▀▄▀ مواليد السبعينات بس يدخلون ▀▄▀

[hamed_zd]

ياحلو الهموضوع
وياحلو كل شي قديم واصلي

 

[عبدالعزيز رشد]

الله يعطيكم طولة العمر ....يعني خلاص توهقنا ،، الدور علينا عن قريب نحمل الامانة للاجيال القادمة الجديدة....

وانا والله مافقدت الا ان الشوارع كانت فاضية من السيارات وكنا نروح ونجي علي راحتنا في ذيك

الايام .........مشكور اخوي kuwait

 

[الحـــوت]

على طاري الزجاير كنا قبل اول ما نرد من المدرسة نصعد فوق العماير ونسحق زجاير وسبحان الله الكل يجتمع وقتها من غير اي موعد ونطيحله تسحيق زجاير ونربط الزجاره بسيم على بونه ماتطلع ريحة صبعك وكنا نسحق "فايسروي" كان وقته سعره 175 فلس من الجمعية . طبعا ارخص

 

[الحـــوت]

اتحدى اللي فيكم يتذكر ايام اللاسلكيات
وخصوصا واحد حده مشهور كل ماتشبك باللاسلكي تلاقيه سهران بعد الساعه 12 بالليل واسمه "بو ليلى" كله يقلد الرؤساء ويتمصخر عليهم ويقلد صدام وهالحجي سنة 1980 يعني اواخر السبعينات ووكنا نشبك باللاسلكي على بونه مسانجر واكيد طبعا ماكان في شي اسمه مسانجر ولانعرفه ولا انترنت

 

[الحـــوت]

تكفه شباب منو اللي يعرفه لأنه كان مجهول الهوية ولا احد يعرفه وكان حده مشهور وكله منشع بوتكس وحده غشمرجي

 

[abdullah6868]

اتحدى اللي فيكم يتذكر ايام اللاسلكيات
وخصوصا واحد حده مشهور كل ماتشبك باللاسلكي تلاقيه سهران بعد الساعه 12 بالليل واسمه "بو ليلى" كله يقلد الرؤساء ويتمصخر عليهم ويقلد صدام وهالحجي سنة 1980 يعني اواخر السبعينات ووكنا نشبك باللاسلكي على بونه مسانجر واكيد طبعا ماكان في شي اسمه مسانجر ولانعرفه ولا انترنت

اذا مانى غلطان اسمة
ابو الليل من منطقتنا الفحيحيل

وين دخلتونا الله يسامحكم

مرت الايام

سنة 1974 راحنا سوريا ولبنان قعدت 6 سنوات اقص على الربع افلام ولا بالخيال
وسنة 1979 شرينا فيديو توشيبا ابو دقم 800 دينار الله يرحم الوالد وفلم الترانز 1977 انشوفة باليوم 5 مرات ولا نمل
مشكورين على اعادة الذكريات

 

[فوارق]

اي رديتنا ايام قبل وقبل اذا الواحد نجح بلمدرسه ما يبيله الارنب الجائع والوعد بعدين بمجمع النقره والغجر نباطه وفخه والمخابي كل دم من الطيور طبعااا كله زعر

 

[maz149]

أذكر مره فتحت مغطات بيبسي ، و فزت ب صينية و 6 قلاصات...

 

[الحـــوت]

للذكرى فقط
نشيد قلمي:

قلمي قلمي .. نورُ الأممِ
أنت صديقي.. عند الضيقِ
أنت هنائي .. فيكَ رضائي
يوم نجاحي .. كنتَ سلاحي
نادوا حَوْلي .. وارعوا قَوْلي
يحيا القلمُ .. هو والعلمُ



نشيد الطائر:


يا طائرا ما أجملك.. يا زهرة في الشجرِ
أنت على الغصن مَلك.. مكللا بالزهرِ
سر في هواء حملك.. وطر بغير حذرِ
لولا جهاد أمّـِك .. يا طائرا لم تطرِ



وأخيرا نشيد الأسير اللي كسر خاطري:


وقف الأسير مقيدا ****بين الأسنة والعدا
وإذا تلفت حوله****وجد السلاح مسددا
قالوا له--- ماذا أعد أميركم****للعاديات وجندا
إن بحت بالأسرار عشت****مدى حياتك سيدا
فتبسم المأسور من****هذا الكلام ورددا
عاشت بلادي حرة****ولها دمي من الفدا
أفنى ويبقى في علا****وطني الحبيب مخلدا

لاعت جبدي يوم قريت النشايد لأنه بصراحه بطق العصي وماقدرت احفظ ولا نشيده منهم. بس اتذكر نشيدة "العيد"
العيد جاء اهلا به كل رجاء بقربه
اهلا به اهلا به
بس هالمقطع حافظه

 

[الحـــوت]

في سالفة مشهورة فيها السبعينات

الفلعه

من الشطانة لازم مفلوع سواءً بصمية أو حايش طرف باب السكة أو أو أو


يعني تعددت الأسباب والفلع واحد

بالنسبة لي حدث ولا حرج

منو يذكر فلعاته؟

ايه نعم انا اتذكر اكثر شي فلعة المكيفات كنت امشي بالظل ودايما يطق راسي بحفة المكيف اللي يكون على الطريق وينقظ راسي ويطيرون فيني اهلي على المستوصف وإلا مخيطين راسي وحاطيني دوا لونه يا اصفر يا كحلي وريحته خايسه
هههههه

 

[الحـــوت]

جيل السبعينات من افضل الاجياال لانه شااارك الجيل القديم والجيل الحديث
بالتوووووووووفيق للجميع

عدل كلامك اخوي وانا واحد منهم من جيل السبعينات
واحس انه جيل السبعينات بأيامنا هذي ذكي واكثرهم ناجحين

 

[الحـــوت]

اذا مانى غلطان اسمة
ابو الليل من منطقتنا الفحيحيل

وين دخلتونا الله يسامحكم

مرت الايام

سنة 1974 راحنا سوريا ولبنان قعدت 6 سنوات اقص على الربع افلام ولا بالخيال
وسنة 1979 شرينا فيديو توشيبا ابو دقم 800 دينار الله يرحم الوالد وفلم الترانز 1977 انشوفة باليوم 5 مرات ولا نمل
مشكورين على اعادة الذكريات

مشكور اخوي استانست انك عرفته لأنه بصراحه يوم اتذكر هالأيام عبالي اني حلمان ومو متأكد انه صارت او انه حلم فألحين تأكدت انه صج
مشكووووور

 

[الحـــوت]

شباب

منو يذكر بالعيد كنا نييب البوجيه ومن جدام نحط قشر عود الكبريت من فوق ونحط مسمار ونظربها على الأرض تنفجر؟

منو يذكر سيكل الخمسين الهوندا يجي لون ازرق واللون الاحمر بس؟

شباب منو اللي يذكر حارس مدرسة ابرق خيطان اللي كله يقول لما نطلع من الهده
"العصا لمن عصا" واحنا نقولها وننحاش

شباب منو يذكر استاذ " العوضي " مدرس الأجتماعيات اللي اكشر مدرس بالمدرسة معاه عصايه متيبه واللي مايروح يصلي وقت الصلاة على الحصه الرابعه كان ينسمه بالعصايا

 

[بو شيشه]

مدرسة خالد بن الوليد لها كريات خاصة مع الربع على ايامها

 

[Kuwait]

منو تحرش بموضوعي

 

[الدميرة]

اتحدى اللي فيكم يتذكر ايام اللاسلكيات
وخصوصا واحد حده مشهور كل ماتشبك باللاسلكي تلاقيه سهران بعد الساعه 12 بالليل واسمه "بو ليلى" كله يقلد الرؤساء ويتمصخر عليهم ويقلد صدام وهالحجي سنة 1980 يعني اواخر السبعينات ووكنا نشبك باللاسلكي على بونه مسانجر واكيد طبعا ماكان في شي اسمه مسانجر ولانعرفه ولا انترنت

هههههه

الحوت شنو كان ندائك وقتها

ابوليلى كنت اكلمه وقتها ويقولون انه في صليبخات

اجهزة اللاسلكيه لحد اللحين عندي بس hf ولحد اللحين عندي اللنير والمحول بالكبت

الله يرحمها امي وقتها تقول ذبحتنا بالوايرات ههههههه

بس اللحين عاد قطت الانترنت على اللاسلكي ولكن متعتها لحد الان فيني

من وين نخشت هالسوالف يالحوت ههههههههههه

 

[سرور]

ذكريات جميلة ولكن كيف تكون ذكريات الأطفال حاليا بعد30سنة

 

[الدميرة]

شباب

منو يذكر بالعيد كنا نييب البوجيه ومن جدام نحط قشر عود الكبريت من فوق ونحط مسمار ونظربها على الأرض تنفجر؟

منو يذكر سيكل الخمسين الهوندا يجي لون ازرق واللون الاحمر بس؟

شباب منو اللي يذكر حارس مدرسة ابرق خيطان اللي كله يقول لما نطلع من الهده
"العصا لمن عصا" واحنا نقولها وننحاش

شباب منو يذكر استاذ " العوضي " مدرس الأجتماعيات اللي اكشر مدرس بالمدرسة معاه عصايه متيبه واللي مايروح يصلي وقت الصلاة على الحصه الرابعه كان ينسمه بالعصايا

تذكر استاذ عمو اللي يمسكنا دايم من عند الزوالف

الله يرحمه كان مدرس في عمر بن الخطاب

سيكل بوخمسين كان عندي واحد سنة 1975 ههههه وافتر فيه في سوق خيطان

 

[دوم خسران]

هذا الموضوع ---------- أثار الشجون -- ودارت العبرات في العيون ---
ترك لنا في القلب غصه -- وحرك لنا في العقل كل ذكره

من أسعد أيام الذكريات أيام الصبا والطفوله --- أيام الحبال -- صيد الطيور
كان وقتها يتزامن مع أمتحانات اخر السنه وكنا ننطق طق اليهود--- من الوالد في هذا الموسم -- كل هذا من أجل المحافظه عل الدراسه والاستعداد لامتحانات أخر السنه

ولاننا من سكان الفروانيه وخيطان ذاك الزمان

كان مكان الحبال المفضل عندنا دوار المطار --المطار ذاك الوقت هو فقط صالة التشريفات الحاليه هذا الجديد لم يكن على الخارطه

حدود الفروانيه وخيطان كان الدائري السادس بعد الدائري السادس بإتجاه المطار كان صخه لايوجد أي أثر للمباني

حتى عمارات الفروانيه التي تقع الان على الدائري السادس لم تكن على الخارطه


من عدة الحبال وشروط نجاحها---- فخه أم شبك وعلبه روب فيها تراب ومتروسه غبابي أو قبابي
والنباطه المصنوعه من تيوبات تواير (البسكليتات) القواري خاصه تواير أبو بالون المنتفخه

لزوم صيد الحمروش وأم رماني والزعره والقفصي والقحافي والرقيعي
-----
-------
-----------
----------------

------ بكيت على الشباب بدمعي عيني فما فاد البكاء ولا النحيبُ-----

يالله حسن الخاتمه ​

 

[Balloons Shop]

اه ذكرتونى بالذى مضى

انا بتكلم على شى عام ... ومواليد الستينات و السبيعينات راح يتذكرون ويمكن يبجون .

انا اذكر يوم الخميس احلى الايام ننهد من المدرسه الساعه 11.30 خمس حصص طول الحصه 35 دقيقه .

اذكر نجلد الكتب اول ما يعطونه اياهم ... كان مجلد المفضل اللونه شفاف و اللى ماعنده فلوس يجلد بمجلد ورق لونه خشبى.

اذكر كشاكيل مرت على شكلها مبكر باللون الاسود وفى لون احمر فى الزوايا .

اذكر احلى الحصص فى الجدول تكون موسيقى و العاب ورسم رسم ( لازم حصتين ) واذا فى مدرس متأخر بالمنهج اخذ حصه منهم و طيّر الفرحه.

اذكر لون الشهاده صفره ولازم نحطها بغلاف شفاف .. واذكر البرايه المدوره الى فيها جام واذكر المحايه اللى عليها صوره و بالطرف لون اخضر ومحايه السحريه اللى فيها بطرف لون الادعم تمحى الرصاص واللون الازرق الخشن تمحى فيه الازرق .. و اذكر القلم بو محايه وقلم باركر واذكر الصمغ الشفاف بومغطه زرقه .

اذكر المدرسه تسوى دروس تقويه العصر فى الشتا نروووح ونتيمع مع الربع وسيييده للملعب نلعب كره .

اذكر لما نطلع من المدرسه الخميس نروح البيت نتابع برنامج " تيلى ماتش " وانا و اخوى كل واحد يختار فريق .. وبعد ما يخلص يحطون برنامج "رياضه فى رياضه" لمحمد المسند والعصر يحطون لقاء الخميس امينه الشراح ودولت شوقى وماجد الشطى .. والسهره فيلم عربي جديد ... بس اذكر لما ينتهى الارسال وصوت تشششش ( انقرضت الحين ) وقبل الارسال تطلع صوره دائره وفيها ساعه وننطر متى يبدا الارسال .

اذكر برامج تلفزيون الجمعه كانوا قبل صلاة الجمعه يحطون ماما انيسه وتذكرون السمره اللى معاها ابله ساميه وبعد الاذان يحطون مسلسل امريكى اسمه دخان البنادق و بعدين قاموا يحطون مستر ويست .. ومن الساعه 2 يحطون فيلم هندى يستمر الى اذان المغرب ومرات يعدى الاذان و بعدين يحطون الصيدليات المناوبه وراها برنامج الكويت فى اسبوع و الساعه 8 يحطون برنامج "من حياة الشعوب" وعقب الاخبار مصارعه حره واذكر من المذيعات رشا مجدى ورولا الفرا وهدى المهتدى واختها ندى ونجوى ( نسيت اسمها ) ومن المذيعين على حسين ومحمد الزامل ومبارك العمير وعبدالعال .

اذكر التلفزيونات قبل لما تشب او تطفيه لازم تطلع نقطه مدوره وسط الشاشه .


اذكر اول ماطب الفيديو الكويت كان سونى - شريط كبير مدته ساعه اجرنا اذكر مدرسة المشاغبين فى اول محل فى الكويت كان فى الديره مكان معهد القضاء حاليا .. المهم اذكر ان عطونا خمس اشرطه ! ( و تذكرت محل اسمه الحزام الازرق فى مجمع النقره الشمالى يحط اعلانات للمصريين - وصلت مباراة الزمالك والكروم ووركضه عليه اصحاب المقاهى ) .. اذكر من الفيديوات كان فيديو فيلبس شريطه مربع وفيديو سانيو نفس الاشرطه اللى الحين.. وبعدين نزل فيديو سونى باللمس اسمه بيتامكس .

اذكر من الاشرطه الصوتيه .. شريط كاترج وبعدين شريط ماكسل اللى نفس الحين ، ومن محلات التسجيلات الشهيره .. النظائر و رامكو - كلوباترا -صوت وصوره - ودن دون ... واذكر من الاغانى " بربك قولى ليش الجفا " حمد سنان ، " فايت على بابى " مشارى العريفان وهناك مطربين تركوا الساحه وكانوا مشهورين مثل محمد البناي و جمال المجيم و محمد الشعلان و راشد الحملى و عبدالعزيز السيب و فهد الماص وفاروق الفرحان .

اذكر فى الراديو يوم الخميس كانوا يحطون المحيلان الساعه 12 وكلمته المشهوره .. مخرج عطنا موسيقى .

اذكر من البرد ( الايس كريم ) برد ذهب وبرد الى على شكل مثلث وفيه ثلاث انواع توت وبرتقال وموز نرعصه من تحت علشان يتبطل ، وبرد بو قلاس فانيليا وفستق وبرد اللى على شكل مستطيل فانيليا مغلف بالكاكاو .. وفى كيكة برد مدوره لون كرتونها وردى بس نشتريها من الجمعيه.

ومن مشروبات الغازيه اذكر الكندراى وكراش و لايك و فانتا وميرندا و آرسي وشانى وتيم.

واذكر البفك وبطاط عيدان اللى غلافه ابيض وفى صورة نسر .

اذكر من المجلات - النهضه و اسرتى واليقظه و الرياضى و سعد و مرآة الامه و المجالس .

من الالعاب اذكر المقصى واللبيده وحى الميد و كرة العنبر الـــى ان جاءت الاتارى وانتقلنا الى عهد جديد .. واذكر محل الالعاب المشهور فى السالميه " محلات وليد " .. تذكرون الشاشه الكبيره اللى كانت عند مدخل سوق السالميه القديم.

انتهى .. والله العظيم حرام عليكم ليش ذكرتونى .

الله يمد بأعماركم بطاعته ..،
ذكريات رائحتها جميلة وما يميزها صفائها وبساطتها ..
عدت الايام دون أن نشعر .. وكل يوم يأتي نفرح فيها، وواقعه يقربنا لأجلنا
لكن ما أجمل أن تعانق في ذكرياتك شخص من زمن ولدت فيه ..
اللهم لا تشغلنا إلا في ذكرك..