Master-Leo توصيات + تحاليل + مضاربات

[ابوخالدالصياد]

الله يوفقك مستر ليو الثمار معليك امر لا تنسا بكلف عليك عزيزى بلتوفيج

 

[الاحرش]

أنا ملاحظ أغلب الأسهم اللي نحط لها تحاليل بهالصفحه ترتفع ثاني يوم خل نجرب حظنا ويا هالسهم يمكن يحس على دمه باجر ​

بس رجاء بدون تعليق خاصه من المشرفين أو المميزين اللي في بالي ​

شلون تمشي الحمسه ؟؟ أظن جذي ​

مشاهدة المرفق 69482

لاتعليق

بس ممكن اخوي ليو توضحلي الفتره الزمنيه اليوميه والاسبوعيه والشهريه

حق شنو ابي اعرف المضاربه اليوميه والاسبوعيه شنو افضل شي لها

 

[Master-Leo]

الله يوفقك مستر ليو الثمار معليك امر لا تنسا بكلف عليك عزيزى بلتوفيج

هلا بوخالد

ليما الحين المؤشرات سلبية وواصله قاع والدعم 136 فالمفروض السهم يبتدي يزحف شوي شوي مره ثانيه الى المقاومه 144

يكسرها ولا لأ هذي اللي ماقدر أفتي فيها بس اتمنى يكون قريب وشفنا
السهم ماشاءالله شلون تماسك وقت نزول السوق بالتوفيق لك ولملاكه

 

[station-eng]

ما من جديد عن ميادين..........؟

 

[Master-Leo]

لاتعليق

بس ممكن اخوي ليو توضحلي الفتره الزمنيه اليوميه والاسبوعيه والشهريه

حق شنو ابي اعرف المضاربه اليوميه والاسبوعيه شنو افضل شي لها

هلا بالأحرش

الشارت له فترات مثل ماتفضلت شارت يومي أو اسبوعي أو شهري وغيرهم

خلنا فقط بالشارت اليومي أو الاسبوعي مرات ممكن تشوف بالشارت الاسبوعي نماذج

تختلف عن الشارت اليومي يعني مثل ماتقول تقدر تسمي الشارت

الاسبوعي ال BIG PICTURE وينفع للمضاربين لفترات متوسطه أو المستثمرين

اما الشارت اليومي فهو يوضح تفصيل لجزء من الشارت الاسبوعي

وبالنسبه لي استخدمه للمضاربات السريعه ( يومية - اسبوعيه )

اذا تحب تشوف الفرق بالرسم ارجع للوراء 3 أو 4 صفحات في تحليل وضعته
لسهم الصفوه بشارت يومي وشارت اسبوعي

وشوف الفرق بينهم بتلاحظ كاتب عن نموذج فني ايجابي بالشارت وهو الكوب والعروه ان ممكن يتحقق وهذا ماكان راح

يبين لو شفت فقط الشارت اليومي لكن بين معانا في الشارت الاسبوعي
اتمنى هالشرح يكون وضح لك بعض النقاط موفق

 

[unknown]

لو تكرم سهم اصول .. اشرايك فيه

 

[Master-Leo]

ما من جديد عن ميادين..........؟

لا جديد حاليا الدعم 122 والمقاومه 130 خل يتجاوزها ويكون هدفه التالي 140 ان شاءالله

 

[al-hajri]

السلام عليكم
ليوووووو شخبارك
ولا عليك أمر ممكن دعم ومقاومة الأنابيب وجراند والصناعات المتحدة واذا كانت هناك اشارات دخول أو خروج
زودناها اليوم شوي
الله يعطيك العافية مقدما
وعسى الله يرزق الجميع

 

[Master-Leo]

لو تكرم سهم اصول .. اشرايك فيه

الدعم 190 مقاومه(1) 198 ومقاومه(2) 206 اذا تجاوز هالمقاومه ان شاءالله بكون مرشح للصعود الى 218-220

حاليا المؤشرات مقتربه من تكوين اشارات دخول ايجابيه على السهم والله أعلم وبالتوفيق لك

 

[unknown]

مشكوز ما قصرت ... واذا امكن عارف لو سمحت

 

[station-eng]

لا جديد حاليا الدعم 122 والمقاومه 130 خل يتجاوزها ويكون هدفه التالي 140 ان شاءالله

شاكرلك اخوي ... بس عندي سؤال ...
ما هي العوامل التي تتحكم في تحديد مقاومة اي سهم ...؟
وهي تتم بناءاً على رؤية الملاك الكبار ام هي امور فنية بحته ...؟

 

[Master-Leo]

السلام عليكم
ليوووووو شخبارك
ولا عليك أمر ممكن دعم ومقاومة الأنابيب وجراند والصناعات المتحدة واذا كانت هناك اشارات دخول أو خروج
زودناها اليوم شوي
الله يعطيك العافية مقدما
وعسى الله يرزق الجميع

وعليكم السلام ياهلا

أنابيب : دعم 620 مقاومه 650-660 والمؤشرات سلبية لاتوجد اشارة دخول الى الآن

جراند : دعم 365 مقاومه 395 والمؤشرات ايجابيه اذا تجاوز 395 الهدف 420-425

ص متحده : دعم 380-375 مقاومه 400 و 415 اذا تجاوزها الهدف 435-440 ان شاءالله وحاليا بعض المؤشرات ايجابيه

بالتوفيق والله يرزق الجميع

 

[al-hajri]

بارك الله فيك

 

[TABBAZ]

حبيبي ممكن ام القوين

 

[Master-Leo]

مشكوز ما قصرت ... واذا امكن عارف لو سمحت

عارف الدعم 580 -570 المقاومه 640

شاكرلك اخوي ... بس عندي سؤال ...
ما هي العوامل التي تتحكم في تحديد مقاومة اي سهم ...؟
وهي تتم بناءاً على رؤية الملاك الكبار ام هي امور فنية بحته ...؟

كثير من الأمور تتحكم بالسعر سواء كان دعم أو مقاومه منها عدد أسهم كبار الملاك ومدى تقبلهم لرفع أو نزول سعر السهم أو دخول شخص او محفظه على سهمهم .

سيولة صانع السوق أيضا عامل آخر وأهدافه بالدخول على سهم معين تحدد وتساعد السهم على الصعود وعامل آخر مثل كثرة دخول المضاربين أو

المستثمرين الداخلين على السهم واللي من ضمنهم ناس تبي تجني أرباح وتصرف السهم بالعالي .

فعوامل كثيره تتحكم بأسعار الدعم والمقاومه لكن من وجهة نظري اعتقد كبار الملاك وصانع السوق على السهم هم أهم عاملين بالموضوع والبقية عوامل ثانوية .

 

[unknown]

عز الله انك فهيم .. بس عندى سؤال مو عارف اسئل منو فيه جد احترت فيه .. يا هل ترى من اقوى سهم المجلس او سهم الحكومه؟؟

 

[Master-Leo]

حبيبي ممكن ام القوين

دعم 248 - 242 ومقاومه 270 والمؤشرات سلبية

بالتوفيق ان شاءالله

 

[station-eng]

كلام معقول ........ومنطقي .
ما قصرت .

 

[Master-Leo]

عز الله انك فهيم .. بس عندى سؤال مو عارف اسئل منو فيه جد احترت فيه .. يا هل ترى من اقوى سهم المجلس او سهم الحكومه؟؟

لاتسألني اسئلة سياسيه مابي أدخل روحي فيها خلنا نطالع الأمور بنظره اقتصاديه فقط أفضل لنا لأن ان طحناله سياسه ماراح نخلص

 

[الانوار الخمسه]

مساك الله بالرخير / مستر ليو ____________

بس بتروجلف هل نترجى فيها صعده .