شركة القرين لصناعة الكيماويات البترولية ... 2

[قاروه]

العمر مايفرق..الاخوان يتحولون باسم الوالد وبعدها بنفس الوقت تقدر تحول من الوالد لك او اي واحد من اخوانك..بشرط صورة البطاقة المدنيه المحول والمحول اليه مع اعتماد توقيع او وكالة تعاقد مع النفس من الوالد الى احد الابناء سواء لك او احد اخوانك


اي استفسار انا حاضر

شرط حضور الوالد ؟ وفي حالة حضور الوالد هل يشترط اعتماد توقيع ؟

وياريت توضحلي سالفة حق التعاقد مع النفس

 

[Sniper Stock]

الله يعطيك العافيه يعني ماشفت تساهل من هذا النوع ؟

والله ياخووك يتساهلون بس تكون بالدرجه الاولى يعني مايصير يتساهلون بتحويل اسهم رفيجك لك او العكس الشروط واضحه لااازم درجه اولى من ناحية القرابه...بس يمشوونك اذا ماعندك وكاله او يتساهلون من غير احضار عقد زواج اذا زوجتك مكتتبه ..بس هذا التساهل اللي شفته منهم...ومايقدرون يتساهلون اكثر من جذيه لان هذه اموال حبيبي..

 

[Sniper Stock]

شرط حضور الوالد ؟ وفي حالة حضور الوالد هل يشترط اعتماد توقيع ؟

وياريت توضحلي سالفة حق التعاقد مع النفس

اذا حضر الوالد بطلت كل الشروووط لأن الوالد اهواا الدرجه الاولى يعتبر..يقدر يحول ويشيل ويحط ويقدر يختار أي من الابناء تكوون بأسمه الدمج بس اول شئ يحولهم كلهم بأسمه وبعدين يختار الولد اللي يبيه يكون بأسمه

 

[hassankoc]

والله ياخووك يتساهلون بس تكون بالدرجه الاولى يعني مايصير يتساهلون بتحويل اسهم رفيجك لك او العكس الشروط واضحه لااازم درجه اولى من ناحية القرابه...بس يمشوونك اذا ماعندك وكاله او يتساهلون من غير احضار عقد زواج اذا زوجتك مكتتبه ..بس هذا التساهل اللي شفته منهم...ومايقدرون يتساهلون اكثر من جذيه لان هذه اموال حبيبي..

موقع عمي اخ الأب تحت باقرار التنازل شالمشكله ؟

 

[Sniper Stock]

حــــــــــــق التعاقد مع النفس

اخوي قاروه..

حق التعاقد مع النفس اهيه وكالة عامه ولاكن اكثر الوكالات العامه لااايذكرون هذه الصيغه ( حق التعاقد مع النفس ) !


مثلا اذا كنت تملك وكالة عامه من احد تقدر تبيع وتشتري وتحول من املاك الشخص الى شخص غيرك يعني تكون وسيط تحويل املاك واموال من شخص لي شخص ولاكن لاااتستطيع ان تحولها باسمك الا اذا ذكرت حق التعاقد مع النفس أي مع نفسك


مثال والدك اعطاك وكالة عامه ولم يذكر حق التعاقد مع النفس لاااتستطيع تحول اسهم ابووك إليك لأنك لست مخول اما اذا والدك سمح لك بحق التعاقد مع النفس .. أي نفسك لك كل الحق بأن تحول اموال ابوك وحلااله وكل مايملك لك وبأسمك وليس لشخص اخر


حاضر بأي استفسار

 

[Sniper Stock]

موقع عمي اخ الأب تحت باقرار التنازل شالمشكله ؟

عمك يعتبر بالقانون درجه ثالثه


بس انا اعطيك حل..اذا كان عمك فاتح حساب تداول تقدر تبيع اسهمه اول ماتنزل السووق من غير حضووره..بوكالة تسويها بسوق الكويت للأوراق الماليه عند التوكيلاات ( عند عمل الوكالة بحضور عمك ) وتقدر تستلم الشيك بعد البيع بأسمه وبعدها تعطيه عمك ويصرفه لك ببنكه

 

[hassankoc]

عمك يعتبر بالقانون درجه ثالثه


بس انا اعطيك حل..اذا كان عمك فاتح حساب تداول تقدر تبيع اسهمه اول ماتنزل السووق من غير حضووره..بوكالة تسويها بسوق الكويت للأوراق الماليه عند التوكيلاات ( عند عمل الوكالة بحضور عمك ) وتقدر تستلم الشيك بعد البيع بأسمه وبعدها تعطيه عمك ويصرفه لك ببنكه

حتى البيع حضور شحقه والله دوخه معاي اوراقه والصور والشهاده الأصليه وكل شي صعبه كل مره اوديه واجيبه بدوخه معاي الشيك مو مشكله اعطيه اي وقت يصرفه بس عسى مو الشيك لازم اوديه يستلمه

 

[Sniper Stock]

رحت هناك قبل كم يوم رفضوا يدمجون من الاخوان الى الاب الا بتصديق من البنك هل سهلوا شروطهم

حبيبي نقل الاسهم يجب تكون بالدرجه الاولى يعني من الابناء للأب = تجيب الشهادات اللي بأسم الابناء وتتحول للوالد وكيفيه تحويل الاسهم عندك خيارين اما بحق التعاقد مع النفس وكالة من العدل او اعتماد توقيع ..وانا افضل وكالة حق التعاقد مع النفس لانها اقل تكلفه وتقدر تحط الابناء كلهم بوكالة وحده لابووك وتكوون معاكم الوكاله على طوووول ليس لها صلااحيه...ورسومها دينارين اما اعتماد توقيع رسومها 5 دنانير على كل اسم من الابناء

 

[Sniper Stock]

حتى البيع حضور شحقه والله دوخه معاي اوراقه والصور والشهاده الأصليه وكل شي صعبه كل مره اوديه واجيبه بدوخه معاي الشيك مو مشكله اعطيه اي وقت يصرفه بس عسى مو الشيك لازم اوديه يستلمه

بالعكس سهله...شوووف اول شئ تعطيه بطاقتك المدنيه..ويرووح للسوق عند قسم الوكالات ويقووول هذا رقم حساابي للتداول وابي اعطي ولد اخوي وكاله بيع وشراء الاسهم واستلام الشيكات نيابة عني...يعطوونه واهوا واقف.. وبعدها من تنزل السوووق تقدر تبيع وتستلم الشيك وبعدها تعطيه عمك وتقووله اصرف الشيك من بنكك وبس ومايبيله شئ واصلااا انت ماعندك الا هالطريقه وترى سهله

 

[1بــوطلال1]

اناعندي بأسم أخواني بحولهم بسم الوالدة وبعدين بحولهم بسمي "" لازم حضور اخوان ولا لأ او صورة البطاقة كافية "" وحضور الوالدة لازم . وعتماد التوقيع لازم من البنك او من البورصة الرجاء الرد للضرورة ودمتم......؟

 

[قاروه]

بارك الله فيك على التوضيح اخوي سوالف بورصويه

 

[Sniper Stock]

اناعندي بأسم أخواني بحولهم بسم الوالدة وبعدين بحولهم بسمي "" لازم حضور اخوان ولا لأ او صورة البطاقة كافية "" وحضور الوالدة لازم . وعتماد التوقيع لازم من البنك او من البورصة الرجاء الرد للضرورة ودمتم......؟

افضل طريقه تاخذ اخوانك مع بطاقتك امك الاصليه ويفضل حضوورها وتروحون لوزارة العدل..ويسوون وكاله حق التعاقد مع النفس..وبعدها تروح للسوق انت وامك فقط مع احضار الوكاله اللي مسوينها بالعدل مع شهادات الاسهم الاصليه لأخوانك وصور بطاقاتهم وتدمجهم بأسمك امك وبعدها تحولها امك لأي احد من عيالهااا لأن الام تعتبر درجه اولى بس الاخوان يعتبرون لك درجه ثانيه اوو تحضر اخوانك مع امك وتروحون للسوق مع احضار الشهادات وصور البطاقات والوالده وتحولون لامكم وبعدها تختارون من تصير بأسم الوالده أي احد من ابنائهاا وتتحول لها بس اول طريقه اسهل وانجح

 

[قاروه]

اناعندي بأسم أخواني بحولهم بسم الوالدة وبعدين بحولهم بسمي "" لازم حضور اخوان ولا لأ او صورة البطاقة كافية "" وحضور الوالدة لازم . وعتماد التوقيع لازم من البنك او من البورصة الرجاء الرد للضرورة ودمتم......؟

شهاده الميلاد للاخوان وبطاقة الوالده المدنيه وبطاقتك وحضور الوالده

 

[1بــوطلال1]

شاكر لكم سرعة الرد:d

 

[العراب 2006]

يعطيكم العافيه ابي اخر سعر وصل بسوق الجت لو تكرمتوا

 

[hassankoc]

بالعكس سهله...شوووف اول شئ تعطيه بطاقتك المدنيه..ويرووح للسوق عند قسم الوكالات ويقووول هذا رقم حساابي للتداول وابي اعطي ولد اخوي وكاله بيع وشراء الاسهم واستلام الشيكات نيابة عني...يعطوونه واهوا واقف.. وبعدها من تنزل السوووق تقدر تبيع وتستلم الشيك وبعدها تعطيه عمك وتقووله اصرف الشيك من بنكك وبس ومايبيله شئ واصلااا انت ماعندك الا هالطريقه وترى سهله

المهم ماقصرت ياخوي وكثر الله خيرك على ردك على استفساراتي واستفسارات الأخوان

 

[على قاسم على]

يا جماعة جم تتوقعون سعر السهم عند الأدراج وأول ما تنزل الشركة يطيحونها ولا يصعدونها

 

[على قاسم على]

يا جماعة جم تتوقعون سعر السهم عند الأدراج وأول ما تنزل الشركة يطيحونها ولا يصعدونها

 

[من الكويت]

مشــــــــــــــــكووور على نقل الخبر واللة يعطيك العافية

 

[المستكشف]

في الوضع الطبيعي اتوقع الادراج مابين 380 الى 450فلس واما في حال دخول محافظ و شركات مثل الخرافي راح يكون السعر فوق ال500فلس ان شاءالله وفي الحاله السلبيه وهي الهجوم على ايران مثلا او اي توترات سياسيه بالمنطقه الله لا يقول سوف يكون سعر الادراج غير مجزي
والله اعلم

كلام تخويف فيه شبهة منفعه