شركه الخليج القابضه....3

[الكويت غاليه]

فوز شركه بيان و علاء حمد الرومي بعضوية مجلس الإداره
ومينا القابضه احتياط أول و الرفاعي احتياط ثاني

كما أنتهز هذه الفرصه لكل من لبا دعوتنا بالحضور ونقول حق اللي ما إحضرو (غفر الله لكم ولنا)

 

[القناص98]

تقصد نما القابضة احتياط اول؟

 

[الخليجي 1]

الحمدلله

حضور بنسبة 78% دليل على اهتمام وحرص المساهمين على هالشركة الواعده لان ياجماعة وايد شركات ما يكتمل فيها النصاب ، وهذا ان دل يدل على ان المساهمين واثقين بشركتهم .

شكرا لكل من حضر ... وشكرا للأخ الكويت الغاليه ... على الأخبار اول باول ... وشكرا لمجلس الادارة

 

[bnyder2002]

الله يجزاكم خير جميعا على الاخبار الطيبه ......تحياتي

 

[الكويت غاليه]

تقصد نما القابضة احتياط اول؟

أقصد مينا يالقناص

 

[الكويت غاليه]

لا شكر على واجب يالخليجي
وبصراحه بعد مقابلتي لأحمد الأمير تفاءلت خير بالشركه.
وبالنسبه للعضو الجديد علاء الرومي فأنا أعرفه شخصياً والرجل جداً مجتهد في عمله فهو يعمل في الشركة الكويتيه للإستثمار (Kuwait Investment Co. KIC)
وأخيراً وليس آخراً ما قول غير فاااااااااااااااااالكم طيب ومن صبر ظفر.

وين الشريطيه وإلا الكل ماسك سهمه اليوم يعني؟؟!!

 

[moh76]

بجم صار السهم

متى توزيع الارباح

 

[الكويت غاليه]

شباب أحمد الأمير قالي بلسانه إنه ماراح ينزل السهم بالسوق أقل عن سعر ال 300 فلس عند إدراجه.

صبرو ولا تخلون الشريطيه يلعبون بعقولكم كلها 3 أو 4 أشهر ونازل السهم بالسوق الرسمي بإذن الله.

 

[Beach]

لا شكر على واجب يالخليجي
وبصراحه بعد مقابلتي لأحمد الأمير تفاءلت خير بالشركه.
وبالنسبه للعضو الجديد علاء الرومي فأنا أعرفه شخصياً والرجل جداً مجتهد في عمله فهو يعمل في الشركة الكويتيه للإستثمار (kuwait investment co. Kic)
وأخيراً وليس آخراً ما قول غير فاااااااااااااااااالكم طيب ومن صبر ظفر.

وين الشريطيه وإلا الكل ماسك سهمه اليوم يعني؟؟!!

أخي الكريم ممكن توضح لماذا تفاءلت خير بعد مقابلتك لأحمد الأمير؟

 

[متداول حريص]

شباب أحمد الأمير قالي بلسانه إنه ماراح ينزل السهم عن 300 فلس عند إدراجه.

صبرو ولا تخلون الشريطيه يلعبون بعقولكم كلها 3 أو 4 أشهر ونازل السهم بالسوق الرسمي بإذن الله.

بو خالد ترى عفستنا,بمشاركتك اللي قبل اللي طافت قلت الجسمي بقول الإدراج راح يكون بالنصف الأول وألحين تقول بعد 3 أو 4 شهور يعني الربع الأول!!!!
ياخي إرسيلك على بر وأنقل المعلومه مثل ما انقالت الله يغفرلك

 

[الكويت غاليه]

سبحان الله إعمل خير وقطه بحر!!!

النصف الأول يكون من شهر يناير إلى شهر يونيو
وبعدين لما كلمته مره ثانيه قال إحنا حريصين كل الحرص على تقديم البيانات الماليه بأقرب وقت
وهذا كل شي دار بيني وبين الجسمي

 

[Doc30]

شباب أحمد الأمير قالي بلسانه إنه ماراح ينزل السهم بالسوق أقل عن سعر ال 300 فلس عند إدراجه.

صبرو ولا تخلون الشريطيه يلعبون بعقولكم كلها 3 أو 4 أشهر ونازل السهم بالسوق الرسمي بإذن الله.

بارك الله فيك على البشاره الحلوه . شركه سعرها ممتاز وتوزع ارباح سنويه .. ما نبي شيء اكثر من جذي .

انا اثق بكلام الشركه لان جميع المشاريع الي اعلنوها ماشيه بوقتها والي يبي يقدر يروح البحرين ويشوفها.

اوالله يا اخوان بقول كلمه مو علشات عندي السهم بس ذا امثال الخليج القابضه ما تندرج بالسوق ...عيل منو يندرج .

 

[Doc30]

سبحان الله إعمل خير وقطه بحر!!!

النصف الأول يكون من شهر يناير إلى شهر يونيو
وبعدين لما كلمته مره ثانيه قال إحنا حريصين كل الحرص على تقديم البيانات الماليه بأقرب وقت
وهذا كل شي دار بيني وبين الجسمي

ههههه. ما عليه يا الكويت عاليه .بس اخونا حريص من اسمه .. الظاهر طافت عليه سالفت النصف ومدته.الله يوفق الجميع

 

[Beach]

أخي الكريم الكويت غاليه ممكن توضح لماذا تفاءلت خير بعد مقابلتك لأحمد الأمير؟

 

[متداول حريص]

ههههه. ما عليه يا الكويت عاليه .بس اخونا حريص من اسمه .. الظاهر طافت عليه سالفت النصف ومدته.الله يوفق الجميع

لا يا أخوى ما طافتني سالفة النصف الأول ومدته وماني غشيم والإنسان اللي يحدد فتره الإدراج لازم يكون دقيق وما يخلي الأمور عايمه يعني لما أعطيك رينج من 1 إلى 4 غير لما أقولك من 1 إلى 8 وإذا على كلام أخوي بوخالد إحتمال كبير إن الشركه تدرج بشهر 6 بما انه بالنص الأول وفي فرق كبير لما تدرج بشهر 1 يعني فرق 5 شهور , الزبده الشركه راح تكمل 3 سنوات بشهر 11 القادم وهي مستوفيه لشروط الإدراج بجداره ولله الحمد والمفروض إنها تدرج بحد أقصى بشهر 1 أو 2 يعني الربع الأول مو النص الأول, أتمنى إن فكرتي وصلت وسامحوني

 

[الكويت غاليه]

أخي الكريم الكويت غاليه ممكن توضح لماذا تفاءلت خير بعد مقابلتك لأحمد الأمير؟

لأن الرجال كان جداً راقي بتعامله مع المساهمين وكان حريص كل الحرص على النظام وإحترام الرأي الآخر بالاضافه الا أن هذا الرجل عمره ما وعد بشي إلا ووفاه ( أقصد إعلانه عن الأرباح) بالاضافه الى إنه من الخامات ذات طاقه هائله في العمل.

 

[الكويت غاليه]

لا يا أخوى ما طافتني سالفة النصف الأول ومدته وماني غشيم والإنسان اللي يحدد فتره الإدراج لازم يكون دقيق وما يخلي الأمور عايمه يعني لما أعطيك رينج من 1 إلى 4 غير لما أقولك من 1 إلى 8 وإذا على كلام أخوي بوخالد إحتمال كبير إن الشركه تدرج بشهر 6 بما انه بالنص الأول وفي فرق كبير لما تدرج بشهر 1 يعني فرق 5 شهور , الزبده الشركه راح تكمل 3 سنوات بشهر 11 القادم وهي مستوفيه لشروط الإدراج بجداره ولله الحمد والمفروض إنها تدرج بحد أقصى بشهر 1 أو 2 يعني الربع الأول مو النص الأول, أتمنى إن فكرتي وصلت وسامحوني

أنا بنقلك شنو صار بالضبط، لما سألت أحمد الأمير قالي شهر يناير أو فبراير بالكثير. وعقبها حبيت أتأكد أكثر ورحت سألت الجسمي عن الادراج وقالي إنه راح يكون في النصف الأول ولما قات له إنه أحمد الأمير يقول بشهر واحد أو أثنين قالي بلسانه إنه الود وده يكون الادراج اليوم قبل باجر وإنه أهمه بس يعتمدون القوائم الماليه من التجاره وهو ما بداو به فعلياً اليوم بوزارة التجاره، راح يعرضونها على لجنة الإدراج بالبورصه وعقبها ياخذون الموافقه ويدرجونها بالبورصه. أتمنى إني قد وصلت الرساله واضحه بدون لا إضافات ولا تعقيد. وإسمحولي خلاص ترى ماراح أرد على أحد بخصوص الاجتماع لأني نقلت كل ما لدي من معلومات عقب اجتماع اليوم

 

[Beach]

أخي الكريم الكويت غاليه شكرا على الإفاده

 

[moh76]

بجم صار السهم

متى توزيع الارباح

محد رد علي ؟؟؟؟؟؟؟؟؟؟؟؟؟؟

 

[Doc30]

محد رد علي ؟؟؟؟؟؟؟؟؟؟؟؟؟؟

توه خالص الاجتماع
بالنسبه للأرباح النقديه بعد 3 أسابيع بالكثير
والمنحه بعد موافقة وزارة التجاره يعني حول الشهر( نقلاً عن أحمد الأمير)

...