شركة القرين لصناعة الكيماويات البترولية (القرين) ...4

[مستثمر صغيرون]

انا كنت بالسوق وماكو شي ولا خبر
لكن اللي قاعد يشتري ماعنده مخزون قوي لتنزيل السهم فقرر ان يشتري جم مليون بالسعر الرخيص قبل لا يصل 500 فلس لان مخزونه من الاسهم قرب ينفذ فخاف من تسرب الخبر ويدش عليها شخص آخر فسبقهم وشرا وانا اتوقع ان في نزول في القريب العاجل الي 410
هذه وجهة نظر لا اتحمل اي مسؤليه
مع العلم انا بعت وماشريت للحين

ماصدقتوني شوفوا بعينكم جم راح يصير السهم

 

[مسكين]

بارك الله فيك يا الصامدون

بيضت الوجه

أنا أشهد أنكم زلم

أسئل الله العظيم أن يجعل تخطيطهم فى تدميرهم

وينقذ صغار المستثمرين

 

[خبير النفط]

الحمدلله الزلم صامده وما راح تقط اسهمها وما راح تبيع بالنازل وخلهم يسوون ويقولون الى يقولون لا بيع فى هذه الاسعار

 

[القادم الجديد]

لا للبيع والوعد قدام

 

[القادم الجديد]

لو أرباح الشركة بالنصف الأول 3. يعنىاقل من نصف فلس يبقى كلام م.ح شبه صحيح نقدر نقول فى تسريب بالأخبار من فتره مو قصيرة بصراحة مافى امانه على أسرار الشركات وين الرقابه وين المصداقية

م . ح . أجبر رئيس مجلس إدارة الأولى بتصريح أن السهم لا يستحق سعره الحالي وهذه سابقة خطير لا أعرف كيف تمر مرور الكرام وكان ودة يجمع الأولى للوقود بين 250 الى 320 لكن أنصدم من المستثمرين ما قطو السهم حسب المزاج وبإعترافه يقول كل محاولاتي عشان أنزل السهم باءت بالفشل

لكن الموضوع موضوع ( ح ) يبي يلم بالسهم على راحته وأعتقد من وجهة نظري هذا الأنسان ما يهمه بكم يلم المهم يحصل على الأستحواذ ستبدى لك الأيام ما كان خافيا

 

[القادم الجديد]

الحمدلله الزلم صامده وما راح تقط اسهمها وما راح تبيع بالنازل وخلهم يسوون ويقولون الى يقولون لا بيع فى هذه الاسعار

هذا مؤشر يبشر بخير والحمدلله

 

[القادم الجديد]

مبروك شمعة اليوم مرفق لكم الشارت

 

[العملاق]

تحذير للسادة ملاك السهم الان اتضحت اللعبة تصريح محمود حيدر قبل فترة وان سعر السهم مبالغ فية والارباح فلس والان تعلن الشركة ان الارباح اقل من فلس ( المعروف ان المجموعة سيطرت على الشركة من ايام بيع البطاقات والان تحاول التلاعب بالارباح وبالتالى تخفيض السعر وتجريد الناس من اسهمهم بتراب الفلوس ) ما قول الا حسبى الله عليكم وشدراه محمود حيدر عن الارباح قبل اسبوعين ؟؟؟؟؟ اين وزارةالتجارة وادارة البورصة يجب محاسبة مجلس الادارة او حلة بصراحة قمة المهزلة التلاعب فى حلال الناس بهذه الطريقة ، اشوا ان الرزق على الله مو عليكم والا كان منعتوه .

لو صار هالشى فى امريكا ...
لكان انسجن اهو واللى سرب له المعلومات
وتغريمهم لاستغلال معلومات سرية
وتجميد اسهمهم ...

وين ادارة البورصة و مديرها
ليش ما تشكل لجنة تحقيق
صج بورصة مهزلة

 

[الفال الطيب]

ما شاءالله على ملاك القرين الصامدون ... قلبوا فيكم التجار وماكو فايدة , اصبحوا اهم يبيعون اسهمهم ويشترونها لدرجة ان بعضهم ضاعت عليه كميات اسهم بسبب هالحركات , كل محاولاتهم باءت بالفشل... يبون اسهم الصغار المساكين , لكن هالمساكين صار عندهم وعي هالمر ة , لدرجة اصبح يضرب فيهم المثل ملاك القرين الصامدون فى الصحف الخليجية والمنتديات الخليجية , والخير قادم ان شاءالله لهذا السهم.

 

[wzer]

ادارة البورصه ؟؟؟
والله اللى يسمعكم يقول مواليد طوكيو
شنو ما تعرفون ديرتكم توكم صحيتوا من النوم ؟
من صادها عشى عياله

 

[قاروه]

ما شاءالله على ملاك القرين الصامدون ... قلبوا فيكم التجار وماكو فايدة , اصبحوا اهم يبيعون اسهمهم ويشترونها لدرجة ان بعضهم ضاعت عليه كميات اسهم بسبب هالحركات , كل محاولاتهم باءت بالفشل... يبون اسهم الصغار المساكين , لكن هالمساكين صار عندهم وعي هالمر ة , لدرجة اصبح يضرب فيهم المثل ملاك القرين الصامدون فى الصحف الخليجية والمنتديات الخليجية , والخير قادم ان شاءالله لهذا السهم.

واحنا نزيد الي عندنا

منها نرفع تكلفة الاكتتاب حبه ومنها نقلل تكلفة السوق حبتين

 

[$$المليونير$$]

واللة ضعنا في الطوووشة اكل يحلل على كيفة المهم انا رحت اليوم وبعت الى عندي عشر الاف شاريها على 485 وبعت على 460 وخلصت عمري من حيدروة وربعة وبدخل بورصة قطر بنك الريان والناقلات وابيع واشتري ونا في بيتى يالتلفون مو هنى لازم اصف دور واشيك يطلع عقب اسبوع بورصة الكويت عين عذاري اشوفكم في اكتتاب جديد وشركة جديدة والخسارة خسارة العمر,,,, صراحة تعبت كل يوم كلام جديد ومكانك راوح

 

[الفال الطيب]

اليوم الناس توقعت ينزل حد ادنى عشان الربحية لكن الحمدلله ما كان له تأثير يذكر , والسهم ما شاءالله اثبت تماسكه بهذه الاسعار , والدليل الكميات اللي انطلبت اليوم , سكر السهم والطلب اكثر من العرض , ومطلوب بكميات كبيرة , بال 450 , 445 , هذا معناه ان السهم للحين فيه تناحر واختلاف , وفيه جهات ماتبيه ينزل الى ال400 , او 380 فلس.

 

[الفال الطيب]

واللة ضعنا في الطوووشة اكل يحلل على كيفة المهم انا رحت اليوم وبعت الى عندي عشر الاف شاريها على 485 وبعت على 460 وخلصت عمري من حيدروة وربعة وبدخل بورصة قطر بنك الريان والناقلات وابيع واشتري ونا في بيتى يالتلفون مو هنى لازم اصف دور واشيك يطلع عقب اسبوع بورصة الكويت عين عذاري اشوفكم في اكتتاب جديد وشركة جديدة والخسارة خسارة العمر,,,, صراحة تعبت كل يوم كلام جديد ومكانك راوح

درب السلامة يا خوي , وموفق ان شاءالله.

 

[issa7952]

واللة ضعنا في الطوووشة اكل يحلل على كيفة المهم انا رحت اليوم وبعت الى عندي عشر الاف شاريها على 485 وبعت على 460 وخلصت عمري من حيدروة وربعة وبدخل بورصة قطر بنك الريان والناقلات وابيع واشتري ونا في بيتى يالتلفون مو هنى لازم اصف دور واشيك يطلع عقب اسبوع بورصة الكويت عين عذاري اشوفكم في اكتتاب جديد وشركة جديدة والخسارة خسارة العمر,,,, صراحة تعبت كل يوم كلام جديد ومكانك راوح

اشدعوة مافيك صبر شعليك من حجي الناس صج بورصتنا بورصة خرطي والبركة في مديرها اللي ما يدري وين الله حاطه جنه صنم لا تصريح ولا جنه له شغل بس الله كريم صج المثل لي قال ما تعرف خيري الا لمه تجرب غيري الله يذكر هشام للعتيبي بالخير انا اشوفه احسن من مسك البورصة

 

[issa7952]

اليوم الناس توقعت ينزل حد ادنى عشان الربحية لكن الحمدلله ما كان له تأثير يذكر , والسهم ما شاءالله اثبت تماسكه بهذه الاسعار , والدليل الكميات اللي انطلبت اليوم , سكر السهم والطلب اكثر من العرض , ومطلوب بكميات كبيرة , بال 450 , 445 , هذا معناه ان السهم للحين فيه تناحر واختلاف , وفيه جهات ماتبيه ينزل الى ال400 , او 380 فلس.

كلامك جميل وانا اقول ياجماعة الشركة توها مكملة شهر ارحموها من الانتقاد شوي وصبروا عليها واللي يبي يرتاح باله ويفتخر ان يملك اسهم للقرين خل يدق سلف ويروح شعيبة الصناعية ويشوف مصنعها الضخم اللي جرب يخلص وبشتغل انشاء الله 2008 سهم فعلا لحد يفرط فيه ودمتم وشكرا

 

[issa7952]

اصلا انا من شفت المصنع وطبعا اتفاقية الجزائر كل ماصار عندي فلوس رحت وشريت اسهم للقرين وزدت كميتي حتى اسهم الشركات اللي عندي بعتهم وشريت بفلوسهم سهم للقرين ولانه طبعا خلصت كل سيولتي على سهم للقرين والحمدالله عندي كمية كبيرة غير اسهم الاكتتاب ما قمت اروح البورصة ولاني متقاعد وكل يوم في البورصة وهل ايام ما اروح لانه خلاص فلوسي كلها سهم للقرين زوجتي مستغربة تقول اكيد خسرت فلوسك اشوفك ما تروح قلت لها بالعكس انا الحين مرتاح فلوسي بالحفظ والصون وناطر اليوم اللي ترتفع فيه اسهمي غير الارباح والمنحة واستفدت شي ثاني صرت اتغدا عدل واضحك مع اعيالي قبل بس تفكير وعوار راس السهم نزل السهم ارتفع بصراحة ما ادري شنو اللي حببني في للقرين بس احس براحة من شريت اسهمها وودعت البورصة حتى اشعار اخر واسف على الاطالة

 

[بو معاذ 2006]

اصلا انا من شفت المصنع وطبعا اتفاقية الجزائر كل ماصار عندي فلوس رحت وشريت اسهم للقرين وزدت كميتي حتى اسهم الشركات اللي عندي بعتهم وشريت بفلوسهم سهم للقرين ولانه طبعا خلصت كل سيولتي على سهم للقرين والحمدالله عندي كمية كبيرة غير اسهم الاكتتاب ما قمت اروح البورصة ولاني متقاعد وكل يوم في البورصة وهل ايام ما اروح لانه خلاص فلوسي كلها سهم للقرين زوجتي مستغربة تقول اكيد خسرت فلوسك اشوفك ما تروح قلت لها بالعكس انا الحين مرتاح فلوسي بالحفظ والصون وناطر اليوم اللي ترتفع فيه اسهمي غير الارباح والمنحة واستفدت شي ثاني صرت اتغدا عدل واضحك مع اعيالي قبل بس تفكير وعوار راس السهم نزل السهم ارتفع بصراحة ما ادري شنو اللي حببني في للقرين بس احس براحة من شريت اسهمها وودعت البورصة حتى اشعار اخر واسف على الاطالة

عساها خيرة لك ان شاء الله وعموما السهم مايختلف عليه اثنين

 

[بانوراما]

حاولوا يضغطونه ونجحوا بالبداية وباعوا ناس وايد وخصوصا من الي مكتتبين بالسهم ولكن سرعان ما عاد الدببة والتجار بالتسابق بالشراء



لحد يقص عليكم ويقولكم ان نسبة 6 او 7% تقدر ترجع كفة علي الاخري او تضمن لجهه السيطرة علي الشركة الي يبي يسيطر لازم علي الاقل يستملك 30 % او اكثر



الشركة راس مالها عود ومتوقع لها ان تكون مثل ايكويت
ومتوقع لها ارباح كبيرة بالمستقبل بعد بدا نشاطها
والتنافس فيها قوي حيل للسيطرة عليها


اليوم اتضح لنا شي وهو ان هناك اكثر من جهه مازالت تسعي للسيطرة علي الشركة لان لو كانت هناك جهه وحده تقوم بالشراء لاستغلت خبر الارباح ونزلت السهم ولمت من الناس بالنازل ولكن نزل السهم شوي بعدها ظهرت هناك جهات تشتري وبالاخير صار شراء قوي من المعروض وهذا يؤكد لنا علي حده التنافس القائمة بينهم




يالله حط حيلهم بينهم لان بالنهاية حنا الي كسبانين ​

 

[alashum]

نو نهي لاللبيع والصبر ثم الصبر ياشباب لين تشوفوفون التجار يطقون بيبانكم مثل المرشحين وقت الانتخابات