مراقب الاسهم
عضو نشط
- التسجيل
- 14 سبتمبر 2005
- المشاركات
- 867
هذه سوالفكم يالشعبي
تتغيرون على حسب الرياح شمالية او جنوبية
ولا ننسى اكبر ناس تسوي تصفية حسابات اهمه التكتل الشعبي
صح كلامك 100%
بس اتمنى الموضوع مايشط عن عن البنوك
تحياتي لك
دورة المؤشرنت للتحليل الفني
50 دينار كويتي
هذه سوالفكم يالشعبي
تتغيرون على حسب الرياح شمالية او جنوبية
ولا ننسى اكبر ناس تسوي تصفية حسابات اهمه التكتل الشعبي
بسم الله الرحمن الرحيم
كما عودتكم بان اكتب لكم بالتفصيل بما يحدث في جلسه الخبراء
طبعا موعدي اليوم 5-6-2008 الساعه 9 الصبح و لكن هذه المره في اخبارحلوه
ماذا حصل داخل غرفة الخبير :
1- قدم محامي البنك الوطني اوراق طلبته منه الخبيره وعند الاطلاع عليها من قبل الخبير اتضح انها متناقضه .
انا شخصيا قدمت مذكره ثانيه ردا على مذكرة البنك المقدمه في الجلسه السابقه وفندت مذكرتهم وارفقت معاها برنت من سايت الوطني بكشف حساب القرض وعدد الاقساط المدفوعه وقيمتها .
واخير ابشركم بأن محامي البنك الوطني عرض علي امام الخبير بالتسويه والحل بشرط اتنازل عن القضيه ورفضة طبعا, وتناقشت معاه امام الخبيره واتضح منه ان البنك في الاسبوع القادم سوف يقوم بحل جميع مشاكل القروض سواء بزياده القسط او زياده المده وقالي لي سوف نرجع القروض كلها الى وضعها الطبيعي حسب الاتفاق بالعقد , طبعا هذا قرار البنك المركزي
واخيرا طلب محامي البنك الوطني تاجيل القضيه اسبوع لحين صدور القرار الجديد , ملاحظه انا سالت الخبيره بعد ما طلع المحامي وقلت لها اشرايج بكلامه ؟ قالت لي لاتتنازل عن القضيه لان الاسبوع الجاي راح يصدر قرار من البنك المركزي بحل مشاكل القروض وارجاع كل قرض حسب العقد القديم يعني الي زايدين عليه القسط اول المده راح يرجع كل شي طبيعي وقالت لي هذه القرارات من صالحكم وانا انصحك لاتتنازل لان لو تنازلت ماتقدر تطالب بتعويض .
هلا والله اخوي جك بم ..!
اشلونك شخبارك .. بشرني عنك ..؟
الاحداث اللي قاعد اتصيرلك من البدايه لي النهايه ..
اهي نفسها .. قاعده تصير لي ..
وبنفس الوقت .. وبنفس الجلسات ..
بس الظاهر ان انت بالغرفه اللي يمي ..!
لأن انا عند الخبير احمد الركيبي ..
وكنت اقرا كلامك من اول ما رفعت القضيه لي هذا اليوم ..
لكن وجدت اختلاف بسيط بيني وبينك اهو ان بيوم 5\6 ..
محامي البنك قدّم اوراق وفيها :
* صورة كتاب بنك الكويت المركزي والذي يؤكد على ان القروض المقسطه - التي من بينها موضوع الدعوى - تعتبر قروض طويلة الاجل ويمكن تجاوز قيمة الفائده المحتسبه على هذا النوع من القروض لرآس المال .
* صورة حكم من المحكمه الكليه .. لشخص خسر القضيه اسمه ( زعزوع خليفه سليمان الذايدي ) .. ضد بنك برقان .. وهالحجي توه صاير بتاريخ 30\3\2008
* كشف حساب القرض ومبينين فيه الفائده المحتسبه وما سدد منها والرصيد المدين للقرض ..
وقال لي الخبير ان بيوم 16\6 الساعه 9 .. رد على المحامي .. بعد ما تقرا المذكره اللي عطاني اياها ..!
وحدي متوهق ..!
قعدت اقولب الاوراق وحسيت اني راح اخسر القضيه
اخي العزيز فيه سؤال مهم جدا
في حال نطرنا للاسبوع القادم عشان البنك يطبق قانون المركزي عشان يردون للمتضررين اي مبلغ اخذ من دون وجهه حق .......... السؤال ليش ما نرفع قضايا عالبنك قبل ما ينزلون القرار عشان كل واحد رافع قضية اكيد راح يكسبها بالتالي غير انه راح يستلم اي مبلغ كان من حقه راح يستفيد من مبلغ ناسينه اكثر المتضررين الا وهو مبلغ بدل الاضرار 5001
هلا فيك اخوي صح كلامك انا قدمولي نفس الاوراق الي قلت عنها ورديت عليها في مذكره مقدمه من قبلي وبالنسبه للقرار الي قلت عنه هذا موكافي لان في قرارات تنصب لصالحنا وانا رفقتها مع المذكره
اما بخصوص الحكم المقدم باسم زعزوع انا قريته ولقيت مشكلته ماتنطبق علينا وانا كتبت هذا الكلام بالمذكره ورفقة مع المذكره حكم الزامل وقلت هذا الحكم الي ينطبق علينا عموما اليوم المحامي طلب تأجيل القضيه لي تاريخ 15-6-2008 وطلب مني حل المشكله ودي وانا رفضت وانصحك لا توقع على اي تسويه معاهم لان الاسبوع الياي راح تصير مفاجات حلوه.
ملاحظه اعتفد انا سابقك في جلستين لان اول جلسه لي كانت بتاريخ 20-4-2008 واليوم الجلسه الرابعه
انزين تقدر تعطيني الكلام اللي انت كاتبه ..؟ رحم الله والديك ..
وانا اقتبس منه اللي بنفس مشكلتي ..
لأني اعتقد ان الظروف والقروض وحده بيناتنا ..
والقصاص واحد .. اللي اهو بنك الوثني ..
ياريت لو تساعدني رحم الله والديك ..
يصير اكتب لك ايميلي واتفاهم معاك بالماسنجر؟
تكفون يجماعه انااخذت قرض من الوطنى بسنه 2003 وفى 9/2007 جددت هل يحق لى رفع شكوى مع ان العقد صوره موجوده ومحدد فيها متى ينتهى القرض
يا جماعة موعد الخبير ما يبين بموقع الوزارة..لاني راجعتهم الاسبوع اللي طاف وقالوا مافي موعد قبل ثلاث ايام واصل الملف!!!
السلام عليكم ورحمه الله
يااخوانى انا ماخذ قرض فى شهر 6 \2005 والقسط ثابت 296 ماتغير ومدته 5 سنوات ولاحظت شى ان المبلغ المتبقى 7000 الاف يوم 25\5\2008 اليوم تفاجأت صار 7040 اتصلت فيهم وقلتلهم ليش ارتفع المبلغ قالى احنا نحسب الفايده يوميا قلت زين اذا ابى اكيش المبلغ قالى تدفع نفس الميلغ يعنى 7040 قلت ليش ماينزل شى رد وقالى الفايده نحسبها يوميا رديت عليه زين متى ينتهى القرض قال مو مبين تقدر تراجع فرعك ؟
انا اذكر يوم اخذت القرض ووقعت عليه شرط ان القسط ثابت مايتغير ومدته 5 سنوات يااخوانى افيدونى هل ارفع قضيه او اول شى اتأكد من المده هل هى 5 سنوات نفس يوم توقيعى للعقد واذا تاكد نفس المده هل يحق لى برفع قضيه او لا
ارجو الافاده علما بان نوع القرض عائلى ومن البنك الوطنى
دورة المؤشرنت للتحليل الفني
50 دينار كويتي