▀▄▀ مواليد السبعينات بس يدخلون ▀▄▀

[مشاري بو ناصر]

تذكرون ساعة اليد السوده ( مدوره ) ومن داخلها شاشه حمره تشب بالليل ...

وطلعت وراها ساعة لونها أبيض ماركة alba ... وعقبها هبينا بالرادوا لغاية الآن ...

تذكرون دعاية ملابس أبندرادو ( ملابس داخليه ) قبل كانت تطلع بالتلفزيون ... هاههاهاهااهاااااااااااااي ...

تذكرون أيام النشاط كانوا يوزعون علينا ... بيضه وبرتغاله وتوسته ...

وطلعت عندنا شغله عجيبه غريبه ...

أقطع كرتون الجليب الأزرق وأدفنه وصب عليه ماي كل يوم بعد جم يوم تلقى فلوس بمكانه ... كانوا يقصون علي ربع أخوي الله يرحمه وأنا من صج أسويها ...

قبل لما يموت عندنا طير أو عصفور أو زرزور نقوم ندفنه ونصلي عليه ... لا وبعد نجي عليه ...

قبل بيتونا كلها قطاوه من وسع الحوش ... وين راحت دار الجييل ...

 

[العاشق]

بسك بوناصر والله خنقتني العبره ذكرتني بسوالف وشغلات راحت ورا النسيان دامك جهراوي تخبر الصيد بالمزارع تخبر الفخاخه والقبي هههههههههههه ندوره دوره والحين وععععععع

يازين ذيج الايام لاهم ولاغم

 

[مشاري بو ناصر]

على طاري قاري بالون ... ههههههههه

كان بفريجنا باكستانيين عندهم قواري بالون والمشكله أن القاري كبير علينا يلا نركبه ريل بالارض وريل معلقه فوق وكنت انا والربع نبوق القواري الفجر قبل لا يروحون شغلهم ...

وكنا نعرف طلعتهم الصبح لما يبون يروحون المنجره ... نمر جدامهم بالقواري ويلحقونه بالفريج وكل واحد فينا لما يقرب عند بيته يقط القاري ويدخل البيت ... لما نام ونقعد الظهر نشوف لنا محاظره وشكوه من الباكتسانيين عند الوالد الله يرحمه ...

تذكرون بايب بلاستيك أسود مدور ضعيف كنا نجيب المسامير ونفخ بالبايب ويطلع المسمار نطق الهنود لما يرحون يوم الأحد وعقبها تطورنا أم صجمه فرد كنا نشتريها من لندن ...

بس خلاص كل شوي متذكر لي سالفه ... بصراحه الموضوع يونس حده ....

 

[مشاري بو ناصر]

أخوي الأعاشق ...

تذكر مزرعه المطيران إللي صوب مدرسة كاظمة ... يوم العطله نطلع نرمي فيها طيور ...

وعقب الهده نتهاوش فيها ... وعقبها رحنا مدرسة الجهراء المتوسطه ... نزرق ونروح كنتاكي نتريق ولما يقرب وقت الهده نرد المدرسه نقعد بالساحه ونركب مع الوالد الله يرحمه كل شي تمام والمشكله أن الناظر ولد خالتي ... من باجر داق على الوالد ... وعقبها غيرنا أول ما أفتحت المدرسه إللي وراها نظام مقرارات أحنا كنا أول دفعه فيها ...

تذكر قصر الشيخ المهجور إللي بالخويسات ...

كنا نتحدى منو يروح له بالليل ...

والله العظيم كنا نروح له بوسط الغيله والشجر المكسر والمسافه كلها بر وشجر ...

مادري إذا تعرف شباب الجهراء القديمه - نبصه

تذكر أيام القصر الأحمر ... أيام المهرجان والحفلات تسكر الشوارع ...

 

[مشاري بو ناصر]

تذكرون مطعم بو نواس ... على دوار الجهره ...

 

[العاشق]

بو ناصر يمعود بطيت الجربه

بس بقولك يازين الجهره قبل الجهره مو الجهرا الحين بكيفهم الناس جنهم بيت واحد اهل وطلعات البر والله اخبر مخيماتنا اكثر من عشر عوايل مع بعض الحين الناس تفرقت والبر ماله طعم

 

[Kuwait]

gedemek nedemek

 

[الصاحب الاول]

تذكرون حمام السباحه بالشاميه

مادري لحد اللحين والا سكروه

 

[الصاحب الاول]

من يذكر الثانوية التجارية ايام ماكانت في شارع فهد السالم مكان مجمع المثنى اللحين وبعدين انتقلت الى منطقة شرق

تذكرون ناظرها المصري

تذكرون المطعم اللي كان يمها وقت الفرصة

 

[العاشق]

gedemek nedemek

والله صاج كل شي قديم له نكهه

 

[الهاجـــــري]

​

 

[الهاجـــــري]

 

[الهاجـــــري]

​

 

[مشاري بو ناصر]

منو يذكر حمام السباحه إللي بالفيحاء كل صيفيه نروح له ...

 

[الاولى]

كان اليوم طويل

والحين اليوم ساعه

والساعه دقيقه

والعمر يمضى

لكن أيام ماتنسى

نروح لكل مكان بالموصلات

حمام السباحه بنادى الشهداء
والحارس أبوكمال يطردنى

و المطعم مطعم المواصلات مكان مطعم الغزال

والاثل و البحر

والله يشباب ذكره لا أنساها ( كائن مثل الضب ويسبح بالبحر وهو ديناصور كبر الضب)

مو تقولون يتحلم لكن شفته بحر كاظمه مع الكبر لكن أتذكره ( ماكان وهم)

الجهراء قبل لكن الحين أكيد أحلى

 

[acton]

​

 

[dnyay]

احلى واغلى ايام بالعمر الطفوله اللى راحت ذكرتونا باللى مضى وعلى فكره الكويت قبل الغزو غير الكويت بعد التحرير ما ادرى!!!!! مع انها سبع اشهر لكن التغير اللى حصل فيها كانها عشر سنين .... عموما الكلام يطول فى هالموضوع
وتسلمون على هالذكريات الحلوه

 

[Kuwait]

مافيكم احد واهواصغير بنى عشــه على انها كوخ له ولربعه صوب الاثل

 

[مشاري بو ناصر]

هههههه ... شلون تسويهم مراقبنا ...؟

لا والله ما طرت علينا ... أحنا نسوي محاكر حمام ( محكر ) فوق السطح ...

مراقبنا الظاهر أنك جهراوي ...

 

[Kuwait]

وانت الصاج المنطقه العاشره