دورة المؤشرنت للتحليل الفني
50 دينار كويتي
كفو والله يا سوالف بورصوية... يوم انك قدرت تثبت الرابط هذا.
لان الظاهر اللي انتقد فتحة اعتقد من التجار الكبار اللي مو عاجبة ان السهم يرتفع , او مو عاجبة اننا نحث اخواننا ملاك القرين بالصبر شوية وعدم التسرع بالبيع باسعار نازلة , لان الشركة توها جديدة وما ينفع معها اي تحليل فني لا شارتات ولا غيرة حسب علمي , والا بالله عليك اخوي سوالف بورصوية حيمنا حطينا هذا الرابط وهو عن القرين , طلعنا واحد يزابد وينافخ ويدخل موضوعات ما لها علاقة بالقرين بتاتا , لا ويقول حضرتة ان المحافظ ويقسم بالله لو تطلع من القرين جان السهم بالقاع 100 او 200 فلس , ما يدري ان الموضوع اكبر من مستوى المحافظ , يا حبيبي الموضوع تملك حصص كبيرة من مجاميع كبيرة حتى بنوك ومستثمرين خليجيين راح تتنافس على القرين , والايام القادمة راح تثبت ذالك , والغريب ان احد المشرفين يؤيد كلام اللي انتقد ويقول كلامك عين الحق 100%. واليوم شفنا من اول التداول حد اعلى , ومطلوب كمية ضخمة 265 مليون دون عرض. والكمية المتداولة اليوم قلت بشكل كبير حوالي 4 مليون فقط , وبالامس 33 مليون , وهذا شنو يدل عليه الناس ما تبي تبيع بالنازل , لكن هل فهم الكبار ذالك , نتمني.
يعتبر صناعة الكيماوية من اهم القطاعات في الدوله وهي عباره عن المشتقات النفطية فلذلك نوضح اهم هذه المشتقات التي تقوم شركة القرين بالاستثمار فيها وتشغيلها :
طبعا التصنيع البتروكيماوي هو المنتجات المشتقة من النفط وهي :
1- الاولفينات وعباره عن ( ايثيلين - بروبيلين - بيوتادايين )
2- العطريات وعباره عن ( بنزين - تولوين - زيلين )
وكذلك سوق الستايرين
اهم شركات لاعبين بالسوق في الاولفينات هي :
1- شركة داو كيميكال 2اكسون موبيل 3رويال داتش / شل 4- سابك
اهم شركات لاعبين بالسوق في العطريات
بالنسبة للبنزين هي 1 اكسون موبيل 2 رويال داتش /شل 3 داو كيميكال
بالنسبة للبارازيلين هي 1 اكسون موبيل 2 بريتيش بتروليوم 3 شيفرون فليبس
بالنسبة للستايرين هي 1 شركة داو كيميكال 2 رويال داتش / شل 3 - BASF
وشركة القرين لصناعة البتروكيماويات تقوم بالاستثمار في شركات تختص في هذه القطاعات المهمه
وهي كالاتي
شركة ايكويت
تملك فيها شركة القرين 6 %
تنتج شركة ايكويت ما يقارب من مليون طن من المواد المشتقة من مادة الايثيلين ، وحققت الشركة نتائج مالية غير مسبوقة خلال السنوات الثلاث الماضية ، حيث حققت ارباح مقداها 620 مليون دولار في عام 2004 و 588 مليون دولار في عام 2005 و 565 مليون دولار في عام 2006 ، نتيجة لارتفاع اسعار المنتجات البتروكيميائية في الاسواق العالمية بسبب زيادة الطلب عليها.
الشركة الكويتية للاولفينات
تملك فيها شركة القرين 6 %
تبلغ الطاقة الانتاجية المستهدفه 650 الف طن من مادة الايثيلين جلايكون المستخدم في انتاج البوليستر والبلاستك وهي شركة تحت الانشاء وسيتم الانتهاء من اعما التشييد والبناء ثم التشغيل في اوئل الربع الثالث من عام 2008.
الشركة الكويتية للعطريات
تملك فيها شركة القرين 20 %
تمتلك الكويتية للعطريات شركتين هما الشركة الكويتية لانتاج البرازيلين بطاقة 820 الف طن متري سنويا و 380 الف طن من مادة البنزين العطري ، والشركة الكويتية للستايرين والتي تعمل بطاقة انتاجية تبلغ 500 الف طن متري سنويا.
تعتبر شركة صناعة الكيماويات البترولية مملوكة بالكامل للدولة عن طريق مؤسسة البترول الكويتية
تملك 10 % من اسهم شركة القرين فقط و90% تم طرحه للاكتتاب العام
ولا يوجد اي مستثمر يتملك حصة الاغلبية في هذه الشركة .
مما يؤكد لنا ان هناك طرف يرغب بتملك حصة كبيرة من اسهم الشركة للاستحواذ
حسبة بسيطة
مثلا 10 مليون سهم لشركة القرين بسعر 700 فلس تعادل = 7 مليون دينار كويتي
و 100 مليون سهم لشركة القرين بسعر 700 فلس تعادل = 70 مليون دينار
و 500 مليون سهم لشركة القرين بسعر 700 فلس تعادل = 350 مليون دينار كويتي فقط
للعلم
شركة القرين قامت بشراء حصة 6 % في ايكويت بمبلغ 76 مليون دينار كويتي
شباب صحصحو معاي تنزيل السهم بهذا السعر لتقليل المتوسط او التكلفة للذي يرغب بالاستحواذ على السهم يعني يقوم بشراء على هذه الاسعار فرضا الى الدينار يقلل من سعر التكلفه عليه
واذا قلنا متوسط سعر 700 فلس مثلا يطلع سعر الاستحواذ 350 مليون دينار كويتي فقط
فهل تعتقد ان شركة رأس مالها 110 مليون دينار واصولها 160 مليون دينار تنباع ب 350 مليون دينار فقط ؟؟؟
اقرأ ارباح الشركة في 2006 وقرر
اقرا ارباح الربع الاول 2007 وقرر
يا جماعة سهم استثمار خل شي للعيال باجر
هذا يعتبر وجهة نظر والقرار راجع لك
وجهة نطر نحترمها اخوى ابو سعود بس السالفه سالفة استحواذ مو سالفة مضاربه ركز على هالشى هناك اطراف تريد الاستحواذ وانت اخبر انه الشركة مقبله على انتخابات 2008 شهر 2
يعنى الدعوه مو دعوة مظاربه الدعوة دعوة كرسي مجلس الاداره والسيطره على الشركة والمستحوذ ماهمه مشروع لجزائر ولا ربحية الشركه يريد الاداره فقط
عموما هناك اكثر من طرف يبى يستحوذ وهذا كلام رجل ثقه وله باع طويل بسوق ؟
وفى صناديق داشه لكى تستفيد وتساوم الاطراف اللى تبى تستحوذ على الشركه مثل مصار فى بنك بوبيان لما حصل عملية البدل ب800 فلس 50 مليون اللى باعت 50 مليون صندوق وساوم الدار على 800 وحقق ربحيه جدا طيبه
وبتوفيق يا اخوان
خلال 7 ايام مفروض يخرج من مجال 25 فلس الى 50 فلس التعليقهلو علق سهم القرين لمده 7 ايام من 25 فلس كم الكميه التي تم عليها التجميع اعتقد هذا الهدف من بدايه تداولها بهالسعر حسبي الله عليهم علشان يلمون بالراحه بس ربك حميد ان شاءالله ما يعطيهم على كيفهم امسكوا اسهمكم وخلوهم يطحنون بعض وحنا نتفرج عليهم
اذا مو غلطان الانتخابات راح تكون شهر 11 القادم مو 2 -2008أرجو التأكد من المعلومة لأن حسبت التجار تختلف اذا شهر 11 كما ان شركة كامكو تريد أن تستحوذ على الشركة غصب أو طيب
اليوم وانا بالبورصة بالديرة , قعدت بجانب احد التجار بالسوق دايما اشوفه , اهو ما يعرفني , لكن انا اعرفه من التجار الكبار , تعمدت اقرب من صوبة والا داق عليه واحد من ربعه التجار , يتناقشون عن القرين..والله يا خوان اني ما اضحك عليكم او ابالغ , الموضوع جد , مو ضحك.
(شنو سويت انا طبعا قطيت اذني معاه - راح اذكرلكم اللي سمعته وقدرت عليه ) :
النقاش كان حاد بينهم , ويقول يا معود شصاير بالسوق يايه عكسية علينا , الموضوع صاير فلتان , يبه الحق على عمرك شيل بيديك وريولك هذي لقرين يبه تختلف عن خواتها ( ما ادري اي خوات يقصد ) , والشركة فلتانه محد مصيطر عليها , وصاحبه حسب ما فهمت يرد عليه يقول اعضاء مجلس ادارة القرين الحاليين يملكون نسبة كبيرة , رد صاحبنا من صجك يملكون , يا معود راح ايدش ناس عمالقة وين يلحقون معاهم.... هذا ما استطعت التقاطه.
وانتم يا اخواني الصغيرين بالسوق تحكمون على هالكلام.......
يالربع انا اقول انها تنزل لي سعر الصفوة لان الصفوة والقرين نفس كمية الاسهم على ما اعتقد يعني هذي مليار وهذي مليار ليش ما تصير نفسها والله يالربع انا اقول ديروا بالكم منها لانها اكبر دليل الصفوة ..
يعني توقعوا القرين تكون مثل الصفوة في يوم من الايام......
اتوقع مدراء المحافظ اذكى ممن تتصورون اول امس فتح القرين بالحد الاعلى وصل الطلب 100 مليون سهم تقريبا حلو الكلام اليوم فتح السهم ب 250 مليون حد اعلا تقريبا وامس تداول بالكسور وهم بعد اليوم تداول بالكسور والرسمي الكلام اللي ابي اوصله الطلب بو 250 اكثر من اصحاب المحافظ قاعدين يشترون بالحد الاعلى وهم بعد من الكسور واذا تعلق باجر هم بعد بيربحون مثل امس اربحو من اليوم وباجر اذا حد اعلى الكل بيربح حلو . غير هذا اكثر صغار المستثمرين محد باع انزين والكل ناطر احسن سعر واذا شافو السهم حد اعلا ومطلوب بالملايين ليش يبيع يقول باجر احسن وهم بعد باجر احسن وصغار المستثمرين اللي طالب برقم عشوائي واللي ماخذ قرض وطالب واللي طالب 10000 ومصدق روحه انه شاد السهم السيناريو اتوقع انه يكون كل الاتي انهم بخلون السهم يوصل الى 500 فلس كاقفال وثاني يوم يطلبون ب 550 وهم يطلبون ملايين وهم صغار المستمرين والمقترضين والارقام الوهميه هم طالبين مدراء المحافظ بيطلون وبعدين بشيلون طلباتهم وببيعون كل العندهم فطبعا السهم بينزل تدريجي وبعدين راح يسمعون المكتتبين والللي يبون يبيعون بافضل سعر يقولون السهم نزل خل نبيع بسرعه قبل ما ينزل زياده وهم بعد مدراء المحافظ يبيعون روحهم المهم الى ان يصير حد ادنى ومن هل نقطه المحافظ بلم السهم على راحتها بعد ما خدعة صغار المسمرين
والله اعلم هذي وجهة نظري
موفقين
دورة المؤشرنت للتحليل الفني
50 دينار كويتي