بنك الإثمار ش.م.ب ( الإثمار ) ...... 1

[zizo 40]

نفسه الي استخدمه بس ما فيه اي مشكلة عندي

أكيد بحرينى وخبير, أنا بصراحه مراقب السهم, وعندى كميه خفيفه, وحبيت أزيد, لكن حركات صانع سوقه غريبه وتخوف, مع إنه السهم حلو بهالأسعار.

مشكور على الرد السريع
تحياتى

 

[بحريني صغنون]

انا عن نفسي مليت من هالسهم وانا غلطان اني شريته لان حركات صانع السوق ما تعجبني و بتخلص منه في اقرب ارتداد

 

[zizo 40]

انا عن نفسي مليت من هالسهم وانا غلطان اني شريته لان حركات صانع السوق ما تعجبني و بتخلص منه في اقرب ارتداد

إن شاءالله يرتد وتربح فيه, الشركه شغلها عدل هذى السنه وما تخوف بهالسعر, لكن مثل ما تفضلت صانع سوقها وحركاته صارت مكشوفه, تحس إنه غير محترف ويبى يدبسك بأى طريقه

وتحس إنه يراقب هالصفحه وعناد فينا ينزله لما نقول فى صعود والعكس.

الله يعينك, فعلا صانع سوق ممل

 

[Bahraini]

بس شكلة في بيع وايد في البحرين على 13.$
كل مايطلبون 13. عطوهم

 

[بو ضاري 2005]

متا متا 250 ترا طولة

 

[ahmaaad]

وانكسر الدعم الله يستر ياشباب
هل نبيع باجر على طول ولا ننطر؟؟
الرجاء من المحللين ابداء الراي

 

[zizo 40]

وانكسر الدعم الله يستر ياشباب
هل نبيع باجر على طول ولا ننطر؟؟
الرجاء من المحللين ابداء الراي

أنا مو محلل, لكن مراقب للسهم وأعرف دعومه ومقاوماته, واللى أعرفه كسر ال 36 خروووووج

لا تنسى اليوم نزل المؤشر 60 نقطه والإغلاق 40, يعنى نزول السهم تكه مو مشكله, ممكن فرصه للتجميع, ولا تنسى صانع السهم وألاعيبه ونواياه

وجهة نظرى, السهم يستاهل المراقبه, وخصوصا إذا عندك نفس طويل, والله أعلم
بالتوفيق

 

[بحريني صغنون]

وانكسر الدعم الله يستر ياشباب
هل نبيع باجر على طول ولا ننطر؟؟
الرجاء من المحللين ابداء الراي

اعتقد كسر 36 فلس والاغلاق تحته خروج بس خل عندك نفس طويل السهم من رده بيرتفع وبيروح في الاربعينات

 

[ahmaaad]

اكيد شباب 36 الدعم
على ما اعتقد ان اخونا علقم قال 37 الدعم
وليش اخر ثواني باع عليهم؟؟

 

[3lgm]

المؤشرات تعبانة كلها بدون استثناء , لكن العجيب إن الدعم 36 بإجماع المؤشرات ولا مؤشر نزل عنه , فإن نزلت المؤشرات وتم محافظ على الدعم فإبشروا بصعود يغيظ العدا , لكن إن كسر الـ36 نحشة على طول , وننطره تحت , والله كريم .

 

[3lgm]

اكيد شباب 36 الدعم
على ما اعتقد ان اخونا علقم قال 37 الدعم
وليش اخر ثواني باع عليهم؟؟

كنت غلطان يا الغالي وصححلي أستاذي التلميذ الغلط .

 

[أبو عمر]

العفو أبو مبارك وجزاك الله خير على التحليل .

يا جماعه آسف ان حطيت بالشارت السابق الدعم 37 بالخطأ ،، الصحيح هو 36 طبعاً مثلما ذكرنا سابقاً (واضح من الأسهم انه دعم قوي )
اذاً ما زلنا في حدود الترند الصاعد ( الأزرق ) على الشارت الأسبوعي ولم نكسره ( غير معدل ل 5 أيام )
تكون أيضاً عندنا مقاومة ترند ( مو سهله ) عند 37 ( الخط البنفسجي )
كما نلاحظ أن مقاومة متوسط 50 يوم كانت العائق أمام الصعود على الأسبوعي ،، مثلما كانت مقاومة متوسط ال 200 يوم على اليومي .

اختراق 37 والاغلاق فوقها يذهب الى 41 ،، واختراق الأخيره يذهب الى أهداف أعلى .
كسر 36 والاغلاق تحتها يذهب الى 30 ،، ويتحقق هدف الدبل توب اللى ذكره أخوي أبو مبارك .

المؤشرات على اليومي تظهر الافراط في البيع وأتوقع ارتداده من 36 ان شاء الله ،، ونمشي بعدها حسب المعطيات أعلاه .

هذا والله أعلم

 

[السور]

دعم حديدى على ال36 بس السوق مو مساعد على الصعود

 

[بحريني صغنون]

بارك الله فيكم على التحليل وان شاء الله ما يكسر الدعم 36 ويروح فوق يا رب

 

[بو ضاري 2005]

انا ناطر على 32 والله اعلم ترا موتوصيه بعدين تلومونى الى يبى يشترى يبيع كيفه

 

[ahmaaad]

يعطيكم العافيه اخواني علقم والتلميذ على مجهودكم
عندي لكم استفسار شنو معناه كسر ال 36؟؟؟
هل انه اثناء التداول اذا نزل عنها يعتبر كسر ؟؟
مثلا خلال منتصف الجلسه باع على ال36 ونعرض ب 36 وبعد فتره رد شرا ال36 كله هل يعتبر كسر ال36 كونه باع على 36 ويمكن 35 ونص
ولا لازم يكون الاغلاق تحت 36؟؟ عشان يتحقق الكسر؟
واذا كان الكسر بالاغلاق تحت 36 معناته اثناء الجلسه اذا صار تحذف على 36 واقل مانبيع وننطر الاغلاق؟؟؟ على اساس يمكن يرد ويسكره فوق الدعم؟
بهالحاله ممكن ننصاد ونشوفه جدامنا ينزل ومانقدر نبيع ويمكن يروح حد ادنى
اسمحولي على الطواله وجزاكم الله خير

 

[Water]

انا ناطرة على 35 و 34 و 30 ابي اجمع كمية كبيرة وان شاء الله صانع السوق ما يقصر والمحللين يكون كلامهم صحيح

 

[Q8 Stock]

يعطيكم العافيه اخواني علقم والتلميذ على مجهودكم
عندي لكم استفسار شنو معناه كسر ال 36؟؟؟
هل انه اثناء التداول اذا نزل عنها يعتبر كسر ؟؟
مثلا خلال منتصف الجلسه باع على ال36 ونعرض ب 36 وبعد فتره رد شرا ال36 كله هل يعتبر كسر ال36 كونه باع على 36 ويمكن 35 ونص
ولا لازم يكون الاغلاق تحت 36؟؟ عشان يتحقق الكسر؟
واذا كان الكسر بالاغلاق تحت 36 معناته اثناء الجلسه اذا صار تحذف على 36 واقل مانبيع وننطر الاغلاق؟؟؟ على اساس يمكن يرد ويسكره فوق الدعم؟
بهالحاله ممكن ننصاد ونشوفه جدامنا ينزل ومانقدر نبيع ويمكن يروح حد ادنى
اسمحولي على الطواله وجزاكم الله خير

بعد اذن اخواني
الاغلاق اسفل الدعم يعتبر كسر له
في بعض يشترط يومين تحت الدعم
اما مسألت بيع اسفل سعر الدعم
مثل ما ذكر ممكن جدا يغلق فوق
الاهم هو الاغلاق فقط سواء كسر الدعم او اختراق المقامة

 

[ahmaaad]

يعطيك العافيه اخوي على الرد

 

[Water]

خلوا السهم في حاله يمكن يتعطف صانع السوق وينزل اشوي السهم .. ودي احصل كمية بسعر مناسب