شركة مشاريع الكويت القابضة ( مشاريع ) ... 2

[bo jasom]

واحد يسولف غيري خل احس ان الشركه موجوده بالسوق

 

[bo jasom]

في اشاعه تقول السهم بيوصل 1500

 

[bo jasom]

في اشاعه تقول السهم بيوصل 1500

من صجك بوجسوم دير بالك من الاشاعات

 

[bo jasom]

من صجك بوجسوم دير بالك من الاشاعات

اي ادري بس الشركه مو راضيه تتحرك من فتره ليش
ويوم تحركة (اقفال وهمي) اخر صفقه

 

[bo jasom]

اي ادري بس الشركه مو راضيه تتحرك من فتره ليش
ويوم تحركة (اقفال وهمي) اخر صفقه

يالله انشالله تصعد وتاخذ رزقك منها يا بوجسوم

 

[bo jasom]

يالله انشالله تصعد وتاخذ رزقك منها يا بوجسوم

انشالله الله يسمع مني

 

[nabeels8]

مساء الخير

يقال والله العالم حق المستثمر راح يعدي 2500 إللي يذكر أيام كنت أيب

أخبار مشمش هذي المعلومة من نفس الشخص بس يقول حق المستثمر

والله العالم​

 

[نجدي2]

هاهاهاها شفيك تكلم نفسك؟
جذي السهم خلاك اتهلوس ؟ خلاك تكلم نفسك
ترى سهمك ممتاز لا غبار عليه من انظف الشركات بالسوق استثمر ولا تحاتي ولا تفكر
وموفق بوجسوم

 

[bo jasom]

هاهاهاها شفيك تكلم نفسك؟
جذي السهم خلاك اتهلوس ؟ خلاك تكلم نفسك
ترى سهمك ممتاز لا غبار عليه من انظف الشركات بالسوق استثمر ولا تحاتي ولا تفكر
وموفق بوجسوم

شنسوي ياخوي الصفحه ميته محد راضي يسولف فيها صارلي يومين كل ما ارفعها ترد قري
لا والله مو من الشركه بس اخوك مضارب ودش بالغلط وحاب يطلع
ومشكور على المعلومه الي واصلتك من مشمش

 

[boursachi]

بو جسوم ضحكتني والله ذكرتني بصفحة استثمارات وطنية وغلوبل
ومعاك حق .. راضين علينا جماعة المشاريع البارحة مسكرينه 1120 بس افا عليك انت كنت متابع التداول؟ كل ما ياخذ من ال1100 يرد يحط زود .. نفس اخر مشاركة لي لم ذكرت ان نفس الحركة كانت مع 1120 .. وقبلها مع ال1080 .. يعني طوّف حركاتهم هذي, السهم مو مهيّت نفس ما ممكن يظهر لو الواحد يلقي نظرة سريعة وعالماشي
حبة حبة .. والا ترا النمو موجود وارباح برقان جيدة للربع الاول.. وعندك عقارات متحدة بلشت تتحرك.. والصراحة كثرت الاخبار عليها (متحدة) بس اذا فعلا الشركة بيكون عندها شركات عقارية جديدة ومشاريع تمام لنا.. وما يخفى عليك دخول المشاريع عليها بنسبة ظاهرة من كم اسبوع.. وهم عشان اطمنك اذكرك ببيعة خليج متحد على برقان والارباح المتوقعة ونسبة ملكية المشاريع في خليج متحد .. صج ان من مخبه ليه مخبه .. بس يامعود أنواط مو ورق فاضي

ارد واقول كلمتي بالاول: ان المبلغ الي انا دافعه في السهم اعتبره استثمار حق نفسي بدل دورات ومحاضرات تعلمت منه كثير شغلات وتعرفت على كامكو من خلالها.. والشركة ان شاء الله ما عليها خوف فبالعائد السهم حتى لو تثقل طينته يبقى واعد
وانا حاضر يا بو جسوم حق السوالف .. باجر نتابع التداول ونقعد لهم قعدة محترمة

 

[boursachi]

شايف الي انا شايفه بو جسوم؟

 

[boursachi]

وأنا أقووووووووول شالسالفة في مشاركة سابقة قلت: "السهم مو مهيّت نفس ما ممكن يظهر لو الواحد يلقي نظرة سريعة وعالماشي"

وينك يا بو جسوم بتيوزلك هالسالفة
هذي هي الملكية القديمة .. يعني من يومين:
‏0.09 % / غير مباشرة شركــة الـفتــوح للإســتثمــار / 43.73 %‏
‏%6.48 / غير مباشرة الشركة الامريكية المتحدة للخدمات العقارية / 6.48%‏
‏%6.95 / غير مباشرة بنك الخليج المتحد للأوراق المالية - البحرين / 6.95%

---

وهذه بعد تداول اليوم (10 يونيو)
‏0.09 % / غير مباشرة شركــة الـفتــوح للإســتثمــار / 47.1 %‏
‏%6.95 / غير مباشرة بنك الخليج المتحد للأوراق المالية - البحرين / 6.95%

وكما مبين .. خليج متحد للحين عنده نفس النسبة .. وتقليل (ولا اقول خروج) نسبة الامريكية المتحدة العقارية

ماذا يعني ذلك بلغة الارقام:
الحين 47.1 .. من بعد ما كانت 43.73 للفتوح للاستثمار .. 3.37% زيادة على 1,122,978,164 سهم قائم يعطينا 37,844,364 سهم زيادة.
اما الامريكية المتحدة .. 6.48% فيهم على الاسهم القائمة قريب ال73 مليون سهم ..
وفي اخر 5 ايام .. السهم تداول له تحت ال25 مليون بشوي

فمن وين يت ال37 مليون للفتوح؟ الصراحة مادري لأن ماذكر ان النسب تغيرت .. أقرب شي اقدر افكر فيه ان سايت البورصة يتأخر اكثر من اللازم مع بعض الاسهم ولا اقول كلها.. للاسف ماعرف شسالفة السايت والملكيات وما هي الالية المتبعة لتفقد التغيرات وكيفية تحديث البيانات ووفق اي جدول زمني ان وجد

المهم ان .. اعتقد مستبعد حيل خروج كلي للامريكية المتحدة العقارية والأرجح برايي المتواضع نسبة الى الواقع هي بيع اسهم وتخفيض النسبة الى ما دون ال5%
واما الفتوح للاستثمار وزيادة اسهمها .. فالصراحة من شفتها تطمنت على قواي العقلية وقلت زين يعني ما ينيت انا لم ألّزم ان فيه شي لأن الي يشوف التداول يقول السالفة فيها إن ولكن كل يوم بيوم ما نشوف اي تغيير..

شخصيا غير مفرط في التفاؤل لحد الان ولكن زادت الطمأنينة وان شاء الله هالمشاركة تنفعكم يا جماعة الخير

 

[bo jasom]

الله يعطيك العافيه على الاخبار جنك قاعد لهم قعده
والله انا ما يقثني الا لمه تخلص الكميه ويحط غيرها كل ما قلت هيه بياخذ من الي فوق يقولي اخاف صج بس وهذا شنو ويرقعني بـ 600 الف او اكثر

 

[boursachi]

الله يعافيك يابو جسوم واي ياخوي قاعد لهم خووووش قعدة .. مو بس هم, قاعد حق جم شركة وترا الذمة وسيعة اذا يبون يسكتوني خل يراسلوني ويصكوني بجيك سنع وأسكت .. ولك النصيفة

انا كنت نفسك استانس واقول خلاص لازم يتحرك .. خاصة ايام ما كانوا يعرضون فوق ال3 مليون مرة وحدة بال1120 من أوووول الصبح! كل ما خذا وشال مثلا نص المعروض .. يرد العرض يوصل 3 مليون بسرعة.. شفت كل يوم على هالحال فكانت هذي هي الاشارة الي خلتني اجيّك الملكيات لأني متعلم من اسهم اخرى هالحركة وانها ما تصير الا لتطفيش المضارب او التبادل بين محافظ ونقل ملكيات أو كلاهما في حين واحد

شخصيا لا ارى ما يدعو للخوف الحمدلله .. بس انا ادري واعرف الاحساس لم تشوف اسهم هني وهناك تشلع وانت تقول شفيه صاحبنا حاطه بوش وبس فالح لي يهوّس عالسليتر

 

[bo jasom]

جوف هذا الكلام من منتدى النوادي ومايندره :-
جاني خبر أمس بس شبه أكيد


ان الصناعات المتحده عندها عقد ملياري لشركه
تابعه لها بحدود 800مليون دينار


بس ماعطوني تفاصيل


علما بأن الموضوع فيه تكتم شديد
من المشاريع الأم

 

[بورصة نت]

شنو سالفت المشاريع

تداولات عاليه علي سعرين 1100 و 1120 هل في تبادل عالشركه والا خبر قوي

 

[boursachi]

بورصة نت
اقرا مشاركاتي السابقة هنا وان شاء الله تفيدك
واتوقع انه الزيادة ستستمر في نسبة الفتوح لكن لم تتحدث الى الان

نشوف بداية الاسبوع القادم
موفق

 

[بورصة نت]

شفت المشاركه

وأنا أقووووووووول شالسالفة في مشاركة سابقة قلت: "السهم مو مهيّت نفس ما ممكن يظهر لو الواحد يلقي نظرة سريعة وعالماشي"

وينك يا بو جسوم بتيوزلك هالسالفة
هذي هي الملكية القديمة .. يعني من يومين:
‏0.09 % / غير مباشرة شركــة الـفتــوح للإســتثمــار / 43.73 %‏
‏%6.48 / غير مباشرة الشركة الامريكية المتحدة للخدمات العقارية / 6.48%‏
‏%6.95 / غير مباشرة بنك الخليج المتحد للأوراق المالية - البحرين / 6.95%

---

وهذه بعد تداول اليوم (10 يونيو)
‏0.09 % / غير مباشرة شركــة الـفتــوح للإســتثمــار / 47.1 %‏
‏%6.95 / غير مباشرة بنك الخليج المتحد للأوراق المالية - البحرين / 6.95%

وكما مبين .. خليج متحد للحين عنده نفس النسبة .. وتقليل (ولا اقول خروج) نسبة الامريكية المتحدة العقارية

ماذا يعني ذلك بلغة الارقام:
الحين 47.1 .. من بعد ما كانت 43.73 للفتوح للاستثمار .. 3.37% زيادة على 1,122,978,164 سهم قائم يعطينا 37,844,364 سهم زيادة.
اما الامريكية المتحدة .. 6.48% فيهم على الاسهم القائمة قريب ال73 مليون سهم ..
وفي اخر 5 ايام .. السهم تداول له تحت ال25 مليون بشوي

فمن وين يت ال37 مليون للفتوح؟ الصراحة مادري لأن ماذكر ان النسب تغيرت .. أقرب شي اقدر افكر فيه ان سايت البورصة يتأخر اكثر من اللازم مع بعض الاسهم ولا اقول كلها.. للاسف ماعرف شسالفة السايت والملكيات وما هي الالية المتبعة لتفقد التغيرات وكيفية تحديث البيانات ووفق اي جدول زمني ان وجد

المهم ان .. اعتقد مستبعد حيل خروج كلي للامريكية المتحدة العقارية والأرجح برايي المتواضع نسبة الى الواقع هي بيع اسهم وتخفيض النسبة الى ما دون ال5%
واما الفتوح للاستثمار وزيادة اسهمها .. فالصراحة من شفتها تطمنت على قواي العقلية وقلت زين يعني ما ينيت انا لم ألّزم ان فيه شي لأن الي يشوف التداول يقول السالفة فيها إن ولكن كل يوم بيوم ما نشوف اي تغيير..

شخصيا غير مفرط في التفاؤل لحد الان ولكن زادت الطمأنينة وان شاء الله هالمشاركة تنفعكم يا جماعة الخير

بس سؤالي ليش زادوا

 

[bo jasom]

بورزاجي وينك اليوم راضي علينا يبب
بس مايطول باجر يزعل
ها شصار على فتوح اليوم جنك مو متحقطلهم

 

[boursachi]

بورزاجي وينك اليوم راضي علينا يبب
بس مايطول باجر يزعل
ها شصار على فتوح اليوم جنك مو متحقطلهم

هلا بو جسوم
لا مالك شغل بيقعد يبادل ويلملم ونوعه اذا بيشلع فوق ال1120 بيخرعنا عند وصول ال1180 يختبر ثقتنا فيه .. هذا رايي الشخصي .. وعلى فكرة قريت عن زيادة راس مال برقان؟ خل عينك على برقان هالاسبوعين

النسبة ياخوي من الخميس ما تغيرت ولكني اكاد اجزم انها بسبب تأخر ادارة البورصة وهالشي هذا سووه من قبل مع المال وايضا استثمارات وهم بعد مشاريع من خلال متابعتي .. ياخوي انا بس ودي اعرف من المسؤول عن تحديث البيانات والية ذلك + منو الي يكتب ويصيغ اعلانات البورصة؟
امانة يعني, ماتحس انه تعامل الادارة مع السوق كما الحال في أي ادارة في وزارة ما عليها لا حسيب ولا رقيب؟

من الي متابعه.. محد يقط 2 مليون سهم على طلب 25 الف وبعد ربع ساعة تلقاه مطلوب مرة ثانية بمئات الالاف الا والسالفة فيه ان واتفاق مسبق.. وان شاء الله الايام تثبت ذلك
تبادر الى ذهني امر اليوم وهو مدى التحكم بالسهم .. لاحظ هالشهر وكم اسبوع شالي صار بمؤشرات السوق .. وشوف صاحبنا شلون ولا كأنه معاهم

بس باجي نقعد نشيّر تواريخ نتوقع فيها كسر 1120 ان شاء الله صعودا او 1080 نزولا لا سمح الله في هالصفحة