MOHAMMED11
عضو نشط
وصل السهم 350؟؟ مثل ما قالوا بالتوصية؟
شنو أعلى سعر وصل له؟
^_^ حلوه
//////////////
بعــــــــــــض
اهل التكهنات والتوصيات وضرب الودع
والنرجسية الزايده واحلام راعي الغنم
ورعيان المحافظ
خل يطلعون منها واحنا بخير ان شاء الله
دورة المؤشرنت للتحليل الفني
50 دينار كويتي
وصل السهم 350؟؟ مثل ما قالوا بالتوصية؟
شنو أعلى سعر وصل له؟
^_^ حلوه
//////////////
بعــــــــــــض
اهل التكهنات والتوصيات وضرب الودع
والنرجسية الزايده واحلام راعي الغنم
ورعيان المحافظ
خل يطلعون منها واحنا بخير ان شاء الله
اخي الكريم الاخوان مجتهدين ويقولون ما يوصلهم
مع تاكيدهم على ان البيع والشراء قرار شخصي
ويبقى علينا مثل مانحط وقف خساره بوقت معين من يوقف السهم
نقول الحمدلله ونبيع والمشكله في البعض اللى يدخل اخر التوصيه
ويقول ليش نزل فيني السهم !!!!!!!!!!!!
والمنتدى ولله الحمد اخونا المحللين مو مقصرين ممكن نسالهم عن
السهم اللى عليه توصيه ونشوف كلامهم
اذا عجبنا دخلنا ولا تركناه
ولازم نشوف منو صاحب التوصيه رجال ثقه ولا مانعرفه مع عدم الطعن فيه
وواجد دخلو على السهم بسعر 140 الى قريب التوصيه
وحصلو خير ولله الحمد بفضل الله ثم بجهود اخونا اللي وصونا على السهم
فأقل القليل نقولهم بارك الله فيكم وجزاكم الله خير
وعلى ارسهم اخونا الحبيب الوافي بومحمد بيض الله وجه
وجزاه الله عنا كل خير
الاخ
MOHAMMED11
بارك الله فيك وجزاك الله مليون خير على ردك الاكثر من راقي
اللي يدل على حسن الخلق
والله ياخوك كم من محلل وكم من شخص له مصادر
خسرناهم بالمنتدي بسبب ان في ناس لو تستفيد من التوصيه
ماتشكر صاحبها ولو تدخل باخرها وينزل عليها السهم تهاجمه بقوه
فتلقى صاحب الاخبار او المحلل يمل ويقول انا شنو مستفيد ويوقف عن التحليل او التوصيات
ويحولها من صفحه خاصه الى رسائل خاصه لناس معينه لانه ما يبي يعطي وبالاخير
يتم مهاجمته
بالعكس لما نشكرهم نكون نشجعهم للمضي للامام
ولازم نهتم بالدعم والمقاومه بالتوصيه من يقرب من مقاومه ننتبه له يوقف ويعكس نقطه
اذا كسرها وكمل الحمدلله نمشي معاه واذا جني ارباح نحاول نجني معاه
وبارك الله فيك اتمنى ان قصدي وصل ويعلم الله ما كان قصدي هجوم عليك او على احد
معين ولكن من باب التنبيه ان ياجماعه ادخلو من اول التوصيه اذا شفت السهم
سعره قوعه وموشراته حلوه حسب كلام المحللين لحد يلحق السهم بعد ما يطير
ونسأل الله العلي العظيم ان يبعد عنا وعنكم والاخوان الخساره
تقبل تحياتي
![]()
السلام عليكم
اخواني ... فعلا الشيك تم استلامه من الاسبوع اللي طاف ...
والخبر موجود في ادراج المكتب لأرساله لادارة البورصة ..
وأمس كان في اجتماع في الشركة العربية .. بس الصراحة مو عارف شنو صار فيه
وحسب كلام المصدر أمس قالي .. انه الاجتماع ايجابي .. وقاعدين يحصرون اسماء
المساهمين اللي يمتلكون كميات من الاسهم اكثر من 500 ألف سهم ..
واليوم كان واضح ... انه الاوامر صدرت للدخول على السهم
واليوم حصلت على خبر .. انه سوف يتم تخويف مع تجميع على السهم قبل الاعلان عن الصفقة بصفة رسمية في ادارة البورصة..
واليوم كان عندي خبر انه الاغلاق سوف يكون على السعر 260 فلس ..
الصراحة اخواني عندي كلام وايد ... بس تعرفون صعب انه الواحد يقوله
لانه وضع السوق متقلب .. واللي يبي ياخذ السهم للاستثمار .. انا أضمن له انه يربح
على كل حال ... غير الاخبار الايجابية والجيدة عن السهم مستقبلا
الشارتات تؤيد هذا الشئ ...
تحياتي لكم جميعا
كلامك يا اخي غير معقول و بعدين شلون تضمن الربح
السهم ما ادري عنه و لا عن اخبارة لكن هذا تعليق بخصوص ضمان الربح
عليك بالتحليل
السهم دخول يعني دخول
السهم خروج يعني خروج
والسهم كان واضح اليوم كسره للدعم
الله المستعان![]()
يا جماعه والله اليوم سألت صديق لي بالبورصه ماخذ اجل كميه كبيره جدا بسعر 220 فلس بناء على توصيه من صديق له بالشركه نفسها اكد له ان الموضوع مو تخارج الموضوع انهم ربحانين قضيه بربح 51 فلس وكان مفروض يستلمون الشيك من فتره ويقولون انهم للحين ما استلمو الشيك ويوم الخميس اللي فات راح واحد من مسؤولي(احد الملاك ) الشركه للامارات وتم تأجيل تسليم الشيك لمدة اسبوعين وهذا الشخص بلغ صديقي ان يبيع اللي عنده ويشتري السهم مره ثانيه من تحت ولكن صديقي قال بينه وبين نفسه اصبر لمدة اسبوعين إذا الموضوع اكيد واليوم لما قالي هالكلام شفته متحسف ليش ما باع ب250 لانه كان ربحان مبلغ حلو ولكن أكدلي ان موضوع الشيك صحيح وقاله بعد ان اللي قاعد يشتري هالكميات بالنازل هم لانهم عارفين ان السهم بيرتد عند اعلان الخبر بشكل رسمي بعد اسبوعين ان شاء الله هذا اللي سمعته اليوم الصبح اثناء التداول والله انا كنت متردد اقول هالكلام ولكن هذا الكلام سمعته اليوم وحبيت اقوله لا انا من المطبلين للسهم ولا من المزايدين عليه وتقدرون تشوفون كل مشاركاتي عمري ما قلت عن سهم ولا وصيت والله اعلم بما في الصدور اخوكم بوعلي
تحذير شركات مجموعة بوخمسين بالاتفاق مع مضاربين كبار باعوا اكثر من 75 مليون سهم عربية عقارية باسعار 255 فلس الى 275 فلس !!
احتمال يسوون لعبة اجتماع مجلس الادارة و اعلان ارباح متواضعة 3-4 فلوس
او الافصاح في الربع الثالث عن ارباح صفقة دبي 51 فلس !!
السهم راح يستمر بالنزول
ما ودي اخوفكم بس هذه الحقيقة المرة
الله يحفظ اخواني صغار المستثمرين من الفخ المنصوب لهم !!!
انا أدري اني اتكلم بالوقت الضايع وعشان كذيه انا اقول ياجماعه اللي يراقب التحليل ويشوف المحلل العزيز الأخ ميكانكي حط لكم شارت وقال السهم شكل نموذج انعكاسي والسهم رايح وطي ما كان انصاد هالصيده ولاننسى شغله مهمه ان السهم صعد من 140 فلس ووصولا 270 فلس يعني دبل اللي دش 150 -160-170-180-190-200-210-لين الحين ربحان يعني اللي ربحان يقول الحمدلله ويكفي السهم عطاكم شي حتى الشركات التشغيليه ماتعطيكم هالمربح وهم تتذمرون من السهم
أما الأخوان اللي شارين فوق وخسروا لازم يعرفون ان الله سبحانه قدرلهم ذلك وعليهم بالصبر والإحتساب وهذا سوق ما يعرف احمد وخالد يعرف رابح وخسران
واعلم ان ربحك من خسارة غيرك وخسارتك ربح لغيرك
لكن وين اللي يقول اضمن له الربح
السلام عليكم
السهم للمتابعة بكرة يا جماعة الخير ..للمتابعة .... اليوم باعتقادي انهى نزوله ...تابعوا السهم بكرة ..وان شاء الله يصير ارتداد من بكرة .... والله اعلم هذا رأيي الشخصي وانتو كيفكم
انا أدري اني اتكلم بالوقت الضايع وعشان كذيه انا اقول ياجماعه اللي يراقب التحليل ويشوف المحلل العزيز الأخ ميكانكي حط لكم شارت وقال السهم شكل نموذج انعكاسي والسهم رايح وطي ما كان انصاد هالصيده ولاننسى شغله مهمه ان السهم صعد من 140 فلس ووصولا 270 فلس يعني دبل اللي دش 150 -160-170-180-190-200-210-لين الحين ربحان يعني اللي ربحان يقول الحمدلله ويكفي السهم عطاكم شي حتى الشركات التشغيليه ماتعطيكم هالمربح وهم تتذمرون من السهم
أما الأخوان اللي شارين فوق وخسروا لازم يعرفون ان الله سبحانه قدرلهم ذلك وعليهم بالصبر والإحتساب وهذا سوق ما يعرف احمد وخالد يعرف رابح وخسران
واعلم ان ربحك من خسارة غيرك وخسارتك ربح لغيرك
دورة المؤشرنت للتحليل الفني
50 دينار كويتي