Master-Leo توصيات + تحاليل + مضاربات

[Master-Leo]

ماستر ليو
وطنية م ب فيها حيل بعد أقصد صعود للمضاربة و لا بس ؟

السهم ما أمهل المضاربين ماشاءالله اليوم حد الدوسه الله يزيد ويبارك وشكر موصول لأخونا بوسليمان على التوصية والتقارير اللي نشرها عن

هالشركة ماخاب ظنه ومجهوده ماراح هباء ونبارك له ولبقية الملاك الارتفاع الطيب ومنها للأعلى ان شاءالله

السهم اخترق المقاومه 430 ووصل لهدفه الأول كما اشرنا في تحليل سابق نقطة المقاومه القادمه متوقع تكون 470-475 في الطريق لتحقيق الهدف

الثاني 500 ان شاءالله لكن نلاحظ ارتفاع السهم صاحبه فجوه ممكن يرجع يسكرها وتكون فرصه للشراء مره أخرى ما بين 430-440 لكن اذا صمد السهم فممكن يكون له دعم مابين 445-455 .

السلام عليكم الأخ ماستر ليو ممكن الأفاده عن سهم صكوك اليوم 170

صكوك : دعم 170 دعم ثاني 164 مقاومه 176 والمؤشرات سلبية فإذا سكر أقل من 170
ممكن يتجه قريب من الدعم الثاني والله أعلم

 

[blashetab]

جزاك الله خير

 

[Master-Leo]

ماستر
الله يعطيك العافيه
اللى قاعد يصير بالتخصيص تصريف والا شنو ؟
وشنو مؤشراته لو تكرًمت يا طويل العمر ؟

هلا اخوي تم تحليل السهم بالأمس ارجع لمشاركه 398# بالصفحات السابقه

الفرق فقط بالمؤشرات كانت بعضها ايجابي لكن بعد تداول اليوم أغلبها

سلبية وحاول تلتزم بأسعار الدعم وبالتوفيق لك ان شاءالله

 

[أبو عمر]

جزاك الله خير ماستر
كلًك ذوق

 

[(ملاذ أمن)]

يعطيك العافيه مستر ليو على هالعطاء الطيب اللي يمثل صاحبه
ماعليك امر ولو تكرمت نبي رايك وتحليلك السديد ان شاء الله ب(السفن) و(القابضه المصريه )و(الصفاة )

 

[alnajjar12]

جزاك الله خير أخ ماستر بس تنصحني الحين في صكوك او لا

 

[Nagooshy]

الله يعطيك العافية اخوي ماستر ليو

فعلا تستحق عضو متميز

وعن قريب ان شاء الله نشوفك ترقيه لك....وبالتوفيق

 

[Ali Baba]

ياا أسد المنتدى

خيووو شلووون سهم أعيان ؟؟ شنو نقاط الدعم مع المقاومه ؟؟

والنظره المستقبليه له بالفتره الحاليه ؟؟؟ مع العلم ان تنائجه مو ذااك الزوود ولا الطمووح وشكرا

 

[FOREVER]

مساك الله بالخير ماستر

المنتجعات

 

[Master-Leo]

يعطيك العافيه مستر ليو على هالعطاء الطيب اللي يمثل صاحبه
ماعليك امر ولو تكرمت نبي رايك وتحليلك السديد ان شاء الله ب(السفن) و(القابضه المصريه )و(الصفاة )

السفن : دعم 530 مقاومه 580 المؤشرات جدا سلبية ومقتربه من مناطق الشراء والمبالغه في البيع

المصرية : دعم 700 ( مقاومه سابقة) والمقاومه الحالة 750 والحذر مطلوب المؤشرات في مناطق جني أرباح

الصفاة : دعم 580 مقاومه 640 والمؤشرات ايجابيه في حال اجتياز المقاومه الهدف 670-680 ان شاءالله

جزاك الله خير أخ ماستر بس تنصحني الحين في صكوك او لا

كمضاربه راقب تداوله باجر اذا ما أقفل تحت 170 اطلبه عقب باجر 170 اما اذا نزل عن 170 فأطلبه 164 أو 166 وبالتوفيق ان شاءالله

 

[Master-Leo]

الله يعطيك العافية اخوي ماستر ليو

فعلا تستحق عضو متميز

وعن قريب ان شاء الله نشوفك ترقيه لك....وبالتوفيق

هلا بالنقوشي الله يعافيك ومشكور على مرورك وكلامك الطيب وهالله هالله بالشارتات السنعه اللي عودتنا كل فتره تعطينا اياها

ياا أسد المنتدى

خيووو شلووون سهم أعيان ؟؟ شنو نقاط الدعم مع المقاومه ؟؟

والنظره المستقبليه له بالفتره الحاليه ؟؟؟ مع العلم ان تنائجه مو ذااك الزوود ولا الطمووح وشكرا

النظره المستقبليه اشوفها زينه وممكن يكون سهم الدار#2 بشرط نمو أرباحه السنوية طبعا

تحليليا : تم تحليله بنفس الصفحه اللي فيها مشاركتك تفضل

دعم 490 ومقاومه 520 اذا تجاوزها فالهدف 550-560 ولايوجد اشارة دخول واضحه حتى الآن

مساك الله بالخير ماستر

المنتجعات

الدعم 238 - 230 المقاومه 255 والمؤشرات سلبية بعد تداول آخر يومين

بالتوفيق لك

 

[ميكانيكي]

باركلي تحررت

 

[Master-Leo]

باركلي تحررت

هلا ميكا

الله يعوض عليك قريبا ان شاءالله والخسارة نتعلم منها المهم فكر شلون تعوض اللي راح

 

[ميكانيكي]

الله كريم

وان شاء الله نعوض

 

[الذهبي]

الأخ ليو

السلام عليكم
ولا عليك أمر مجموعة الأوراق
وتسلم
الله يجزاك خير​

 

[سوق خضرة]

الدار حاليا عنده أسعار الدعم على 1020-1000 ومقاومه 1060 ان شاءالله بتجاوزها بكون هدفنا 1140



ماشاءالله شكثر طالب اذا عندك مليون دينار سلفنا 100 دينار منهم الله يزيد ويبارك لك

اكتتاب : الدعم 280-275 مقاومه 295-300 خل ننطر الوعد ونشوف يتحقق ولا لأ والمؤشرات اغلبها متماسكه حاليا وبعضها سلبي .

مجموعه د : دعم 345 مقاومه 375-380 والمؤشرات أغلبها في تماسك ممكن تدل على التجميع

أعيان : دعم 490 ومقاومه 520 اذا تجاوزها فالهدف 550-560 ولايوجد اشارة دخول واضحه حتى الآن

الدار : سبق تحليله وحطيت له شارت أمس ماتشوفه اليوم صاعد هذي قاعده صارت لأن كل سهم أحط له شارت بهالصفحه قام يرتفع ثاني يوم

بنك بوبيان : دعم 730 مقاومه 780 في حال كسرها الهدف 810 ان شاءالله

خرسانه : دعم 540 مقاومه 570 أغلب المؤشرات متماسكه ان شاءالله يكون تجميع ولو ان العيب فيه قلة التداول

تمويل الخليج : دعم 710-700 ومقاومه 750 السهم يا اما يكون مقبل قريبا على اختراق للمقاومه أو ان راح يتماسك بين أسعار الدعم والمقاومه فالأفضل اما طلب السهم تحت 730 أو انتظاره لحين كسر 750 .

مشاعر : دعم 1140 - 1080 مقاومه 1220-1240 المؤشرات لازالت سلبية

الدولي : دعم 670 مقاومه 720 وبعض المؤشرات ايجابيه وفي مؤشرات مثل الماكد على وشك التقاطع الايجابي والبنك طبعا أرباحه تفشل لكن

حسب علمي عندهم بيعة لشركة تابعه لهم راح يحققون من وراها أرباح جيدة وممكن تساهم بصعود السهم وتخطي 720 والله أعلم . (فتنت عليهم )

بس 100 الف ما طلبت شي طال عمرك عطني رقم حسابك

لا تشوفهم وايد اغلبهم كسور


بارك الله فيك ياطويل العمر وماقصرت

 

[(ملاذ أمن)]

مشكور وماقصرت يالحبيب
وعسى الله يرزقك من حيث لاتحتسب
ويطولي بعمرك يامن افضل لاعبين ب(ريال مدريد)
وانت المكسب وانت الدعم وانت المقاومه ومسكر فجوات هموم النفس بتحليلاتك القسوريه
بروح بدم نفديك ياضرغام

 

[MaLoOoK]

ليو ليو يا كنج ....... كيف الحال.......انشاء الله ابخير ؟

ابيها منك او انا اب اسكتلندا بالوقت الحالي........

الخليجي......
الشارقة........
القيوين..........

الله يعطيك العافية مقدما................................ اخوك المؤذي ملووووووك

 

[zoro2000]

السلام عليكم يا ليو
انا ماعندي غير هالسهمين مجابلهم
الخليجي
عارف
شرايك فيهم وهل في امل في المستقبل القريب يصعدون
بالنسبة لسكب (بغيت تحليل بسيط عليها ) ما عليك امر
ودمتم ذخرا لاخوانك المستثمرين

 

[Master-Leo]

السلام عليكم
ولا عليك أمر مجموعة الأوراق
وتسلم
الله يجزاك خير​

وعليكم السلام : م الأوراق : دعم 495 مقاومه 540 في حال اجتازها الهدف 570-580 ان شاءالله وحاليا المؤشرات ايجابيه وقد نشهد اختراق للمقاومه قريبا والله أعلم .

مشكور وماقصرت يالحبيب
وعسى الله يرزقك من حيث لاتحتسب
ويطولي بعمرك يامن افضل لاعبين ب(ريال مدريد)
وانت المكسب وانت الدعم وانت المقاومه ومسكر فجوات هموم النفس بتحليلاتك القسوريه
بروح بدم نفديك ياضرغام

حبيبي مشكور على الكلام الحلو يا مدريدي ياحلو بس مانبي شعارات بالروح بالدم لانروح بداهيه