حصري موضوع كامل عن جهاز E-go مشاكله وحلوله .

[caca]

السلام عليكم

الله يعطيك العافيه اخوى ماكس على المجهود الرائع......
انا كان كان عندى اشتراك الدي أس أل 1 ميجا سرعة....
واهدانى واحد من الربع القطعه وسوية اشتراك مع زين يعنى تونى صارلى اسبوعين ...
لاحظة السرعة واجد احسن وفرق كبير وهناك ميزه ثانيه حرية التنقل وين ماتبى تروح تقدر تشبك....
اخوى ماكس ابى اعرف اذا خلصت 30جيجا كم راح تكون السرعة ....
والقطعه الى عندى 3.6 اذاطورتهاا الى 7.2 هل راح تزيد السرعة الحاليه او ما احتاج اطورهاا ....
واكون شاكرلك....

 

[sa3aad]

رد

الله يعطيك العافيه اخوى ماكس على المجهود الرائع......
انا كان كان عندى اشتراك الدي أس أل 1 ميجا سرعة....
واهدانى واحد من الربع القطعه وسوية اشتراك مع زين يعنى تونى صارلى اسبوعين ...
لاحظة السرعة واجد احسن وفرق كبير وهناك ميزه ثانيه حرية التنقل وين ماتبى تروح تقدر تشبك....
اخوى ماكس ابى اعرف اذا خلصت 30جيجا كم راح تكون السرعة ....
والقطعه الى عندى 3.6 اذاطورتهاا الى 7.2 هل راح تزيد السرعة الحاليه او ما احتاج اطورهاا ....
واكون شاكرلك....

اخوووي اذا طفت ال 30 جيجا راح تنزل السرعة لغاية 128 وراح يصير الداونلود 16 اسرع من كرت التلفون العادي بشوي
اما القطعة اذا كانت سوده اهي مطورة وخالصة واذا كانت زرقاء تقدر تطورها وماراح تفرق معاك وايد وراح تطلعلك اذا شبكت 7.2

 

[caca]

السلام عليكم

اخوووي اذا طفت ال 30 جيجا راح تنزل السرعة لغاية 128 وراح يصير الداونلود 16 اسرع من كرت التلفون العادي بشوي
اما القطعة اذا كانت سوده اهي مطورة وخالصة واذا كانت زرقاء تقدر تطورها وماراح تفرق معاك وايد وراح تطلعلك اذا شبكت 7.2

مشكور اخوى sa3aad على الاجابة الوافية....

 

[nawaa]

الغالى مكسى تاريخ 1 بيشيلون الحظر عنى الأشتراك علشان مانتوهق مرة ثانية شنوا توصينى وتوصى الأخوان للمرة الثالثة والثالثة ثابتة ومشكور mxxy

 

[mxxy]

الغالى مكسى تاريخ 1 بيشيلون الحظر عنى الأشتراك علشان مانتوهق مرة ثانية شنوا توصينى وتوصى الأخوان للمرة الثالثة والثالثة ثابتة ومشكور mxxy

شهر 2 القادم أحتمال أنهم راح يشيلون لكم ال 30 جيجا او يعدلون فيها بعض الامور طبعا المعلومه هذي كانت من شخص له أيد فالموضوع هذا لكن ما اوعدكم انهم راح يشيلون ال 30 جيجا لكن في أمور راح تتضح في شهر 2 واساسا شركة زين دائما في شهر 2 تطرح أمور كثيرة فهل هذا اكيد او غير اكيد هذا الي راح يبين تاريخ 5 - 2 من الشهر القادم ،،،

 

[Q8fEver]

اخوي انت شنو حاط بالملف حملته وله ملف برنامج الريل بلير ,, وبعدين اخوي إيذا الوطنية أصلا سرعة بالداونلود ما تعدت 290 كيلو بايت بالثانية شلون تبي يكون الرفع 330 بالثانية ؟؟؟ ,, سامحني اصلا انه مو فاهم انت عن شنو تتكلم . فوضح

ادري بس بالغلط صار جذي وانرفع بالصج الملف خلال تقريبا 4 دقايق
واهو المفروض ينرفع أقل شيء في نص ساعه او ساعه

 

[الوداع]

السلام عليكم
اخوي ميكسي انا لحد الان ولآخر الشهر اليوم محمل 22 غيغا وعقب باجر ندخل بالشهر اليديد يعني هل راح تتجدد مساحة التحميل عندي في بداية كل شهر يديد ؟

 

[اقتصاد77]

خدمه الانترنت ( ايقو ) تعبانه من امس
واتصلت على الشركة وقالولي بانه مشكله عالميه بالانترنت نت

بصراحه ضحكت ( عذر اقبح من ذنب )

 

[white soul]

خدمه الانترنت ( ايقو ) تعبانه من امس
واتصلت على الشركة وقالولي بانه مشكله عالميه بالانترنت نت

بصراحه ضحكت ( عذر اقبح من ذنب )

اعتقد كلامهم في نوع من الصحه

لان اهل ال دي اسل ال وال ديل اب نفس الشي حصل عندهم مشاكل امس واليوم

واليوم الاخوه بموضوع متابعة التداول كانو يشكون من بطئ النت​

 

[UNIX]

اللينك مال كيمز طايح.. احنا بالتمويل و ماعندنا انترنت

 

[mxxy]

خدمه الانترنت ( ايقو ) تعبانه من امس
واتصلت على الشركة وقالولي بانه مشكله عالميه بالانترنت نت

بصراحه ضحكت ( عذر اقبح من ذنب )

أخوي كلامهم صحيح آنه أمس كنت رايح بجامعة يم الفنار وكنت شابك هناك وكانت السرعة مو مثل عادتها كانت بطيئه

 

[mxxy]

السلام عليكم
اخوي ميكسي انا لحد الان ولآخر الشهر اليوم محمل 22 غيغا وعقب باجر ندخل بالشهر اليديد يعني هل راح تتجدد مساحة التحميل عندي في بداية كل شهر يديد ؟

اي نعم نهاية يوم الخميس ( صباح الجمعة ) راح يتصفر التحميل عندك وتكون عندك مساحة جديدة 30 جيجا

 

[mxxy]

اللينك مال كيمز طايح.. احنا بالتمويل و ماعندنا انترنت

الايجو عادتا وغالبا يوصل معاي 4.4 ميجا , امس كان حده 1.2 ميجا لكن بعدين رجع طبيعي

 

[Cha3bar]

السلام عليكم

كنت مسافر وقبل شوي بس رجعت وشبكت ولا الإنترنت بطيء .. بعد البحث تبين إن المشكلة تعم شبه الجزيرة العربية وأجزاء من مصر والمشكل من الكيبل البحري الرابط فيما بينهم .. المشكلة قد تستمر لبضعة أيام لكن إن شاء الله إبتداءا من الليله أغلب الشركات راح تكون مشغله بدائل تعيد الخدمة لمستوى يفوق 80% من ذي قبل

كيمز كانوا دون فعلا ..

http://news.bbc.co.uk/2/hi/technology/7218008.stm

 

[mxxy]

تذكير

السلام عليكم

طبعا نظرا لعدم شفافية موضوع ال 30 جيجا في الوقت الراهن لازم تكونون عارفين أهمه يبتدون يحسبون من تاريخ كذا إلى تاريخ كذا وشنو اهيه الطريقة السليمة الي تخلينه ما نتعده ال 30 جيجا وهذا الحجي الحين لأن في المستقبل يمكن يلغون سالفة ال 30 والله أعلم .


يبدأ العداد من أول الشهر في 1-1 إلى 31-1 وفي الفترة هذي لك 30 جيجا فقط ولي يتعده ال 30 جيجا تقل سرعة وهذا الحجي حق كل مشتركين الإيجو ,

توضيح : كنترول شركة زين للإيجو يبتدون يحسبون الكمية المحمله من الملفات ولكل المشتركين من أول الشهر إلى آخر الشهر ومن ثم يتم تصفير العداد والي تعده ال 30 جيجا راح يقللون سرعة والي ما تعده الي 30 جيجا ما يقللون سرعة ,, وطبعا 30 جيجا هذي مو شوية , فيها حوالي 50 فلم ذو جودة عالية ,, أو 50 ألف غنية بصيغة رام , وعلى حسب الأستعمال .

وعلشان نكون أحنه عارفين جم حملنه خلال هالفترة هذي , نسوي الاجراء التالي لكن الاجراء هذا ما نسويه الحين نسويه في بداية الشهر يعني مثلا اليوم 2008-1-20 ماراح نسوي شي لأن يعتبر نصف الشهر لكن لو صار تاريخ 2008-2-1 لازم كلنه نصفر قاعدة البيانات وطبعا القاعده وهميه لكن هم دقيقه في الحسابات إلى أن يحل الشهر الي وراه تاريخ 2008-3-1 هم نرد ونصفر قاعدة البيانات واحنه نسوي جذي علشان نعرف جم حملنه خلال ال 30 يوم وما نتوهج أو نقع في فخ تقليل السرعة , شنسوي بعد الي يبي الحلو لازم يتعنه شوي , المهم الطريقة في الصور









ملاحظات هــامة :

1 - لا تقم بالتصفير مرتين أو ثلا مرات في الشهر , علشان لا تتخربط

2 - شركة زين ما تعترف بهذي الحركة لأن هذي الحركة غير رسمية لكن تخلي المشترك على بينه

3 - أكرر , يبتدي موعد حسب الكمية المحمله من أول الشهر إلى آخر الشهر ولكل المشتركين

4 - لا تقم بالتصفير من اليوم , بل قم بالتصفير من بداية الشهر القادم يعني مثلا 2008-2-1

5 - ما بين كل فترة وفترة يفضل أنك تشوف جم وصل تحميلك , ومكانه كما مشار إليه بالسهم بالصورة​

ملاحظة : أحتمال أن في بداية شهر 2 يلغون شي اسمه 30 جيجا ويكون مفتوح أو يغيرون شي بشكل أفضل لكن في كل حال طبقو هذا شي احتياط

 

[mxxy]

السلام عليكم

كنت مسافر وقبل شوي بس رجعت وشبكت ولا الإنترنت بطيء .. بعد البحث تبين إن المشكلة تعم شبه الجزيرة العربية وأجزاء من مصر والمشكل من الكيبل البحري الرابط فيما بينهم .. المشكلة قد تستمر لبضعة أيام لكن إن شاء الله إبتداءا من الليله أغلب الشركات راح تكون مشغله بدائل تعيد الخدمة لمستوى يفوق 80% من ذي قبل

كيمز كانوا دون فعلا ..

http://news.bbc.co.uk/2/hi/technology/7218008.stm

وليين هالمشكلة صارة في نهاية شهر 7 الي طاف وكانت سلبية على بعض المشتركين حتى بالايجو والله اعلم

 

[ابوعريب]

قطع كيبل بحري يتسبب بتعطيل الانترنت لساعات اليوم
قطع كابل للاتصالات يعطل خدمة الانترنت في مصر و يؤثر على الكويت و دول الخليج و الهند



--------------------------------------------------------------------------------

قالت وزارة الاتصالات المصرية إن كابل اتصالات في البحر المتوسط قطع يوم الاربعاء مما أدى إلى تعطل 70 في المئة من شبكة الإنترنت في البلاد.
وأضافت الوزارة في بيان أنه من غير المعروف متى تعرض الكابل للقطع لكن استئناف الخدمة بشكل طبيعي قد يستغرق عدة أيام.

وقالت "أثر هذا الانقطاع على خدمات الإنترنت في مصر بانقطاع جزئي وصل إلى 70 في المئة من الشبكة على مستوى الجمهورية."

ولم يتضح على الفور حجم تأثير الانقطاع على الخدمات المالية في مصر.

واستمرت حركة التداول في البورصة المصرية خلال جلسة يوم الأربعاء لكن سمسارا قال إن التعطل أثر على بعض الأوامر الخارجية.

وقال أشرف حسن وهو مدير مبيعات بشركة مصر للطيران إن التعطل أوقف بيع تذاكر الطيران في مطار القاهرة الدولي لكنه لم يتسبب في تأخير أي رحلات

والجدير بالذكر ان تعطل شبكة الانترنت الذي لوحظ اليوم في الكويت ودول عربية وخليجية اخرى تسبب به تعرض كيبل بحري يربط بين مرسيليا والاسكندرية للقطع .

وقالت مصادر ان تعرض هذا الكيبل الذي يغذي المنطقة ادى لتعطل الشبكة العنكبوتية في العديد من الدول في المنطقة. واوضحت المصادر ان الخلل خارجي وليس من داخل الكويت .وكانت شهدت خدمة الانترنت في الكويت بطئا شديدا وانقطاعا لساعات عديدة اليوم الامر الذي ادى لتعطيل العديد من الاعمال.

 

[الوداع]

فعلا الاتصال بطيييء اليوم واتصلت وقالي ان المشكله عالميه وان شاء الله نحلها في مده بسيطه .. وننتظر

 

[الوداع]

اخبار الكويت تقول بإن الانترنت انقطع على الكويت بأكملها وسيستمر مدة اسبووع
انا مشترك مع شوونت 512 وفعلا منقطع حتى اتصل عليهم مافي خدمه وكل شي منقطع
والحين مو شابك غير الي عنده اشتراكات بالوطنيه او زين .. لأن الشركات الرئيسيه مثل كواليتي وشونت وكيمز كلها انقطعت

 

[sa3aad]

هذا الخبر بالعربي من

سي ان ان
http://arabic.cnn.com/2008/scitech/1/30/uae.internet/index.html

وبي بي سي
http://news.bbc.co.uk/go/rss/-/hi/arabic/sci_tech/newsid_7218000/7218390.stm

السالفة مطولة يمكن تاخذ اسبوع او اكثر