس مال قدره 10 الاف دينار للنجاره وتيب شهاده رصيد بأسمك واسم اختك يب شهاده رصيد حق اختك بـ 100 دينار وانت شهاده رصيد بأسمك بـ 9900 دينار (لان انت 99% واختك 1% من راس المال) ويتم حجز المبلغ بالحساب ليوم واحد فقط يعني تحطه اليوم وباجر تاخذه مع الشهاده وتكون موجه لوزاره التجاره والصناعه
3- كيف اقوم بتسجيل العمال على الرخصه هل يتم عن طريق المندوب مره وحده او تعتبر معامله اخرى ؟
هذي خطوات قادمه وحاليا فكر فقط كيف تستخرج الرخصه واعتماد التوقيع ومن ثم تسجلها بالشئون وتفتح ملف ويطلع تفتيش وتحط عماله وغيرها .
4- عندما اشتري هافلوري هل يجوز ان اضع رقم المحل عليه وله احتاج تصريح ؟
اذا بتحط رقم هاتف فقط ماله داعي ترخيص من المرور واذا تبي تكثر من الملصقات والخ لازم ترخيص من المرور (ونصيحتي تاخذ الترخيص) .
5- وفي النهايه ابي رقم المندوب اللي عندك ادزلي اياه على الخاص
المندوب الي كنت اعرفه كل ماندق عليه مايرد , وشوف لك مندوب من هل مناديب الي بالجرايد وقول لهم مثل الكلام الي كتبته لك وشوف جم يقولك ودز لي السعر بالخاص عشان اقولك السعر مناسب ولالا ولاتنسى تقول مو بس تسلم لي الرخصه وتقولي مع السلامه , قوله ابي الرخصه من الالف الى الياء من غرفه تجاره وملف بالشئون وترخيص المرور ويسوي لك اعتماد توقيع بالمرور (لازم عشان تحط السيارات بإسم الشركه) وترخيص لوضع الملصقات .
دق على اكثر من مندوب
شكر الجزيل لك على جهودك التي انشاء الله الله يجعلها في ميزان حسناتك
السلام عليكم
زميلي الفاضل .. ابو عقيل .. المحترم
انا اود افتتاح مجلة .. ثقافية - اسبوعيه - متخصصه
على نهج المجلات المعروفه مثل الجريمه واليقظه والهدف وغيرهم
فهل تستطيع اخي الكريم ان تساعدني في معرفة الرخصه والشروط والرصيد المالي
وتقبل مني فائق الاحترام والتحيه
اخوك ,. عبدالحسين عبدالرضا ..
دورة المؤشرنت للتحليل الفني
50 دينار كويتي