حصري موضوع كامل عن جهاز E-go مشاكله وحلوله .

[mxxy]

أخ mxxy ,

أحب أن أوضح نقظة مهمة اذا سمحت. تقول أن معدل النقل بلغ 891 كيلو/ثانية (900 كيلو تقريبا) و هذا شي جميل و لكنك لم تصب عندما قارنته مع ماقالته زين و أن السرعة فاقت 7.2 حيث الرقم هذا بالميغا بايت أي 7200 كيلو و حيث أن الميغا = 1000 كيلو لذا نرى أن 891.014 كيلوبايت ما هي إلا شي قليل بالنسبة لما قيل.

السلام عليكم :

الله يهديك شككتني بعمري

أخوي الامور لا تحتسب بهذا الشكل , لو حبيت تشتري من كوالتي نت ومن زاجل ومن فاست لنك وقتلهم أبي سرعة 2 ميجا وهذا معناة ان يعطيك 250 كيلو بايت بالثانية وهو ما يسمى بالداونلود وبجذي اهمه يكوونون صادقين مع انفسهم ومعانه , او بالاحره أن هذا المعدل الطبيعي لسرعة اسمها ( 2 ميجا ) , فلو قلنه سرعة 7.2 ميجا فهذا معناة أن لازم يعطينه سرعة بمقدار 900 كيلو بايت بالثانية وهو ما يسمى بالداونلود , و بعد الاطلاع على آخر صورتين جم وصل التحميل ؟ وصل حوالي 891 كيلو بايت بالثانية وهذا معناة أن مشتركي الايجو خذو حقهم كااامل والاعلانات الي في الشوراع صادقة وليس دعاية , وغير الكلام هذا أرجو الدخول إلى هذا الرابط وقراءة موضوع رقم 1063


http://www.indexsignal.com/vb/showthread.php?t=65787&page=71


,,, وبعد أطلاعك للموضوع راح تلاحظ أن أحد الاعضاء قام بالمشاركة معانه وصور سرعته وهي 968 كيلو بايت بالثانية أي أن الايجو وصل 7.7 ميجا ,, فمثلا للتوضيح أن أي شركة لو بغت تعلن عن جهاز انترنت لديها أو ما شابه ما تقولك بالثانية جم يعطي لأ تقولك بشكل كلي للسرعة يعني مثلا وايد تسمعهم يقولون ( عندي دي أس أئل في البيت تقوله جم السرعة يقولك 512 كيلو بايت تقوله أنزين جم بالثانية يقولك 64 كيلو بايت بالثانية فهكذا تجري الامور

وشكرا للمشاركة معانه​

 

[يا باغي الخير]

اخي مكسي بارك الله فيك على جهودك ومعلومات القيمه التي افدت فيها الاخوان


اسمحلي اني اشارك معاكم في هذا الموضوع وادلي بدلوي


بالنسبه لسرعة الاشتراك وسرعة الداونلود في شغله احنا مو عارفينها


kbps
هذا المقياس لسرعة الاشتراك وحرف البي هنا لا يمثل كلمة بايت وانما كلمة بت

kBps

وهذا مقياس الداونلود وحرف البي الكبير هنا يمثل البايت



اذا ما الفرق بينهما

البايت والبت وحدتان تستخدمان في الاشتراك

البايت الواحد = 8 بت


لذلك تجد سرعة الداونلود 900 كيلو بايت تقريبا

بينما الشركة تقول الاشتراك سرعته 7.2 Mbps

قسم 7.2 على 8 يساوي 900 كيلو بايت


اما بالنسبه لاي اشتراك انترنت فمقياسه ليس البايت وانما البت
فالشركات عموما تقيس سرعة الاشتراك بالبت اللي اهو حرف البي الصغير

لكن الناس عبالها البت هو البايت وخذو الناس على هالموضوع


اتمنى اني وصلت المعلومه

 

[mxxy]

اخي مكسي بارك الله فيك على جهودك ومعلومات القيمه التي افدت فيها الاخوان


اسمحلي اني اشارك معاكم في هذا الموضوع وادلي بدلوي


بالنسبه لسرعة الاشتراك وسرعة الداونلود في شغله احنا مو عارفينها


kbps
هذا المقياس لسرعة الاشتراك وحرف البي هنا لا يمثل كلمة بايت وانما كلمة بت

kBps

وهذا مقياس الداونلود وحرف البي الكبير هنا يمثل البايت



اذا ما الفرق بينهما

البايت والبت وحدتان تستخدمان في الاشتراك

البايت الواحد = 8 بت


لذلك تجد سرعة الداونلود 900 كيلو بايت تقريبا

بينما الشركة تقول الاشتراك سرعته 7.2 Mbps

قسم 7.2 على 8 يساوي 900 كيلو بايت


اما بالنسبه لاي اشتراك انترنت فمقياسه ليس البايت وانما البت
فالشركات عموما تقيس سرعة الاشتراك بالبت اللي اهو حرف البي الصغير

لكن الناس عبالها البت هو البايت وخذو الناس على هالموضوع


اتمنى اني وصلت المعلومه

السلام عليكم ,, وشكرا اولا للمشاركة

فعلا ان مسمى ال kbps هي السرعة المعلنه لدى الشركات مثل ما نقول ( 7200kbps ) يعني 7.2 ميجا

ومسمى ( 900kBps ) يعني 900 بالثانية

لكن اخي ما اقدر اقول هذا الكلام لأن في ناس ما توصلهم المعلومه بالارقام ويترك الامر ويمشي لكن انه الي بقوله أن وبكل بساطه شركة زين يوم تقول ان الايجو سرعته 7.2 ميجا ما كانت تلعب بالاعلان او هو فن للتجارة لأ كل ما في الامر ان 7.2 معناة 900 كيلو بايت بالثانية , وانه سبق وحطيت صور تبين ان الايجو وصل معاي شخصيا 7.1 ويعني اخذت حقي كامل وسبق احد الاعضاء وضع صورة فيها السرعة 968 بالثانية يعني 7.7 ميجا

يا جماعة الي محتار بالارقام ,, لو قلنه مثلا ان الايجو يوصل بالثانية وليكن 750 فنقووم ونضرب 750 ب 8 يطلع الناتج 6000 وهو 6.0 ميجا وهكذا تجري الامور وكما وضح لكم اخونه ( يا باغي الخير) بشكل اخر عن كيفية قسمة سرعة الانترنت او ضربها

سبق وانشئت رزنامه فيها السرعات وكم تعطي ونشالله بسوي وحده ثانية تبين السرعة وكيفية حسابها​

وشكرا لك على مشاركتك

 

[mxxy]

ليش كل هذا النقاش ؟؟؟

اكيد يخطر في بال بعض الاعضاء او الزائرين ليــش احنه مهتمين وايد بموضوع الانترنت وخاصتا الايجو !!؟؟


ياجماعة الكمبيوتر يشكل الموبايل و المدرسة و الشركة و البورصة والتداول والفواتير والحسابات و و و إلخ

لذلك الشخص كلما كانت سرعة حاسوبه اسرع ومطور اكثر كلما قدر يسوي اشياء اكثر واسرع لكن لاحظ مايقدر يسوي اشياء اسرع إلا بالانترنت يعني لو كانت سرعة الانترنت عنده سريعة كلما حمل وشاهد وبحث واستمتع وانجز اسرع لذلك فآنه مهتم وايد وبعض الاعضاء هم بعد مهتمين لأنهم يعرفون القيمة , وكلما كان المستخدم على بينه اكثر كلما قلة خرابات الكمبيوتر وكلما قلل احتمالية الاختراق لجهازه وإلخ من الفوائد وعلى سبيل المثال آنه شخصيا أقدر أعرف ان في شخص اخترق جهازي بمجرد نظرة إلى رزنامة سرعة الانترنت خلال 4 ثواني فقط يعني لو مثلا في شخص الحين اخترق جهازي راح يظهر عندي بالرزنامه ان جهازي قاعد يصرف مثلا 40 كيلو بايت بالثانية بإستمرار مع اني متوقف عن استخدام الكمبيوتر او مثلا استخدامي مايستدعي أن الانترنت يصرف فيه 40 بالثانية فعلطول اعرف ان في احد متسلل في جهازي او على الاقل في برنامج قاعد يصرف من الانترنت عندي ولازم اعرف شنو اهوه !!!

ملاحظة كلمة الرزنامه : هي اداة ملحقة مع برنامج cfosspeed وهو الي يظهرلي نافذة او رزنامة وفيها سرعة الانترنت الي قاعد يفقدها ​

 

[الفنان2006]

صبحك الله بالخير اخوي mxxy

شرايك بالقطعة sierra wireless Air card 875 U

عندي صديق كانت لديه هذه القطعة على اشتراك mtc 7.2 بس قالي ان سرعة التحميل بطيئة وتساوي 30 KB/sec مع ان الاشتراك 7.2


والشكر موصول

 

[UNIX]

زين تقول سرعة تصل الى 7.2 يعني مو شرط 7.2 بالضبط

و الدليل عندي ما يوصل الى أكثر من 3 Mbps و جربته بوايد اماكن حتى يم جمعية مشرف.

و نفسهم الشركة يقولون ان الخط "شير" مو مثل الدي اس ال. الشير تنزل سرعته مع زيادة التحميل و عيال مشرف مو مقصرين فينا.

 

[mxxy]

صبحك الله بالخير اخوي mxxy

شرايك بالقطعة sierra wireless Air card 875 U

عندي صديق كانت لديه هذه القطعة على اشتراك mtc 7.2 بس قالي ان سرعة التحميل بطيئة وتساوي 30 KB/sec مع ان الاشتراك 7.2


والشكر موصول

نعم أخوي , الجهاز هذا يركب على الفيستا , وقبله نزلت اصدارات كثيرة والناس كانت تشتري منه وايد وبالهبل وكانت تحط شريحة الوطنية غالبا , وسرعته يقولك ان يستحمل 3.6 ميجا وقابل للتطوير إلى 7.2 لكن أخوي انت قاعد ادخل روحك متاهات مالها اول وله تالي لو كنت شاري القطعة وخالص فلها تحديث احتمال والله اعلم ان يخلي الشبكة تتحول من 3.6 إلى 7.2 وعلى العموم التحديث هذا من الشركة http://www.sierrawireless.com/resources/support/Software/vista/3G_Watcher_Generic_Build1437.ms

ودش واقره عنه http://edgemanuals.com/?page_id=6 آخر موضوع

انه يعني دائما لو بغيت اشتري شغله ما اشتريها واوهج نفسي يعني مثل ما تقول الايجو موجود اروح واشتري بسعر أغله ويمكن تتطلعلي فيه مشاكل وإلخ لييش ؟ الايجو موجود , لكن القطعة السابقة تشتغل على اي دولة وبدون أستثناء وهي سبق وان اطرحت
منتجات وانه شريتها لكن الحجي هذا اول لكن الحين لا والله مالي غير الايجو لأن الجهاز نفسه ما عليه مشاكل ويذا على ان الايجو مقفول ومحصور لشركة زين ب 10 دنانير ممكن تشغل فيها باي دولة ,, وعلى سبيل المثالي اشتر قطعة الايجو من شركة الهواوي الرسمية وراح تلاحظ ان يشتغل بأي دولة وعلى اي شركة

, بالنسبة لصاحبك , قوله اهوه متأكد ان الشريحة الي عنده مالت الايجو ؟ قوله خلي يحط شريحة مالت الايجو ويجرب وخله يتأكد ان السرعة ماتزيد عن 30 بالثانية


اختصرلك الموضوع ان الحين تنوعت المنتجات والكل يقول الزود عندي لكن لو شريت من الهواوي فهذا افضل

 

[mxxy]

زين تقول سرعة تصل الى 7.2 يعني مو شرط 7.2 بالضبط

و الدليل عندي ما يوصل الى أكثر من 3 Mbps و جربته بوايد اماكن حتى يم جمعية مشرف.

و نفسهم الشركة يقولون ان الخط "شير" مو مثل الدي اس ال. الشير تنزل سرعته مع زيادة التحميل و عيال مشرف مو مقصرين فينا.

طبيعي اخوي وما ختلفنه , يعني مهمه كان انت قاعد تدفع أقل الاسعار وانت شاري الايجو بأقل سعر , والجهاز متنقل بين احشاء الكويت وانت مو بروحك بالكويت , والاعلان يقول أسرع جهاز انترنت متنقل بالكويت وتصل سرعته 7.2 , خلاص اخوي شرايك عطني 3 ميجا وروح اشتر من الوطنية او الكوالتي نت او زاجل ؟؟؟ قولي جم اعلى سرعة عندهم وجم اسعارهم ,,, احنه مالنه شغل بالدول الثانية احنه نقيسها على مستوى الشركات الموجودة بالكويت ومثل منت شايف كل واحد فيهم يقول الفشل والخيبه عندي 3 ميجا أو حتى 2 ميجا مقابل 30 دينار كاقصى حد بالشهر وايد كافي وناهيك عن هالموضوع ان اهوه قاعد يوصل عند بعض الناس 5.2 او 5.0 او 4.6 ميجا ؟؟ ممتاز ؟ وفي برامج التحميل قاعد يدبل عندك ,,,, وليش تروح بعيد جايز انت في بيتكم سرعته 3 ميجا لكن لو رحت بسيارتك عند نقطه معينه سريعة راح يوصل معاك 5.2 ميجا او 5.5 او 6.3 ميجا واعتقد هذا الصواب , لا شك لو قلنه دي أس أئل 7.2 مقابل 7.2 وايرلس اكيد الدي أئ أسئل اسرع نسبيا

وشكرا

 

[sa3aad]

طبيعي اخوي وما ختلفنه , يعني مهمه كان انت قاعد تدفع أقل الاسعار وانت شاري الايجو بأقل سعر , والجهاز متنقل بين احشاء الكويت وانت مو بروحك بالكويت , والاعلان يقول أسرع جهاز انترنت متنقل بالكويت وتصل سرعته 7.2 , خلاص اخوي شرايك عطني 3 ميجا وروح اشتر من الوطنية او الكوالتي نت او زاجل ؟؟؟ قولي جم اعلى سرعة عندهم وجم اسعارهم ,,, احنه مالنه شغل بالدول الثانية احنه نقيسها على مستوى الشركات الموجودة بالكويت ومثل منت شايف كل واحد فيهم يقول الفشل والخيبه عندي 3 ميجا أو حتى 2 ميجا مقابل 30 دينار كاقصى حد بالشهر وايد كافي وناهيك عن هالموضوع ان اهوه قاعد يوصل عند بعض الناس 5.2 او 5.0 او 4.6 ميجا ؟؟ ممتاز ؟ وفي برامج التحميل قاعد يدبل عندك ,,,, وليش تروح بعيد جايز انت في بيتكم سرعته 3 ميجا لكن لو رحت بسيارتك عند نقطه معينه سريعة راح يوصل معاك 5.2 ميجا او 5.5 او 6.3 ميجا واعتقد هذا الصواب , لا شك لو قلنه دي أس أئل 7.2 مقابل 7.2 وايرلس اكيد الدي أئ أسئل اسرع نسبيا

وشكرا

اخوي مكسي الحين اهم يقولون استخدام بدون قيود وبعدين يقولون اللي يطوف الـ 30 جيجا راح تنزل سرعته (واذا نزلت راح تكون 128 يعني خافسين بالاشتراك ) ما تعتقد ان هذا ضحك على العقول ؟ الثلاثين هذي مو حد ؟ ولا الحدود اللي يقصدونها غير !!

السالفه فيها نصب على الناس

الصراحة شركة زين خارتها حيل ومصختها زياده عن اللزوم

وعلى فكرة اذا دزيت مسج من الايقو راح يحسب عليك 50 فلس مو 20

والله يستر ما ندري شنو راح يطلعون لنا فيه بعد

 

[Ali Baba]

كلهم نصب .... مالك الااا البيتوووتي .... واشتراك القهوى

موفقين

 

[mxxy]

اخوي مكسي الحين اهم يقولون استخدام بدون قيود وبعدين يقولون اللي يطوف الـ 30 جيجا راح تنزل سرعته (واذا نزلت راح تكون 128 يعني خافسين بالاشتراك ) ما تعتقد ان هذا ضحك على العقول ؟ الثلاثين هذي مو حد ؟ ولا الحدود اللي يقصدونها غير !!

السالفه فيها نصب على الناس

الصراحة شركة زين خارتها حيل ومصختها زياده عن اللزوم

وعلى فكرة اذا دزيت مسج من الايقو راح يحسب عليك 50 فلس مو 20

والله يستر ما ندري شنو راح يطلعون لنا فيه بعد

أهمه خلووك على بينه وقالولك إيذا تعديت ال 30 جيجا راح يقللون عليك السرعه فأين النصب ؟ ؟ حطولك اياها بالموقع الرسمي مالهم + أن اي واحد يبي يفتح الخط يقولوله أنت اشتراكك مفتوح لكن لو تعديت ال 30 جيجا راح نقلل عليك السرعه فأين النصب ؟؟

يعني اخوي لازم فيه ضوابط وشروط تكون ملحقه بالاشتراك , غير جذي ان محد لحد الان مر علي تعده 23 جيجا بالشهر انه ما شفت من شهر 2 إلى هذا الوقت محد تعده ال 23 جيجا .

وبعدين اخوي كلمة استخدام بدون قيود ما يقصدون فيها الكمية او الحجم لأن اخوي الناس تبي السرعة والاداء والجهاز وكل ما هو من المميزات المفتووحه والسريعة لكن ما يقصدون فيها الكمية بعينها , يعني اخوي لو قالولنه ان الاشتراك مفتوووح هم بعد ما راح تتعده ال 30 جيجا وانه متأكد من كلامي سبق ان قلت ان انت خلال 6 ايام حملت 7 جيجا او 8 مادري ناسي بالضبط شكثر لكن لوو ييتك وقتلك جم الحجم النهائي عندك راح تقولي ماتعده ال 30 جيجا ؟ ,,, مو مشكلة لنفرض انك انت تستخدم الانترنت 24 ساعة وتحمل افلام كبيرة وبرامج كبيرة وتاجر فيها وإلخ يا أخي اشتر 2 إيجو مو واحد يعني افتحلك خطين مو معقوولة 60 جيجا بالشهر مو كافي ؟؟؟؟؟ انت جم الهاردسك الي عندك ؟

-------------------

أخوي آنه عندي جهاز بعرضه لكم تحت عنوان

جهاز أنترنت متنقل سريع , قيمة الاشتراك 27 بالشهر وسرعته 7.2 بدون قيوود

أنت كالزبون راح تسوي شغلتين

1- أنك راح تسأل الناس وتستفسر والناس راح تقولك أن لو تعديت ال 30 جيجا يقللون السرعة عليك لي مدة شهر كامل ومن بعدها يرجع طبيعي

2- أو انك ادش موقع شركة زين وتقره عن الموضوع وراح تعرف التفاصيل

3- لو انت ما سويت هالشغلتين ومو من طبعك انك تسوي هالشغلتين أكيد أكيد أكيد عند ذاهبك وشرائك للجهاز راح الموظف يقولك عن الموضوع ولا يمكن يعيده لك مرتين

تعتقد الكنترول نذل مثلا , لا طبعا لكن اي شركة ما تسوي ضوابط الدنيا راح تصير فووضه وسمهلله

وبعدين أخوي يعني تبي سرعة تتعده 2 ميجا + جهاز رخيص + اشتراك مفتووح دون تحديد سرعة + اكثر من مشترك ويفووق عددهم ال 30 ألف مشترك على سبيل المثال = 27 دينار بالشهر فققققط ؟؟؟ انه اقوول خلي شركات الانترنت الثانية تسكر احسلها


لا تعتقد اني واحد احب اعاند او ما شابه لكن هم حقاني , وكل واحد فينه يطالع من شكل إلى آخر

 

[sa3aad]

انا بالنسبة لي يو اخذت الاشتراك بو 27 ماكانوا معلنين عن هالشرط بعدين اهم قالوا غير محدوووووود !!!

وانا عن نفسي منزل 36 جيجا بشهر 11 والصراحة انا ما دفعت ال 27 الا على سرعة 7.2 وغير محدود

مع العلم ان السرعه في الغاااااااالب ما توصل 2 مبجا رضينا فيها
وحطوا شرط اللي يتعدى 30 جيجا ينزلون سرعته هم رضينا
اما مسالة ينزلونها لغاية 128 كيلو يعني الداون لود حده 16 كيلوبايت بالثانية هذا شي ما ينسكت عنه

انت اشتراكك 20 وما تنزل والسرعة عندك دائما توب ما الومك اما شوف باقي الناس

ليش الكل لايعه جبده من هالشركة واشتراكها ؟

انا معاك ان السرعه زينه ورخيصة بس في شغلات تطلعها الشركه من جبد الواحد

مليت وانا اقدم شكاوي ومليت وانا اراكض وراهم بس ماكو فايدة

دام الشركه مو قد سرعة 7.2 ليش يعلنون عنها ويترسون اعلاناتها بالشوارع

هذول ناس يفكرون بالفلوس قبل كل شي

لو مو الشرط الجزائي 55 دينار جان شفت مشتركين ينعدون على الاصابع

 

[mxxy]

انا بالنسبة لي يو اخذت الاشتراك بو 27 ماكانوا معلنين عن هالشرط بعدين اهم قالوا غير محدوووووود !!!

وانا عن نفسي منزل 36 جيجا بشهر 11 والصراحة انا ما دفعت ال 27 الا على سرعة 7.2 وغير محدود

مع العلم ان السرعه في الغاااااااالب ما توصل 2 مبجا رضينا فيها
وحطوا شرط اللي يتعدى 30 جيجا ينزلون سرعته هم رضينا
اما مسالة ينزلونها لغاية 128 كيلو يعني الداون لود حده 16 كيلوبايت بالثانية هذا شي ما ينسكت عنه

انت اشتراكك 20 وما تنزل والسرعة عندك دائما توب ما الومك اما شوف باقي الناس

ليش الكل لايعه جبده من هالشركة واشتراكها ؟

انا معاك ان السرعه زينه ورخيصة بس في شغلات تطلعها الشركه من جبد الواحد

مليت وانا اقدم شكاوي ومليت وانا اراكض وراهم بس ماكو فايدة

دام الشركه مو قد سرعة 7.2 ليش يعلنون عنها ويترسون اعلاناتها بالشوارع

هذول ناس يفكرون بالفلوس قبل كل شي

لو مو الشرط الجزائي 55 دينار جان شفت مشتركين ينعدون على الاصابع

اخوي اي عقد جزائي تتكلم عنه الناس اصلا ناسين الموضوع بتاتا , وال 55 دينار اصلا ما لها اي معنه او مثل ماتقول اعتبر نفسك من البداية شاريه 135 دينار انه اول ما شتركت قالولي تبي تدفع 60 للجهاز وتاخذه لكن بعقد جزائي او تقدر تحط 135 دينار ونعفيك عنها واعتقد الكلام هذا نقال حق المشتركين الاوائل الي شتركو يعني قصدي اقولك مو ال 55 دينار الي توقف الناس عن قطع الاشتراك وله ونها مبلغ وقدره لكن خل الناس يعتبرون نفسهم انهم دافعينها من قبل ,, اخوي عدد المشتركين تره ماهم 30 ألف مثل ما قلت اكثر اكثر اكثر اكثر ,, في برنامج نستخدمه للإختراق الاجهزة يفحص البورتات المفتوحه وعن طريق الايبيات انه بروحي بروحي بس شفت 9040 مشترك كانو شابكين الساعة 4 العصر فما بالك كل المشتركين ؟؟ وتعتقد كلهم عاجزين عن الدفع 55 دينار واصلا بعد سبوعين راح يحل موعد ال 55 دينار يعني تعتبر مدفووعه وطبعا لبعض المشتركين مو كلهم القدم وايد بس , والله اخوي شقولك انت متضرر , انت من الناس المتضررين وهم في نفس الوقت وملاحظ انك من الناس الي يحبون الكمبيوتر فآنه انصحك ومن بعد ما تضبط امورك مع الايجو يا نك تقطعه او تشتري ايجو ثاني لأن إيذا انت توصلها لي 36 جيجا ؟

 

[sa3aad]

والله يا مكسي الاشتراك حلو بس مو معاي انا لان افضل سرعة توصل معاي بالدوام والبيت 1.8 تقريبا واكثر الاوقات 1.2 وانا اقولك مره وصلت معاي 5.8 بس بمكان ما اشبك منه دايما

لو ان عندي بالبيت او بالدوام توصل حق 5.8 جان مسكتها بايديني وضروسي

انا الحين صارلي 8 ايام والسرعه 128كيلوبت يعني ولا شي وهذي بسبب المشكله اللي قلتلك عنها انهم منزلين علي السرعه بالغلط ومضطر انطر لغايت اسبوع زياده عالاقل

طبعا راح اطالب بتسويه وتعويض عن الايام اللي راحت عالفاضي

يمكن من كثر ما انا مقهور قاعد اذم الاشتراك والشركة بكبرها

والله كريم

 

[mxxy]

والله يا مكسي الاشتراك حلو بس مو معاي انا لان افضل سرعة توصل معاي بالدوام والبيت 1.8 تقريبا واكثر الاوقات 1.2 وانا اقولك مره وصلت معاي 5.8 بس بمكان ما اشبك منه دايما

لو ان عندي بالبيت او بالدوام توصل حق 5.8 جان مسكتها بايديني وضروسي

انا الحين صارلي 8 ايام والسرعه 128كيلوبت يعني ولا شي وهذي بسبب المشكله اللي قلتلك عنها انهم منزلين علي السرعه بالغلط ومضطر انطر لغايت اسبوع زياده عالاقل

طبعا راح اطالب بتسويه وتعويض عن الايام اللي راحت عالفاضي

يمكن من كثر ما انا مقهور قاعد اذم الاشتراك والشركة بكبرها

والله كريم

واللهي شووف اهيه صارت غلطه وحتى لو الغلطه ما تصحلت بسرعة بحكم الظروف الياية مثل العيد الاضحى , لكن على الاقل يعووضونك عن الايام الي فاتت لأن الغلط واضح منهم ولازم يعووضونك بإعفائك عن رسوم الفترة هذي او تدفع نص المبلغ ... إلخ

وبالنسبة للسرعة انت تقول توصل معاك 1.2 ,, بذمتك ايهو حسن 1.2 وله 512 وفووق جذي ان لو تحركت من مكانك ورحت مثلا القهوة تبي تغير جو توصل 3.5 او 4.6 و 5.2 وهذا بالنسبة لك وبالنسبة لنه الحمدلله متمتع بالانترنت معدلها عندي 4.6 وتوصل 5.2 وفي برامج التحميل تتدبل حتى توصل 750 بالثانية ,,,, لكن الصراحه لازم يعووضونك وعيب عليهم لو ما عووضوك وله ونها فيها صعووبه عليهم لكن هم لازم ينضربون ويعووضونك

 

[الهاجـري]

انا بالنسبة لي يو اخذت الاشتراك بو 27 ماكانوا معلنين عن هالشرط بعدين اهم قالوا غير محدوووووود !!!

وانا عن نفسي منزل 36 جيجا بشهر 11 والصراحة انا ما دفعت ال 27 الا على سرعة 7.2 وغير محدود

مع العلم ان السرعه في الغاااااااالب ما توصل 2 مبجا رضينا فيها
وحطوا شرط اللي يتعدى 30 جيجا ينزلون سرعته هم رضينا
اما مسالة ينزلونها لغاية 128 كيلو يعني الداون لود حده 16 كيلوبايت بالثانية هذا شي ما ينسكت عنه

انت اشتراكك 20 وما تنزل والسرعة عندك دائما توب ما الومك اما شوف باقي الناس

ليش الكل لايعه جبده من هالشركة واشتراكها ؟

انا معاك ان السرعه زينه ورخيصة بس في شغلات تطلعها الشركه من جبد الواحد

مليت وانا اقدم شكاوي ومليت وانا اراكض وراهم بس ماكو فايدة

دام الشركه مو قد سرعة 7.2 ليش يعلنون عنها ويترسون اعلاناتها بالشوارع

هذول ناس يفكرون بالفلوس قبل كل شي

لو مو الشرط الجزائي 55 دينار جان شفت مشتركين ينعدون على الاصابع

انا امس ماخذ ego ابو 27 دينار واللي سوالي المعاملة صديق وقالي انه مفتوح

وبالنسبة للشرط الجزائي تكنســـــــــــــــــــــــل واللي يبي يبطل إشتراك يقدر في اي وقت

 

[الفنان2006]

مشكور ما قصرت اخوي mxxy وراح أتواصل وياك ان شاء الله

 

[mxxy]

انا امس ماخذ ego ابو 27 دينار واللي سوالي المعاملة صديق وقالي انه مفتوح

وبالنسبة للشرط الجزائي تكنســـــــــــــــــــــــل واللي يبي يبطل إشتراك يقدر في اي وقت

أولا شكرا على المشاركة ,

ثاني شي ما شاء الله العقد الجزائي تكنسل قبل الموعد المحدد وهو شهر 2 ​

 

[sa3aad]

ها مكسي شرايك نروووح نكنسل مع بعض

بس لو نكنسل وين نروح

الوطنية جم توصل السرعة عندهم وهل عندهم 30 جيجا بعد ؟

 

[sa3aad]

انا امس ماخذ ego ابو 27 دينار واللي سوالي المعاملة صديق وقالي انه مفتوح

وبالنسبة للشرط الجزائي تكنســـــــــــــــــــــــل واللي يبي يبطل إشتراك يقدر في اي وقت

فعلا تكنسلت توني مكلم 107 وسالتهم عن ال 55 قالي الموظف خلاص تكنسلت

تمام لاني ان شاء الله راح اسافر واقعد تقريبا 3 شهور برا وحرام يمشي الاشتراك عالفاضي

الحين ماكو عالفاضي

الحمدلله هذي مشكلة وانحلت