بالنسبة لمسألة التحميل اعتقد نحلت لان على كل جيجا واحد دينارين !! شويه مو جذي ؟
بالنسبة حق التحميل وايد اخوي تدري جم وصل عندي التحميل خلال شهرين وثلاثة أسابيع 37.5 جيجا = أستعمال مفرط + تحميل 9 أفلام + تحميل أكثر من أصدار للويندوز وللأوفيس وهسوالف الويندوز بروحه حجمه 2.5 والاوفيس 4.2 وكلساعه أعيد التحميل وانه شغلي وايد وايد بشكل غير متوقع يعني شخلته شخال الجهاز لوول وكل هذا ادفع بالشهر بس 20
خلك مني انه انه شغلي شغل نسخ سيديات وهالسوالف يعني استعمالي غير افتراضي وغير متوقع أبدا لكن تعال شووف الناس الثانين آنه متأكد متأكد أن بالشهر مايتعدى مايتعدى ال 8 جيجا أو بالكثير بالكثير 10 جيجا يعني تغريبا يدفع 16 دينار على 5 جيجا و5 ثانية ب 10 دنانير يعني المجموع 26 دينار مقابل 390 بالثانية
الوطنية ممتاز بعد لكن شالفايدة السرعه ما تتعدى ال 112 بالثانية وماراح تزيد
كلامك حلو بالنسبة للي ما ينزل ملفات كثيرة !!
لكن بالنسبة لي :
5 جيجا تنتهي عندي في أقل أسبوع !!
يعني كل شهر راح أدفع دبل اشتراكي مرتين !!
عموماً :
أنا حسبتها حسبة بسيطة وطلعت عندي كالآتي :
الوطنية والاتصالات تقريباً تكلفتها نفس الشي !!
في الوطنية :
القطعة 99 دينار + الاشتراك 28 ( سرعة 120 كيلو كحد أقصى ) = 127 دينار مبدئياً مع تحميل مفتوح !!
في الاتصالات :
القطعة 60 دينار + الاشتراك 16 دينار ( سرعة 390 حسب كلامك ) = 66 دينار مبدئياً !!
127 دينار ( الوطنية ) - 66 دينار ( الاتصالات ) = 61 دينار ( الفرق بين الشركتين )
61 دينار = 30 جيجا ونص ( زيادة التحميل عند الوطنية = غير الـ 5 جيجا عند الاتصالات ) !!
هذا في أول شهر !!
بعد الشهر الأول راح يكون الفرق :
28 دينار ( اشتراك الوطنية ) - 16 دينار ( اشتراك الاتصالات ) = 12 دينار ( 6 جيجا عند الاتصالات غير الـ 5 جيجا المجانية ) !!
زبدة الحسابات هذي كلها :
في أول شهر راح تلقى إن الاتصالات أفضل من الوطنية وأوفر وأسرع !!
لكن بعدين لازم تحسب حسابك إن الوطنية قد تكون أغلى إذا ما تعدى تحميل الصفحات والملفات عندك في اشتراك الاتصالات 11 جيجا ( 5 جيجا مجانية + 6 جيجا ) !!
المشكلة كلها في التحميل الكثير !!
مشكلة الاتصالات هذا الابتزاز في تحديد التحميل !!
لولا ذلك لما ترددت في الاشتراك في الاتصالات !!
ليش هالابتزاز ؟؟؟
مع إنهم ما راح يخسرون فلس واحد من تنزيلنا للملفات ولا راح يكلف عليهم شي !!
شركات الانترنت كواليتي وغيرها عمرها ما سوّت هالحركة !!
لا ، لازم نطلع الفلوس بأي طريقة :
على كل جيجا دينارين !!
بهالطريقة نعرف نطلع مثل الوطنية وأكثر !!
ابتزاز ما بعده ابتزاز !!