▀▄▀ مواليد السبعينات بس يدخلون ▀▄▀

[النايفه]

النايفه إنتي ملحقه على أيام العدس أنا على بالي من مواليد 86 وفوق

أو دارسه بر الكويت يعني لندن جنيف​

لوووووووووول ليش مو راضي تصدق ان مواليدي 1962:d

 

[acton]

قاري عديله
من تشتريه تروح محل القواري وتقوله ابيك تلبسه تلبيسه بثلاث شرايط لون ابيض وازرق واحمر وابي كراكيش عليه صوب السكان وبس يخلص تركبه وتمشي تروح النقره او حولي صوب دورا هدى الشعراوي او صوب عياده الدكتور الخطيب بحولي تطق لك جم فره صوب فريج الفلسطينين او الاكراد وتطق لك جم طقه هرن العصاري عشان يطلون عليك من البلكونات وترجع البيت وتقول حق امك رحت قطعه 5 رحت بتصابق عشان لحد يدري عنك وين رحت ​

 

[VXR2009]

الله يرحم والدينك رجعتنا ورا ذكرتنا بالايام الجميله ذكرتنا بالضحكه الصادقه ياحلو ايامنا ايام حلوه الف الف الف شكر لك

 

[لؤلؤة الخيران]

شكرا لصاحب الموضوع ذكرتنى بأحلى أيام حياتى

 

[العاشق]

لوووووووووول ليش مو راضي تصدق ان مواليدي 1962:d

خالتي النايفه الله يطول بعمرج ​

 

[النايفه]

خالتي النايفه الله يطول بعمرج ​

الله يساعدك وليدي:d

 

[على خليفه]

أنا أذكر لما أنجح يشتري لي أبوي ماكنتوش وأوزعه على الصف والاساتذه بعد .. ترى شطور لما كنت صغير بس شكلي الحين قفلت

وأذكر أسوي عزيمة النجاح كبسة دجاج وسطل فيه فيمتو وطاسه صغيره داخله وأغرف منها وأشرب

ياحلوها من أيام

الله يذكر هذى الايام بخير والله ايام ما تنسى
وشكرا يا صاحب الموضوع

 

[B-A-1983-A-B]

ماشاء الله ربي يعطيكم طولة العمر
عيل يبا انا مالي مكان بينكم ......

 

[Balloons Shop]

ماكنتوش قبل غير والحين غير كل شي تغير حتى الككاو
كتكات زمان غير بالقصدير وورق الشفاف يشتغلون بذمة ومافي غش
والطعم خيال ...
مرة كنت حاط عيني على ماصور لونه أخضر فاترية بقالة الفريج
وأحن علشان أخذه ولا أقدر لأنه متعدي مصروفي سعره كان 75 فلس
فلما كبرت صارت عندي مزامير الشيطان كلها وتفوقت بالآلات الموسيقية
غماً لأهلي ههههه
لكني تركتها لأنها لا تغني ولا تسمن من جوع
انصرفت للتفوق الرياضي

 

[بو حسين دشتي]

جزاك الله خير على الموضوع الحلو .


أذكر عند البقاله اذا رفيجي شاري بيبسي

و أنا ماعندي فلوس ، أقول له نصك ، و ا أشر على علامه في البطل ، علشان ما

يشرب تحت العلامه و يخليلي شويه ....الحين من يشرب عقب الثاني !!!

 

[النايفه]

جزاك الله خير على الموضوع الحلو .


أذكر عند البقاله اذا رفيجي شاري بيبسي

و أنا ماعندي فلوس ، أقول له نصك ، و ا أشر على علامه في البطل ، علشان ما

يشرب تحت العلامه و يخليلي شويه ....الحين من يشرب عقب الثاني !!!

كراش الأحمرررر

أحس فيني بجوه

 

[هيفا]

ياسلااام مبين عليها كانت ايام حلوه

بس حسافه انا ما كنت مولوده ​

 

[aledailah]

وجب التنويه والله أعلم

سمي قاري عديلة نسبة الي عائلة العديلة وبالاخص علي العديلة الله يرحمه كان اول تاجر يبيع القواري بالكويت لذلك سمي بأسمه العديلة او عديلة

صاحب الدراجات عبدالله محمد العديلة ( اطال الله بعمره ) وهو اخ لعلى ( الله يرحمه ) وكانو يسكنون فى بيت والدهم بالقادسيه وعبدالله سكن الفيحاء ثم بالعمريه لغاية الأن

وجب ااتنويه

ولا ننسى ان نشكر صاحب الموضوع .... الله يعطيك العافيه

صراحه وقته فى ظل هذه الأحداث

 

[بو حسين دشتي]

من يذكر ماذا تعني إذا حكيت راس صاحبك ?

 

[aledailah]

؟؟؟؟؟؟؟؟؟؟؟؟؟؟؟

حبيت اشارك​

 

[saadkuwait]

أتذكر

 

[الوليد q8]

 

[JoYcE]

موضوع حلوه
انا مواليد السبعينات بس مو كل هالاشياء صارت معانا
احنا عشنا طفوله مميزه ومدلـله اكثر من اطفال الحين .. بالنسبه للصيف كل سنه كنا نسافر اقل شي شهرين .. واغلب معارفنا كان عندهم بيوت وشقق بالخارج يسافرون لها بالصيف ومن اول مانولدنا سكنا في بيوت كبيره فيها حوش يعني ماجربنا الشقق الضيق

من برامج التلفزيون اللي اذكرها غير اللي انذكرت
تم تك والاطفال
الفنان الصغير
سبع ابواب (هبه غلوم)
دنيا الاطفال
مجلة الاطفال ( كل جمعه الصبح)
انت وصحتك (برنامج قصير طبي يقدمه دكتور )
الامن والمواطن
مسلسل اجنبي ( الحسناء والوحش)
نادي ميكي ماوس ( البرنامج الثاني )

 

[قلم حر]

مراقب انا مواليد 70 ماعتقد حاشك الريوق الى اعرفة اخر ناس 73 مواليد 73 كان عمرهم ذيك السنين 6 سنوات اولا ابتدائى وقف اللريوق سنة 79 وكان الريوق جبن مثلث وعدس حليب بسكوت المطاحن صموان لبنانى

اذا تقصد ريوق المدارس وقف منتصف الثمانينات

اما اواخر السبعينات سكروا البقالات اللي بالفريج

دام انك مواليد 70 تذكر السياره الصغيره اللي تشبه التك تك الحين

وتفتر بالشوارع تبيع جاز (( كيروسين ))​

 

[Balloons Shop]

صحيح ليش منعوا الكراش
وعلب الكورتينا اللي كانت تتحول لتلفونات أي فون
والصوت كان فيها أجمل

أيامنا كنا نصحو من النوم وبالشبل نزيح الرمال من باب السكة بدل الثلج
كانت طعوس رمال ناعمة وما أجملها من رمال

كنا نسرح في الغنم ، وكروتنا مئة فلس
بأربعين فلس صمون وسانكيست وكتكات والباقي نوفره لبقالة ولد الجيران

ما أجمل أيامنا كانت أروع من أن تقاس بجيل هالوقت !