بنك الإثمار ش.م.ب ( الإثمار ) ...... 1

[prado2010]

ترى صانع سوق السهم موجود هنا وهو واحد من المشاركين في الموضوع فالحرص واجب

من باب العلم بالشيئ و لا اقصد اى اسائه كيف عرفت هذا ؟

 

[بحريني صغنون]

اذا صانع السوق هنا اتمنى يسمعني ترى احنا اشترينا السهم بناءا على النتائج الايجابية للبنك وحرام عليك الي تسويه بصغار المساهمين اتمنى السهم يرتد بامر من صانع السوق

 

[ADEL ALAZMI]

:rolleyes

ترى صانع سوق السهم موجود هنا وهو واحد من المشاركين في الموضوع فالحرص واجب

 

[gmail]

اذا كان موجود صانع السوق اقوله تراك معفن انت وسهمك قطيناه بالزباله والاسهم ام طقه مكانها الزباله

 

[صبا]

رد

انا تقريبا عرفته ساكن الصفحه ماشاء الله عليه لا ويشارك يعني يبعد الشبهات ههههههههههههههههه

 

[صانع البورصة]

اذا كان موجود صانع السوق اقوله تراك معفن انت وسهمك قطيناه بالزباله والاسهم ام طقه مكانها الزباله

وانا بعد اقول مالت عليك يا صانع السوق انت وسهمك الزبالة
الاسهم ترتفع بالاخبار الايجابية وانت العكس صحيح

 

[zizo 40]

انا تقريبا عرفته ساكن الصفحه ماشاء الله عليه لا ويشارك يعني يبعد الشبهات ههههههههههههههههه

هم أنا تقريبا عرفته

خبيث, يقول خروج ويشترى, ويقول دخول ويبيع علينا, لا ومؤجر غرفه فى الصفحه, وعينه علينا الصغار الفقارى

وهذى صوره له من الأرشيف

 

[تداووول]

عسى ماشر ياشباب !!

هدوااا شوي السهم صح ينرفز بس التحليل الفني كان موضح نقطة النزول !!

والله يعطي العافية اخوانى الغالين التلميذ وأبومبارك اللي مايقصروون

بالنصح والمتابعة اليومية وشهادتنا فسهم مجروحة .

والصفحة كانت من امتع الصفحات بالمعلومات والمتابعة

وصانع السهم لو كان بيننا الله يحييه ورزقنا من الله مو بيده !!

وكل واحد يبي رزقته وربحه وإذا كان فيه احد قص عليه بالمعلومة

فالعتب على اللي يصدق أي كلمة ويدخل السوق وهو مايعرف شي ومتكل على الناس

وناسي اتكاله على الله سبحانة !!

خلوكم من هالحجي واخواننا المحليين متعبين نفسهم ووقتهم معانا ونكرر الرزق بيد الله

وخلونا نستفيد .

 

[Q8-Fund.Manager]

تداول غدا جدا مهم نراقب

حيل مهم ​

ترى صانع سوق السهم موجود هنا وهو واحد من المشاركين في الموضوع فالحرص واجب

صار معلوم طال عمرك ​

التلميذ​

شخبارك ؟ عساك بخير ؟ هل ذكرنا أسمك ؟
هل أنت قاعد تطبل على السهم ؟​

 

[zizo 40]

زمن التطبيل انتهى وولى ​

حيل مهم ​

صار معلوم طال عمرك ​

التلميذ​

شخبارك ؟ عساك بخير ؟ هل ذكرنا أسمك ؟
هل أنت قاعد تطبل على السهم ؟​

إسمحلى أخوى على المداخله!

أنا متأكد إنك ما تقصد أخونا "التلميذ" لإنه ما شاءالله عليه أخلاق عاليه ومحلل متميز والكل يشهدله, وإنت بعد إنسان مؤدب وطيب, لكنى إستغربت تعليقك, يا ليت توضح قصدك!

وإن شاء الله الموضوع سوء تفاهم فقط
تحياتى

 

[3lgm]

باجر بإذن الله بيرتد السهم من الـ36 أو 36,5 , بتكون فرصة جيدة للتبريد والتصريف بنفس الوقت , يعني المشترى 36 والبيع 38 , للتبريد والاحتفاظ بالكاش , ويا جماعة ترا الارتداد هذا بيكون مؤقت والله العالم , أنا أحوال السهم مو عاجبتني ولا طريقة وضع العروض والطلبات ثم شيلهم , وهذا رايي الشخصي , ويمكن يكمل لي الـ41 (حده) , وهذا والله أعلم وأكرم .

 

[تداووول]

سبحان الله !! ولله في خلقه شؤون !!

اللحين اللي ينصح سواءاً في هالسهم وإلا غيره ويحذر وينبة على أشياء

ثلاثة أرباع اللي موجودين يجهلها !! يصير هو اللي تدور حوله الشبهات !!

وربي وربي وربي ما وصلنا هالمستوى بجميع المجالات إلا بعد ما بتلت ديرتنا بالحسد والضغينه وسوء الظن !!

يا ناااس خلو عنكم علم النوايا والله مايعلم الخافي الا الله وهذا مرض بالقلوب

وأشكروا من يحسن ماقوله دفاع عن الغالي التلميذ ولو قلته مايعيبني وربي انه يشرفني مدحه ولانزكي على الله أحد

والرجل تشهد له مشاركاته مو أنا اللي أشهد له لأنه في غنى عن أي تهمه توجهله وتوصياته بعد الله فكت ناس من الورطه في بعض الاسهم واقرب شي تمويل الخليجي روحوا شوفوا توصياته وملاحظاته !!

وصدقوني مايحقد عليه الا اللي مايحب الحق لانه رجل يخرب على هالحرامية اللي تكل الاخضر واليابس !!

ويغثهم وبتوصياته الفذه اللي قليل من ينتبه لها ويخرب عليهم صيده صغار المستثمرين واللي يجهلون مكرهم !!

أدافع عن التلميذ وابومبارك علقم وكل شخص نلتمس منه الخير ونحسن الظن فيهم ولانرضى بتافاهات التهم والتخبط والحسد والضغينه .

غريبه هالناس اذا ارتفع السهم مدحوا انفسهم واذا طاح حطوا اللوم على الغير !!

نصيحة احسنوا الظن بالله واسالوا الله الرزق الحلال واتركوا نوايا الناس وانشغلوا بتعديل عيوبك

الله يجزاك خير يالتلميذ ويابومبارك
ويكفينا الله شر الحسد والضغينه

 

[بحريني صغنون]

بارك الله فيك با بو مبارك تقضي اوقاتك في خدمة المساهمين ونحن نعلم ان التحليل يأخذ من وقتك الكثير

الارزاق بيد الله سبحانه وتعالى وان شاء الله تتغير الامور الى الافضل والاحسن

 

[صانع البورصة]

واانا كذلك يا بو مبارك الاوضاع لا تعجبني في هذا السهم ولدي اصدقاء اعرفهم يقولون لي كرهوا السهم من الحركات الي يسوونها

 

[Q8-Fund.Manager]

إسمحلى أخوى على المداخله!

أنا متأكد إنك ما تقصد أخونا "التلميذ" لإنه ما شاءالله عليه أخلاق عاليه ومحلل متميز والكل يشهدله, وإنت بعد إنسان مؤدب وطيب, لكنى
إستغربت تعليقك, يا ليت توضح قصدك!

وإن شاء الله الموضوع سوء تفاهم فقط
تحياتى

الاخ zizo مساء الانوار ....

نعم ، ما قصدت الاخ التلميذ تحديدا ... وماكان تعليقي
الا مجرد استغراب من شخص توقع أني كنت أقصده...
لذلك أوردت سؤالي له ...

أتمنى فعلا من الأخ الذي يقوم بمدح السهم سواء كان بحسن
نية أو سوء نية ... أن يدرك أن الآخرين في الغالب هم أذكياء
بدليل أنهم يتعاملون في سوق " خفي " و تكاد تصل صعوبته
إلى أكبر من دخول البحر ... ففي دخول البحر مساحة من الآمان
ومجال من التخلص من أهواله... لكن في سوق الاسهم من الممكن
أن تشتري سهم وتظل عشرات السنوات معلق لا تعرف أين هي مصير
أموالك ... هل نتذكر عقارات الكويت ؟ كم سنة ظلت موقوفة ؟
هل تذكرون سهم " البيشة " في سوق الاسهم السعودية ؟ ماتزال
موقوفة ... هناك الكثير ممن اشترى سهم " المعدات " وأمواله معلقه
هل نفتح دفاتر سهم تمويل خليج ؟ ... الامثلة لا تحصى ....

أتمنى فعلا في هذه المناسبة أن نذكر أنفسنا جميعا ، أننا في منتدى
يقرأه الجميع ... وجميعنا يتأثر نفسيا بسطور صغيره سريعة .. منها قد
تصدر قرارات ومنها قد تتبدل قرارات ... فالنحذر جميعا مما نقول ومما نكتب.​

 

[Water]

الاخ zizo مساء الانوار ....

نعم ، ما قصدت الاخ التلميذ تحديدا ... وماكان تعليقي
الا مجرد استغراب من شخص توقع أني كنت أقصده...
لذلك أوردت سؤالي له ...

أتمنى فعلا من الأخ الذي يقوم بمدح السهم سواء كان بحسن
نية أو سوء نية ... أن يدرك أن الآخرين في الغالب هم أذكياء
بدليل أنهم يتعاملون في سوق " خفي " و تكاد تصل صعوبته
إلى أكبر من دخول البحر ... ففي دخول البحر مساحة من الآمان
ومجال من التخلص من أهواله... لكن في سوق الاسهم من الممكن
أن تشتري سهم وتظل عشرات السنوات معلق لا تعرف أين هي مصير
أموالك ... هل نتذكر عقارات الكويت ؟ كم سنة ظلت موقوفة ؟
هل تذكرون سهم " البيشة " في سوق الاسهم السعودية ؟ ماتزال
موقوفة ... هناك الكثير ممن اشترى سهم " المعدات " وأمواله معلقه
هل نفتح دفاتر سهم تمويل خليج ؟ ... الامثلة لا تحصى ....

أتمنى فعلا في هذه المناسبة أن نذكر أنفسنا جميعا ، أننا في منتدى
يقرأه الجميع ... وجميعنا يتأثر نفسيا بسطور صغيره سريعة .. منها قد
تصدر قرارات ومنها قد تتبدل قرارات ... فالنحذر جميعا مما نقول ومما نكتب.​

صح السانك ...
والله الناس على نياتها ايصدقون اسماء خيالية ربعهم صناع سوق ومن يعملون لصالحهم .... وبعض الشباب بالمنتديات يكشف نفسة واسرار امواله وتصوراته .... وفي النهاية يقع ضحية لصناع السوق

والله يوفقك اخوي

 

[أبو عمر]

اخواني الأعزاء تداووول و zizo 40
جزاكم الله خير وبارك الله فيكم وكلمة شكرا والله لا تفيكم حقكم .
أخوي تداووول اللى قلته على راسى

أخوي Q8-Fund.Manager
ومن يتقى الله يجعل له مخرجاً ويرزقه من حيث لا يحتسب ،، فأى تطبيل هذا الذي أرجوه وأنشده !

يا جماعه أنا حطيت رأيى فى تداول السهم فان أصبت فمن الله وان أخطأت فمن نفسى ومن الشيطان .

نهاية الاسبوع الماضي أقفل السهم على 38.5 وقلت انه ذاهب الى 37 وهذه رأيناها اليوم ،، وكذلك حذرت بالأمس من الدخول على السهم وقلت مؤشراته سلبية وأنه سيستمر فى الهبوط ،، وذلك حتى نرى ارتداداً حقيقياً له ،، فكيف فهم الموضوع على أنه تطبيل ؟!

الله يهداكم بس !

 

[تداووول]

قسم بالله إنك ماقصرت يالغالي ( التلميذ )

وبيض الله وجهك وعسى الله يجزاك عنا كل خير أنت وأبومبارك

ماعلينا من اللي صار وياليت الربع ولايهونون يسكرون هالموضوع !!

عطنى رأيك ياأستاذنا بعد تداولات اليوم ولاتهون !

طبعا أبومبارك ماقصر بس ما راح نخليك ترتااح ههه لازم نستفيد من نظرتك وحنا نمون عليك

وتسلم*

 

[أبو عمر]

هلا أخوي تداووول
تمون طبعاً

نعم وأنا أشوف ارتداد محدد بعد فهناك مبالغه فى البيع لبعض المؤشرات والمؤشرات الاخرى جيده
ممكن يطلع أذكى منا ويصعده من 37 ! يعتمد على وضع السوق بداية التداول اذا كان صعود أو هبوط ،، شخصيا متوقع صعود السوق 40 - 50 نقطه والله أعلم .

موفق أخوي تداووول

 

[حفار قبور]

هلا أخوي تداووول
تمون طبعاً

نعم وأنا أشوف ارتداد محدد بعد فهناك مبالغه فى البيع لبعض المؤشرات والمؤشرات الاخرى جيده
ممكن يطلع أذكى منا ويصعده من 37 ! يعتمد على وضع السوق بداية التداول اذا كان صعود أو هبوط ،، شخصيا متوقع صعود السوق 40 - 50 نقطه والله أعلم .

موفق أخوي تداووول

شنو يمنع صانع السوق ينقع السهم بهالأسعار أشهر عديدة ؟