مع المتألق MxXy وحصريا أجهزة الإنترنت مشاكلها وحلولها

[mxxy]

اخوي ماكسي
سامع عن قطعه اسمها gsm fax terminal???

اذا تعرفها وين احصلها؟؟
هذي القطعه الي تركبها على الفاكس يصير يشتغل على خط النقال

السلام عليكم ...

فالواقع لا أعلم أين تباع ! . دش قسم الاعلانات بالمنتدى واكتب هالطلب احتمال بتحصل الي تبيه لأن هناك دائما يحطون هالاشياء التجارية​

 

[mxxy]

يا جماعة سالفة ايقو زين
الــ 3g موشغالة كلش حتى على الهواتف النقالة ماني قادر اشبك إلى على 2g شنو هالمصخره السالفة طالت والموظفين يستخفون بعقولنا بنسويلك تنشيط خدمة عبالهم العالم مقصه منو يحب يشتكي معاي الشياطين إلي براسي فاضية أدور شغل عقب رمضان

والله يخوك ما وصلنا خبر ان في مشكلة يديدة ، لكن لا تخلي احد يسويلك ري فريش ، و في الرد الثاني قولي شنو المشكلة بالضبط وهل بس في المكان الي انت فيه وقولي انت بأي قطعة وبأي منطقه .

 

[mxxy]

عيدك مبارك

وتقبل الله طاعتك



شنو فرقه عن القديم

************************

الله يعطيك العافيه
عندي كم استفسار

1- الصوره المرفقه لسرعة الايقو كم السرعه .
2- الكوكيز هل يعتبر فايروس .
3- بعد الاتصال بالانترنت ليش ما تنزل الايقونه .

شكرا لك مقدما

لا يوجد فرق كبير وماله شغل بالسرعه لكن يعني شكله غير وهذا كل مافي الامر .

ج1 = لا توجد اصلا سرعه لأن واضح انك اول ما شبكت صورت لأ ، لازم تحمل اي ملف من رابط مباشر وبعدين صورها لنا مره اخرى

ج2= الكوكيز ليس فايروس ، الكويكز مخلفات الانترنت من صور تم مشاهدتها من قوالب للمواقع من معلومات تسجيلك في المنتديات من فلاشات إلخ ومسحها بشكل أسبوعي ممتاز

ج3 = هذي المشكلة تحدث مع الكلل ، الحل اخوي انك قبل لا تشبك وتضغط زر الاتصال ( أضغط اتصال ثم من بعدها مباشرا وبشكل سريع خل مؤشر الفاره على سطح المكتب وحركها بشكل دائري بسطح المكتب حتى يتم الاتصال بدون مشاكل . وهذي الفكرة انك تهيء البرنامج قبل الاتصال علشان لا يعلق .

 

[mxxy]

تحديث جديد

الســـلامــ عليــكمـــ .

لمستخدمي جهاز الإيـــجـــو ، أحب أقولكم ان قريبا سيتم شرح طريقة فتح قفل الإيجو ! حتى تستطيع وضع أي شريحة وفي أي دولة لتتصل بالأنترنت وهذا عبارة عن شرح فيديو من مكسي واتمنى ان يكون سهل عليكم وطبعا بالفيديو والتعليقات علشان يكون أسهل .... يعني مثلا الي عنده جهاز الايجو ويبي يحط خط الوطنية فيه راح يقدر يحطه ويشبك أو خط فيفا ، أو الي بيسافر مثلا السعودية او بحرين وبيشبك هناك على موبايلي هم راح يقدر أيظا ، لكن لم يتم التجربة لحد الان ولا أوعدكم بهذا الشيء والله أعلم . لكن سيتم التجربة ويذا نجحت ماراح نبخل عليكم وراح نحطه لكم بالموضوع . وطبعا الي أفااادنا بهذا الشي أهوه العضو النشبه ( coooool2 ) جزاه الله خير ، ونشالله راح اجرب هالشي بنفسي ويذا ضبط بدون مشاكل راح أرفع لكم الشرح مني عن طريق الفيديو . وشكرا ​

 

[الوطني2]

السلام

اشتراك زين صارله اسبوع تعبان حده

منو واجهته هالمشكله ؟

 

[abuomar77]

والله يخوك ما وصلنا خبر ان في مشكلة يديدة ، لكن لا تخلي احد يسويلك ري فريش ، و في الرد الثاني قولي شنو المشكلة بالضبط وهل بس في المكان الي انت فيه وقولي انت بأي قطعة وبأي منطقه .

في منطقة الرقة قطعة 2 وشنو مشكلة الري فريش هل إذا سويتها تقلل السرعة

السلام

اشتراك زين صارله اسبوع تعبان حده

منو واجهته هالمشكله ؟

من أسبوع ومشكلتهم أخوي معاي أنا وكم واحد من الربع بنفس القطعة في الرقة 3g مو شغال بس g2

وهذا الي مخلي الأشتراك بطئ

 

[NBK]

فعلا عند المشكله في الشبك
من اول رمضان في الدوام يشبك دقيقتين ويفصل
ومن اسبوع بالليل في المنزل

 

[mxxy]

السلام

اشتراك زين صارله اسبوع تعبان حده

منو واجهته هالمشكله ؟

في منطقة الرقة قطعة 2 وشنو مشكلة الري فريش هل إذا سويتها تقلل السرعة


من أسبوع ومشكلتهم أخوي معاي أنا وكم واحد من الربع بنفس القطعة في الرقة 3g مو شغال بس g2

وهذا الي مخلي الأشتراك بطئ

فعلا عند المشكله في الشبك
من اول رمضان في الدوام يشبك دقيقتين ويفصل
ومن اسبوع بالليل في المنزل

يا أخوان ، انه ما وصلني خبر ان شبكة زين فيها شي لكن الي أعرفه ومن أول رمضان أن كل شركات الأنترنت بالكويت عندها مشاكل وخاصتا فاست تلكو , والكل قاعد يفتي لكن محد عارف السبب بالضبط شنو ، فأرجو من الجميع معاودة الأتصال وتقديم الشكاوي المستعجله .

وبالنسبة للأخ الي يقول يفصل معاه حلك عندي خلال أيام لكن لازم تتبعون نظامي الخاص ولازم يكون جهازكم أكس بي وراح تنحل مشكلة الانقطاع ومو بس حق زين حتى الوطنية وفيفا بعد وشكرا . وهي طريقة سهله جدا

 

[MAYCRY]

اخوي محمد شلونك وعيدك مبارك

اكيد في مشكله انا عندي 3 من الشباب يعانون من بطئ السرعه بس حبيت اسالك ليش ما اخليهم يسويلي ريفريش؟ وهل في ابديت جديد حق راوتر شركه زين ؟ صارلي اسبوع اعاني من الشبك كله يفصل واخاول اشبك فيه على السوني 3 وابي العب اونلاين موراضي ما ادري شنو اسوي

 

[mxxy]

اخوي محمد شلونك وعيدك مبارك

اكيد في مشكله انا عندي 3 من الشباب يعانون من بطئ السرعه بس حبيت اسالك ليش ما اخليهم يسويلي ريفريش؟ وهل في ابديت جديد حق راوتر شركه زين ؟ صارلي اسبوع اعاني من الشبك كله يفصل واخاول اشبك فيه على السوني 3 وابي العب اونلاين موراضي ما ادري شنو اسوي

وأيامك سعيده ، أخوي لأن الري فريش ما في مره بحياته فاد بشوي وماله شغل بالمشكلة الي تعاني منها شبكات الكويت الحين ، وعلى الي قاعد ايصير ان كل مره يسون فيها ري فريش قاعد يعيد ضبط الخط مره اخرى وهذا ما منه فايده وعبث يعتبر عبث فلا تخليهم يسون جذي ، والله يخوك انه الحين صارلي شهر كل يوم قاعد اسمع مشكلة من كل شركة مره كوالتي نت وبعدين فاسلتكوا وبعدين زين والوطنية و الحين هم زين . انه بيدي أصلح واعدل واحسن من شغلات لكن ما اقدر اعدل مشكلة الشبكة وهذا مؤكد وانه راح اسوي اليوم شغله واشوف المشكلة من وين يايه وشسالفه .

 

[JoYcE]

مرحبا ..
انا عندي اشتراك زين
مرات موقع ال facebook مايفتح معاي
تطلع هالمسج

Network Error (dns_server_failure)

Your request could not be processed because an error occurred contacting the DNS server.
The DNS server may be temporarily unavailable, or there could be a network problem.

For assistance, contact your network support team. كيف تنحل هالمشكلة؟؟

 

[myt1966]

اخوي محمد شلونك وعيدك مبارك

اكيد في مشكله انا عندي 3 من الشباب يعانون من بطئ السرعه بس حبيت اسالك ليش ما اخليهم يسويلي ريفريش؟ وهل في ابديت جديد حق راوتر شركه زين ؟ صارلي اسبوع اعاني من الشبك كله يفصل واخاول اشبك فيه على السوني 3 وابي العب اونلاين موراضي ما ادري شنو اسوي

والله ياخوي انا جربت طريقه علشان لايفصل النت معاي وبصراحه ماشيه حلاوه معاي
اني اشغل برنامج الليمواير او الايرس وبهالطريقه مايفصل النت
راح تقول شلون ؟ انت جرب وتشوف:d

 

[mxxy]

مرحبا ..
انا عندي اشتراك زين
مرات موقع ال facebook مايفتح معاي
تطلع هالمسج

network error (dns_server_failure)

your request could not be processed because an error occurred contacting the dns server.
The dns server may be temporarily unavailable, or there could be a network problem.

For assistance, contact your network support team. كيف تنحل هالمشكلة؟؟

السلام عليكم .

اي نعم اخوي هذا الي حاصل مع زين الحين ونشالله بيحلونها ، ان موقع هوت ميل مايدش وبعض المواقع ما ادش ألا بعد الضغط مره اخرى عليها ومع كل مشتركي زين حاصل هالشي وشركة زين صار عندها خبر.​

 

[mxxy]

والله ياخوي انا جربت طريقه علشان لايفصل النت معاي وبصراحه ماشيه حلاوه معاي
اني اشغل برنامج الليمواير او الايرس وبهالطريقه مايفصل النت
راح تقول شلون ؟ انت جرب وتشوف:d

لووول لا اخوي هذا ماله شغل الي انت قاعد تسويه قاعد تخليه يصرف انترنت بقدر تقريبا 2 كيلو بايت على الاقل علشان لا يفصل معاك بشكل مفاجئ . لكن الطريقه مو جذي طريقتي سهله ورسميه جدا لكن محتاج انك تسكر برنامج زين وتهمله وما تشبك منه ولازم كل مستخدم يسوي هالطريقه علشان يرتاح وشكرا .​

 

[MAYCRY]

اليوم عرفت امه فيه كيبل مظروب بالاسكندريه والشركات قامته الموضوع ويقولون انه انحلت .

كلمت واحد من الربع يشتغل بالدعم الفني بشركه زين انه السرعه الجديده جاهزه بس ناطرين راوتر يتحمل السرعه مو محصلين

 

[kpc]

الله يعطيك العافيه ماكسى اول مشاركه معاك

واخوك ميح بالنت ومشاكله :d


مشكلتى انى مشترك مع كيمز وحاط الراوتر تحت بالدور الارضى

وانا ساكن بالدور الثالث والنت مايوصلى قمت وشريت مقوى وايرلس

وماكو فايده هم ما يوصلى فا شلون احل المشكله يا اخوان

ارجوا الافاده

 

[mxxy]

اليوم عرفت امه فيه كيبل مظروب بالاسكندريه والشركات قامته الموضوع ويقولون انه انحلت .

كلمت واحد من الربع يشتغل بالدعم الفني بشركه زين انه السرعه الجديده جاهزه بس ناطرين راوتر يتحمل السرعه مو محصلين

اخوي الكل عارف ان سالفه كذلك لكن المشكلة ما نقدر نقول شي ويطلع فيه أغلاط والاهم الحل ونشالله قريب الحل لكن المشاكل راح تستمر شهر كامل .

 

[mxxy]

الله يعطيك العافيه ماكسى اول مشاركه معاك

واخوك ميح بالنت ومشاكله :d


مشكلتى انى مشترك مع كيمز وحاط الراوتر تحت بالدور الارضى

وانا ساكن بالدور الثالث والنت مايوصلى قمت وشريت مقوى وايرلس

وماكو فايده هم ما يوصلى فا شلون احل المشكله يا اخوان

ارجوا الافاده

الله يعافيك ويطولي بعمرك للخير

تفضل اخوي هذا يجوز ان يكون حل لو ما جربته

http://www.indexsignal.com/vb/showthread.php?t=125240


-

والشي الثاني تذكر العوازل وتذكر وضع الكلمة السريه وتغيرها وتذكر التجربه بتحميل اي شي من رابط واحد مباشر علشان تعرف السرعه انت شوف هالرابط لو ما نحلت مشكلتك كلمني مره ثانية ونشالله بنشوفلك طرق افضل .

 

[JoYcE]

السلام عليكم .

اي نعم اخوي هذا الي حاصل مع زين الحين ونشالله بيحلونها ، ان موقع هوت ميل مايدش وبعض المواقع ما ادش ألا بعد الضغط مره اخرى عليها ومع كل مشتركي زين حاصل هالشي وشركة زين صار عندها خبر.​

شكرا جزيلا على سرعة الرد

انا اشتراكي جديد..
لما اضغط على My Balance مايطلعي شي. هل الخدمه مافعلوها ليلحين ؟؟

 

[mxxy]

شكرا جزيلا على سرعة الرد

انا اشتراكي جديد..
لما اضغط على my balance مايطلعي شي. هل الخدمه مافعلوها ليلحين ؟؟

أشتراكك من زين جديد ؟ مشكلة الصراحه لأنك اكيد بتاخذ فكرة سيئه من البدايه عنه ، الشبكة تواجه مشكلة لكن في الايام القادمه راح تكون ممتازه وحصريه في الخليج كله من زين زين عالم جميل . نشالله​