الاخت ساره اولا الله يعوض عليج وعلي باقي ملاك السهم اللي باعوا واللي للحين ماسكين السهم وينطرون الفرج وانا قلت في كلامي انه فيه ناس ماراح يعجبهم كلامي لانهم وانا مالومهم لانهم خسروا الكثير بس منو سبب الخساره ؟؟؟؟؟؟؟؟؟؟
اداره البورصه ماقالت لكم اشتروا السهم علي خبر الدمج ... البحر نفسه صعد أسهمه وخدع الناس علي خبر الدمج وانه راح يربح الناس كلها من فكرة الاندماج وهو يعرف جيدا ان اداره البورصه ماراح توافق علي الاندماج علي شان جذي نشر الخبر ورفع اسهمه عشان يضغط علي اداره السوق ويحرجها بعدد الناس المتضرره بس اداره البورصه لمن وصلها الكتاب اجتمعت وقررت برفض فكرة الاندماج عشان مايتنفتح الباب لكل الشركات الفاشله الالتفات علي القانون ودخول البورصه الكويتيه عن طريق الاندماج حمايه لشروط وقوانين السوق الصعبه والقويه ويشهد بذلك جميع الخبراء وهذا اللي مخلي سوقنا قوي ومحافظ علي توازنه واللي جذبت في الاونه الاخيره المستثمر الاجنبي من جميع الاسواق نظرا لمعدل مكرر الربحيه البسيط مقارنه باسعار المعادله للاسواق العالميه ويعتبر افضل سوق علي مستوي المنطقه .. وهذا بفضل صعوبه قوانينه المحافظه علي المساهمين
لاتنظري للمصلحه الشخصيه لملاك اسهم البحر ...انا اتكلم عن المصلحه العامه من المستثمرين الصغار ..
اما من ناحيه عدم وقف التداول من قبل اداره البورصه ... لو انه هناك قانون او قرار كانت اداره البورصه قد فعلت ذلك مثل مانشوف كل يوم بوقف التداول عند ورود اي خبر عن اي شركه
الاخ الفاضل ..للاسف لم تجاوب على سوالى وانت تدافع عن اداره البورصه لماذا لم توقف اداره البورصه التداول عند نشر الخبر فى الصحف قبل صدور القرار كما تفعل مع بقيه الاسهم لو انها كانت حريصه على مصالح صغار المستثمرين وتركت السهم ينزف يوميا ولم تعلق حتى على خبر الصحيفه..
ثانيا اسهم البحر والتى انت شخصيا غير متابع لها ولاتعشقها حسب كلامك هى تقريبا 9شركات وخاصه العقاريه اغلب صغار المستثمرين يضاربون فيها وكلهم خسروا من جراء هذا القرار الخطأ وهى ليس مصلحه شخصيه لان اغلب ملاك اسهم البحر من صغار المستثمرين لرخص اسعارها..
اما قولك ان اداره البورصه ماقالت لكم اشتروا اسهم البحر وان البحر خدعكم فهذا الكلام اخوى مع احترامى لك اعتبره من باب الشماته والتشفى باخوانك وخواتك صغار المستثمرين المساكين على قولك...
اما مسأله ان اللى عندهم اسهم البحر مستحيل راح يطلعون من خسارتهم وان الاسعار ماراح ترد فدعواتك لاخوانك الله يفكهم انشاءالله من الخساره بدلا من الشماته.واذا انت متاكد وعندك معلومه انهم ماراح يرتفعون فلاتبخل فيها عليهم افضل لهم من تجميد اموالهم باسهم خسرانه وماراح ترتفع
بدلا من دفاعك عن اداره البورصه التى خسرت جميع القضايا التى رفعت عليها ابتداء من تحييد اسهم الخرافى ونهايه بالغاء قرارات الدمج .
الاخ الفاضل انت تدافع عن اداره فاشله وسيئه تسببت بقرارتها السيئه والخاطئه والتى الغائها القضاء بخسائر فادحه لاخوانك صغار المستثمرين.
لا ادافع عن البحر او اسهمه ويشهد الله ان لا مصلحه لى شخصيا ولا املك حاليا اى سهم من اسهم البحر كنت املك فى دوليه ومنتجعات وبعتهم من اخر شهر 9 ولكن اتكلم من باب الدفاع عن اخوانى واخواتى صغار المستثمرين والتى انا واحده منهم وادعو لهم بالتخلص من خسارتهم بدلا من الشماته والتشفى بهم ولا ادافع عن الاداره السيئه التى تسببت فى خسارتهم بقرارتها الخاطئه....