شركة دار الإستثمار ش.م.ك.م ( الدار ) ...2

[q8_chamber]

ان شاء الله مع تسرب الارباح الصحيح

و ان شاء الله راح تلقاها في 1300 مع الاعلان

بس نبي دعواتكم

 

[خبير النفط]

شامبر الظاهر انك حاط كل ثقلك على الدار ان شاء الله ما يخيب ظنك

 

[q8_chamber]

شامبر الظاهر انك حاط كل ثقلك على الدار ان شاء الله ما يخيب ظنك

اي والله ياخوي
تقدر تقول 80%



الله يوفقك ياخوي

 

[q8_chamber]

ليش صخه يا ملاك الدار ؟!!!!!!

السهم تداوله طيب و صاعد 40+ ما شاء الله

لا يكون طالعين حداق ؟؟ ​

 

[عادل94]

السلام عليكم

توقعون راح يرتفع السبت ويكسر 1200

ضارب ياq8_chamber على السهم الحين ليطلع اقل بتكلفته عليك لحين الاعلان عن النصف الاول

 

[بونور2]

ليش صخه يا ملاك الدار ؟!!!!!!

السهم تداوله طيب و صاعد 40+ ما شاء الله

لا يكون طالعين حداق ؟؟ ​

نبيه يكسر ال1200 عشان نرتاح

 

[مضارب 2]

سلام عليكم


اليوم السهم التداول عليه فوق الممتاز والتداول يبين لنا وحده من ثنتين يا مضاربه وجني ارباح من قبل محفظة او تجميع لقرب الاعلن عن اخبار ايجابية للسهم والله اعلم....وفي كلا الحالتين يعطينا الثقة بانه سهم جيد للاستثمار المتوسط المدى ..شكل السهم قاعد يحاول ياسس على 1200 ومن ثمة الانطلاق لمستويات جديدة..


ودمتم...

 

[فارس العنزي]

يا خوفي بكره يسكر على 1180 ، وإللي عقبه 1160
الله يصبرنا ونجني ثمر صبرنا إن شاء الله
لا للبيع بالأسعار الحاليه ( بالنسبة لي )​

 

[بو براهيم]

انا شريت السهم اليوم هل أستحق ارباح ولا لا ؟
أفيدوني يا خوان أفادكم الله

 

[محتار شلون أربح]

ليش صخه يا ملاك الدار ؟!!!!!!

السهم تداوله طيب و صاعد 40+ ما شاء الله

لا يكون طالعين حداق ؟؟ ​

تداوله أكثر من ممتاز

لكن هالسهم فيه حقد وحسد

كل ماشافنا فرحنا مد رجوله ونزل مرة ثانية

عشان جذي بنوريه ان حنا مومهتمين

بس بيني وبينك لايسمع ويعاند بعدين!!!!!!

 

[Q8 Stock]

انا شريت السهم اليوم هل أستحق ارباح ولا لا ؟
أفيدوني يا خوان أفادكم الله

لا مالك شي
السهم لازم يكون عندك قبل الجمعيه العموميه
اما اعلان الارباح ماله حق فيه

 

[ميكانيكي]

انشالله باجر يصعد ويكمل

بس الحين السؤال .. قبل كنه ندش عالمدار اذا صعدة الدار

الحين ندش على شنو ؟؟؟؟؟؟

 

[Buffett]

انا شريت السهم اليوم هل أستحق ارباح ولا لا ؟
أفيدوني يا خوان أفادكم الله

انا شريته بتاريخ 19-6-2007 أستحق ولا لأ .. واذا إي متى ؟؟

شاكر لكم​

 

[ضحية المخازن]

انا شريته بتاريخ 19-6-2007 أستحق ولا لأ .. واذا إي متى ؟؟

شاكر لكم​

اخوي الجمعية العمومية كانت بشهر 3 على مااعتقد يعني مالك شي الا السنه الجايه بإذن الله

 

[Buffett]

شكرا ضحية المخازن

بييه السنه اليايه !!

شدعوه بنطر عليه عاد باجر ان شاءالله أو اللي عقبه بشووته

 

[فارس العنزي]

الدار لهذا اليوم

BUY CONFIRMED​

 

[Q8Sun]

مبروكين على هالتداول الطيب و ان شاء الله يكمل دربه

 

[Q8 Stock]

السلام عليكم


دعم = 1.120 - 1.100

مقاومه = 1.200 - 1.220

 

[عنيد]

صيد من البورصة : 'دار الاستثمار' تسعى لإطلاق شركة تأمين تكافلي في مصر
29/07/2007 إعداد تامر حماد
ذكرت مصادر ذات صلة ان شركة دار الاستثمار تسعى لإطلاق شركة تأمين تكافلي يصل رأسمالها إلى 300 مليون جنيه مصري في جمهورية مصر العربية، مشيرة إلى أن 'الدار' تسعى للحصول على الموافقات المبدئية من الهيئة العامة للاستثمار بهذا الخصوص، وانها تستعد لاستكمال باقي الإجراءات المتعلقة بالتأسيس.
وأوضحت المصادر ان 'الدار' تعكف حاليا على دراسة السوق المصري ومدى استيعابه للمنتج التكافلي، وفقا لأحكام الشريعة الإسلامية ومن ثم مدى السقف المالي المتاح.
من جهة ثانية، أفادت المصادر بان الشركة تستعد حاليا للدخول في تحالفات واندماجات محلية وخليجية لتتمكن من المنافسة ومواجهة الكيانات الاقتصادية الكبرى التي باتت تفرض نفسها على أسواق المنطقة، مشيرة إلى أن الشركة تسعى حاليا إلى تأسيس شركات قائمة تضطلع كل منها بتنفيذ بعض المشاريع المحددة.​

 

[q8_chamber]

السلام عليكم


دعم = 1.120 - 1.100

مقاومه = 1.200 - 1.220

يا بو علي ياا حبيبي , ماكو داعي تحط الدعم والمقاومة

انا نسيت اسمي من كثر ما اقراااااه ​