شركة فيلا مودا لايف ستايل ش.م.ك مقفلة (646)

[hassan_abu3eed]

اخواني نبي نستفيد راس مال الشركه وعدد اسهمها قليل وافتكر الشيخ ماجد هو اللي كان في المجموعه الدوليه واسمع انه مخ تجاري المهم اللي يعرف ارباح الشركه كم يبلغنا واللي عنده معلومه لا يبخل على اخوانه وخلكم من العياره لان العياره ماتوكل خبز

 

[Master-Leo]

يعني وببعدين ويا دكان الهدوم هذا !

4 ايام ادراج كل يوم حد أدنى !!

ودي اعرف شلون وافقوا يدرجونها

الله يعين اللي يشتري فيها اذا ملاكها

كل يوم يعرضون ملايين الاسهم بالحد الأدنى !

 

[barbarian]

يعني وببعدين ويا دكان الهدوم هذا !

4 ايام ادراج كل يوم حد أدنى !!

ودي اعرف شلون وافقوا يدرجونها

الله يعين اللي يشتري فيها اذا ملاكها

كل يوم يعرضون ملايين الاسهم بالحد الأدنى !

لو يبون يصعدونها واحد يشيل أمر الـ 3 ملايين وتشوف اشلون الناس تتحاذف عليه يبون يشترونه ماكو بياع

والوعد يوم الاثنين

 

[بنت بورصويه]

oihf

اخواني نبي نستفيد راس مال الشركه وعدد اسهمها قليل وافتكر الشيخ ماجد هو اللي كان في المجموعه الدوليه واسمع انه مخ تجاري المهم اللي يعرف ارباح الشركه كم يبلغنا واللي عنده معلومه لا يبخل على اخوانه وخلكم من العياره لان العياره ماتوكل خبز

نبي احد يفيدنا ممكن راس مال الشركه الحالي .


ومشكورين.

 

[الوزير1]

نبي احد يفيدنا ممكن راس مال الشركه الحالي .


ومشكورين.

6,750,000 مليون دينار
__________________

 

[الوزير1]

يعني وببعدين ويا دكان الهدوم هذا !

4 ايام ادراج كل يوم حد أدنى !!

ودي اعرف شلون وافقوا يدرجونها

الله يعين اللي يشتري فيها اذا ملاكها

كل يوم يعرضون ملايين الاسهم بالحد الأدنى !

لا حول ولا قوة ألا بالله
اخوي الملك
انشالله بخير ......عسي ما شر اشفيك علي الفيلا مووووودا
كل ما دخلت هالصفحة اشوفك زعلان ليه مدرجة .....وليه وافقوا
عليها ...... تري السوق فيه 170شركة اكثر من النصف شكلية ..
ورقية لا اصول او ارباح ولا شئ بس اسهم تباع وتشتري علي
كيف الملاك ....وامر عادي في اسواق الماليه ....وبالشروط الجديدة
نتفائل بتضيق الخناق علي الشركات الورقية ....وبدون ذكر اسماء
شركات بذاتها ...شوف مجموعة البحر كم شركة ورقية يا كثرهم ....
.....وشوف مجموعة العوضية كم شركة ....وشركات اخري
<<<<<<<<<<<<<<<<<<
فلا تزعل ولا تاخذ بخاطرك علي الشركة وتاكد لو ارتد السهم وصار فيه شراء سواء باجر او اللي بعدة شوف كم واحد راح يدخل عليه من المتداولين
.......واشرايك بالاستهلاكية او الجبس اسهم ميته فعلا وألا انا غلطان
ادرجت علي سعر بصفة وتوقفت ؟؟؟؟؟
وتقبل مودتي
اخوك اللي يحبك الوزير1

 

[Q8 Stock]

الوزير ترى ليو زعلان
علشان يبي خصم
وما عطوه
ماتشوف شاب عليهم

 

[ياقوت]

يمكن عشان هلا فبراير قرب وبيسوون سيل اسهمهم نازله


​

 

[Master-Leo]

هلا بالوزير وبوعلي وياقوت

والله يا الوزير كلامك صح في اكثر من شركة حاطينهم

عالة على البورصه ومؤشراتها صراحه ، لكن من تجربتي

هذي أول مره اشوف شركه من هالنوع بالبورصه عندنا

فقاعد احذر منها عشان محد يتضرر .

السهم اللي يربح الناس انا معاه واللي يخسرهم أكيد أذمه

بوعلي يوز عني انا عمري مارحت لهم ترى ههههه وبعدين

اذا عندهم ملابس قيمتها 500 دينار جم بسويلي خصم يعني

ياقوت اذا يسوون سيل جان ارتفع السهم حد أعلى كل يوم

 

[ياقوت]

عاد الله والسيل
ماكو شي
والتنوره سعرها 300 والا 500 في السيل
عيل قبل السيل شنو


ونظام السيل عندهم انه اول يوم في اي بي يعني مثلا اذا باجر بيسوون سيل اليوم يدزون مسجات حق ربعهم عشان يقضون على كل شي وبعدين الباجي للناس


​

 

[كويت2]

اكو جم شركة حاطينهم

عالة على البورصه ومؤشراتها صراحه تفشل ...
وهاذي فيلامودا وحده منهم

وهذا ويهي اذا ماوصل سهمها تحت عراق القابضة

 

[Q8 Stock]

عاد الله والسيل
ماكو شي
والتنوره سعرها 300 والا 500 في السيل
عيل قبل السيل شنو

​

يا عساني ما اتزوج وحده تبي تنوره بــ 300 او 500

ليو شنو وضع الشركه اليوم
بشر وين وصل اليوم السهم..!!

 

[Master-Leo]

يا عساني ما اتزوج وحده تبي تنوره بــ 300 او 500

ليو شنو وضع الشركه اليوم
بشر وين وصل اليوم السهم..!!

أنا اليوم قايل مابي أعلق عليها عشان لاتقولون عني

شمعنه حاط على هالشركه بس مدام تكلمتوا تحملوا كلامي

أنا اقول بوعلي يدش على موضوع فيلا مودا شسوي !!

تحاليل؟ ماكو!! أخبار؟ ماعتقد !! تعليقات ساخره ؟ ممكن جدا ههههههههه

تبي وضع الشركة اليوم ها ؟؟؟ حاضررررر ماطلبت شي تامر انت

اليوم باعو تنورتين وسكربيل(حدي قديم) بس مع الأفس (الأسف )

ان ارباحهم راح تدخل من ضمن ارباح الربع الرابع لسنة 2007

فمتوقع استمرار الانخفاض الى 120 فلس والله أعلم

 

[ياقوت]

اي لون التنورتين ​

 

[Master-Leo]

اي لون التنورتين ​

التنورة الاولى لونها ياقوتي

الثانيه مخططه أبيض وأسود ( حمار وحشي )

لا وشارينهم بأقساط بعد

 

[ياقوت]

اذا ياقوتي شي طبيعي السهم بيرتفع ​

 

[مستثمر مبتدئ]

شباب من الصبح معروض ثلاث ملايين راح منهم 20 ألف بقا مليونين 980 ألف

لا وعلى خمس طلبات للبيع بس يعني الربع كل واحد حاط له 600 ألف من فجر الله

هذيلا حتى تكتيكات تصريف ما عندهم

صج بياعين خام :d

 

[ياقوت]

وبياعين جناط


​

 

[bo-s3od]

شنو الغرض كل يوم منزلينها حد ادنى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[Q8 Stock]

في حركه اليوم
شكلك شاري منهم ليو